好味烏冬 - 自家烏冬

元旦日那一晚，在過海看叱吒前夕，和獎門人在尖沙咀重慶大廈地庫食了這間自家烏冬，稱得上係好食又抵食，值得一讚。

獎門人一向鍾情烏冬，我們之前也試過銅鑼灣一間號稱烏冬專門店的餐廳，但感覺欠佳，主要係烏冬無特別，加上份量過少，已列入黑名單。

這晚我們坐bar擡，點了海鮮湯烏冬、牛肉湯烏冬和冷烏冬。海鮮和牛肉的份量都唔少，味道亦唔錯，烏冬確實係一流，夠哂彈牙，偏粗的麵身亦合我意，冷熱兩種食法各有不同，烏冬的份量亦都唔細，堆單唔駛一舊水，確係唔錯。

好味吞拿魚 - 定食 Doraya

昨晚去了銅鑼灣找獎門人食晚飯，獎門人提議去一間我們之前曾經找過但最後無食既日本菜，印象中個度出名食吞拿魚。點知去到門口，才發現這裡根本就是那間在尖沙咀金馬倫道地庫的定食 Doraya，這間餐廳最初是由朋友介紹，及後我們也光顧過數次，價錢略貴，加一後大約百多元一份有藍鯺吞拿魚的定食，但味道確實唔錯。

我們昨晚便食了藍鯺吞拿魚扒定食和藍鯺吞拿魚片定食，兩款吞拿魚也很新鮮和好味，獎門人形容魚扒為入口即熔，魚片則需要咬，配上日本米確實唔錯。之前在尖沙咀分店食，定食多數也是跟十分滑溜的蒸蛋，今次跟餐的則是甜蛋，煮得比較老，質感較粗，幸好味道鮮甜。前菜的蘿蔔和麵豉湯也不錯，絕對唔係一般水準。

尖沙咀那間分店以日本人顧客為主，銅鑼灣這間便以本地人居多。