台北四天遊 - 第三天

踏入行程第三日, 我的心情開始低落, 先是一早被認作原住民, 晚上又被兩位美少女師姐話我生得老過 vincent 及 pkau...

今日的第一站是去由台灣其中一個原住民部落 - 毛族的公主在台北所開設的靈芝館, 在聽完毛家公主及一名教授的簡介後, 飲了一杯靈芝茶, 兩杯蜂蜜和試了少少唔知咩 lotion 係隻手度...攪到變左黑白手...之後我亦著上毛家服裝和公主合照.

跟住去了士林官邸, 這是蔣介石及宋美玲以前的官邸. 這裡只是開放了一部份, 他們真正住的地方並不公開給一般人參觀的. 這裡的花園很靚, 有西式亦有中式. 有很多白雪公主及七個小矮人和米奇老鼠的公仔, 勁得意. 有不少人在這裡拍結婚相.

下一站是基隆廟口, 又係食野為主, 我係呢度已經無食野了...但係我覺得呢度 d 檔口 d 顏色是最靚的, 又紅又橙. 感覺唔錯. 之後坐了約一個鐘車去瑞芳山城九份, 因為這裡近海及在山上, 全年的濕氣也很高, 很容易落雨. 這裡有很多台灣地道美食, 我買了一些鐵蛋及唔知咩杏仁穌. 又食左舊道口牛肉面, 正. 食完面後, 在面店向外望, 個影靚到爆...簡直是人間天堂. 我真係睇到唔捨得走, 結果給其他人話我唔捨得原本屬於自己的山區...不過點都好, 九份真係好靚

之後三天團的團友便回程返香港, 而我們亦開始自由活動, 在回酒店的路上, 我們和兩個美少女團友相認了, 原本她們都是 city 的學生, 真搞笑. 有團友建議今晚一齊食酒店附近的燒烤打邊爐. 我們四條友就在酒店玩 uno, 玩到夠鐘便一齊去食打邊爐. 食野的時候, 那兩名全程都在笑的 auntie 燒了很多野...但她們自己只是食很少...賽後由 eric 進行的結算, 我食的野應是那兩名 auntie 和兩位 city 師姐仔的兩倍, 亦是他們三個人的倍半...我諗應該無咁多...雖然我真係食到好飽...

飯後兩名 auntie 及南山村夫婦便返酒店休息, 而我們六個 city 人就去忠孝東路的誠品書店. 直至現在, 我還記得那名南山村 auntie 用魔鬼的語氣叫我地玩夜野 d, 唔好咁快返...到達誠品後約一個多小時, 兩個師姐便坐捷運返酒店. 我今晚睇埋昨天未睇完的"住在巴特、宋妲、班雅明的照片裡" 和睇哂成本 "我就是喜歡這邊的你", 一路睇都令我很想哭...另外亦睇了半本 "我心狂野", 這是一本關於男人內心真性情的書, 當中提到所有男人都需要一個戰場(不論勝負), 一個值得去為她送命的女人, 另外男人是屬於山上的...很有共鳴的一本書, 主要也是不太認同一般人眼中的好男人. 講得真好. 昨晚在唱片部睇了一些 metal 碟, 今晚先係最正, 完全投入 jazz 的世界, 試聽了幾首 Nat King Cole, Mils Davis 的歌, 很正. 亦聽了 David Sylvian 的新碟. 誠品的試聽和香港 HMV 的試聽最大分別是 HMV 只有一些很大路的碟試聽, 基本上係好容易係身邊聽到, 而誠品除了一些 Classical 和 Jazz 外, 有很多歐洲獨立小品牌的 cd 試聽, 個 d 歌真係可能一世都未聽過. 較可惜是那些 metal 碟都是無得試聽的.

總結兩晚誠品之旅, 我真係一 d 野都無買到...Eric, Vincent 和 PKAU 都買了書及 cd. 兩位師姐都買了一些漫畫...我唔買漫畫都叫有 d 理由, 因為自己屋企是賣報紙的睇開唔駛錢的漫畫. 但又有邊個會諗到, 平時最愛買 cd, 睇書的我, 竟然一 d 野都買唔到...

回到酒店, 當 pkau 正在沖涼時, 兩位師姐拎左個勁大個的 mango 給我食, agnes 仲要拎住個芒果同我講個芒果好香, 唔好浪費...多麼有趣的師姐...但咁大個芒果都唔知點分好, 之後聯同 vincent 去兩位師姐度睇下有無咩野可以用, 點知佢地都無. 仲叫我地兩個一人一啖食左佢...之後等 eric 及 pkau 沖完涼, 經過一輪討論, 我建議用牙線將個芒果分做幾份, 最後亦由我出手...整好後梗係要拎番幾塊給師姐們食, 只有勇敢的 agnes 食了一塊...仲話好好食 tim...梗係 la, 我整過 wor.

台北四天遊 - 第二天

早上九點在酒店食完早餐後, 便出發前往 中正紀念堂. 這裡有很多蔣介石的相片及一些紀錄他生平事跡的物件, 還有一個超大的蔣介石遺像. 當我站在遺像的位置向整個廣場望下, 不禁想像, 到底一個怎樣的人, 才能受到這麼多人的尊敬...Eric 在這裡遇上他的表妹.

去了珍珠養殖中心, 聽了一個令人極之眼訓的介紹後, 食了少量很難食的珍珠粉. 之後在很大雨的情況下去了忠烈祠睇換兵. 士兵耍鎗的技術很高. 下一站是故宮博物館, 很多展品都好似很勁的樣子, 我最愛是雕刻及書法的部份. 只有高手先睇得明高手的字跡.離開故宮博物館後, 去了貔貅天祿藝術中心, 在那裡有個語氣勁似蘇民風的相士類人物介紹了一會後, 便有得免費測名, 得啖笑, 個相士話我要出國讀書, 最後仲叫我最好買 d 黑灰色的貔貅護身.

之後去圓山大飯店參觀, Micheal Jordan 去台灣都係住呢度. 跟著在北投區浸溫泉, d 溫泉水琉璜味很勁. 浸完溫泉便去士林夜市行街食野, 昨天在饒河街食左雞冠, 雞內藏. 今天食了很大塊的燒雞排. 跟手在勁熱的士林夜市食了鐵板燒, 只求熱死. 食飽飽再飲杯苦中有蘋果味的白肉苦瓜汁, 行多陣便離隊去了忠孝東路

忠孝東路有點似香港的銅鑼灣, 有不少型男索女, 我們在大路行了約半小時便去了一間門口寫著"未來過lavazza,不要說喝過好coffee"的 cafe shop. 間野叫做 lavazza, 環境一流, 價錢又平. 我食了一件原味 cheese cake 及一杯熱朱古力. 從此以後, 我也能說我喝過好coffee了...哈哈哈

之後搵了一會誠品書店在那裡, 可憐的我向路過的一名 OL 問路時, 她竟然驚到要跑, 為保清白, 我當然追住佢來問, 以表示我真的只想問路...去到誠品, 將我地四條友仔嚇得半死, 外表簡直和香港的圖書館無異. 原來間野的最頂幾層不是書店, 都無咁驚...一去到便去了地庫睇 cd, 簡直變態, 這間書店內的竟然有咁多 metal 碟, 我和 vincent 睇到好似唔肯走咁. 之後在同一層睇了一個新聞照片的展覽, 有很多很震撼的相片.

跟住殺上二樓睇書, 自問平時都喜歡睇書, 亦一向深明喜歡睇書的人是很少買書的道理, 但在這裡, 亦有幾本書都引得我很想買...在這裡睇書睇到約 12:30, 睇了少少"住在巴特、宋妲、班雅明的照片裡" 和 "佛洛伊德自傳". 便坐的士回酒店. 第二日行程亦到此結束

台北四天遊 - 第一天

早上 6:20 便離開屋企行去檔口和 father mother 說再見, 7:40 在機場和其他團友會合時, 心已經涼了一半...團友中有三對中年夫婦, 兩個只會笑的 auntie, 四個"美少女"和我們四人...在大約 11:50 我平生第三次踏足台灣.

到達後第一個去的地方是深坑豆腐街, 這是一條專賣豆腐制的食物的街, 這裡的豆腐特別在沒有加入石灰. 我食了一串台式臭豆腐和豆腐花.

之後去了國父紀念館, 即是紀念國父孫中山的地方. 有趣的地方是人們在這裡拍照的目標都不是國父紀念館, 而是在不遠處樓高 101 層的 台北101金融大樓 . 在國父紀念館的廣場有很多一家大少在放紙鳶.

離開國父紀念館後, 便去了東區新市府購物區, 這裡有幾個很大型的商場, 這裡亦是 台北101 的所在地, 但樓高 101 層的大樓並未完工, 只可以行 101 的購物商場. 101 果然勁, 除了常見的超級名店, 連 Yohji Yamamoto 及 Issey Miyaki 都有, vincent 話似又一城, 我覺得勁過又一城好多. 行埋隔離的 New York New York, 華納影城和三間三越的其中一間...之後便坐車去食湘菜, 食完立刻再去饒河街夜市再食, 跟手去左龍山寺參觀, 原來台灣人求籤是很複雜的. 可能搞一日都未求到. 之後便回酒店, 我和 pkau 再次同房, 他真可憐. 我地間房好得人驚, 有一個被釘實左的燈箱, 開燈個陣仲會閃下閃下...安頓後, 我們四人便去了西門町. 返酒店 uno 左一陣和睇那些令人討厭的電視節目.第一日結束

準備出發了

今早起身睇了木狼對湖人的第四場, 總覺得這個對決不太好睇. 木狼的內線可以話係完全項唔住 o'neil, 外邊又 mark 唔到 kobe. 木狼的 Garnett 又受制於 karl malone, Sam Cassell 又受傷...東岸的決賽似乎較緊湊

下午在大馬路又見到那位女孩, 今次我可以好肯定係佢"目及"我先...她穿著校服...見到她的時候我正和 Jessie 在一起, 正所謂當舊愛遇見新歡時. 情況有點兒搞笑. 因為 Jessie 沒有見到她的正面, 未能對其樣貌作出任何評論, 但 Jessie 亦認同她真的幾高下...

放了三隻碟上 yahoo 拍賣, 詳情

明天便出發去台北, 展開四日三夜之旅. 換言之日記將會休息數天. 總覺得今次的行李好像比上次還要多

昨晚兩點幾睇歐冠決賽波圖對摩納哥, 旁證似乎吹錯左好多次摩洛哥越位, 不過波圖個龍門 Baia 真係好勁. 其實一路都覺得摩納哥呢隊野幾搞鬼, 一路踢入決賽的過程, 差不多日日都有關於佢地 d 球員的轉會傳聞, 下季隨時真係領隊, 全部正選加主要個幾個後備都轉哂會...呢種情況都真係好少見...不過我真係幾種意摩納哥的 Rothen, 真係跑得快, 控波又勁, 傳波又得

訓左幾個鐘後就起身睇 nba 東岸決賽第三場, 底特律活塞對印第安納溜馬. 事實上兩隊也不太喜歡, 溜馬入面只愛米拿叔叔一個. 相對地, 活塞有兩個 WALLACE, 我一向都喜歡這種暴力形球員. 絕對唔係講笑, 我覺得今年活塞真係有機會打低西岸做冠軍. 有極暴力的內線, 外邊有 HAMILTON 和 BILLUPS, 仲有好令我討厭的 PRINCE. 後備又有勁似 "Sex and the City" 入面 Mr.Big 的 Okur. 咁既內線對住 O'neil 同 Garnett 都應該頂到陣.

下午食完飯係屋企 hea 左陣就拎住部 Holga 去左元朗市鎮公園影相. 話咁快就給我影哂一筒...哂相真係幾貴下, 要成 $5 一張, 加埋沖菲林的錢都差唔多可以買多部 Holga

今日九點幾就起身看檔, 點知黑仔到爆, 檔口個度座大廈消防喉放水放足成個上午, 成地都濕哂, 想搵人買下野都難...不過又黑唔哂, 給我見到一個女仔, 一個在元朗已經見過好多次的女仔, 一個我經常"目及"的女仔, 一個經常"目及"我的女仔...今日佢行過我檔口, 行左好遠都重有回望我. 今次點算好, 佢已經知道我檔口的位置, 佢會作出主動嗎? 佢都幾索架, 長頭髮, 面尖尖, 又瘦...諗起都正

今日拿了早幾日 bid 的 Suffocation 的 "Effigy Of The Forgotten"...不愧是世上最重型的 metal...那些超快的雙結他 riff 和超勁的鼓...太正了...SUFFOCATION!!!!!!!!!

今晚是 ACM Training, mcc 和 alen 因為 study tour 未能出席, 變成我和 sam 一隊, 不過都係一題都做唔到...完全唔掂...完結後拉大隊去食 m 記.

Joe Jay 借了 Holga 120SF 給我, 在 training 的時侯和 lee hang 及 pkau 玩了一會. 得閒落街影下先得...不過部野真係好似玩具, 同我部 cyber sampler 有得揮

食完午餐, 就番左 city 還書同俾 hsbc 份合約的 copy mandy, 之後和 Sam 在 city hea 了一會後便去了油麻地會合 Lee Hang 和 Vincent 睇 "爸不得愛你"...完全唔知部戲講咩, 只係覺得入面 d 影好靚, 個阿哥成日都拎住部類似 8M 的相機

睇完之後, 阿 sam 就返左屋企, 我地三個就去左尖沙咀. 去左海港城睇 Jordan Exhitbition. Lee Hang 介絡我同 vincent 去重慶大廈食咖哩, 之後可怕的事情便發生...在重慶大廈樓下, 當我接過第一張傳單, 便受到十多名唔知咩國籍的人士"輪姦", 之後幸得大廈保安哥哥協助方可上到去食野. 間野真係幾好食, 同 vincent 兩條友食左一碟咖哩雞, 一碟唔知咩腰果咖哩羊, 四塊烤餅...埋單計錯數, 收少兩塊烤餅錢, 重有九折, 加埋兩位唔駛 $90...平靚正, lee hang 無介絡錯.

食完野和 vincent hea 左 關了門的通利, 星光大道, 文化中心, HMV, 九龍公園...基本上我地全程都在歎息點解我地得兩條男人...無女...之後便回家了...

今早八點半起床睇 nba, 西岸決賽湖人對木狼的第二場, 兩隊都少左 d 野, 木狼無左 SAM CASSELL, 湖人無左鬥心. 睇完上半場就上網 submit 昨晚因 acm 個網死左而未能 submit 的 10188 - Automated Judge Script , 信心十足的我得到兩個 WA, 原來又是對題目未完全理解, 誤會了 PE 的意思, 修正後梗係 accept la...之後再睇埋場波, 湖人慘敗.

之後全日都係訓覺, 上網, 睇電視, 睇雜誌, 睇漫畫. 睇書, 食野, 傷心...始終都係未有咩心機去勁做 acm...真的要努力了...我的其他隊友們...我準備退休了...靠哂你地 la

昨晚用了約一小時寫了 10391 - Compound Words 的 code, 但是自己寫了一個錯的 test data 去 test 自己到 program...就係咁, 錯 test data 梗係有錯 result la, 我就花了多於一小時去 debug, 最後先發現原來自己個 program 一路都無錯, 只係 test data 錯...submit 後梗係 accept la...

今早八點幾便起身, 去左深圳. 主要活動係 hea 和食. 全家也很開心, 真好.

康城有結果了. 早幾日睇過 "2046" 的戲情, 覺得都幾好. 但係都係咩獎都無. 張曼玉憑 "Clean" 奪得影后, 真勁. 對日本電影 "Nobody Knows" 的內容很有興趣.

都係唔 bid 個部 Fed 5C 住, 一來近排無咩錢, 二來個價應該可以低 d

不知為何, 總是經常想哭, 在街上, 在車上, 在過關的時侯, 在食飯的時侯, 在看電影的時侯...總是覺得有點失落.

ACM 個網死左, 我寫了 10188 - Automated Judge Script 都 submit 唔到. SUCK!

昨晚又 bid 了一隻 cd - Suffocation - Effigy of the Forgotten, 平時係 d 二手碟店好少有 metal 碟, 就算有都唔平, 上網買就平好多, 今次隻 Suffocation 只需 $41...太抵了...我都想放 d cd 上去拍賣, 不過我見 hk.yahoo 同 ebay.hk 都無咩人買碟, 放就好多...得閒有心做先算...我之前都試過上網賣過一隻 cd

今日是為了 12/6 的 local contest 的第一次 acm training, 今次多了四位新成員, 兩個 year 1, Lee Hang 和 Joe Jay. 今年除了我地 cs dept 出 team 去比賽外, it dept 也會出一隊...即係我地 cs 12 個人只有兩隊...只有 6 個人有得出...講番今日的 training, 採用兩人一隊制, 以下是由 Dr. Poon 分的組合:

• Cow, Bent
• Tempo, Lee Hang
• Sam, Alen
• Chan Hei, Joe Jay
• Similar, PKAU
• MCC, Mike

明顯地, 我和 mcc 的組合是最 suck 的, 亦是今日唯一做唔到題目的一隊, 我地仲係一條我以前做過的題目上錯左 6 次...看來今次我同 mcc 都係做大大大後備...

今天是西岸決賽第一場, 湖人搞掂左木狼...而家播緊曼聯對米禾爾, 比數是 2:0, 寫完要繼續睇...

原來我的日記真係有好多人睇...我在昨天的日記有提到 Holga, joe jay 昨晚差不多兩點問我係咪識 holga...原來佢舊年都買左部, 重用左一次就無用過, 佢話部機真係幾難攪, 好多都哂唔到, 佢只係沖左...我同佢講我想要 FED 5c, 佢問我做咩唔買 LCA...太貴了...joe jay 重話我 mother 識相機野好勁...梗係勁 la...我阿媽 wor...最後問左佢可唔可借我玩下, 佢咁好人, 梗係肯 la...太好了...咁我就可以專心諗 FED 5 了.

今日去了報名去台北, 團友係 Eric, Vincent, PKAU, 祝各位旅途愉快.

返 city 打左 3 個鐘籃球...無哂力...如果我話我係特登炒哂 d 三分, 會唔會有人信. 好搞笑, 同 kk 影左張合照給歌利睇, 當兩個光頭相遇時

終於收到早兩日 bid 的 cd...太正了...I LOVE METAL!!!!!!

今日起身睇了帝王對木狼, 帝王玩完, 我支持親邊隊都唔掂...

終於剪了光頭, 今次是 12 mm. 特別多謝 mother 出手相助...亦去了洗牙, 好痛, 係肉痛....勁貴...

繼續在網上搵相機, 睇中這部 Holga. 這部機影的相看似很有趣, 其中一個特點是 "你永遠不知道你自己在照些什麼東西。"...在香港 yahoo 的拍賣場有很多, 價錢大約 hkd120, 玩得過...但很可惜, 這部相機使用的菲林是 120 格式, 不是一般的 35mm 菲林...mother 說這種菲林賣得貴, 沖得貴...

晚上和阿雞說起, 他提到另一部 lomo 的相機 FED 5. 在香港 yahoo 的拍賣場也有很多, 賣大約 hkd500. 功能不錯, 賣相幾好, 我和阿雞都有睇中...準備出手...我睇中一個 FED 5C, 佢睇中FED 5...

在 cwk 的幫助下, 打爆了這隻幫隻鬼升天的 game...

昨日在香港 yahoo bid 了一隻 cd Hyponic - Black Sun, 另外再要求賣家賣埋 My Dying Bride - Trinity 給我. 兩隻總值 $125. 其實我一向都好少上網買野, 之前都係買及賣過幾隻 cd...今次上拍賣網原本係想睇 LOMO LCA 的, 因為早幾日係 farm show 見到有人用, 個樣實在太正了, 不過真係幾貴, 自己又唔係好識相機...

一番好心, 竟換來別人話我某方便的知識好貧乏...太好了...這是我平生第一次給人話我在這方面的知識不足, 值得珍惜.

有個人在 icq add 了我....講了一輪都係唔知佢係咩水...最後發現原來係 kk 的女友...真爆笑

今天午餐和 cwk 同阿雞一齊食. 很久無同佢地一齊 hea 了.

一個香港, 只有一個咁 hea 的奧海城

今天七點便起身, 早餐是蛋撻. 八點便出門口去 hsbc, 約了其他同學九點在奧海城等. 九點十五分我地便拉大隊上去簽約. 終於見到 Martin Ma 真人, 個樣唔錯, 可惜 annie 姐睇唔到. 簽完約諗住去奧海城飲茶, 點知 d 酒樓一係勁貴, 一係未開...最後和 William, KK, J, Kenny, Judy, Joe Jay 食 Delifrance.

返到屋企都未夠十二點半...諗住做下 acm, 但實在太眼訓了...和 hello kitty 去了屯門買野, 之後搭西鐵番屋企, 一日內去哂西鐵所有站. , 勁.

是時侯開始做 acm 了, 睇了這題 - 10603 Fill, 應該是 state space search, 可以用 BFS 去 search 一個 state, 但係重有 d 大問題在點定一個 final state...

在 eric 家起床時已經 11 點, 12 點幾就離開了佢屋企. 在太源街睇了一陣玩具後就番左 city 搵 yf tao 睇 database 考試卷. 我們以 city canteen 的下午茶做午餐, 又係公仔面.....

番 city 的主要目的係聽關於 placement report 的 meeting, 在 meeting 中途, 我和 mcc 說這應該是我和他全個 sem 唯一一次有聽 mt 講野的...之後 5:30, 和 pkau, mcc, william, eric, vincent 去了打羽毛球...

幸好 william 提醒...如果唔係我都唔記得要影印野明天去 HSBC 簽約, 回到家後便立即準備.

看到一篇文章是關於 Advanced Window Manager 的, 有很多不同的 window manager 是 xwindow 的一個優點.

在數天前, 跟她說我在 database exam 中是 top 10(第十), 她的反應是 "有咩咁奇, 你一向都係排係頭幾個架 la"...說得真好. 不過在考試前 database 真的是我最無信心的一科.

ACM local contest 在 6 月 12 日, 要開始 training 了, 總覺得今年準備的時間是比舊年少很多.

今日和 vincent 一起去睇 farm bandshow. 起身自己炒左個飯食後就出門口了, 為了使用那張應該快到期的地鐵免費車票, 我刻意坐輕鐵 + 西鐵 + 地鐵去銅鑼灣. 和 vincent 會合後不久, 我便在兩個鐘內食第二餐...勁飽...去到維園, 見到有 d 唔知咩明星係度唱緊歌...我地勁驚自己去錯地方...之後我地去了中央圖書館行一會, 落番去 Audio Traffic 剛剛玩完...之後出場的是 Ping Pung, 林一峰, AT 17, PixelToy, Whence He Came, 農夫, King Ly Chee, 黃貫中. Ping Pung 唔知講咩好, at 17 無玩金魚歌, 極失望, 但玩了 Radiohead 的 Paranoid Android. PixelToy 繼用 ps 手制後, 今次有玩野玩聲, 是一個受感應而變聲的儀器. 農夫,第一次睇佢地 live, 好搞野. King Ly Chee 勁正, d 觀眾都好 high, 有人玩插水, 重有人玩 circle pits (一斑人圍圈狂跑). 我地睇左黃貫中一首歌就走了.

睇完我地搵埋 eric 一齊食晚飯. 之後三條友就在銅鑼灣 hea 了一輪...之後去了灣仔坐船去尖沙咀. 在尖沙咀再 hea 了一輪後, eric 終於肯給我們去佢屋企睇 nba...哈哈哈...

坐地鐵番去灣仔後, eric 要番屋企執屋...我同 vincent 兩條友就 11 點幾係條街度 hea 等...見到很多很可怕的小動物. 在 eric 家中等睇 nba 之前, 我以一個人扮六個人去和 annie 交談, 勁好玩. 睇完 nba 六點幾我就訓了.

昨晚差不多四點先訓, 今朝八點半就醒左...起身後睇了 NBA 木狼對帝王, 沒有直播的網隊對活塞打到要 ot 3 次...今年真係打得勁!

可以全心全意地開始睇經濟解釋了, 真係好. 希望學到少少野 la...晚上終於申請了 blogger. 用了很多時間去以不是 cs 人的手法(這是 mcc 說的)去將 xanga 舊的日記轉去 blogger. 之後亦用了不少時間去攪 blogger 個 interface. 我並不是放棄 xanga, 兩邊我也會更新, 可能在使用 blogger 一段時間後, 我會發現 blogger 完全唔掂, 而放棄 blogger. 所以, Xanga和Blogger都會有我的日記.

今日是考試後的第一日, 我咩都無做過...真好, 我最喜歡這樣, hea 是我的本性

今日 os 考試...第一次考試要係考試前個幾個鐘重係度溫緊...都係自己唔好...太遲開始讀了, 平時上堂又睇哂漫晝...份卷係 5 選 4, 我無做 IO. 做了 Process, Scheduling, Memory, Concurrent Programming. Process 個題係定義問題, 我最後個 30 分鐘先決定做. Scheduling 個題要用 Round Robin, 我開頭睇錯左個 quantum 係 1...做做下先發現係 2...好彩發現得早. Memory 第一部份係將 logical address 轉做 physical address, 好似 CA d 題目, 第二部份係用 LFU 計 page fault, 好多人都睇錯係 LRU...真慘. Concurrent Programming 個題一開始有一堆 code, 要用個幾行 code 去解釋一些有關 concurrent 的 terms. 我完全無埋個幾行 code...下半部係用 Semaphore 去 implement Producer & Consumer Problem.

考完試, 去奧海城食了一餐 william 請 d tea 後去了旺角行一會及晚飯, 之後再返奧海城, 發現間戲院無哂位. hea 一輪後都係決定去電影中心睇...幸好去到有位...終於睇左"無痛失戀"...多謝咁多位陪我行了咁耐搵戲睇. (Eric, William, Vincent, Mcc, Aupk)

無痛失戀很好睇, 個故仔都好似玩謝麥高維治...但係個睇法唔同係好同, 玩謝麥高維治個 feel 比較黑暗. 無痛失戀比較光.

番到屋企打開電腦...vincent 同我講我 db 係 top 10 (我排第 10).....太開心了...db 原本是我最擔心的一科.

--------------------------------------------------------------------------------

那是我一生中最快樂的日子, 在那之後, 還有很長的路要自己一個人走...但我相信, 在終點時, 我會發現那段一個人的路只不過是人生的一小部份, 而且, 我會發現, 我並不是只得一個人的

起身睇了 NBA, 熱火對溜馬. Brain Grant 勇戰受傷, 米拿叔叔受到 Eddie Jones 緊迫防守, 無啖好食. 原來熱火五個正選都係曾經入過新人一隊, 唔怪得咁勁. 而家第二圈四邊都係 2 比 2.

用了一整個下午去睇 IO, Disk Management 和 Concurrent Programming...之後晚上先發現原來 Concurrent Programming 的 Monitor 和 Message Passing 都係唔駛考...浪費了很多時間. 食完晚飯再以高速睇一次全部 notes, 發現好多野都唔係好明, 真慘. OS 原本是我最愛的科目, 點解而家會攪到咁...我開始驚 OS 重死得慘過 DB. 今次真係 Oh Shit! 係 mt chan 的 tutorial 中發現有唔少定義問題 (e.g. What is suck?)...我最怕這類問題

係 forum, kiki 推介嚴禁咀對咀(Not on the lip)呢部戲. 睇過故仔後真係好似幾得. 不過我都係要睇左無痛失戀(Eternal Sunshine of the Spotless Mind)先. 如無意外, 聽日考完試睇

今日讀書聽的是 Metallica "S&M" 第二隻碟和 Nirvana "Nirvana"

今日早上睇了NBA laker vs spurs, 午飯後開始溫 OS, 用了大約 3 小時去睇 intro...之後睇了 process 和 scheduling. mt 的 notes 真的太廢了. Tanenbaum 本書又唔齊佢講個 d 野. 都唔知點算.

Leo 的 cosplay 相給人 post 了上 forum, 太可憐了.

心情不太好. 唔知點解.

just a matter of suck
今日很早便醒了, 今天是天后誕出會, 街上很多人, 在家 hea 了一輪後去了圖書館. 在圖書館, 因為想睇一個靚女而意外地發現了 nirvana 的 CD, 另外還借了張五常的 經濟解釋卷一 科學說需求.

午飯後自己一個人去了睇江湖, 無想像中咁好睇...不過都算好睇. 晚上去了沙田和 vincent 睇來自意大利的 Labyrinth...開場的 supporting act 係 結他小神童, 13 歲的 Candy Ng......正場的 Labyrinth 玩了一首歌後, 就因為觀眾太興奮而受到場館警告...我地只好番埋位睇...不過場 show 真係勁正, 佢地除左玩自己歌之外, 仲玩左我最愛的 highway star, 正爆...完場後, vincent 表示曾經驚我 high 得濟, 跳爆個位...

考試的心情已經過去, 雖然仲有一科 os 未考

在 slashdot 發現 BusinessWeek 雜誌為週年慶祝而選出了一系列在過去 75 年的偉大發明家及思想家...第一個是我偶像 Alan Turing. Alan Turing: Thinking Up Computers

今天很早便起身了, 睇了一會 db 後就開始寫 cheat sheet (db 考試是可以帶一張單面的 cheat sheet 的), 原來打算用電腦整, 但試了一會都是發現自己唔係好識用電腦, 結果都係用手寫.

基本上全日都很 hea, 早上和 father 一起睇了一陣曾 sir 28 show, 下午"五隧一橋"後, 替 mother 整了一陣卡拉 ok 便番學了.

database 份考試卷好難, 但已經比想像中好...mc 唔太難, sql 的填充題 ok 難, challenging 的題目真係幾難, join 個條真係唔係好掂, prove 個題有 d 都唔係好肯定.

呢幾日搭車都見唔到靚女, 但 city 的 canteen 和"鬥秀場"入面都充滿很可愛和性感的同學仔...vincent 話我見到佢地好似就快忍唔住咁...如果和她們一齊考試...我實肥佬...因為一定全程都在睇女仔...

mcc 終於講了選擇中電的原因, 他說做中電的前景較好...梗係 la...有個好似 stephy 的同事 wor...梗係好 la...

一個香港, 有七百萬個故事. 由今日起, 就讓我們的故事連在一起吧.
這是昨晚看一個關於 New York 電影的電視節目時諗到的...

今天很 hea...無咩心機讀書, 先後與 雞坤, mcc 和 lee hang 討論 BTree 的 leaf node...做了一些 tutorial 和 midterm paper. 都係覺得自己唔係好識...可能都係因為自己始終都無咩心機讀呢科...一陣去再努力 d 咁讀...

今天是母親節. 晚上去了家姐屋企食飯.

一早起身, MOTHER 話因為黑雨唔駛考試, 上網睇 CITY 個網又好似真係話上下午都唔駛考, 考試要轉去 16/5 考...我勁唔想...我想今日考...打番 CITY 同 CS 都無人聽...CHEAP 到死...

之後唯有睇 NBA, 網隊對活塞, KIDD 唔係好得, 活塞兩個華萊士都好勁...網隊已經連失兩場了.

差唔多 11:00 先確現今日係要考試的...真好.

今日考的是 Intelligent Systems. 份卷幾好, 今個 sem 第一份似考試卷的試卷...有部份公式唔係好記得, 最可惜係無出 machine learning. 份卷係 5 題選 4 題的. 第一題係 Graph Search, 第二題係 Production System, 第三題係 Knowledge Representation, 第四題係 Uncerntainty Factor + Dempster Shafer, 第五題係 Logic + AO Tree. 我無做第三題, mcc, pkau, Lee Hang 佢地都好似無做這題.

回家後小睡了一會...近日我和mother都喜歡用"五隧一橋"來表示"午睡一會"...

昨晚在 forum 上假扮 Pauline...真有趣

今早起身睇了 NBA 熱火對溜馬. 米拿叔叔真的唔錯. 間唔事射下三分...米拿和馬龍都是打了很多年, 好勁, 同埋未嬴過冠軍...我覺得今年米拿的機會較大, 雖然馬龍現在的狀態真的很好...

下午考 SEP, Dr. Liu 真係唔講得笑...成份卷同佢份 major point sheet 一樣.....最大濟係佢竟然要我地用番自己個組個格式去寫 Test Case, Requirement Spec...我連一個我地 d test case 都未睇過, 又點會知個格式係點呢....真可憐.

剛剛用了一小時將 AI notes 由頭睇一次...聽的是 Metallica 的 S&M 的第一隻碟

William 可能成為我的同一部門同事. 真好

今早 2 點幾睇了摩納哥對車路士...之後 11:00 再睇了 nba 湖人對馬刺...今日做咩都好似無咩心機...溫了 SEP 及一些 Database...

有個人在 newsgroup 請人寫 java program, 我 send 了 email 去問, 原來係用 java 做一個好像我地 sep 之前做的 quickdiagram 的 program, 但可惜時間太小...要 23/5 前做完...唔駛考試都可以諗下.

mcc 不愧為在我日記出現得最多的人...恭喜你, 無錯, 係戀愛起義...詳情請睇戀愛起義阿 JAN 獨白

考試時期是我聽得最多 cd 的日子, 今日聽了 Nirvana 的 Bleach 和 Metallica 的 Master Of Puppets. 一路聽一路溫, 令我更專心...如果可以一路聽一路考就好了

上圖書館網頁查了有無得借張五常的"賣桔者言", eric 好勁, 佢有呢本書的 e-book...佢真係一個神...不過我都係喜歡真書...手感較好

今日以極速睇哂 sep 的 notes, 之後再溫一次 AI...陣間可能會讀下 database...明天先去記 sep d notes...不過今次 sep 比上次 software design 少野記...都唔知讀咩好...

我今日推了一個可能令我在下年 placement 每月多 2000 人工的機會...

mcc 因為某人, 對我發出以下內容
[IPPO] mcc (06:57 PM) :
suck
[IPPO] mcc (06:58 PM) :
sucker
[IPPO] mcc (06:58 PM) :
suckest
[IPPO] mcc (06:58 PM) :
suckerest
[IPPO] mcc (06:58 PM) :
the suckest sucker
[IPPO] mcc (06:58 PM) :
sucker than suckest sucker
[IPPO] mcc (06:59 PM) :
suckest than sucker who are sucker then suckest sucker
[IPPO] mcc (06:59 PM) :
suck
Real player suck

我真可憐

---

我鐘意一個人............................我鐘意自己一個人

第一個同我講得出以上對白係出自咩電影的, 我就請佢飲野...

今日溫了 AI...好多都很難, 有很多理論, 又有很多公式...又要明, 又要記得, 真係唔簡單, 還好內容尚算有趣, 讀落都無咁辛苦

近日都在整理 bookmarks...加入了一些 programming 的網頁...

好想睇江湖呀!!! 最快都要下星期先有時間睇呀!!!!!! 另外<<無痛失戀(Eternal Sunshine of the Spotless Mind)>>都好想睇呀...又係 Charlie Kaufman 做編劇的...<<玩謝麥高維治>>同<<何必偏偏玩謝我>>都係佢寫的....一個勁好玩的編劇

今晚考 iad, 日間的活動是睡覺, 上網, 和睡覺...我始終都係唔喜歡在考試前讀書...4 點幾就番左學校和 vincent 食 tea.

從未考過一次試是好像今日 iad 咁廢的...成份卷都係錯...好多題的問題都唔清楚.....d 問題又低能...大家也很憤怒...

考完之後和 mcc, vincent 及 eric 食 m 記...食完返 city 教 annie 姐 quicksort...但不斷受到 bonnie 的騷擾...希望佢真係明 la...

今朝 9 點幾就起身溫 iad, 11 點就煮野食...食完就出去跑馬地和家人會合, 四處都勁多人...勁熱....很多性感姐姐...

食完晚飯回家已經 8 點, 仲有好多 iad 未睇過...唯有使用最能令我隻中精神的讀書方法............就是聽 dicsmen...這方法由中四開始使用...起碼可以令我在一隻碟的時間內坐定定讀書...今日聽的是 Metalica 的 S&M. 正

Sam Kwong 的 notes 真的很廢, 滿佈矛盾...都唔知佢會唔會改錯考試卷...

今日的行程

• 8:30am 起身
  
• 9:30am 開始讀 AI 及睇 nba
  
• 11:00am 睡覺
  
• 12:30noon 起身
  
• 12:45noon 讀 AI
  
• 1:00pm 食飯
  
• 2:00pm 準備溫 IAD
  
• 2:01pm 上網
  
• 3:00pm 真係開始溫 IAD
  
• 4:30pm 睡覺
  
• 5:30pm 起身
  
• 5:35pm 食雪糕及睇電視
  
• 6:00pm 再次開始 IAD
  
• 6:30pm 睇電視
  
• 6:45pm 又再次 IAD
  
• 7:30pm 收檔
  
• 8:00pm IAD
  
• 8:30pm 食飯
  
• 9:30pm IAD
  
• 10:30pm 洗澡
  
• 10:50pm 寫日記
  
• 11:00pm 發現將所有時間都寫成 am...修改中

真的不愧為最 o棄的人....明顯地, 我係讀 IAD 讀到上哂腦...竟然用 html 寫條 unorded list 出來.....

某人終於忍唔住, 在蠅的論壇表示自己對 mt 的愛意....mcc 竟然唔知佢係邊個.......太令人失望了, 有負 "Ask Mcc B4 Asking Google" 之名

美其名叫讀書, 其實我係聽歌為主, 今日聽了 Doors, Jimi Hendrix, Radiohead, many many mp3...

12 點了, Stupid 豬, 笨pig...再見了