番工都係做下 card retention 和 crms, 原本要 cert 部機, 點知個 image 有問題, 唔駛做. card retention 有 d user requirement 都未係好 firm, 勁煩.
放工後要番學, 上 SS 的 tutorial, 很多好朋友在同一班, 真好. 放學後同 jj 和 kk 趕去鑽石山睇"六壯士", 個故仔好散, 不過有 d 位都幾好. 全場我最種意同埋最完整都係杜文澤個條線.
晚上, 因為 kiki send 左個網俾我, 令我想起 janis joplin, 一把很乾, 很特別的女聲. 我諗我係比較喜歡六七十年代既音樂. The Doors, Janis Joplin, Jimi Hendrix, Beaties, Led Zepplien, Deep Purple. 舊 d , 音樂都好似真實 d.
今日做埋 card list 的 filtering 和 name mapping, 出左 d code 比 victor 試. 希望同佢合作得好, 做好 card retention. 下午要做一個 crms 的新 user requirement, 第一次做 crms 的 program, malcolm 很好人地講一次 crms 的運作. 真好彩, 佢同 jessica 都很好人, 雖然比好多野我做...之後仲去左 cert 機, 第一次幫自己 team cert 機.
放學後和 angel 返 city, 食完飯後會合有重病的 joe jay 一齊去上 ood, 好搞笑, 我地好似新生咁搵左勁耐課室. 上堂好好訓, 原本三個鐘的堂, 一個鐘就走得. 去左南山陪 joe jay 食野.
等西鐵時, 想到了. 希望有完成之日.
約九點就起身去了拜山, 之後在灣仔飲完茶就因為實在太眼訓, 自己一個人番元朗訓覺. 在 968 上超好訓, 很大雨, 巴士在汀九橋上冼胎, 死唔去. 返到屋企繼續訓.
這幾天都在想她的事, 真的有點緊張. 我總是在不適當的時候說不適當的事...真係唔知點算...
睡了很多, 看了一點 "Java Web Services". 晚上 joe j send 了一些小說的 ebook 給我, 真好. 要替 joe j 高興, 因為佢近日經常說自己種意聽咩歌, 真好, 很多人都只會說自己唔種意咩, 只係知道自己唔想點. 很難得他能夠知道知道自己想點. 找到自己, 生活也許會快樂一點.
Music:
I Wish You Love
Good-bye, no use leading with our chins
This is where our story ends
Never lovers, ever friends
Good-bye, let our hearts call it a day
But before you walk away
I sincerely want to say
I wish you bluebirds in the spring
To give your heart a song to sing
And then a kiss, but more than this
I wish you love
And in July a lemonade
To cool you in some leafy glade
I wish you health
But more than wealth
I wish you love
My breaking heart and I agree
That you and I could never be
So with my best
My very best
I set you free
I wish you shelter from the storm
A cozy fire to keep you warm
But most of all when snowflakes fall
I wish you love
But most of all when snowflakes fall
I wish you love
I wish you love, love, love, love, love
I wish you love
I really wish you love, really wish you love
今朝唔記得拎野返公司食, 係 canteen 買左個腸蛋公仔面食, 正. 因為要等 eric 星期二開會先可以清楚知道 card retention 的 user requirement, 所以今日都無咩野做, code review 了之前 hp/pva 的 code, 發現了一些無用的 constants. 其他時間都是在阿南的房玩紅外線.
放工後去了先達買電話屏幕保護膠, 之後去了九龍灣食飯, 同 vincent, joe j, sam 和 eric 打保齡和卓球. 之後會合 or, 再由九龍灣行去彩虹坐車去香港仔. 在香港仔食住野等埋 kk 就一齊去 warehouse 睇 bandshow.
去到搵左一輪先搵到個場係邊, 之後又要等一陣先有得入場. 得好少人, 真係慘, 可能因為同日有太多 bandshow la. 第一隊 band 是香港的 HERMETIC SILENCE, 玩的是 death metal, 算係咁, 最後一隻歌有一段慢慢的鼓很有趣. 之後就是 king's evil, 出場懶有氣勢, 幾搞笑. d歌都幾得, 好正的一場 show. 完 show 後去了 cwb 食雙皮奶, 很正. 似乎 joe j 和 kk 都幾種意場 show. 真係好.
在 band show 看到一些東西, 令我們幾個都甚不忍心, 有條友, 同個女朋友去睇 bandshow, 竟然全場唔埋個女仔, 要明白, 係 d 咁既地方, 個女仔又睇唔出真係鐘意 d 歌, 真係有 d 危險架...點知, 完場後, 都幾大雨下, 條友同個女仔兩個人一把雨傘, 條友竟然只係 "姐" 自己全身, 個女仔半邊身濕哂, 真係唔係人. 我地之後同佢地上埋同一架車, 果條友, 真係上到車都唔理個女仔, 一路都由得個女仔隻手濕哂. 真係唔係人. joe j 話, 男人唔壞, 女人唔愛. 可能係真. 但係...我真係情願我愛既人唔愛我, 都唔會咁對自己種意既人.
今日 william 好早, 8:55 已經返到來, 我重食緊早餐. 上午無咩野做, 只係在 comfirm 那版加埋日子的 dynamic 效果. 食飯前, jessica 打電話同我講, 要我做好多野, 佢話 eric 都估唔到佢俾咁大既重任我.
飯後, 開始 design 點做 card 的 retention, 因為可以參考 hp/pva , 同埋 card 是沒有 disposal 那個 screen 的, 所以應該都無咩問題既, 我諗最煩都係 print form 個度, 不過呢樣係由 pdc 的同事負責, 希望唔好上次個 d 咁勁錯 la...另外, 九月底我亦需要完成 common ACSO 和 cas 入面 non-personal 的 overview. 呢兩樣就真係完全唔知點做了...
william 今日拎左 d 好好食既曲奇番來, 約三點幾, 我地就開始食, 勁好食, 阿南, kiki, alan 和 raymond 都有食, 因為太好食, 所以我拿走了幾塊番屋企俾 mother 和 father 食. 因為想到將來可能會好忙, 所以我十分珍惜現在的日子, 五點正便和 william 快閃了.
今日在車上, 我再無訓覺, 亦無聽歌, 睇了 "紙牌的秘密". 日日都睇少少, 希望可以睇多 d 書 la.
一早返到去, 就同 kiki 去了買 $1 杯野飲, 都係唔好飲咁多個部機 d 野...次次飲完都覺唔舒服. 今日完全無野做. 下午再同阿宏和 angel 去了飲免費野...
飲完野...番到去....收到最新的 team tasklist...點解...會有咁多我個名...頂...正在諗緊點樣係仲有得 hea 既時侯 hea 盡佢...收到一個 notes, 睇完簡直呆左...直到現在...我都未能相信...malcolm...竟然將成個已經完成既 HP/PVA Rentention 既 hierchy 改哂...真係勁到爆...雖然...佢在開始的時侯無份 design 個 system...而我做左唔係好耐, 都覺得原本個 d code, 實在係太混亂...但係點諗到...佢真係咁睇唔過眼, 一次過將全部改哂, 將原本 hp/pva retention 的大部份 code, 抽了去 common retention, 要改哂所有 command, constants, response 既 class, 重有 d jsp...真係勁...我真係覺得好勁...呢 d 唔單止係能力上勁, 而絕對係要有好大既決心先可以做到...我真係睇到呆左...
對於 malcolm 今次呢個偉大既行為...我真係十分感動, 因為之後我要開始做 card 的 retention 了...
放工後去了尖沙咀, 買到了. 由原本的兩件, 因為要有九件才能得到兩件, 所以最後買了一件, 雖然九件和一件的價錢相差不大. 但我很喜歡這一件.
上午無咩野做, 加下 code, syn 下 source 咁...中午食飯時, 阿宏教我讀”擘"字同"抹"字既分別, 真好, 我想改善我既懶音好耐了. 食完飯, angel 帶了我地去傳說中有得免費飲野既二樓. 因為只有下午茶時間先有野飲, 所以我地去了對面的 resource center 睇書. 下午繼續工作後, 都係無野做, 上網搵左一陣小說既 ebook 睇, 但係都無咩點搵到. 還給 joe j 教訓, 他說我應該睇我 d 電腦書, 但我下一個目標是巴金的書, 原因只是在成都時路過他的紀念館.
之後改了一些 activity log 既 code, malcolm 放了我先前做的 comfirm page 上 rs6000, 叫我做 testing, test 完都無問題, 但係有 d 位似乎可以更好, 所以, 我又再一次係下午 4:00 先開始正式工作. 做到 5:30, 將 d code turn 番出去俾 malcolm, 真係對佢有 d 唔好意思, 成日都做完又改.
之後去了旺角睇野, 想買一 d 野, 可惜, 買唔到. 煩惱中. 約七點多便在地鐵上和家姐進行特工式交換物件.
在車上聽著小野麗莎, 呢排心情無咩特別, 所以都唔知聽咩好, 好似咩都唔係好配合咁...在家中聽著 at 17 反而感到有點快樂...
繼續黃珍珍, 六壯士!!!!!!!! 繼續艾慕杜華, 聖．教．慾(Bad Education)!!!! 仲有咩好睇???
直到三點多才有野要做, 係 confirm 那版要出埋 address, user 的 requirement 很奇怪, 約六點便做哂走人. 很喜歡這個時間走, 因為返到元朗正是 magic hour, 一個最不能分得清黑與白的時間, 一個甚麼也有可能發生既時間. 天未黑, 但街燈已經開哂, 加埋 d 車燈, 大廈入面部份既燈已經開左. 新元朗中心外是其中一個很能感受那種味道的地方, 地方大, 馬路多車, 行人路小人, 又多交通燈, 那些光, 很靚, 很舒服, 很有味道.
今日搭車聽的是 Nirvana 的 nevermind, 可能唔夠勁, 所以訓唔著. 番到屋企聽了很多次戴佩妮的歌, "怎樣"和"什麼都捨得"都很正. 晚上看了一些"紙牌的秘密". 正如今日番工時和 joe j 所講, 我真的想看多一些書.
放假後第一天返工, 簡直係變態, 六點半就自己醒左. 放假前做的 dynamic confirm 有些地方被 malcolm 話做得不太好, 因為我開了很多本身已經有同樣意思的 constants 和在 response 做了 radio button 的 mapping, 原本可以係 database 度做. 這個新方法比原本的方便得多, 用了一整天將之前做了兩日的 code 完全變哂. 放工因為唔識將 " 放入 stand data 而導致遲走了個多小時. 希望今次無問題 la
晚上寫埋四川之行第四日, 寫到妹妹哭時, 我也哭了, 很多野好唔明白. 阿 king, 多謝妳, 妳總是在適當的時侯出現, 說一些適當的話.
kiki, 妳那次說得對, 那真是很美麗的日子, 但當事情由夢想變成事實, 再看著一件美好的事情完結, 所有野變成回憶, 那亦是另一種美麗吧. 有些時侯, 總是要接受, 有些事情, 是不能強來的, 過去了, 便算吧. 否則最後連回憶都變得不美麗了.
今期東 touch 講了一部 95 年的電影 "Before Sunrise", 內容唔講了, 但意義似乎不少, 很想看. 請注意以下事件 - 難忘杜魯福, 有時間的話, 真想到戲院睇下到底有幾勁...
四川之行 - 第四日
七點多便出身了, 食過早餐, 約九點多便離開阿嫂的家了, 阿嫂的妹妹都有跟車送我地去機場. 因為原本阿嫂是打算住一排先走, 所以無買她的機票, 當去到機場買完機票後, 阿嫂的妹妹便坐番車返屋企...一路很堅強的十三歲小妹妹, 在上車後終於忍不住哭了, 她真的很厲害, 忍到最後上車後先開始哭...之後我地在機場行了一會, 真的很特別, 大陸的機場外型勁似香港機場都唔算勁, 最勁係機場入面竟然有咁多書店, 但我都係買唔到書...
人類不易飛行, 我喜歡去外地玩, 但真的很討厭起飛前坐定定係位的等待. 不過今次在起飛後訓得很好, 風景都很好
之後去了阿哥屋企坐左陣, 便返屋企了...
四川之行 - 後記
今次去四川, 有很多感受, 想了很多東西, 對生活, 對生命...都多了很多問題...到底那一種生活才是最適合我地...為甚麼人要分開...長大了, 便要離開家人, 愛過的, 都會分開, 人就是要分開才會長大嗎 ?..住在鄉村的人和我們, 到底...那一種比較快樂 ?...簡單的生活...真好...
四川之行 - 第三日
早上, 食了早餐, 便接新娘, 因為佢地女家唔興呢樣野, 同埋本身我地又住埋一間屋, 所以都幾搞笑. 之後再敬完茶. 我地便坐花車出市上打個轉, 我和阿嫂的妹妹都和新郎新娘坐在同一架車, 另外還有三架花車一齊...所謂去打個轉, 其實是慢駛, 如果唔係有花係架車度, 可能會以為係去示威....一開車離開屋企, 阿嫂的親友就在門口燒爆竹. 我係車度只係見到後面有些煙及聽到聲音.
慢駛了約一小時, 我地便回到鎮上, 之後在酒家門口再燒多一次爆竹, 真係勁. 之後便開始食野, 這裡的敬酒唔似香港咁樣一團敬一次, 係要幫全部人倒野飲, 有約十團人, 倒酒集團便由阿哥, 阿嫂, 阿嫂的媽媽, 阿嫂的妹妹, 姐夫和我組成. 阿嫂的媽媽負責介紹, 我和妹妹就負責傳野飲, 姐夫就負責拍 DV. 當我地完成呢個程序既時侯, 已經有部份人食完野, 我地先開始食野.
食完野, 有些親友在酒樓打牌, 有些就唔知去左邊, 有些就去了她們的家吹水, 基本上都係等食多餐. 相對香港的擺酒, 這裡實在簡單得多. 我就一個人行了去村的深處, 那些田園景色真的不錯, 可惜當時無拎相機. 行了約一小時便回去了, 因為實在太得閒, 所以加入了午睡隊伍.
約晚上六點, 便再去食多一餐, 今次唔駛敬酒了, 只係一大堆人食餐飯. 那些雞雜超好味. 食完都未夠八點, 之後在鎮上行了一陣便回家了.
晚上看了奧運和英超
四川之行 - 第一日
早上七點多便出發去深圳寶安機場去四川, 約十二點多, 便到達四川機場, 阿嫂的爸爸已經叫了車在等我們, 在成都完成結婚手續後. 便離開成都去她們住的地方, 要坐約兩小時車. 中途去了一個成條村都是食魚的地方食午飯, 我跟了阿嫂的爸爸和司機去了廚房參觀, 環境比想像中好. 成間野都係食魚, d 魚既賣相好有趣, 一大盤, 勁多魚汁, 好似魚湯咁, 唔辣既好甜, 辣既好辣.仲有 d 好好味既豆腐.
食完繼續上路, 阿嫂的家在四川簡陽市石板凳鎮高豐村, 算是較文明的村, 家中有三條狗, 兩隻豬, 一隻貓, 多隻雞. 門口種了很多栗米, 所以我都食了很多栗米, 有用水煮的, 有燒的, 比平時食的超甜栗淡, 但較有咬口, 做了三天早餐的栗米粥都很正.
基本上除了星期六是出外食, 其他所有早午晚三餐都是阿嫂的爸爸煮的, 佢知道我地都不太食辣, 所以煮既野都不辣, 但都是落了一些麻的香料, 如果一唔小心食了那些香料, 比食辣椒更大濟, 因為個口會即刻感到麻痺及苦...食左幾餐, 最正都是那些炒士豆絲, 很好味, 有小小似食薯條咁, 另外重有炒紅椒, 好入味, 很爽口.
晚上我地都是住在她們的家, 雖然有些雲, 但還是看到很多星星, 很靚. 第一晚訓覺時很大雨, 整晚都在打雷, 很令人擔心之後的天氣.
為了要做 comfirm 那版對應 disposal 那版的 dynamic 效果, 上午試了不少方法在 response handler 和 jsp 中做手腳, 似乎最好的就是在 response handler 中將 table 的 style 和 ui tag 的 state set 哂入 viewbean 中, 再係 jsp 用返
中午食完飯, 和 kiki 同阿宏買了椰青飲, 很清甜, 正爆!!! 下午全力 implement, 在 response handler 中 set 野完全無難度, 要自己諗好多 constant 的名...最煩的是在 jsp 中出番那些 table 的 lay out, 要在不能大變動的 comfirm screen 加入那麼多 table....真係做到吐血. 幸好當成功做到一兩個 field 後, 其他既都係差唔多, 但真係有好多個 section, 做到六點半都仲有一半未做. 聽日應該可以完成了. 咁就可以放心地去放假了
昨晚佢話自己硬頸, 之後在同一個鐘內, 佢話我都好硬頸. 雖然我都痛過, 唔想再痛, 但我覺得, 有些堅持, 是值得的.
今日返工勁眼訓, 好似次次星期一都係咁眼訓...返去繼續睇 SAS 的 upgrade 指南, system test, syn code, check 下 print form...上午都無咩野做, 只係好想訓, 和阿宏睇了很多拍賣物件.
下午 PDC 的 JACKY 用 VNC demo 了如何做 SAS upgrade, 呆坐望住個 mon, 超眼訓. 之後 jessica 要我做 retention comfirm 那版的 dynamic 出 disposal 個版出個既野. 勁煩, disposal 個版有超多 check box, radio button, 幸好下星期二才是 deadline. 因為真的有點不能支持下去的感覺, 超眼訓, 所以五點便和 william 快閃了.
Joe J 近日對 britpop 十分有興趣, 我介紹了幾首給他. 其實 britpop 對我影響都幾大, 中四五時狂迷 radiohead, verve, suede, pulp...verve 首 bitter sweet symphony 的 MV 簡直係型爆, 絕對影響了我的行路姿勢. 仲有 suede, 竟然可以有咁 glam 咁型既歌, 不能不說 radiohead, 那個時期的歌全部都很正, 很有 feel, ok computer 當年對一個中五學生簡直係驚為天人, 晚上望住個天聽住 Subterranean Homesick Alien, No Surprises, The Tourist 真係正到爆....就算之後的 Travis 的 Writing To Reach You, Turn 和 Why Does It Always Rain On Me? 都係超正. 但係再之後的 britpop 都好似無咩特別, 好多新 band 都係玩 d 好似以前 radiohead, suede 既野, 較好的都是早期的 dove 和 coldplay, 而我亦在那個時侯 (約中六中七)聽多了一些較 rock 的如 guns and roses, led zepplien, metallica, deep purple 就小聽新既 britpop 了...不過以前聽開既, 而家都會間唔事聽下. 始終 britpop 都是有一種特別的味道!!!
番去被 malcolm 訓示要睇多 d CAS 的 base class 做 d 咩, 睇了一輪, jessica 就叫我做 system test, 佢話只有我先搵到 d error. 其實佢昨日已經叫我幫手 test disposal, 只係我懶得做者. 因為 disposal 已經有 vyonne, ray, 兩個 pdc 做 testing.
阿南同阿宏都無同我地一齊落樓下 cafe shop 食飯, 佢地都話多野做到走唔到. 食完飯, 繼續做 testing, 真係發現了很多奇怪的 bug, 之前竟然無人發現那些 bug, 更怪. 下午茶時間, 和 william 約了 12 樓的 angel 一齊食, 難得連 kiki 都可以偷走上去食野. 食完野都係繼續做 testing 和睇那些 class, 似乎聽日都係做呢兩樣野. 接近收工, HCC 叫左我去 cert 一部 lcd mon, 真係有趣, 唔知幾時輪到 cert keyboard, cert mouse, cert lan 線...完成後, HCC 的阿 wing 問我飲唔飲蒙牛. 我說要走了, 所以唔飲.
放工後去了 Trinity Records 買飛, 今次好勁, 有五個人去睇, 不用再同 vincent 二人世界了, joe j 勇氣可嘉, 第一次睇 band show 就睇 metal show. 真係勁. 希望佢地都有下次.
晚上在有線睇了一套韓國戲, "復仇", 故事十分之 cult, 極暴心, 因為主角是啞的, 成套野都無咩對白, 最後, 所有主角死哂. 唔錯, 下次重播可以睇下.
番去被 malcolm 訓示要睇多 d CAS 的 base class 做 d 咩, 睇了一輪, jessica 就叫我做 system test, 佢話只有我先搵到 d error. 其實佢昨日已經叫我幫手 test disposal, 只係我懶得做者. 因為 disposal 已經有 vyonne, ray, 兩個 pdc 做 testing.
阿南同阿宏都無同我地一齊落樓下 cafe shop 食飯, 佢地都話多野做到走唔到. 食完飯, 繼續做 testing, 真係發現了很多奇怪的 bug, 之前竟然無人發現那些 bug, 更怪. 下午茶時間, 和 william 約了 12 樓的 angel 一齊食, 難得連 kiki 都可以偷走上去食野. 食完野都係繼續做 testing 和睇那些 class, 似乎聽日都係做呢兩樣野. 接近收工, HCC 叫左我去 cert 一部 lcd mon, 真係有趣, 唔知幾時輪到 cert keyboard, cert mouse, cert lan 線...完成後, HCC 的阿 wing 問我飲唔飲蒙牛. 我說要走了, 所以唔飲.
放工後去了 Trinity Records 買飛, 今次好勁, 有五個人去睇, 不用再同 vincent 二人世界了, joe j 勇氣可嘉, 第一次睇 band show 就睇 metal show. 真係勁. 希望佢地都有下次.
晚上在有線睇了一套韓國戲, "復仇", 故事十分之 cult, 極暴心, 因為主角是啞的, 成套野都無咩對白, 最後, 所有主角死哂. 唔錯, 下次重播可以睇下.
不能錯過, King's Evil + HEeMETIC SILENCE, 8月28日星期六晚上 7:30, 我聽日放工買飛, 想一齊睇既就於聽日 5 點前搵我.
返工前約左 hello kitty, 好耐無咁早見到佢了. 好耐了, 真的好耐了......點解......
今日一返去 malcolm 就話佢之前諗那個 redirect 開 pdf 可能唔得, 會開多左一個無用既 browser, 叫我試下, 試到十點就發現真係如佢所料. 之後變左係用 print 那個 command 返去原本個版 jsp, 再係 response handler 加個 onload 去 viewbean 開個 pdf, 再順便轉左幾粒 button 既 state. 用少了 java script.
接近食飯時, 已經差不多做完, 跟住食完飯再 review 下 d code, 就 turn 左 d code 出去俾 malcolm, 今次呢個小 task, 真係煩左佢好多次. 希望下次情況會好轉, 之後就呆等放工.
今日唔知攪咩, 中午"丁"飯"丁"完都係凍, 電話又完全唔受控制, 好似鬼上身咁, 今次真係要買新電話了. 真係越舊越見鬼.
晚上, 她提起 ex 個樣, 在數小時後, 我睇返以前同 hello kitty 一齊既相......生存真好, 這麼的快樂, 這麼的傷痛.
身體真的很倦, 專心做野時尚可支持, 當一放鬆時, 就好似整個人失去重心一樣. 可惜的是...從來也不相信自己需要休息, 總是相信, 內心的力量可以勝過物理上的不足.
今日全心做 activtiy log, 很煩, 要在不同的 object 找回所需的野, 因為無睇清楚 api 份 doc, 攪到 submit 唔到上 server. 又煩到 malcolm, 今次重煩埋阿南個 team 既 eric.
做完 acknowledge 既 log, 就做 printing 既 log, 要開一個新既 command, 原本今日做多一個鐘度應該可以完成, 但去 toliet 時睇到自己個樣都有 d 驚, 個黑眼圈勁到丫...所以五點半就走了.
我寫 web application 的能力真的很低, 總是浪費很多時間去做一些很簡單的事.
各方好友, 我認識的, 我不認識的. 請都不要再估那個她是誰了, 你們都估錯了. 只有那個她, 才知道她就是那個她. 引起大家誤會, 是我的問題, 可能我的表達能力真的太不濟了.
今日開始用那個 cas commen service 去做 staff enquiry 同 activity log. 再次深深感受到寫 web app 真係好煩, 有時 rebuild 完又無反應, d xml 又好似遲幾次 restart 先有反應...
中午一齊食完飯後, 就和 william 及阿宏去了大角咀圖書館, 真係從未去一個咁細既圖書館. 返到去唔知係 kiki 定係阿南幫我洗左野, 真係唔該哂.
放工前完成了 staff enquiry, 因為有個奇特的 exception 要自己 handle, 唯有向 malcolm 求救. 他也形容那是一個不負責任的 exception. 因為那並不是好似其他 cas 的 exception, 而是自己特別的從 java 的 exception extend 出來的, 所以唔可以就咁 throws 左就算. 之後, 放左 d code 同 xml 出去 team drive 就放工了, 在搭車時才醒起唔記得放埋個 jar 上去...
似乎南昌地鐵站的其中一邊出閘機真係同我玩野, 連續兩日都出唔到閘, 迫我由行去另一邊出閘, 真係玩死.
今日在車上聽了 Radiohead 的 OK Computer, 很喜歡那幾首慢慢的歌...Subterranean Homesick Alien, Exit Music(For a film), Karma Police, Climbling Up The Walls, No Surprises, Lucky, The Tourist...
總是這樣, 又是這樣. 越是期待的機會, 越是失敗的結局. 越想表現自己的成孰, 越是顯示自己的幼稚. 要麼等待無意間的機會令她對自己增加好感, 實際的情況, 卻住住是在無意間令自己更愛她. 總是這樣, 又是這樣. 總是在一想認真的時侯, 便受到目標一下輕輕的打擊, 而顯得完全無能為力...是我真的不適合去愛人嗎?
喜歡那一種一下子的感覺. 可能因為是這樣, 導致自己很喜歡看電影, 聽歌, 睇書. 就是那一下子的感覺, 在傷心得很的時侯想起, 總是會開心笑一下, 然後哭得更勁. 那一下, 就是那一下...可能妳完全唔當係一回事, 但我就是喜歡和妳單獨談話時那種感覺, 喜歡妳那種很快的反應...可能...我只是喜歡妳的真...可能...妳的本性就是這樣. 可能, 對我來說特別的妳一點都不覺得我特別....
一下子的感覺, 總是特別深刻, 就像昨天看的戲, 那一條昨天我睇完之後形容為最感動的長樓梯. 其實我講錯左, 那不是長長的, 那是一條短短的, 只有十級左右的很闊很闊的樓梯, 那種感覺, 就好似小 q 和那個寄養一家的感情, 短短的日子, 深深的感情.
總是這樣, 又是這樣...那一下的感覺, 總是附上很多很多下的痛苦...到底幾時, 才能不再那麼重視感覺? 我希望...是下世吧. 不痛, 又那會感到快樂的珍貴.
好, 講番返工. jessica 似乎真係想我死, 返到去一開 notes, 已經有三樣野等住我做, 之後再加多一樣, 雖然難度不高. 但似乎對我來說, 最難的並不是寫 program, 而是 set 野. 搞了大半日, 才成功在我自己的 server run 到個 system, 真是很感謝 malcolm 和 jessica 不繼的協助, 我會努力架!!!
四點先開始 test 個 retention system, 真的很可怕, requirement 和真正做出來的, 竟然可以有咁多唔同. 真的完全感受到 jessica 和 malcolm 的痛苦. 希望我唔好變成他們的負擔 la.
星期六和同學們去了梅窩玩番晚. 參加人士有 我, joe, lee hang, eric, pat pat, kiki, annie, bonnie, william, 阿宏, 另一個 vincent. 小強和 angel 就只玩一日. 相約了十一點在東涌等, 一如以住, 最大聲話要約早 d 的人, 總是最遲那個, 然後總有五百萬個原因令自己成為受害者.
坐了個幾鐘巴士入梅窩, 落車時 pat pat 才發現坐在我們前面的一班女原來佢係識的. 去到間屋, 原來離沙灘都幾遠, 租了九架單車, 當然, 無我份.(真係唔想講個 d 都講埋, 你地又話我行得 hea, 又話我跑得 hea, 我又唔玩單車, 我又講到明係呢個物理上既問題. 到底係我既野唔值得你地去用腦諗, 定係你地真係太低能, 連估個合理小小既原因都唔得. 我不介意別人話我 hea, 因為縱然人地話我 hea, 但我都比人地做得好. 但請唔好再將我既行為一和 "hea" 連上關係, 便好像找到最完滿的解釋.) 因為有單車, 出入變得方便, 在此特別多謝曾經載過我的阿宏, william, joe, eric 等壯男.
係梅窩食 m 記, 真係型爆. 之後便落了沙灘玩, 玩了數輪數字球, 亂射水槍, 和阿宏捉蟹. 之後便回屋. 在屋內都是打下牌, 燒下野食, 玩下水槍咁, 之後晚上我地再出沙灘, 食了半個西瓜, 玩了一陣啤牌和 truth or dare. 內容保密. 再和阿宏試放風箏, 但始終都係完全無風. 跟住在沙灘吹水吹到差不多五點多才回屋.
之後洗完白白, 便在屋內 hea 了一段很長時間, 煮了一些湯丸, 腸仔面飽, 和食哈密瓜. 九點多出了碼頭食早餐, 無錯, 係食完又食. 跟住入番屋, 又係打下牌, 食下野咁. 因為幅牌真係好臭, 所以我地都著住手套打. 之後再執埋野, 便走人了.
在回香港的船上, 我地幾個坐在船尾的地下, 就像偷渡客一樣. 並計劃去睇戲. 落船後, 只有部份人去睇戲, 我地今日睇了"導盲犬小Q", 因為太眼訓, 所以我係一路睇, 一路訓. 套戲都幾好睇, 但那些離別位好像真的太多和太密, 仲要有旁白數住係第幾次...之後去了大角咀一間台式野食下午茶, 食完再坐了一輪吹水, 之後返到屋企, 便寫日記了.
今朝起身幾精神, 早了出門口, 八點十分就去到南昌, 再試"輕西巴", 終於在八點三十五分到達 hsbc...kiki 又請我飲茶, 正!!!! 已經愛上在公司飲茶, 飲完好似無咁眼訓. 上午完全無野做.
飯後聽了 jessica 訢苦, 希望我唔好令佢失望 la. 不過佢對我既期望真係太大了, 搞到我真係有 d 驚. 佢同 malcolm 今日都重係超忙, 佢話我下星期開始就會死梗, 因為佢要我一個人頂三個大陸的隊員. 重話睇好我...真係出哂事...
之後在佢的指示下, 睇了 retention 的 user requirement, 佢叫我幫佢 test 下個 system 做唔做到 d requirement, 但係佢由三點幾同我講到五點都未出到 workspace , 所以我便在五點十五分快閃了. 今日第一次以"巴西輕"方式回家, 在途中聽了 Suffocation 的 "Effigy of the forgotten", 我已經可以做到一路聽勁大聲的重型 death metal, 一路訓到好似隻豬仔咁...真係勁.
今朝再試"輕西巴", 再次早到變遲到, 塞! 上午做埋個 jsp screen, 之後開始寫 crms developer guide. 新手寫新手指南. 勁. 食完飯, eric 話個 jsp 無問題, 亦指引了如何將自己的 code 加去下一個 release.
kiki 請我飲的 rose 茶幾好飲, 唔知係咪飲茶幫助消化, 全日都好肚餓, 一早就食朱古力, 下午又食 tea, 又食 william 的印尼蝦條.
放工後去了旺角, 遇見 lee hang, 一齊去了睇阿宏養的蟹. 很有趣, 之後睇了陣玩具和 cd 便走人了.
晚上一邊看著九份的 wallpaper, 一邊聽著九份的咖啡店. 今晚很開心, 終於有勇氣, 真的很喜歡和她一起的感覺,
今朝早了出門口, 試下改變一下返工的方法, 由原本的"輕西地"變了"輕西巴", 一心諗住連八達通都可以唔拎番工, 追求真正的簡約. 去到南昌 k16 巴士站, 因為是總站, 出現了車等人情況, 上車後差不多 5 分鐘才開車. 其實我只需搭兩個站, 但那架車真的好像在打圈似的, 結果我由早了出門口變成遲了十分鐘返到公司.
上午簡直係無聊到想死, 好似坐係到等食飯咁, 之後決定想一個短篇故事, 寫一個故仔是自己多年來的願望, 與其浪費光陰, 不如寫下野. 但當拿起筆, 平時經常有奇想的腦袋完全諗唔到寫咩好, 連一些情節甚至對白都想不到...
係諗故仔既途中, 還在嘗試 run 一下 CAS 的, 但最後還是出了要約一分鐘才出得完的 exception, 幸好 throw exception 唔駛罰錢, 如果唔係幾多錢人工我都唔夠俾. 今日係 team lunch, 食飯前我問了 malcome, 佢話而家 cas 個 workspace 好亂, 叫我唔好試住...
去了奧海城的金滿庭京川滬菜館, d 野幾好食, 難得地和 teammate 們傾計, 上手 elaine 都有來, 另加兩個之前幫過我地 team 的同事一齊食. 席間提到宗教, 學車, 買樓, 大陸部員工, David 結婚, Eric 生女等. 飯後回程時, 唔知 elaine 係咪有心玩野, 不繼向 jessica 強調我係一個勁人, 叫佢即管比多 d 野我做...很可惜...我只係一個 hea 人...但更可惜...jessica 似乎十分相信, 上到 office 後更特登走去我個位同我講佢好開心, 因為我可以幫到佢做野...今次 team lunch...真係出哂事....順便提下...elanie 話我勁的原因是....我有份玩 acm...似乎佢已經受了 acm 入面的阿牛, tempo 等人所影響...其實我只係 acm 入面的小卒仔.
下午返到去坐了一會, eric 叫我幫手改一個 crms 的 screen, 之後在我的機上 setup 了 crms. 中途 eric 去了和 jessica 和 malcome 交談, 可憐的我在寫完 jsp 後因為未 setup 好而睇唔到結果, 等了約個多小時, eric 才繼續講解 crms 的運作, 仲叫我寫份比 crms 新 developer 睇的 doc...之後在 malcome 出手後, 我的 crms 終於 run 到, 可以睇番我改過的 jsp, d 位仲要執番好, 執多左陣, 已經差不多七點, 要返屋企收檔, 所以就走了...kiki 和阿南都好似未走. 真係勁.
在 kiki 看到那些歌名實在太正, 忍唔住找了幾首來聽....
整個台灣, 我最想念的就是九份. 那些山區真的好像仙境一樣
今日唔駛返工, 又無約人去街, 可以盡 hea, 正!
十點未夠就起身了, 做了不少有意義既事, 執了卓面, 掉了很多單, 廢紙. 計算了今個月的支出, 比想像中用得多, 但尚在計劃內. 今日都聽了幾隻 cd...聽了佢地還返比我的 metalica 的黑碟和 "master of puppets", 其實兩隻都好大分別丫, 黑碟 d 歌真係比較 pop...另外亦聽了拉闊, lmf, 四方果的 cd.
睇了一些書, 睇了一些有線電影台的戲, 係廳部 dvd 機唔知點解睇 dvd 時無哂人聲, 搞到睇唔到 kiki 隻 big fish, 要搵日有心情時再用電腦睇...買飯食前去了買西鐵八月通月票, 很無誠意的一張月票, 一 d 設計都無, 比地鐵十送一更差...
很好的一日, 甚麼也不是的我, 做一些甚麼也不是的野.
下午時份, 聽了林海峰, 黃耀明的拉闊音樂會, 這隻碟是在 98 年買的, 影響深遠. 因為這隻碟而直接認識的音樂人有 Carl, V 記, davy, dj tommy, 蔡德才, David Bowie, Suede...間接的簡直多到不能相像. 真的很喜歡兩人的歌, 那時侯阿 jan 的詞真的勁正. 首首歌都係勁典, "喂喂喂", "彭小姐", "狂人日記"等都係爆 k 首選. 另外碟內的"你快樂所以我快樂", "友情歲月", "小王子", "trash" 都係勁好聽. 當然...仲有那首當年發夢都識唱既 "暗湧".
暗湧
曲 : 陳輝陽 詞 : 林夕 編 : 梁基爵
* 害怕悲劇重演 我的命中命中
越美麗的東西我越不可碰
歷史在重演 這麼煩囂城中
沒理由相戀可以沒有暗湧
其實我再去愛惜你又有何用
難道這次我抱緊你未必落空 *
# 仍靜候著你說我別錯用神
什麼我都有預感 #
就算天空再深 看不出裂痕
眉頭仍聚滿密雲就算一屋暗燈
照不穿我身 仍可反映你心
讓這口煙跳升我身軀下沉
曾多麼想多麼想貼近
你的心和眼口和耳亦沒緣份
我都捉不緊
Repeat * #
然後睜不開兩眼看命運光臨
然後天空又再湧起密雲
Repeat #
然後天空又再湧起密雲
今朝番工完全無野做, 成功將 teammate 的 code 在自己的 workspace build 到, 一個 error 都無. 但在 run in server 時出現了要數十秒才可出哂的 exception. 原因只是讀了一個不存在的 xml file, 但找了很久都找不到是那裹設定了去讀這個 xml. 完全無心機再去做這些野, 轉去睇佢地 d code, 基本上都係睇不同的 command, reponse handler, viewbean.
約 11 點半...去了阿南四人幫間房, 今日得返 raymond 一個人. 同佢坐左係度睇風景睇到 12 點. 之後 kiki 未走得, 咁我就去左旺角和 vincent, joe, pat pat 會合, 之後去了食野和等埋 lee hang 和 kiki, 跟住陪 joe j 去了旺電換野, 之後pat pat 和 kiki 就走了, 我地就返新世紀睇戲, 睇了"太極旗飄揚：生死有情", 都 ok ...
之後和他們去了食女人街的食左肥牛金菇木桶飯, 軟殼蟹木桶飯, 口水雞, 棺材板...簡直係無樣好食....個棺材板簡直係死人都唔會要...
今日又扭多隻 mickey mousc, 另外亦抽了一隻 panda-z, 中了一隻怪物機. 今日連 vincent 同 lee hang 都有買...真開心.
返工打電話俾阿榮, 真係唔駛 cert 機住, 跟住問 jessica 有無野做, 原來我之前寫的 jsp 係佢病左個幾日已經由大陸的 teammate 做了, 即係白做, 算...起碼叫做用個下 ui tag. 而問佢的結果係佢仲係好唔舒服, 要跟番好多之前既手尾, 未得閒分野俾我做, 叫我自己 study 下...
結果, 我係 9:30 完成了一個 HCC cert 機的 test plan, 之後就呆坐到五點二十分. 中途嘗試將 team drive 入面 d code 來大陸 teammate 的新 code 結合.
真的很喜歡這首歌, 林海峰 - 你我
想象你在我幻想中一齣戲
營造你放映到天空也一起
完全純白背景不需配樂
毫無燈光也沒有聲音
完全忘掉化妝不要字幕
純拍攝幻覺 純愛這感覺
如這部戲
沒有賣點通通都不理
只需妳常伴我
每一格畫面也一起
完全胡亂構思的故事
如何開始結局也不知
題材迎合我心中的意義
如愛去便試要再看多一次
逃離煩悶世間天與地
能帶我入戲其他通通都不理
完全投入角色演得細膩
場場戲也是我和你對手戲
我跟你這部戲
就似沒公開的某段傳奇
暗中我常幻你
世間也不知有這齣戲
願世上只得我共你
第一次幫自己 team 做既野, 就係打八十幾個 accout. 入電腦.....之後去了 HCC team cert 機, 要 cert 多次繁體中文版, 今日睇住我做的是 gloria 而不是之前的 jovian...都唔明...搵個人睇住我做...點解唔佢地自己做...最多我睇住佢地做...成本效益高幾多. 可能因為我係學生和屬於借將, 所以 HCC 全人對我都幾好. 因為 cert 機過程都意外不少, 又要 clone 多次機, d test case 又成日要 reboot. 所以 cert 完都已經差不多四點. 之後和阿榮哥和 Humpery 賞試去起部 workstation 的 config 底. 但不成. 之後見有時間, 就 setup 埋簡體中文版, 今次睇住我既係阿榮. 因為 server 不同, 所以意外更多. 整好哂已經六點.
放工後和 william 落旺角, 我搵埋 joe j, lee hang, bonnie, annie 去租屋, 搞勁耐, 終於租左梅窩. 之後 kiki 都 join 了我地. 跟住 kiki 和 joe j 都走了, 我地四個搵野食, 一如以住, 都係搵了勁耐. 去了新世紀食日本野. 跟住食埋糖水, 就散水. 和 lee hang 過馬路時差 d 車死.
返到元朗已經 12 點幾, 係屋企樓下間 7 仔扭左隻米奇老鼠, 超得意
今日返工完全無野做, HCC 個邊因為部 OS/2 要俾其他 team 做 testing, 所以要停止 cert 機, 又唔知幾時要繼續. jessica 今日繼續痛假, Eric 又好似將我完全分派左 jessica 咁, 所以我都搵唔到佢俾野我做. 係勁無奈的情況下, 唯有開始做 screen lay out, 但因為那幾版都是 release 2 的, 而那些版中的 data field 和 viewbean 內的 data 都完全未有. 所以我基本上得個 "寫" 字. UI-Tab 比相像中更易用, 可能因為有得在 release 1 的 jsp 中 copy and paste. 很快便做了兩版 jsp.
阿宏非常之不幸, 攪左 d mt 講明最應該避兔既事. 我下午極度得閒, 睇了一些 acm 題目, 睇了 newsgroup, 睇了 ebook...4 點多時和 william 去了 18 樓買野食, 我食左個蛋黃蓮蓉批, 見幾好食就要多了兩個給 kiki 和阿南...佢地都好似好忙咁...只有我一個係閒人...
大約五點三就走人...在輕鐵見到一個靚女 (信我, 真的很靚, 我的眼光絕對比 pat pat 好數萬倍), 佢一見到我上車就打電話俾人...談話內容是 :"我唔鐘意人地長頭髮"....請注意, 我而家的頭髮只有幾 mm...她的言下之意是鐘意人地短頭髮嗎? 我呢 d 已經唔係短咁簡單...直情係勁短, 咁唔知係咪勁鐘意 la...因為架車無咩人, 而我又企係佢坐緊個位前面 (當然 la. 我係專登企個度), 所以基本上全程我地都係妳眼望我眼...有點兒搞笑...可惜...我只係坐兩個站就落車......雖然...正如我向 lee hang 所講...就算俾我坐多幾個站...我都唔會有咩行動...殺左我吧 la...
今日返公司一開始就去左 clone os/2 同埋裝 cp2...之後就去開 crms team meeting, 坐左兩個半鐘, 無講野, 完全自閉.
中午原本諗住出左糧一齊去街食, 點知阿宏無返工, william 唔得閒, kiki 要同 user 食飯. 結果得我, 阿南, angel, j, kenny 一齊去食.
食完飯在阿南部機玩了一會公司的 unix server, 看來不錯. 之後繼續幫 hcc team 試機. 試完已經 4 點半. 跟住去了和阿南一齊睇那些 shell script. 五點幾便和 william 一齊放工.
返屋企訓左陣, 收檔前去了圖書館, 還了兩隻 cd. 借了"紙牌的秘密", 其實之前已經睇過一次. 有理由想信, 我睇呢本書絕對快過那三本 o'reilly...
今日係 training 後第一日返工, 原本諗住可以做 CAS 的工作, 最低限度都寫下 jsp, 如果可以寫下 java 就最好......點知...我返工一個月的第一份工作...我的第一次...竟然係...由另一 team 的人俾我的...我竟然在阿頭 eric 不太知情的情況成為借將...
其實要做既野很簡單...只係 Clone - Setup - Test. 將 OS/2 clone 去一部機, 之後安裝一個軟件, 然後進行一堆 test cases. 目的是測試這款新電腦可否行到這個 team 所制造的軟件. 總共有六款不同版本的軟件...講咁耐...大家是否覺得很有聊呢...這就是我今日聽講解時感到極度眼訓的原因. 今日做到六點先走...但係 kiki 同阿南都未走, 佢地真係勁. 唔知我幾時先會有咁多野做...搭西鐵時見到中學同學馬小姐.
今日係短週, 唔駛返工, 但係我 8 點幾就醒左...上左陣網, 食完早餐, 就去番訓覺. 起身後和了不同人士聯絡, 都是未能定出今日的節目, 仲好, 可以係屋企休息.
某人說返工後輕了 4 磅, 過磅後發現, 我都輕了 5 磅. 某人是誰, 當然不能講 la, 體重可是女孩的六個私密數字之一呢.
出了糧, 提了一部份給家人. 去了圖書館, 有很多中文電腦書, 連一些很偏門的都有, 如一本專講 make 的書, 一本提升 java 虛擬樓效能的書...這些書...真的有人借嗎...當然, 我無咁神心去借電腦書...手頭上那三本 o'reilly 書還是看得很慢...借了三隻 cd.
在不理會多數人的意見下, 我今晚又剪了頭髮, 我的計劃是天氣涼一點才留長吧. 但發生了一些意外, 因為我一開始把那個剪頭髮的機設定錯誤, 導致第一下便剪了很多, 之後唯一可以做的就是把整個頭都是剪咁短吧...今次是 3mm...比上幾次的 12mm 短了4 倍.
今日是 training 的最後一日, 題目是 JSP in ES, Jsp custom tag, JUnit 和 ES review. 下午自由時間時, 睇了 ES hello world 的 web-tier 結構, 總算明白整個流程. 之後試用了 UI tag 來寫一些 jsp, 試了幾個 tag 後, 便去了阿南佢地度 hea...阿南要睇一些由我那 team 的人寫的 shell script, 我和他一起去嘗試理解那些 script...bonnie 的公司都需要寫 script, 用的是 C shell, 阿南今日的是 korn shell...而我之前做 AI 時寫的是 BASH shell...唔知我日後駛唔駛寫 script 呢...
今個夏天真係唔講得笑. 同一個場地, 兩場 band show, 來自三個城方, 五隊樂隊. 八月二十八日, 日本的 King's evil 聯同香港的 Deporting Cross, Hermatic Silence. 九月十八日, 澳洲的 The Eternal 和香港的 Beverement. 唔駛多講, Warehouse 見.
第二單, 亞洲電影節. 如果可以, 真的希望睇哂所有電影...目前最想睇的是香港導演黃修平的當碧咸遇上奧雲和岩井俊二的花與愛麗絲 , 另外中國的冬至, 韓國的匿名情書 , 新加坡的15, 泰國的性書小妹 和日本的大逃脫 都很吸引.
有一日, 你發現自己是一隻豬.
有一日, 你發現自己是一隻豬. 因此, 你失去了一些東西.
有一日, 你發現自己是一隻豬. 因此, 你失去了一些東西. 之後, 你重拾了一個差點忘記了的信念.
有一日, 你發現自己是一隻豬. 因此, 你失去了一些東西. 之後, 你重拾了一個差點忘記了的信念...
今日 training 的題目是 security, async process, polling...只有 security 時較專心, 其他都是半睡狀態
放工後去左旺角, 和 william 一人買了一套玩具蛋機, 正. 之後和 lee hang, joe j, pat pat, mcc 去了新世紀食野, 之後返左 city 幫 cs dept 手 test 一個叫 "PASS" 的 system...點知我地幾個返去完全係 hea, joe j 更影了很多性感相...約 10 點我們便走了...
阿宏今日重返公司. 行動有點不便. 今日 training 的題目是 Error Handling, MQ, Database 和 ES 的 utility 介紹, 今日全班都無咩精神上堂, 大家輪流釣魚...因為 MQ 和 Database 都似乎對日後的 project 較有用, 所以今晚拎左 d notes 返屋企睇 (請不要告發我, 我完全明白公司的物品是不應拎走的).
開始實行了很耐以前的計劃, 就是在車上一日聽一隻 cd, 今日的是 Guns and Roses 的 "Appetite For Destruction", 這隻碟真的很正, 由第一首的 "Welcome to the jungle", 之後沿著 "It's so easy", "Mr. Brownstone", "Paradise city", 進入全碟最正的 "Sweet child o' mine", 中段的吉他 solo 真的很正...隻碟最後一首的 "Rocket queen" 也很正, 有一種所有野都慢下來, 完結的感覺...真的很正...
KIKI, 多謝妳, 妳借了些很快樂的音樂給我, 返工和放工聽著輕快的小野麗莎, 當中 Salade De Fruits 的細路仔聲, 真的聽得很舒服...La Vie En Rose 的口琴, 就像一隻孤獨的小鳥在那傷心的海中飛行, 總是令我在無咩人的西鐵內聽得發呆...還有那隻 jazz...真的很正, 所有聲音也好像在身邊跳來跳去, 聽得甚麼也不想做...
今晚, 我聽返了很多結他歌, Deep Purple, Malmsteen, Steve Vai, Joe Satriani, Jimi Hendrix, Dream Theater, Mr. Big...希望能夠重拾專心的心情吧...真的不想想太多了...
今日阿南勁多野做, training 期間都咁多野做, 真係慘...但係我始終都係無野做, UI TAG 的工作亦因為電腦被搬上 15 樓已經完全無法進行, jessica 又講到明係完全唔急. 咁我可以做的...只有努力 training 吧...希望第日真係可以用 ES 做到野 la...
今日被兩個人請飲野, KIKI 食飯時請了我飲乳酪, Rudolf training 時請了飲果汁, 真係正....係 wor...我仲未請 mcc 飲野 tim...
今日阿宏無返工, 好似要請兩個星期假, 我和阿南傷心過度, 全日 training 上堂時都係眼紅紅, 更經常閉目想他...上午繼續 web-tier 的 lab, 我地兩人遇上耍用幾秒先可以出哂既 exception, 幸得高手相助, 總算完成了一小部份. 可以安心食飯. 下午連續講三個 ES 的 framework, 分別係 validation, logging 和 mail. logging 是建基於 Jakarta 的 Log4j, mail 則是在 Sun 本身的 JavaMail 上加多一層野, 聲稱較易用.
幾時先可以不理會別人? 下世吧. 幾時先可以關心自己多於關心別人? 下世吧. 幾時先可以不做感情上的弱者? 下世吧. 幾時先可以對事情死心? 下世吧. 幾時先可以不再亂諗一些不會發生的事? 下世吧. 幾時先可以在認真的時侯無人話 hea? 下世吧. 幾時先可以不再經常笑得像一個笨蛋? 下世吧.
我信有下世嗎? 你唔係估我真係信呀...幾時先有人認同我? 這個關我事嗎?
今晚聽了兩次 Nirvana 的 "Unplugged In New York", 次次聽到 Kurt Cobain 唱 "Where did you sleep last night" 都感到很心痛.
一直都是觀眾. 在任何場合, 永遠不是最好, 永遠不是最差, 存在只是為了存在. 多我一個唔多, 少我一個唔少, 有時開心d, 無時都係咁. 笑容滿面的表情, 快要死掉的心情, 矛盾是因為不想別人擔心, 還是害怕證實了真的根本無人會擔心, 最後發現原來是自己真的喜歡笑, 更喜歡看見別人笑. 細個時, 俾人話諗得太多, 似大人, 大個時, 俾人話行為似細路, 我就係我, 仲想點? 自問比很多人多了一份童真, 亦比很多人諗野較細心及遠, 是人地不會去接受電視低能節目內不會出現的角色性格, 還是我真的一點優點/缺點也沒有值得人們去發現. 妳是一個很好的人, 想出了很多我的優點去安慰我, 妳很關心我的心情, 真的很多謝妳, 可能我就是喜歡這樣的妳.
很討厭, 真的很討厭, 討厭這種甚麼也不是的心情, 晚上七點幾和身在澳洲的阿 king 傾左半個鐘電話, 心情好了很多, 多謝哂, 信自己, 我地會找到更好的.
其實我已十分幸福, 可以做喜歡的事情, 可以睇喜歡的書, 可以聽喜歡的音樂, 有喜歡的人, 有好玩的朋友, 有世上最好的家人. 雖然妳用了一個不能改變的事實去拒絕了我, 但看見妳快樂, 我也很快樂. 講唔定, 有一天, 妳會發現, 我真的可以.
想失望的人便即管失望吧, 無論如何, 我都是不會自殺的, 死不能解決我的問題, 如果真的有討厭我的人, 多謝哂, 是你令我夢想成真的. 自細喜歡壞人, 但經常被當作好人, 這是一心最大的失敗, 如果你真的當我係壞人, 多謝你, 是你令我的存在變得有意義.
晚上看龍貓時發現, 原來我經常唱著的旋律便是龍貓的音樂, 今日亦看了一點 "DNS and Bind", 其他時間都是休息, 胡思亂想. 九點幾時寫了上面一堆野.
下午再聽了 kiki 那隻 "black & white box of jazz", 很喜歡那首 "You are the sunshine of my life". 11 點多就開始聽小野麗莎...很舒服的感覺.
今日是長週, 要返工. 但因為我正在 training, 而星期六是沒有 training, 所以我今日返工完全係 hea, 比平時更 hea. 另外因為電腦搬了上 15 樓 conference room, 所以我和另外三個 training 的同事離開 10 樓, 在 15 樓繼續試做昨日 web-tier 的 lab, 當然...我只係 hea 做, 主要活動係上網和同其他 hsbc 同學以 notes 亙通消息.
放 工後和 kiki 搭小巴去旺角, 我們先去了一間 vcd/dvd 鋪睇碟, 但呢間野都唔知點講好, 總係無咩邊隻睇得上眼...之後, 我們便開始會合其他人, 去了女人街的 Dif Cafe 食野, 食完野我地就去九龍灣打 bowling. kiki 就在旺角等朋友. 去到九龍灣, Vincent, Joe, Pat Pat, Lee Hang, Yee, Annie, Bonnie 和我便先打一鋪, 但中途因為"安全問題"引起小插曲, 基上都係隔離 line 的人打得唔掂, 發神經者...第二鋪 kk, mcc, 肥鑾加入, 戰情更加可怕.
玩完, 在九龍灣 hea 左陣, 我地就搭車去九龍城食野, 點知架車原來唔係好經九龍城, 結果我地去了尖沙咀食韓燒, 食野期間 mcc 對住 b*nnie 射野, 攪到成褲都係, 定力真係唔夠...
食 完已經 11 點幾, 我地再去了海旁吹水, 中途被一班唔知咩人問我地想唔想讀大學, 做緊野定讀緊書...這些問題對我地都比較難答....不久後, 他們便知難而退. 之後又去了星光大道, 再 hea 多陣就去了 HMV 下底間 M 記 hea, 跟住便決定散 band, 我和儀姐姐等左陣綠色小巴都係無位就去了 mcc, pat pat, annie 他們等小巴的地方搭紅色小巴, 但原來佢地最後發現佢地原本等車個度係無佢地架車的...佢地最後都係去返旺角搭小巴...
返到屋企都四點, 洗完白白就訓覺了...不過某人又唔聽我電話了...
今日 11:45 8 號風球, 立即離開公司走人. 其實整個上午的 lab section, 大家的電腦都是開著天文台的網頁不繼 reload, 完全唔係做野, 但我和阿南在不繼參考 solution 的情況上, 進度十分良好. 如果不是下午不會上班, 今日應該做得哂成個 web-tier 的 lab.
搭地鐵時, 我只需要搭一個站, 但阿宏問了我一個很有趣的問題...佢問我...係咪有天生奇能...佢話我理解速度很高, 理由是在 training 時, 當其他 expert (即係 hsbc 原本的員工, 部份已經用緊 ES 做 develop) 都仲唔明 training 的內容時, 而我已經經常可以答到 rudolf 一 d 無人答到的問題....跟住我話, 個 d expert 工作煩忙, 無專心上堂者...跟住佢話, 我同佢 training 個陣, 都係一齊釣魚, 發呆者...跟住我就落車了.......其實真正的原因是....那些 expert 太過 expert...唔出手答者...同埋個 d 太 concept 既野, 如果唔係負責個 part, 又點會咁清楚記住呀...反而我會幾期待 d expert 問一 d 在 implement 時的問題, 始終我而家都係得個聽字同埋做 d 簡單 lab.
返到屋企食完午飯就 訓覺了, father 都好早就收左檔, 跟住成個下午和晚上都在聽 kiki 借的兩隻小野麗莎 cd 和一隻 jazz精選...懶洋洋的下午聽小野麗莎, 感覺很好....另外亦睇多了一點 "web services" 那本書, 亦和 mcc 討論了一些 web services 的問題.
唔知大家有無發現, 並不是所有角色, 在故事的結局, 都有好的結局.......
在好人捉壞人的故事, 好人得到最後勝利, 壞人在最後慘淡收場...在王子和公主的故事, 經常都有同樣喜歡公主, 但最後得不到公主的角色. 大部份情況, 他們分成兩種主要性格, 第一種是搞笑/無能形, 在故事發展中, 他們都是被其他角色所戲弄, 講唔定有一場係他們反幫主角們解困, 好運的話, 在結局時, 他們都有幾個鏡頭, 對白就多數無了. 另一種比較常見, 這種角色在開始時和公主一起, 但自從王子出現後, 便經常會有一些講都唔信的事情發生, 之後, 當然, 大家都估到, 公主變心了. 他們立即變成大家心目中的壞人. 故仔就是這樣, 要走的, 始終要走, 不管他們怎樣做, 公主都是會走, 這種角色通常在故事的中後段部份便不再出現, 故事完結時, 基本上無人會仲記得有過這個角色.
這些都是昨晚在西鐵上諗的, 文字始終都是表達不了那種傷感, 但真的很討厭...
今日上午繼續 training, 題目是 web-tier, 基本上係講成個 es 點樣 implement MVC model. 勁睇訓...training 完又未放 lunch 同埋今日下午無堂 , 便去了問 jessica 我要做的到底是甚麼東西, 原來佢無諗過我呢幾日可以做野, 佢係預左我 training 完先開始做野, 咁跟住佢就話我係要用 jsp 做番個 screen layout. 跟住佢 send 左 d UI tab 既野我睇叫我下午睇.
原來 kiki 同阿宏佢地已經 firm 左今日整沙律食, 我重以為未 firm, 所以我拎左飯...真係唔好意思....佢地整左好多野食, 我食完飯都有食佢地 d 沙律, 好正!!!
下午睇左少少 UI tab 同埋重溫番呢幾日 training 學既野, 大約三點就去左 jessica 個位聽佢講我地 CAS retention system 個 flow 同 hierarchy...聽完都已經四點, 已經無咩心情睇 UI Tab, 便繼續睇 ES d 野同埋入阿南佢地間 room 睇拆樓. 睇拆樓已經成為我地番工的最大樂趣.
放工約左 annie, bonnie, vincent 去尖沙咀食野, 食完野去左利時睇 annie 買番工衫. 十點幾, 我和 vincent 便先行離去...跟住搭 k16 + 西鐵 + 輕鐵番屋企...十一點打俾 annie, 原來佢地重行緊...真係勁...我已經超睇訓...
今日 housing 人都開始返工了, annie 和 vincent 要同好多奇人做同事呀...
今日係第二日 ES Training, 一早返去由 10 樓搬機上 15 機, 等全班人 set 好部機, 就正式開始做 xml configuration 的 lab, 我同阿南共用一部機, 以前 sep 時代, 我地已經經常雜交, 所以 pair programming 合作性很高. 但係 d lab material 有好多 version, 基本上無人有最新的版本. 個 lab 用左 digester 的 ruleset, ES 的 configuration 個幾個 class, 又寫下 xml 咁...我地兩個在不停參考 solution 的情況下, 順利完成..
在做 lab 期間, 係放 lunch 時間, 我地又係拎飯番去食...食完仲去左百佳買洗潔精 tim...我地仲係咁叫 kiki 同 angle 幫我地洗哂所有野...佢地只有無奈地苦笑...當然...最後我地都係自己洗自己野 la...我地好識憐香惜玉既...
食完飯做埋 xml 個 lab, 就開始聽 Locator Framework, 睡魔係咁急 call, 以致不太集中...基本上好似係用 locator 呢樣野去 locate java object...之後五點正做完 locator 個 lab...但係因為要搬番部機去 10 樓, 攪到差不多 6 點先走得...
我終於被分發工作了...真係好...我想有野做好耐了...自修了咁耐...終於都開始有野做了...雖然我都只係係 team 入面的 tasklist 其中一個只有名, 其他咩 d 未知的 task...但係...都已經算係一個好開始 la....
Night Music
今日開始 ES training, 一早返去等開始, 期間一路食早餐一路睇這個 - Reduce compile time with distcc, 內容是使用一個分佈式 compiler Distcc 在不同的電腦同時 compile 來加速.
上午是 ES 的簡介, 跟住講了 HRUP (即係 HI 自訂的 RUP) 和咩係 use case, 超眼訓, 出席者好多都釣哂魚...奈何我坐最前...點都要頂住...
今日又係一齊拎飯返去食, 勁正...食完一齊洗野...又攪足一個鐘...
飯後等到兩點繼續, 內容是 Jakarta 的 Digester 和 ES 入面的 XML Configuration, 無上午咁悶...但係個 d xml 都幾煩...提到好多 design patterns, 幸好本身都識最簡單個幾種 patterns...
今日個 trainer 都幾好人, 幾關心我地 d 新人, 不過係特別鐘意問我問題者...幸好...佢問個 d...我都識答...其實佢都係我地 d 同事, 不過真係唔識串佢個名...唔好意思...係 training 識多幾個同事, 原來坐我 2 點鐘方向的 jason 係我地 department 的 lan admin...唔怪得平日咁多人搵佢 la, 佢勁忙架, 好勁架...
Night Music
今日訓到一點幾, 起身食左野, 睇下電視, 諗住搵人番 city 打下波, 點知一係就無上網, 一係就無反應, 有反應個兩三個都好似唔想咁, 唯有放棄. 跟住就去左圖書館, 借左兩本對工作可能有用的書, "Java Web Services" 和 "Enterprise JavaBeans", 兩本都是 O'Reilly 的書, 加埋之前借的 "DNS & BIND", 屋企有三本 O'Reilly 的書, 真係十分支持. 去完番屋企坐左陣就落街收檔, 今晚佢地去家姐公司的渡假屋, 所以早收. 差不多收完, 勁大風大雨, 濕哂身. 返屋企無耐佢地就快閃了...
跟住就上網睇阿雞諗住買個 d 相機, 佢要部單鏡反光機番學用. 睇了一輪, 有部我地都覺得幾型, 點知俾 joe jay 發現個部唔係單鏡, 咁可憐的小雞雞唯有繼續搵佢既單鏡...
之後都係上網, 睇電視咁...
Hea Music
今日如常 8:25 番到 hsbc, 開始較好時間了. 番到去扮睇 ES, 其實上了 Developer Works 睇野, 之後去了睇 Struts , 其實我覺得佢幾似 ES...
跟住開始睇 ES 的野, 睇了 Digester, 這是一個 parse xml 檔, 當找到指定的 pattern, 就會自動生成 java object. 在大約十點幾, 被叫去 18 樓開會, 大致上是講 CAS 的幾個 PAGE 的做法. 開到大約 12:15, 搭電梯去食飯時, Malcome 問我係咪唔明佢地講咩, 之後佢話做 placement 一定唔好遲過 5:30 放工...跟住搵番南, william, j, kiki, angel, kenny一齊食 lunch.
番去後繼續睇 ES, 睇了一些關於 XML configuration 的東西. 一心等放工, 而其他組員就和另一組的人開會, 今次我無份. 等到五點鐘, 因為約了 6:30 去沙田睇戲, 所以準時走人. 之後去了奧海城換衫. 換衫途中, eric 來電, 原來變左係電影中心睇, 咁我變左有好多時間, 唯有同 eric 和 lee hang 去了深水步行黃金. 行左陣 joe 已經去到油麻地, 仲發現只係得番頭四行位, 但我地都係唔理咁多, 去左先算...
lee hang 就番左屋企. 我同 eric 去到油麻地地鐵站, 會合了 joe, annie, abby, bonnie, kiki 就去了戲院, 中途 vincent 加入. 頭四行我地都望睇, 不過 abby 唔睇走人. "麥兜．菠蘿油王子", 幾好睇, 好笑亦有意思, 睇完 joe j 問我明唔明, 我話明, 佢問我明 d 咩, 我答, 諗到幾多, 就明幾多....
之後行了去尖沙咀食野, 行哂大運咁去了"無間道"食, 間野一般好食 la...不過我食一餐俾 bonnie 打左幾十行頭 ja...食完都十二點幾, 我地再行番落去旺角, 搵埋 lee hang 一齊再食糖水. 食糖水個陣, 我被 annie 和 bonnie 夾住坐, 無啖好食, 很可憐. 食完都二點幾, 佢地就係旺角搭車走人, 因為始終都係唔想搭勁慢的紅色小巴, 所以我一條友行了去尖沙咀搭亡命綠色小巴. 幸好過了佐敦談就有車了...3 點幾番到屋企洗白白再睇埋 Monday 和上網就訓了...
Happy Friday....YEAH!!!!
昨晚訓之前無較電話鬧鐘, 今朝六點自己無故起床, 之後較番 7 點的鬧鐘...8:25 番到公司, Eric 正在我的座位搵野...今日開始做 ES(Execution Services) training 的準備工作, 真好, 終於有資料齊全和 update 的文件了...正式開始使用 WebSphere, 比想像中易用, 可能因為指引充足吧...一開始做那個 ESRA(ES Reference applcation)尚算順利, 但在設定 db2 時都是有些問題, 向早幾日已經開始睇 ES 的阿宏請教都是未能解決問題, 幸得路過睇唔順眼的同事, 亦即是下星期 training 的導師出手, 終於搞得掂. 午餐和 kiki, 天使, nam, william, 宏一齊係大角咀某小形餐廳食, 食完上左匯豐中心 18 樓的 canteen 參觀...
下午繼續睇 ES 的文件, 大約 3 點半, 終於有組員搵我. jessica 打俾我問我係咪睇緊 ES d 野, 我話係. 佢話好. 之後 print 了幾份下星期 training 的 pdf 出來睇. 亦都証實了誰是我的 working supervisor. 五點正準時走人.
番屋企睇埋村上春樹本 "神的孩子都在跳舞". 訓左陣去三聯諗住幫 king 買書, 點知無得賣.....
一早返工, 係地鐵見到 chris 和 judy. 差不多 8:25 上到去, 都係無咩人...william 差不多 8:45 先返, 阿宏重勁, 九點先番. 我今日十分有先見之明, 一早就同阿頭 eric 和 malcome 講了早晨, 之免兩日都無同佢地咁野, 最後一如所料, 真係成日都無再交談了. 我成日都係做 WSBCC 的 Lab, 試了 WSBCC 入面的所謂 Data Element, Format, Context, Operation, 差不多全部都係用 xml set, 另外再用 visual age 加 d class 咁...搞極都係唔知自己做緊咩...有時間都係睇下 ES d 野好, 唔係下星期 training 個陣咩都唔識...放工五點十五分就走人, 係地鐵又見到 chris 同阿牛, 仲俾阿牛話我做咩一開始就咁準時放工...但係我真係無野做呢...
在西鐵傾左陣電話, 番屋企再上陣網就訓到 7 點幾收檔了. 都未有時間去圖書館借書和幫 king 買書...
犯賤的................是我吧...................................
今日番工遲到, 在西鐵見到阿牛, 過埋今個月, 佢已經番左 14 個月 hsbc 了. 番到去無門口入, 唯有打俾阿南求救開門俾我...今日繼續做 WSBCC 的 Lab, 因為 file 唔齊, 好多好簡單的野都攪左好耐, 要自己整番 d xml file 出來. 不過總算順利...完成了 3 個 lab...不過都重未用得到 websphere. 一路都係俾 visual age 玩.
今日好勁, 全日都無同 d teammate 講過野, 如果唔係有同學一齊做, 我同自閉無分別, 睇見隔離的 william 的 teammate 個個都對佢咁好, 真係有 d 唔知點...下星期二開始九日的 training, 很可怕, 要同阿頭 Eric 一齊上. 勁驚...好似重要係二個人用一部機...簡直係實力大測試...
其實都有 d 覺得搞笑, 我呢幾日都係睇緊 CRMS 的 WSBCC, 但係下星期又要去 train 新 system CAS 的 ES. 之後都唔知我係做 CRMS 定係 CAS 多...到時最怕將兩個撈亂哂...
今日算得上係最早走的一日, 5 點已經係咁叫其他人一齊走, 之後等埋阿宏 clone 機, 五點半就同埋 kiki, william 一齊走...阿宏係地鐵買飛慘被食錢, 係我同 kiki 係部機等佢的時侯, 有部賣飛機無端端趺左 $1, 真係神奇...而佢亦已經不知不覺地入左站...
無錯...最犯賤的...是我了.......是我想得太多吧...聞住陣味...我是識得返屋企的...勇氣我是有的...但只是勇氣就夠了嗎? 有人會煮定飯等我嗎???
今朝 7:00 起身, 之後唔肯起身訓多半個鐘, 之後以極快的身法換衫出門口, 在西鐵上食了早餐. 返到去都係 8:20, 係樓下遇見 kiki 和天使 (無錯, 我絕對係怕又打錯名先寫中文), 一齊去了 canteen hea 左陣, 之後同埋 william 一齊上去. 上到去都係無咩人. william 之後決定以後番 9:00, 勇! 11:00 前都重係完全無野做, 之後 eric 俾左個 notes 和 novell 的 account 我. 重叫我做下我早幾日搵到的 WSBCC (全名無可能記得) 的 lab exercise. 之後和 Nam, Kiki, William, 天使, 宏, 佳, another vincent, kenny, victer 一齊飲茶...又飲...
下午番去後不繼試那個 exercise, 發現個 lab 的指引有 d 與現實不付, 試到差不多 5 點, 都係忍唔住走左去問 malcome, 一問之下, 原來係要另外裝 d 野先用到 wsbcc....跟住佢幫我搵左輪, 又幫我 set 左 d 野. 總算叫做裝好左個野, 但係唔知係咪有 d xml file 都係未齊, 搞到有勁多 exception, 但係時間已經係 6:00, 當然係走人為上. 同 nam 和 宏一齊走人. 勁爆笑, 同宏一齊上左架地鐵先識得驚架車係去邊個方向...
之後去到南昌作出勇敢的嘗試, 成功由 50 % 提升至 66%. 但之後返到元朗再試就失敗了...重回 50 %...但得到一個俾人話 short short 地的 sms. 真可憐.
歐洲歌家杯打完了...希臘在決賽打底葡萄牙成為冠軍. 希臘的防守真的很強勁. 葡萄牙今次其實已經打得好好, 新舊黃金一齊合作...今次可能真係黃金一代的最後一次了...
今朝番工, 在輕鐵見到返工前的 hello kitty, 佢都重係好似以前咁. 一個未訓醒的樣子, 十分可愛. 大約 8:25 返到公司, 因為尚係無證人士, 所以入唔到門口...等左陣就有人番...跟左入去就發現...我應該係全層最早番個幾個之一...到左差不多 9:00, 其他人先開始返...唔知係咪因為係星期六, 其他員工返到去公司都係食野, 飲野, 換衫, 行來行去...到差不多 11:00 先開始做野...我今日完全自閉. 在公司只係在返工和放工時和 kiki 講過野...其他時間完全係自閉. 睇左 d CRMS 的 doc, 差不多放工的時間搵到上手剩低可能是教用 websphere 的 lab...另外亦發現, 我部機, 有 d 網頁係間中去唔到的...到左約 12:00, 我發現我部機的時間係快左 10 分鐘的...在上手的我的最愛發現天文台對時網頁...較番好後, 約 12:15 中環 hsbc 的 joe jay 打來問我重咩重唔走...跟住我就走了...今日番工成為真正的 air.
放工後, 約了 joe jay 在九龍灣食野, 約了 eric, vincent 和 lee hang 兩點半打保齡. 我地兩個食完野四圍行, 見到原來打卓球好平, $30 一個鐘, 我同 joe jay 就打到 eric 和 vincent 出現, 打左成個鐘, 連紅波都未打哂, 我地真係勁. 跟住開始打保齡. 一開始, 我就上哂身, 頭五輪都係全中或者保中. 之後幾輪都打得好勁. 有成 128 分...好似未試過咁高分. 如果唔係 vincent 最後一輪連續三個全中, 都唔會比佢高我 3 分...第二場. 我已經無哂力了...順利地成為最短分. 連第一次打的 lee hang 都高分過我. 之後又去番打卓球, 五條友輪打, 打左差不多粒半鐘...只有高手 lee hang 唔係負分...跟住再打第二場. vincent 已經走了. 今次打得比較好. 一個鐘多小小就打完. 我和 lee hang 都係正分完場...跟住去左食 kfc. 之後便返屋企了...hea 到爆的一日
正如 lee hang 等人所講一樣, annie 姐的電話係好難搵到佢的. 我昨日第一次打比佢就搵到佢, 應該係近期最好運的一件事. 不過到左今日, 搵左幾次都係搵唔到.
今日第一日返工, 正式開始一年匯豐生活. 8:30 要去到第一座的 hr 交番 d 文件. 攪左勁耐. 原來 eric 的表妹都係在匯豐做實習. 見到好多其他一齊實習的同事, 仲遇上一個中文名的英文串法和我一模一樣的實習同事....我地仲要係同一個部門, 同一 team.......
跟住上去搵番自己個阿頭 David . 我個 team 叫 CRMS (Customer Relationship Management System), 阿頭講解了一陣我地個 team 後, 就見另一個阿頭 Eric. 佢好詳細咁講了我地 team 兩個重頭 project, 分別係已經出左街用緊的 CRMS 和開發中的 CAS. 另外亦介絡了其他隊員, 分別係 Jessica, Malcone, Fion(當時未有出現), 另外仲有在廣洲的 Victor 和 Jacky, 加埋兩位阿頭和兩個 chow wai chung, 合共 9 人. 之後我就被分發去上年 placement eliane 的位, 佢勁好人, 寫底哂 d 重要野俾我. thx thx thx. 之後自己試用左一輪 CRMS 就去左食飯.
我地 CITY 人一齊去飲茶, 成員有 william, nam, kiki, angel, kenny, franz, "雲" 和我. 十二點放 lunch, 我地食完返去都差不多二點...
返去試多陣部機後, Malcone 叫了我去開關於 CAS 的會, 參與人士有 Malcone, Jessica, Fion, 電話入面身在廣洲的 Victor 和我. 個會主要係 Malcone 講番 CAS 的架構. 大致上明白個 concept 同 flow 係點, 都幾類似 MVC, 不過有 D 名唔同左, 同埋用多左 XML. 但做落好似好煩...佢地個個都好勁, 有好多討論...我就越聽越眼訓...個會開左差不多兩個鐘, 完結後, 我問了一個很重要的問題...就係....我到底短期內要做 D 咩...跟住好好人的 jessica 就教我入 team network driver, 重叫在廣洲的組員 jacky 找了一些 CRMS 的文件給我睇, 第一日返工就同廣洲的同事講電話...相信以後仲有很多機會...之後睇左一陣文件, 我就偷走了...
相對其他同學, 我有得直接用番上手 d 野, 可以好快就開始工作...不過好多野尚要學習...最開心是 william 坐正我隔離, 以後唔駛怕悶.
Awk is your friend - 在 year 1 睇 "Unix Programming Environment" 時, 曾睇過少少 awk 的野. 始終覺得這類實用性較強的語言, 都是要經常使用才會真正學會.
今日清潔昨日在沙灘沾在鞋上的沙...發現隻鞋已經進入老年了...鞋底都差不多穿了, 甚至成隻斷開也有可能...其實我有兩對比較新的鞋, 但這對鞋已經著到軟哂, 去旅行, 行山都係著佢, 勁好著...實在唔捨得要佢退役
今早七點才回家, 差不多一點便起身了...實在太熱了...起身後和奶粉交談了一會, 發現佢兩姊妹真的感情複雜. 之後睇左烈火雄心, 正!!!
Day Music, 今日是屬於中文歌的...
傳閒馬龍要退休了.
對於自己的意向...總是有點不明白...特別是在那方面...向 annie 姐請教了一會
明天要返工了, 祝大家開工大吉
今日去石澳 bbq, 由原定在 4:30 筲箕灣等變做在中環等, 以致大部人都早到左, 不過最後都搞到差不多 5 點先齊人, 跟住順便等埋 joe jay 放工一齊去筲箕灣. 去到筲箕灣, bonnie 和 annie 先去石澳搵爐. 我, Eric, Lee Hang, Joe Jay, Pkau, Vincent, Yee 就係筲箕灣買野. 我, joe, lee hang 在一間食店慘被兩名阿姐出言性騷擾. joe j 跟住仲去左一個要提防針筒的洗手間換衫.
去到石澳, 超多人, 在 vincent 及 bonnie 等人的壓力下, 成功趕走原本正快樂地燒烤的一家人. mcc 亦在這時侯到達. 講番最重要個樣野, 在開始的時侯, 成個燒烤場都係 d 14,15 歲的細路, 完全無肉食. 但幸好尾段都有不少性感姐姐出現.
講番食野, 我食左 8 隻半雞翼, 那半隻是因為有異味而無食哂成隻.飲左好多野...食到咁上下, 我, joe, lee hang 去了海灘玩水, 因為打風關係, 超大浪. 三條友玩到成身濕哂. 之後返去叫佢地一齊落去玩, 點知佢地個個扮私文, 在其中一次 lee hang 去了叫佢地的時侯, 我和 joe jay 被一名神秘女子行近望我地, 令到我地都好驚佢係鬼...之後終於叫到佢地落去沙灘. 在我的沙粒攻擊下, 佢地都係唔肯落水. 之後買左個排球玩, 我亦都順利地踢到腳趾公流血...基本上我地都係不斷開波, 而我們亦不斷在打波期間嘗試掟人落水...在多次嘗試後, 我和 lee hang 順利地將 annie 姐抱住咁掟落水, 之後亦在 annie 姐的領導下, 將 mcc 都推埋落水. 為左要去睇波, 二點左右我地就沖身走人, 因為大家身上都好多沙, 攪左好耐.
之後我地就搭小巴去旺角, 因為大家都無咩食野, 同飲左好多野, 在小巴上, 大家都好想嘔. 去到旺角, 儀姐姐就坐紅色小巴走人. 其實那個時侯已經開左波, 我地亦在旺角行了很多間 bar, 餐廳. 但係都係無哂地方可以容納到我地 9 個人. 之後真係點都估唔到, 我地企係旺角 new way 門口睇波, 由下半場開始睇. 係地下企了一陣, joe j 提出可以上去 new way 睇, 有冷氣, 正. 仲有得坐, 不過得好少位. 我發現我地睇親葡萄牙都贏, 如果唔想葡萄牙贏到, 最好都係阻止我地睇波...今場波二比一, 三球都係葡萄牙球員入的. 真係勁.
睇完波, 我地去左間茶餐廳食野吹水, 坐到五點半就走了. 我地大部人都係坐火車走, 得我, lee hang 和 eric 唔係. eric 自己去了搭車, lee hang 住係旺角, 所以唔駛搭車, 佢陪我等左一陣綠色小巴, 但最後我都係等頭班 68 x, 因為紅色小巴實在太慢了...番到屋企差不多七點, 睇東方頭版先知原來昨晚在石澳有數名青年玩水被大浪沖走...勁得人驚...
今晚玩得好開心, 希望第日番左工, 大家都仲可以一齊去玩 la...
還有數日, 就要返工了...在大約中一二, 我已經要睇檔, 收檔, 數回書...好細個已經識搵錢...但一直都正式地番工, 身邊的朋友好多都己經做野了, 有 d 甚至做左一輪野讀番書...而我則一直都是一個學生. 從未試過正常的辦公室生活.
在 hello kitty 放工一齊食 tea 後, 回到家就感到很感慨...自從她需要工作後, 只要我是不需上學. 我都會和她一起食 lunch, 食 tea...縱使分開後, 我們還是經常一起...我們的關係一向也是比較怪的...很多人都問過我地係咪復合, 但我諗唔會了...只是想不到...在返工前, 我最唔捨得的...竟是和她一起的日子...所有野就像越走越遠似的...
去圖書館還書後, 腦內不斷想起一首音樂, 回家找了一輪...重覆地聽了一整晚...不過我都係唔係好知到底呢首音樂叫咩名同係咩人作...以下幾個字就係我唯一搵到的資料...不過唔緊要 la...所有回憶就像空氣般在身邊漂過...
昨晚再次等一開波訓覺. 今日勁 hea. 成個中午都係訓, 食, 上網同睇電視.
不過真係咩都唔駛講, 睇下下面
| ID | Date (UTC) | Status | CPU | Memory | Author | Source | Problem / Title |
| 2628783 | 2004/06/28 14:43:12.697 | Accepted | 0:00.404 | 420 | 26925 | C++ | 681 - Convex Hull Finding |
這就是我 acm 的第 100 題...頂...開心到爆!!! 終於做到 convex hull, 直接地用了 Graham's Scan. 重無厘頭地做左呢條題目的第 9 名.
頭先x德發打俾我, 問我去台灣 d 野, 佢地諗住七月一日去, 我勁想去, 好掛住台灣 d 野食...不過, 某人的護照...過期了...可能今個星期六日拉大隊返大陸, 正, 我都去得...
Day Music
在 annie 的妹妹 On Yee 的網頁看到這個
你的肩上有蜻蜓嗎？
在一個非常寧靜而美麗的小城，有一對非常恩愛的戀人，他們每天都去海邊看日出，晚上去海邊送夕陽，每個見過他們的人都向他們投來羡慕的目光。
可是有一天，在一場車禍中，女孩不幸受了重傷，她靜靜地躺在醫院的病床上，幾天幾夜都沒有醒過來。白天，男孩就守在床前不停地呼喚毫無知覺的戀人；晚上，他就跑到小城的教堂向上帝禱告，他已經哭乾了眼淚。
一個月過去了，女孩仍然昏睡著，而男孩早已憔悴不堪了，但他仍苦苦地支撐著。終於有一天，上帝被這個癡情的男孩感動了。於是他決定給這個執著的男孩一個例外。上帝問他：“你願意用自己的生命作為交換嗎？”男孩毫不猶豫地回答：“我願意！”上帝說：“那好吧，我可以讓你的戀人很快醒過來，但你要答應化作三年的蜻蜓，你願意嗎？”男孩聽了，還是堅定地回答道：“我願意！”
天亮了，男孩已經變成了一隻漂亮的蜻蜓，他告別了上帝便匆匆地飛到了醫院。女孩真的醒了，而且她還在跟身旁的一位醫生交談著什麼，可惜他聽不到。
幾天後，女孩便康復出院了，但是她並不快樂。她四處打聽著男孩的下落，但沒有人道男孩究竟去了哪里。女孩整天不停地尋找著，然而早已化身成蜻蜓的男孩卻無時無刻不圍繞在她身邊，只是他不會呼喊，不會擁抱，他只能默默地承受著她的視而不見。
夏天過去了，秋天的涼風吹落了樹葉，蜻蜓不得不離開這?。於是他最後一次飛落在女孩的肩上。他想用自己的翅膀撫摸她的臉，用細小的嘴來親吻她的額頭，然而他弱小的身體還是不足以被她發現。
轉眼間，春天來了，蜻蜓迫不及待地飛回來尋找自己的戀人。然而，她那熟悉的身影旁站著一個高大而英俊的男人，蜻蜓幾乎快從半空中墜落下來。人們講起車禍後女孩病得多麼的嚴重，描述著那名男醫生有多麼的善良、可愛，還描述著他們的愛情有多麼的理所當然，當然也描述了女孩已經快樂如從前。蜻蜓傷心極了，在接下來的幾天中，他常常會看到那個男人帶著自己的戀人在海邊看日出，晚上又在海邊看日落，而他自己除了偶爾能停落在她的肩上以外，什麼也做不了。
這一年的夏天特別長，蜻蜓每天痛苦地低飛著，他已經沒有勇氣接近自己昔日的戀人。她和那男人之間的喃喃細語，他和她快樂的笑聲，都令他窒息。
第三年的夏天，蜻蜓已不再常常去探望自己的戀人了。她的肩被男醫生輕擁著，臉被男醫生輕輕地吻著，根本沒有時間去留意一隻傷心的蜻蜓，更沒有心情去懷念過去。
上帝約定的三年期限很快就要到了。
就在最後一天，蜻蜓昔日的戀人跟那個男醫生舉行了婚禮。蜻蜓悄悄地飛進教堂，落在上帝的肩膀上，他聽到下面的戀人對上帝發誓說：我願意！他看著那個男醫生把戒指戴到昔日戀人的手上，然後看著他們甜蜜地親吻著。
蜻蜓流下了傷心的淚水。
上帝歎息著：“你後悔了嗎？"
蜻蜓擦乾了眼淚：“沒有！”
上帝又帶著一絲愉悅說： 那麼，明天你就可以變回你自己了。”
蜻蜓搖了搖頭：“就讓我做一輩子蜻蜓吧…
有些緣分是註定要失去的，
有些緣分是永遠不會有好結果的。
愛一個人不一定要擁有，
但擁有一個人就一定要好好去愛他。
昨晚荷蘭對瑞典又打到加時射 12 碼, 雲達沙真係勁到爆. 荷蘭出線. 我睇到 5:30 先訓, 訓左兩個半鐘就要起身了...
今日一早就去了灣仔及柴灣拜山. 勁熱. 兩點幾去了家姐屋企樓下食飯. 之後因為太倦, 在家姐屋企訓了幾個鐘, 原本諗住一齊去牛肉館食晚飯. 但後來因午餐太遲食, 6 點幾都未覺餓而放棄. 跟著搭車返屋企, 在車上再訓...
在 mcc 的日記提到 "blogger應該係hea人專用,自從我叫hea神mike用之後,識佢既人(hea教徒)就起blogger喇.." ...hea神呢個名真係唔敢當...但係如果我係hea神, 咁比我更早用 blogger 的 mcc 和 vincent 咪係hea神之神!!!
joe j 送了追女十大禁忌給我. 多謝哂!!!
在洗澡的時侯反思了"談話"的意義. 是為了交換思想? 取得認同? 還是 "just for fun"???
Music
經常說不要想太多不開心的事, 但那是對別人說還是對自己說...已經半年了, 有那一日我是沒有想起那些事...傷口就像每日都還在擴大...
搵了很多首 Beastie Boys 新碟的歌來聽. 一向都不太喜歡那些好似很暴力的 hip hop 友, 卻喜歡那些好像陰氣很重或者 soul 味比較重的 hip hop (你喜歡就叫trip hop 吧), 好像 Portishead, Massive Attack, Spooks, UNKLE, DJ Shadow 等. Beastie Boys 算是比較特別, 聽到他們三條友係咁 rap, 就覺得好開心.
AM 2:00 Music
昨晚再一次等到開波, 上半場都未睇完就訓著. 法國玩完, 希臘打入四強, 都唔知係咪聖鬥士上身 .......
訓醒已經 12點, 和 annie 姐的妹妹 icq 了一陣, 在那短短的的對話, 我話了佢多於 10 次勁. 果然係有其姐必有其妹. 難得地和比自己細這麼多的人交談, 很開心.
還了早兩日借的"劍河倒影"和"羊男的聖誕節", 我睇這種非學術書籍的速度, 真的快到自己都唔信, 呢兩日仲要係街的時間仲多過係屋企...再借了三本書
無錯, 又係村上春樹, 這是一本短篇集. "勾股"那本希望能夠讓我學番一些基本的數學吧...認真的讀書是在中四之後, 基本上中四之前學校的知識我是完全沒有的 (校外的就有大量). 中四之後那些也只能叫作自修回來..."DNS and BIND", 想看很久了, 但似乎我好大可能睇少少就無心機睇了...哈哈哈
在我的日記, 是沒有主題的, 沒有主題的我過著沒有主題的生活. 真的十分"無為"...
Day Music
Night Music
中午睇了一陣檔, 食飯後無做過咩有意義的事...今晚和 lee hang, vincent 睇波
實在太正了...邊度搵
但這並不是我最喜歡的類型...還是低能一點比較好...
在圖書館借了兩本書, 一本是 mcc 介紹陳之藩的"劍河倒影", 另一本是村上春樹的故事加佐佐木 MAKI 的圖晝的繪本 "羊男的聖誕節" . 在飯前睇了 30 多頁"羊男", 故事大約是一個羊男因為在聖羊祭日(24/12)食了一樣有洞的食物(甜甜圈)而受到詛咒. 羊男不再是羊男, 所以不能作出羊男音樂. 而解咒的方法是要掉進一個在"聖羊人上傳"內有列明大小的洞...
村上春樹的故事總是那麼無聊, 畢竟也是一本繪本, 今次的看來比較正常. 村上春樹的短篇是比長篇好看, 因為更無聊. 好像"遇上 100% 的女孩"和"電視人"等, 根本就是無聊到不能相信的故事...但就係因為咁無聊的故事, 我在中四開始次次去圖書館或書店, 都總會看看他的書. 中四時和阿雞一齊坐的日子就睇得最多, 那時阿雞, 何小姐和我絕對可以組成"堂上課外書研讀會".
終於睇哂猿人襲地球, 相信最感動的不是我, 而是阿雞, 我終於用多於半年時間睇哂問佢借的六集猿人襲地球...不過佢做得好心多係有好報的, 如果唔係點會成日羸波...
說時遲, 那時快. 已經睇完"羊男的聖誕節"...好坦白咁講, 從未睇過一個咁正常的村上春樹故事...
意大利 - 在小學時期, 已經因為祖雲達斯的巴治奧及 AC 米蘭的巴里斯而愛上意大利. 但很可惜, 由識睇波開始, 意大利國家隊的實力相對本土球隊總是差很多. 較難忘是在 2000 年歐洲歌家杯那個不整的陣容, 在索夫的領導和托度的超神勇表現下, 打入決賽. 但那次都只是顯示了意大利的防守力. 但今次歐洲國家杯, 在意大利對瑞典的上半場...簡直係勁到爆...以派路和加度素打正間, 打出了今年的 AC 米蘭戰術, 前面卡斯辛奴加迪比亞路在中路的進攻, 後面森保達和彭路基的兩邊助攻. 尼斯達, 簡拿華路, 加度素, 柏路達, 保方的超勁防守. 那些一層層的進攻, 比 AC 和阿仙奴更勁. 絕對係有今生. 無來世. 一向都不太喜歡托迪這種在球場上好似表現得很輕鬆的球員, 今次歐洲國家杯在沒有他的日子, 意大利的表現明顯地比有他好很多. 但很可惜, 今次意大利在領隊的奇怪排陣和無厘頭換人及最後一場加度素及簡拿華路的停賽下, 意大利首圈出局. 我不認為瑞典對丹麥那場有打假波, 就算有都只能怪意大利自己在一開始表現不及另外兩隊. 經過今次, 我更愛意大利, 更愛上了卡斯辛奴, 他在最後又笑變哭的表現, 比所有電影情節都令人感動. 期待 2006 世界杯的意大利, 希望到時意大利能有一個值得信賴的領隊, 如納比和索夫. 基本上意大利的球員從來都沒有問題, 問題只在領隊有沒有選中適當人選. 期待兩年後更強的派路, 加度素, 卡斯辛奴為意大利取得世界杯.
超難得地睇了文匯報的副刊. 介紹了一本日本書 - "在世界中心大聲呼喊 : 我愛你". 內容是講兩爺孫的愛人都因病死去而不能在一起, 爺爺囑咐孫子在死後將自己和舊情人的骨灰混在一起, 撤在情人喜歡的山岥. 另一面孫子就將自己死去的愛人的骨灰送去愛人很喜歡的澳洲和撒在二人就讀的中學的櫻花樹下. 基本上是簡單到不能再簡單的的愛情故事. 但就是這種簡單, 這書成為了日本近年最好賣的書. 也許現代人就是需要這種簡單的愛.
基本上今日都係無做過任何有用的事. 實際上, 亦都唔係好記得自己做過 d 咩. 昨日 bid 的 suede 原來係大陸版, 決定唔買後, 賣家亦給了一個好的回應我, 我當然有俾番個好佢. 和氣收場.
今日屋企樓下有好多靚姐姐和妹妹, 她們都是街上搵人做問卷跟住捉上車的. 平時已經有好多. 但今日在屋企至檔口那段不足一百米的直路, 竟然有接近 40 個這些人. 但很可惜, 我不太想和這些人有任何眼神接觸. 因為佢地會捉住人唔放...雖然俾靚女捉住無咩所謂...
很喜歡在 How to Master GNU/Linux in 20 steps 的第八個 steps, "Realize that all operating systems suck, just some do more than others." 對於 os, 雖則在考試時尚算考得不錯, 但我自覺對 os 都是不太認識, 可以算是幾失望的一科. 並沒有學到甚麼有用的東西.
朝早醒神音樂, G3 - Live In Concert
下午一點和 pkau, joe j, lee hang, vincent, yee, 在鑽石山地鐵搭車去西貢行榕北走廊, 在頭半段路, 一直都是在山谷中行, 見到勁多蜘蛛, 係超勁多. 行兩步就有幾隻...我地亦以紙巾, 石頭, 樹枝等去進行破壞. 幸好今日陰天又無咩雨, 不過開頭無咩風, 勁熱. 行左約一小時, 我已經差不多就快死...之後在不斷進行休息及過了上山一段後, 在鬼門關回來. 但我在下山時亦整親左腳, 幸好無咩事. 行多陣就無哂事.
路經一個山澗, 睇見有人在游水, 真係有勇氣, 幸好我們沒有在上流進行任何排泄行為...之後離開山路, 在榕樹澳食左 d 野, 之後沿馬路向西沙公路行了差不多 1.5 小時, 沿馬路望見海邊的魚排, 風影很靚. 去到水浪窩便搭車去西貢. pkau 就走先.
去到西貢, lee hang 不愧係 eric 的同事, 又係咩路都識的, 帶我地去了食泰國野. 食完在西貢市海邊行了一陣, 在西貢碼頭 hea 了一陣, 吹吹風. 很正. 在離開西貢前, joe j 突然做出一些奇怪行為, 跳左落去一個水池, 成為腳都濕哂...之後 joe j 和 vincent 搭車返沙田, 我, lee hang, yee 就坐返車出鑽石山. 我非常唔好意思地成為電燈膽.......之後就坐巴士返屋企...
現在正在聽 vincent 在台灣買的 Labyrinth - Labyrinth. 勁正. 在 yahoo 用 $20 bid 了 suede 的 dog man star, 雖然而家已經好少聽呢類音樂, 但 $20 真係忍唔到手...
今朝六點先訓, 九點鐘有人來整窗框, 十點鐘有人打電話來, 十一點正式起身...
食飯後寫了昨日的日記, 睇了小小Weave a neural net with Python, 基本上都係唔知做咩.
四點因為對某人極度失望而傷心, 後期想通自己一直都是一個 loser, 睇化了便在五點開始午睡至七點, 之後便收檔.
飯後和 kk icq, 他說從我的日記睇得出我對女朋友會幾好...真係勁, 咁都俾佢睇得出. 不過有咩用...
晚上正和很多人 icq, 正在計劃明天的行山大計, 希望好天 la
無可奈何, 今日我都要寫 theme song.
不過其實呢首野我都唔係咁鐘意, 只係見個歌名幾 match. 我今晚聽了最記得的是
昨晚睇捷克對荷蘭, 很緊張. 一開波荷蘭就領先兩球, 捷克不斷狂攻, 最後追番 3 球, 勁! 今日天氣很好, 去東涌釣魚.
下午一點和 lee hang, joe j, vincent, yee 一齊在東涌地鐵站隻合去釣魚, 在東薈城見一名很靚的姐姐. 之後在 lee hang 的領導下行了一段路去了第一個釣魚的地方, 那是一個給貨船使用的碼頭仔, 唔係好肯定係咪叫白沙咀. 我釣了一條超細條的魚毛. 他們都釣到幾條魚毛...之後因為有船埋岸, 我地轉戰第二個釣場.
又在 lee hang 的領導下, 我們去了東涌碼頭繼續釣魚, 我在餵了一陣魚後已經無再釣, vincent 成為泥"魚孟"王, 一來就釣左幾條泥"魚孟". lee hang 都釣到一條. 其他人就全程餵魚和殺蟲. 我在飲了兩支氣水後, 便坐在碼頭小睡一會. 其他時間我也是在玩相機, 有 joe j 的半格機, dc 和我的四格相機. 部半格機好似幾好玩. 釣魚期間, 有人送了一條算幾大條的魚給我們. 仲教我地點幫條魚解魚勾, 真係好人. 之後我地 hea 到六點幾就離開現場. 走之前將釣到的魚和人地俾的魚放番落海.
番去東薈城清潔一輪, 再睇多個靚姐姐一次. 正. 之後儀姐姐就走了. 我地四條友就坐地鐵去尖沙咀. 在尖沙咀食了巴西燒烤, 勁飽. 之後在尖沙咀行來行去陪 joe j 買禮物. 但其實那時已經差不多 11點, 大部份商店都關門了...行下行下, 仲落起大雨. 之後再行了一會後, 便由唯一有雨傘的 vincent 護送明天要返工的 joe j 要搭車, 而我在 lee hang 打算向另外兩個避雨的女途人搭訕. 但行動最後並無進行. 另一邊的 joe j 和 vincent. 他們似乎在勁大雨的環境下等一架唔會出現的巴士. 我和 lee hang 就搵地方避雨. 在攪了接近一個鐘, vincent 無人性地放棄了 joe j, 和我們相約在 hmv 下面的 m 記, 我地三個人就咁坐係 m 記 hea 了二個鐘, 席間 vincent 和 lee hang 講關於他們做 kfc 時的趣事, 我就訓下聽下...
等到過左兩點, 我地就冒雨去搵間 bar 睇波, 之後去了寶勒巷一間新開的 bar. 呢間 bar 絕對係黑店, 得好少人. 加埋我地都唔夠 15 個客人, 開波前仲有一對男女係咁走哂音地唱歌, 仲要一路都好有台形咁唱...我個位仲要係望到正, 避無可避. 算. 到開波, 出哂事, 無聲. 雖則我唔係咁掛住有線 d 講波佬, 但係都唔係咁想全程聽住容祖兒唱歌咁睇波, 半場時, 有 d 人因為頂唔順而走了. 幸好. 下半場開波無耐便有番聲, 有理由相信, 之前無聲是因為條線無整好...有聲後, 即係正番哂. 講番場波, 係西班牙對葡萄牙. 葡萄牙一定要贏先可以出線, 我賽前睇好葡萄牙, 因為有 deco, cr7 做正選. 開波後, 葡萄牙不斷狂攻, 西班牙得個守字, 個教練又唔知相點, 要摩連迪斯做後備...下半場無耐, 葡萄牙就入了一球, 西班牙先叫做開始識攻, 在 80 分鐘先換入摩連迪斯. 但可惜為時已晚, 其實兩隊後段有幾球都差 d 可以入. 不過最後都係 1:0 完場. 西班牙玩完.
之後我坐亡命小巴番屋企, 平生第一次用 10分鐘行完整條屯門公門. 如果唔係開頭未上公路前要上客和番到元朗入油...真係半個鐘都唔駛...諗起都重有 d 驚...番到屋企 father mother 已經落了街開檔.
昨晚意大利終於肯以加度素和派路打正選, 前面卡斯辛奴搭韋利和迪比亞路, 因為有兩個勁中場, 彭路基和森保達可以不繼助攻出波俾韋利. 從未見過意大利可以攻得咁勁. 卡斯辛奴先入一球...之後唔知意大利想點...換走卡斯辛奴, 加度素和迪比亞路. 完場前被追成平手...pkau 今次 euro 第一次贏波
一起身聽了 Beastie Boys 的 Hello Nasty, 這隻碟而家好少聽, 但絕對對我有很大影響. 跟住詳細睇了 Graham's Scan 和 Jarvis's March. 準備再次挑戰.
下午睇了猿人襲地球的第四集, 我就快變成猿人. ape shall never kill ape. 之後係咁聽 Metallica 的 Master Of Puppets, 真係好正的一隻碟. 又放了三隻碟上 yahoo
收檔時有張單吹走了...攪左勁耐. 今日好早食飯...而家屋企得返我一個...
晚上再戰 convex hull, 原本諗住就咁用 Graham's Scan 做, 但始終都係想用自己個個方法...之後試左陣醒起係 acm forum 有條友 reply 左我一條成年前 post 上去的問題, 佢俾左勁多 test cases 我, 一試之下, 原來只係在 output 度有少少錯. 但係其實我已經唔記得個 program 係做 d 咩同點做...跟住係 output 個度轉左少少...submit...天...我攪左一年的題目就咁 accept 了...586 Instant Complexity 就咁成為我的第 99 acm 題目....不過唔駛諗 la...我的第 100 題已經預左俾...
以上內容其實係我第二次打的...因為之前錯手 delete 哂...部份內容和原本係有出入...不過都無所謂 la...
一起身就聽了迷幻沙灘的原聲大碟. 推介以下幾首
午飯後正開始找尋 jazz 的音樂, 目標是 Billy Holiday 和 Louis Armstrong. 陣間講下邊隻好聽.
又睇多集猿人襲地球, 真係幾好睇. 呢排日日睇, 就快發夢會見到 Cornelius 同埋 Zira. 真係幾喜歡 Cornelius 呢個角色, 很和平的學者. 難怪小山田圭吾都自稱 Cornelius.
成日都無做過 d 咩有意義的事, 只係搵下歌, icq, 睇書. 成個下午都係聽 d 舊歌, 連 vincent 都話我變左老人家...不過唔理佢講咩了...真係好正...大熱天時聽 metal 只會令我更熱...聽下 d 慢慢的, 舒服的歌好過 la...以下幾首是今日新加入的. La Vie En Rose 和 Smoke gets in your eyes 都係十分正...
早上十點至十二點聽的歌, 甚麼也不想做啊!!!
四點至七點聽的碟, 因為要令自己精神 d, 所以完全進入金屬的世界
十點多起身後都無咩野做, 睇了少少 "introduction to algorithm". 午飯前昨天原本說買三隻碟的人打電話來說只買原本三隻內的一隻加另外一隻. 很有趣地在電話內講價.
午飯後給 matt 一個好消息, 我終於睇多一集猿人襲地球. 重有三集未睇...希望七月前可以睇哂 la...之後和 hello kitty 一起去了屯門西鐵站進行交易. 賣了 Feeder - Yesterday Went Too Soon 和 Stereolab - Dots And Loops. 買家很有禮貌和好學. 回元朗後便和 cwk 食飯.
昨晚終於知道點樣係 linux 聽 cd...原來 audio cd 係唔駛 mount 的...加了 xmms-cdread 後, 在 xmms 當 cdrom 係一個 file 咁開就得...原來就係咁簡單...攪左咁多年...
寫左成日, 無理由唔寫而家, 而家聽緊 Portishead 的 Dummy, 成隻碟都好正, 晚上聽最正.
View PDFs with a browser using pdftohtml - 將 pdf 檔轉做 png 圖檔, 再以 html 格式化. 之後可以直接在 browser 睇而無需使用 pdf 的工具. 對一些舊式或不直接支援 pdf 的 browser 很有用. linux kernel 出了 2.6.7, 但我仲未 upgrade, 還是繼續使用 2.4.19, 因為新的功能對我都好似無咩用, 新 kernel 又要多 d 位...firefox 都出了 0.9, 這個我可能會升級, 因為為了睇網頁快 d 靚 d.
昨晚睇了捷克對拉脫維亞. 捷克狂攻下先失一球, 之後攻得更狂. 難怪 pkau 買總入球係 4 球, 不過捷克都係入多 2 球. pkau 又輸. 之後荷蘭對德國只係睇了上半場就訓了, 上午 7:00 落街將 "Key of 911" 交給 hello kitty, 在街上醒起了一件事...回家後立即繼續訓
10:00 起身睇 nba. 已經唔需要再講了, 活塞完全係技術性擊倒湖人. 成為今年總冠軍. 比立斯成為 mvp. 之後和儀姐姐去了荃灣幫 king 睇書, 但無佢想要個幾本. 跟住去了鑽石山和 carrie 小姐進行交易. 賣了 travis 的 the man who 給她. 她很好人.
之後番了 city 和 mcc, vincent, pkau, lee hang 打壁球. 之後 hea 了一陣就返屋企了. 有個叫 kris 的人幫我買了三隻 cd...就快變大生意
話說昨晚 joe j 問了 kiki 那些是咩歌, 得知是小野麗莎和 Antonio Carlos Jobim. 完全唔知係咩. 搵了幾首 Antonio Carlos Jobim 的歌來聽, 正爆. 極力推薦 The Girl From Ipanema 和 Black Orpheus. 很有懶洋洋的感覺...原來 kiki 都鐘意聽 trip hop 野, massive attack 同 portishead 都鐘意, 真係識貨之人
昨晚睇的是意大利對丹麥, 意大利竟然唔出派路同加度素...出了 C 辛尼迪和另一個全場都失了縱的柏路達...最後打和收場. 之後我無睇的瑞典對保加利亞就五比零...早知睇埋先訓 la...
一早八點幾就因為被大雨打醒了, 之後再訓發夢夢見自己去了北京, 看見兩個民運份子被捉去接受黨的再教育, 之後站在天安門附近一個有錢人家的後院, 看見數隻很聽主人話的西洋狗 (真係狗, 並無暗示任何人), 還有那些很黃的陽光...一個革命味道很強的夢.
終於睇哂張五常的 "科學說需求", 就像發了一場夢. 還了後借了一本給中學生睇的幾何學書 "趣味幾何學". 終於找到我的 3G. Graph + Geometry + G 字頭 L 字尾中間一個響音.
下午午睡時給陳警員電話叫醒, 落了街食下午茶, 和他吹了差不多兩個鐘水. 原來佢已經去了thailand 四次, 真係正. 更用了他的沙灘相做 wallpaper.
回家 hea 了個多小時後便和 cwk 去睇 "野蠻師姐". 雖然個古仔慘過"我的野蠻女友", 但我無哭. 最後更變成一部鬼戲 郭在容選的歌始終都係咁正, x japan 的 tears 很正. 女版的 Knocking On Heavens Door 都很到位. 睇完戲同佢去食野, 個侍應叫佢做靚姐, 爆笑
YAHOO MAIL 增加了功能, 有以下數點 :
一 d 都覺個介面有幾易用...容量增加了十分好. 之前最多只可傳送 3MB. 今次似乎都是為了對抗 GMAIL 而增加功能
Air 似乎不太滿意自己這個名, 但在我提出了另一個名後, 她都是叫我繼續用 air...
發現兩個幾有用的 linux 指令 - which, ldd. which 的用途是找一個指令的位置. ldd 是找個別程式或程式庫所依賴的共享程式庫.
昨晚法國在睇高一線下對戰英格蘭. 法國估有大部份主動, 但英格蘭的防守十分強勁. 更由林柏特先入一球. 英格蘭入波之後轉打 901 戰術. 法國點攻都無用. 但在補時的時侯, 施丹以一球罰球和十二碼令法國反勝. 正如伍晃榮話 "對唔住, 老套D都要講個四個字 -- 波係圓既". 不過我覺得今場英格蘭真係打得幾好了, 守得唔錯. 朗尼真係夠哂勇, 中場幾個都幾好, 下半場有埋夏格維斯, 防守力更強...可惜...
之後訓了五個鐘就開始睇 nba 總決賽第 4 場, 真係唔駛講野, 活塞完全技術性擊倒湖人. 湖人的所有戰術, 活塞都有應對的防守. 活塞的 Prince 真係勁...打法和帝王的舉手王絕對一樣...防守, 快攻走位等都係...連個樣都有 d 似...只係無舉手...金塊的甘比都係呢類人
下午找了一題 online judge 的 convex hull 來做, 試了很多 test data, 題目的, 在 forum 的都試過無錯...但係 WA...唔通我個算法真係錯...應該最多都係我的 implement 錯...算了...都係睇哂 "Introduction To Algorithm"入面講個兩個搵 convex hull 的算法先再做...
睇東 touch 發現原來 Beastie Boys 出了新碟, 聽了一首, 真係少了 dj scratching...成首都係 rapping 和一些簡單的 sampling. 很 lofi 的 hip hop. 少了 scratching, 即係聽少了 Mix Master Mike 的表演...不過係訪問入面, beastie boys 成員話 MMM 近排正積極地玩 SPEED METAL...唔通真係叫阿 MIKE 個 D 都係咁精神分裂...
今晚發現了一件勁有趣的事, 其實我一直都好想知個陣時返去做 SEP 時 kiki 所聽的是咩歌. 那些好似是一些很柔很輕的音樂...原來 joe j 都好想知個 d 係咩...唔通我地係做 SEP 時聽上癮??
一路寫日記時, 一路和很多人 icq, 更和 air 鬥多人, 當然, 我又唔係 air, 點夠佢多. 做唔到 The Game Of Air 的 server. mcc 頭先打來問我係旺角點返屋企...這類問題, 當然係交由神攪掂
今天寄出了一張 cd (beck), 星期六在 yahoo 賣出的, 之後再放了五隻碟上去, 現在總共有 13 隻 cd 正在出售
昨晚開始今年的歐洲國家杯生活. 第一場是葡萄牙 1-2 希臘, 第二場是西班牙 1-0 俄羅斯. 我本來諗住葡萄牙唔掂, 會打和. 點知差到要輸. 在兩場波的中間時間, 看了某 hku 勁人的賽後檢討, 長達三千字. 他將所有術語都譯成中文. 勁.
訓了約六個鐘後, 便起了身. 全日都在想那題 convex hull, 看了小小 "introduction to algorithm", 發現原來昨日我用的那個算法並不是大師兄在半年前去高雄時教的那個算法. 他教的是 Graham's Scan, 而我昨日用的是類似另一個算法, 叫 Jarvis's March. 書入面寫這個算法比較快. 但很可惜, 這算法在計算角度時需要比較準確, 有理由相信我就是死在這點. 始終 geomerty 類題目對數字的精確度要求較高, 經常死左都唔知.
上午在家中開始 code 那個用我自己的算法去做的 convex hull, 在不同地方作了修改並測試. 我用反証法証明了我的算法的正確性. 但在 coding 時始終都係有 d 問題...對於計算幾何這方面...真係唔係好得. 最大問題是在計算角度.
看了 mcc 的美國日記, 原來他有另一個 blog 做 dairy. 當他知道我正在使用 windows 98 時, 可以睇到他 icq 的中文, 立即 send 了一個"塞"字給我. 加了bSTATS在自己的 blog. 有很多使用 ie 6.0 的人啊...用 firefox 的多數是我自己吧...
下午幫家姐重灌了她的手提電腦. 平生第一次安裝 windows. 之後去了荃灣和家人食飯. 路過 m 記. 見到一個靚女 m 記姐姐.
在 acm 的香港網頁, 發現了昨天比賽的照片, 不幸地, 我地 city 一行十四人全部被點相. 其中一張相更顯示了我的其中一次 submission 的結果...更可惜的是沒有昨天派 print out 的姐姐的相...
今日是香港區 acm 比賽的大日子, 10:15 我們相約在九龍塘地鐵站, 一去到見到 sam 佢就話唔舒服, 但係又講唔出有咩唔舒服, 煩到爆. 等齊人我地就行去 bu. 雖則 bu 同 cityu 都係九龍塘, 但我平生只係去過一次, 仲要係入大學之前去過. 其他人都唔係好識路...幾搞笑下...
去到試機, 我地隊的位置極隹, 在一房間的死角位, 仲有 lcd mon 用 tim. 在熱身賽, 我地隊憑著 sam 的神勇, 得到第二名...之後去了 bu 的 canteen (城軒) 食野.
午飯後開始正式比賽, 有六題, 第一題是做一個 optimal 的 network, 第二題是 convex hull, 第三題是 dp, 第四題是搵公式數目, 第五題是變態的 io + evaluate 公式, 第六題我唔係好知做咩...一開始睇完題目, sam 便開始做第三題, 做了一陣後, 便變由 pkau 做第四條, 又係做了一陣後, 便由我做第二題, 平生第一次做 convex hull. 之後再過了不久, pkau 成功完成第四題 (yeah). 之後, 我和 sam 車輪使用電腦去 code 和 test 我地的題目, pkau 則諗第六題. 跟住, sam 亦成功做到第三題 (yeah yeah), 之後, 我則繼續 debug 我的 convex hull...今日狀態大恿的 pkau 想到第六題的做法, sam 亦認同他的做法的可行性, 所以, 我們在最後的一小時, 便由他們兩個 pair programming 做第六題, 我則繼續 debug 我的 convex hull...其實在第二. 三次 submit 後, 我已經再試唔到自己個 program 到底有咩問題...但在最後的 30 分鐘, 我還是修改了幾個有可能錯, 但應該唔會錯的地方再 submit 多幾次, 但很可惜到最後, 我都是未能完成這條 convex hull 的...而他們亦因為時間不足而未能做到第六題...
比賽後, 我們便去了酒樓食飯, 因為我地去到酒樓的時間太早, 我們便在酒樓下面的 canteen hea 了差不多一個鐘. 到夠鐘上去酒樓時, 發現我地已經是最後入席的學校, 我地重要 14 個人坐埋一圍, 勁親密...晚飯時亦公佈了今次的賽果, 第一是 ust, 第二和第三都是 hku. 阿牛, tempo, bert 那隊做到三條, 排第八. 我地做到二條, 排十一. lee hang, joe j 佢地個隊做唔到題目. 不過第一次玩無所謂 la, 我第三次都係做唔到就真係唔掂...另外, 今年第一無得拎部電腦番屋企了...
總結今次比賽, pkau 今日狀態大勇, 真的很勁. sam 唔舒服都做到一條 dp. 又係勁. 我就真係 sucker 中既 sucker, 舊年都聽過大師兄講點做 convex hull, 但係自己又覺得 d code 煩, 所以一直都未 implement 過, 今日落場又唔係好記得個 algorithm 詳細係點, 自己試左一輪 test data 先試到無事, 但係 submit 親都係食 wrong answer...如果唔係我後段用咁耐機, 可能佢地可以合力做多一題...我真係無用...下次都唔知仲可唔可以用番呢個組合 (night elf)...
係將來的日子, 要做多 d geometry 的題目, 另外唔少得最愛的 graph 題目...最重要是提血自己的解題能力...要多用腦...
今天一早起身睇 nba, 活塞大勝湖人廿分. 勁!!! 另外在半場休息期間完成了10195 The Knights Of The Round Table, 又因為一些不小心令自己食了很多次 WA...我將 round 打成 rount...之後做10277 Boastin' Red Socks, 試了幾次都係 WA.
晚上是比賽前的最後 meeting, 終於知道出咩人, 以下是隊員名單:
比較意外是近期狀態大勇的 similar 只是後備. 阿牛個隊點睇都係主力隊, lee hang 佢地就係奇兵, 我地個隊就真係...希望今次可以做得多過上年 local la...
明天便是比賽了, 我始終未能做到 100 條, 唔緊要 la, 希望到時可以好似上以係高雄咁, 一開始就搵到 d 容易 的題目來做 la...選擇正確的題目是很重要的. 今晚希望盡間可以早 d 休息 la.
今天收了 mcc 的手信, 一隻 nemo 公仔和一張 nasa 名信片, 多謝哂. 晚飯後在南山村的 ok 買了一架 kinder 回力車, 現在玩緊.
昨晚和 miss air 玩 the game of air 玩到差不多三點, 睇了她的台灣相, 她真係好喜歡做某動作...她整左個無重直髮, 唔通真係想做 air...她好似有少少進步, 昨晚二小時內有 58 個 message
今朝一起身諗住全心狂做 acm, 第一題是昨日 sam 做到的 10226 Hardwood Species, 低能的我在 coding 時不斷出錯...code 了很多小時才 submit, 點知, TLE, 之後轉了很多種方法去做, 也是 TLE. 試過的分別有 stdlib 的 bsearch(), memcpy(), 自己寫的 insert, bsearch...全部都係 TLE. 全部的死法都是類似的, 也是在 ~2s 開始run 第五個 test cases, 但在 10s 內都不能完成...其實我應該一早發現這點...很明顯...這不是我的 algorithm 慢...而是個 program run 完唔識停...但很可惜, 我在第一次 submit 後的 5 小時, 才想到這致命的問題...真係勁唔掂...俾個 input format 玩了一整日...幸好, 最後, 總算 accpet 了...
睇番 d record...原來計埋被 rejudge 後由對變錯那些題目, 我已經做了 100 題...不過...又點可以計埋 rejudge 個 d...希望快 d 到達真正的 100 題.
今日又剪了頭髮, 繼續勁短, 我個 d 都係無重, 短到無重...今次有接近 80% 是自己剪. 剪完之後, annie 重問我係咪洗一次頭長 1mm...真有趣.
昨晚和 vincent 交談了一會, 他說某人 send 了一些野給他, 他又話某人很 stupid. vincent 哥, 唔好扮野了...
今朝一早起身睇 nba 總決賽, 湖人對活塞的第二場. prince 防守 kobe 算真係幾好, 有點覺得 karl malone 和 payton 很可憐, 成為對手攻擊的重心...點知 kobe 始終都係有 d 問題...臨完場入球三分, 攪到要打加時...一開始加時, 湖人仲要狂入波做底埋活塞...不過活塞係湖人主場做到 1:1 已經好好...之後番主場....真係掂硬!!!
今日幫 matt print 了四張紙後, 終於無哂墨了...唔係好想買...整個下午也在無所所事...晚上要 acm training.
今次我的隊員是 sam 和 pkau, 這應該是今次比賽的最終組合了. 這亦是從舊年一開始最早的組合, 但從未試過以這組合出戰...今日的題目很多是數學題, 我們做到最後才由 sam 做到一題. 不愧係廢人隊. 試問我這個狀態...點去比賽
training 之後去了家姐屋企拿了她的 notebook 回家...但正如 mcc 所說, 我根本唔會識整...返到屋企差不多 12:00 才煮了公仔面食...在網上重遇不見多時的 annie 姐 (真人昨日先見完). 交談一會後便閃了人. byebye 都無
剛剛 pkau 跟我說 air 上網了, 我推介她試玩 game of the air. 他應了一下 ok 後便去了訓覺. 真有趣.
今早一起身 online, 發現了一個人, mcc 回來了. 互相用 s 字頭的字問侯一輪後, 得知他今個 sem 的成積. 一個字, 勁. 他在 sun 見到 scott, 真好. 唔知我有無手信呢 ?
下午和 Annie, Bonnie, 儀姐姐, Eric, Lee Hang, Vincent 去了行山, 行梧桐寨, 去了一個叫井中瀑的的地方, 幾靚的地方. 之後便回程了...落山後, 行了九個巴士站, 由梧桐寨村行去林村許願. 在這裡許願的方法是將願望寫在和橙連在一起的紙上, 再將橙拋上樹上, 我試了十多次才成功將橙掛在樹上, 那個橙都已經趺到爆哂了...在林村亦食了些東西, 有美味的豆付花.
跟住番了大埔會合之前去了幫人補習的 annie 一齊食晚飯, 食完行了一陣大埔海濱公園, 在回歸紀念塔附近的海邊 hea 了一會, lee hang 和我也很喜歡這裡. 一個絕佳的吹水地方. 回歸紀念塔的外形勁似20世紀少年內的建築物. 很型. 之後再行番去大埔市中心便搭車回家了
有小小討厭自己近日的生活, 不斷地傷害別人和被別人傷害.
昨晚 vincent 身體不適, 好早就睡了. 唯有單獨和某人(無錯, 又係某人, 這某人和 vincent's blog 的某人是同一個人)玩 "the game of air". 今次她無咁 air了, 回覆時間快左. 更得知原來 vincent 已經展開行動. 仲差 d 黑死人tim. 玩到差唔多 3 點就訓了.
一早起身睇了活塞打低湖人, 比立斯好勁. 希望活塞之後幾場都有今場的水準. 同一時間亦睇了少少巴西對智利. 整天也很不願做任何有意義的事
晚上原本打算做下 acm 和睇下 greedy algorithm. 點知 vincent send 了一個愛情故事給我睇 網絡情人. 一睇就睇了幾個鐘. 瑩瑩, 遙遙, 阿全...很好的故事, 有兩個結局, 七友那個我又睇到喊(無錯, 我又喊. yeah!), 瑩瑩實在太偉大了. 世事總不是完美的.
剛剛睇完第 n +1 次我的野蠻女友. 陣間去燒野食.
燒完
今次有好多人去燒, 有理由估計係中學畢業後最齊人的一次. 一如以住, 我都係由頭燒到尾. 個口未停過. 今次仲有生日蛋糕和香檳飲. 不過我分唔到蛋糕食. 楊小姐, 請不要再問我那個問題.
近日對人與人之間的距離有了一些感觸, 有兩個人在這數日內都以好遠來回答我的問題. 香港都唔係好大者, 這些好遠是表示他們內心的細小還是暗示我們心靈之間的距離 ?
今朝一早起身就食了兩次 wrong answer, A Flea on a Chessboard, 看似很簡單的題目, 但我似乎是用了一個很慢而且是錯的 Algorithm.
昨晚決定了一些東西, 心情立即好了很多. 睡得很好, 不過訓醒後始終都係有 d 失落的感覺...
起身後去了油麻地更換有線的搖控, 之前的壞了. 之後去左家姐屋企幫佢整電腦, 完全唔識電腦的我當然又係整唔掂, 跟住問 lee hang 借左隻中文 win xp...
今日下午是 acm training, 值得紀念, 今次 summer training 第一次係堂上做到題目. 10009 All Roads Lead Where?, 這是一條玩野題目, 明明只係勁簡單的用 bfs 就可做到的 shortest path, 又係度講埋哂 d 咩 level....同 sam 討論一陣之後, 重諗住可以用 level 加快 search 的時間, 等我重真係走去用 bfs 計左 d level 先...點知之後無用到 d level 去 search, submit 後都係 0.00s accept. 得個攪字.
今晚和 vincent 講了我決定唔再玩那個遊戲, 實在玩唔起, 可能我太認真了. 祝你好運
今晚又睇"我的野蠻女友", 都應該睇過 6,7 次了...次次睇都想哭. 郭在容真的好利害...好想睇野蠻師姐
而家係晚上九點幾, 好難得咁早寫日記. 昨晚又食檸檬. 連 1083 都出埋, 真係利害. 之後和 vincent 談了一會才睡覺.
昨日 vincent 唔知係咪想串我. 送了首歌給我. 歌詞如下
未如願相戀 便學習單戀
談情如跳舞 間中轉個圈
從來未放棄嘗試
最大志願 也不管這過程多麼辛酸
縱使尋常地又失戀
學習未會完 直到有一天
內心等到美麗大團圓
若快樂太少但太多兜轉
從來未厭倦 從來未間斷 直到你走遠
今日聽了很多次, 唔知我仲要學幾耐. 另外亦聽了 aiko 的 one more time, one more chance. 無歌詞, 但歌名已經夠哂.
今日做了兩題 ACM, 455 Periodic Strings 使用上次 lee hang 講的方法, 10608 Friends 直接的用 union by size 就可以, 完全無難度. 之後睇左陣 Introduction To Algorithm, 重溫了一些 graph.
去左接 hello kitty 放工, 陪埋佢返屋企. 聽完佢訴苦, 就到佢聽我訴苦. 返屋企時係西鐵諗諗下, 無左個四年的女朋友, 多左個識左九年又極度了解我的好朋友...都算係咁 la...希望佢返工唔好再咁辛苦 la.
唔知今晚會唔會又食檸檬呢?
又做多條 acm, 10602 Editor Nottobad, 一開始諗左個要 O(n^3) 的做法, 跟住在 forum 睇到一個快很多的方法. 一次 accept. 今日幾次 submit 都係一次 accept...唔通 d 女仔唔 accept 我, acm accept 我? 如果比賽都係咁就好了.
昨晚訓得勁好, 可能因為看到一些 vincent 影的台灣相...起身食飯後睇埋我部四格相機影的相, 一如所料, 係完全唔知影左 d 咩, 如果唔係知道佢地三個都有值得信任的 dc, 我都唔會咁博拎部 lomo 去台灣玩...
之後便開始繼續寫台北遊記, 寫了一整個下午, 終於完成第三日, 第四日和感想...第一次打咁多中文字...可能會加 d 相入去.
睇埋 pkau 影的相, 幾好. 但他在第一日真的影得太多了...攪到之後唔夠 memory 用...
vincent 在今次考試打破了他CS科最高成績. 值得恭喜. 有進步是值得高興的...但我今次退步了...可能呢幾個月真係發生了太多事了...心很亂...下次我會更努力.
今晚做了昨日 training 未做到的 The Grand Dinner , 食了兩次 run time error 才完成
今日是回港後的第一天, 一早起身第一件事上網睇成績, 再一次失望. AI 和 OS 都 A 了, DB A-, SEP 和 IAD 都是 B, 再次打破自己 cs 科的最差成績, 希望下次唔好有 B-, 今次連 A+ 都無埋...只怪自己想得太多了
打算今日一日內寫好今次去台北的日記, 但寫了一個上午才完成第一天. 第二天和第三天去的地方又唔係好記得次序...不知是否水土不服, 身體有點不適. 連 king 都叫我休息下.
下午約 3:45, 我可能成為史上第一個一路睇哈呣太朗, 一路哭的人. 無力感真的很重, 好像做咩都無用咁, 不過哭了 10 多分鐘後, 身體感到好了很多...之後睇左約一個鐘檔, 全程下雨
晚上回 city 進行 acm training, 真的就快比賽了, 今天和 tempo 及 lee hang 一隊. 今次 summer 的 training, 我尚未做到我的第一條題目...
今天想起了某人很多次, 不知是否之前見足佢幾日
今次是第三次去台灣, 第一次太細過咩都唔知, 第二次係上年學校派去高雄比賽, 今次先係正式去玩. 比想像中好, 一如以住, 我也是只受 auntie 級人馬所歡迎. 美少女們的電話一個都拿唔到. 返香港落機後都係要硬食多次 lemon...四日內我多了很多名稱, 基本上都係傷我心的...我是又肥又矮又生得老又似土人...
在旅行期間反思了很多野...有傷心的, 有開心的...無論如何, 我也要活下去
上次去高雄, 最正係 d 女仔. 今次最正係九份, 真的很靚. 中正紀念堂也引起很多思考. d 夜市有很多很好食的東西...在八里的那一個影像到現在還清楚記得...
點都好, 今次旅行都算唔錯, 起碼我地四個無發生任何衝突, 主要都係因為佢地就哂我...哈哈. 另外又識到兩位師姐, 希望以後還有機會做朋友...
這個旅行後記, 返香港後寫了兩日. 現在終於接近寫完, 如果你是睇哂全部的, 多謝俾面. 直到現在, 心內還是經常漂過在台灣時的影像, 仲有廿多日就要返工了, 唔知幾時再有機會同朋友一齊去旅行. 下次唔知會唔會又係台灣呢......
Darth Mike. 記於 2004 年 6 月 3 日下午
今日是自由活動, 和其他團友相約好如果好天就一齊去淡水. 一早在酒店食完早餐後便坐捷運出發. 坐了約 50 分鐘車後便到達. 又是一個很多野食的地方, 但我們到達時時間尚早, 很多店舖並未開門. 亂咁行左一陣後, 食左小小野. 便坐船去對面的八里.
八里是一個很似香港西貢的地方, 沿著海邊行很靚. 在這裡和那兩名只會笑的 auntie 影了一張很搞笑的相. 某人和某人影了一張幾浪漫的相, 真令人羡慕不已. 心情越來越低落...
離開八里後, 在兩位師姐的建議下去了袖珍博物館, Eric, Vincent 和 pkau 都不太喜歡這裡. 但我覺得那些細小公仔的樣子很可愛. 部份展品雖然不太精細, 但亦感到一份很強的感情...搞到我有點想哭的感覺...幸好當時自己一個行緊...
之後返西門町食了一間好多人企係度食的面線就返酒店準備走人了. 在回香港的飛機上, 十分可怕, 就像坐船一樣...返到香港時, 因為師姐 agnes 有很多手信, 而 eric 又同佢搭同一架巴士, 我地便等埋佢地一齊走. 更發現另一位師姐 carol 原來也是住在元朗的, 香港真係細. 大約晚上 12:45 分, 便返到屋企.
