已經好耐無係呢度UPDATE過我地既婚體事宜了，話都無咁快，重有一百日就係我地既婚禮了，好似已經搞左好多野，但同時又愈來愈發現好多野未搞。調查話一個婚禮有差唔多兩百個事項要處理，平均一對新人要大吵三次才能成事，甚至有不少人因此至分手。幸好，我們都已經走到這最後的一百日，轉入看台大直路了。
在剛過去的數月，大部份既週未也用在準備婚禮，我們最後也是選擇了使用律師現場証婚，亦都分別見過兄弟姐妹了，大家也很合作。唔該哂KALEE，幫我地畫一張獨一無二又代表到我地既卡，一定會盡快俾個製成品妳睇。
最頭痛既事，就係選擇相片去製作成長片段。我地兩個人做左廿幾年人，大大話影左過千張相，又有好多唔同時期識既朋友，要係當中選擇幾十張出來，真係好難。最後我們用了一個幾貪心既方法，希望到時大家鍾意。
踏入最後一百日，好多野都要作實同埋已經唔可以再推，面對既考驗亦會愈來愈大，拖住手，行過呢一百日，之後重有好多好多好多個難忘既一百日等住我地。
