做了 4 張 crms sales form 既 email, 重差三張. 而家雖然工作量不及之前寫 card retention 和 overview 多, 但係因為同一時間要做 crms, cas, sas 既野, 三種 system, 三個完全唔同既做法. 要精神分裂咁做.

下午同 ka lee, jj 同 vincent 係旺角食面, 又係食茄蛋牛肉面, 正. 食食下, 有個食客問點解炸醬面無醬...差 d 笑死我地四個...之後係 chic 之保門口見到有韓國 drumwork 表演, 好勁. 之後同左 ka lee 和 jj 行去電影中心, 佢地兩個去睇戲. vincent 就番工. 我就去左 kurbrick 睇書, 睇左歐陽應霽既"回家真好", 同埋少少邱禮濤既"大搖大擺". 其實個度真係一個很好的地方, 有電影中心, 有坐係度打足一個鐘書釘都得既 kurbrick. 如果你唔鐘意睇戲或睇書, 重可以去前一條街既 45 分鐘任 x.

昨晚睇了 monday, 有 undercover 既高橋盾訪問, 成名後尚可以這麼低調和愛家人. d design 又真係次次都睇到呆, 雖然我唔覺得佢會著自己牌子既衫(太揚 la), 真的十分 lofi, 引得我連續聽了兩晚 nirvana 既 "nevermind". 我始終相信, 緊持和有信念是最重要的. 低調是十分重要的.

睇完書, 去左行尖沙咀, window shopping, 行到腳仔都無力, 食 cafe 173, 都幾 ok, 點解我地想食既野會完全一樣架~~~ 唔係食左好多, 已經飽到想嘔. 個甜品都幾好食. 之後再行左陣, 都買左 d 野, 跟住就番屋企 la~~~

我既記憶力, 將會變好...

好坦白講, 真係唔多鐘意 i.t 既開鋪方針, 之前將幾間自己既鋪頭開埋一齊, 我算, 而家過分到, 一個代埋既牌子一間鋪, 又係連埋哂一齊咁開, 新港已經出哂事, 而家 cwb 同朗豪坊都要係咁, 俾你係半個鐘內行哂 x-large, obey, freshjive, zoo york, carhart, recon 等, 咁又點丫!!! 最憎呢 d 無哂性格既野!!!

今日要係唔記得六定七張 crms 既 sales form 既 email 度加野, 完全無咩心機做. 一早就連食多兩個 WA, 係試到咩情況會錯後就開始做 crms. 勁耐無寫過 crms 既野, d file 放邊都唔係好記得, email testing acc 既 password 都唔記得, 真係超無記性.

原來 hsbc 有份俾 supervisor 寫 student 既 feedback form, 係秘密途徑得知, 其中一條問題係 "do you wish to terminate this student NOW?"...另外, 下星期學校既 supervisor 會去 hsbc見公司既 supervisor, 好似見家長咁, 好攪笑. 極大可能係下星期三, 即係 12 月 8 日見.

哈哈, 終於 accept 了 10701 Pre, in and post, 係呢一刻, 我重係全世界排 11 tim, 不過其實我都未識 prove 自己個 program 既 correctness, 不過online judge 話 accept 就得 la~~~

唔會忘記, 和妳一起過那條馬路...

呢排 uat 都無咩問題, 都只係轉下 pulldown 既內容同次序, 同埋寫下 java script. 知道左第日個位係點, 真係唔敢想像. 試到個方法搵 postfix 但自己都唔識解釋,  4 點開始寫 code, 放工前寫完, send 左番屋企.

之後同 gelgel 行太子, 等埋 vincent 同 bonnie, 食左風月堂, 都幾好食. 之後行朗豪坊, 今次上到頂樓, 睇左鐵人兄弟個展覽. 之後便散水了~~~

11 點 59 分, Wrong Answer

上午因為 sas 既 uat 死左, 所以 d user 做唔到 cas uat, 勁得閒, 睇左 Mathematics I 同埋 Mathematics II. 另外亦睇左 d fyp 既野, 咩都唔知, 又無人搵我呢 d cheap 人.

下午 uat 開始番, 都係無 log, 不過係 overview 度加左 d code 同埋加個 application tips, 就係咁. 其他時間都係睇小x 學園, 諗下 acm, 唔知係太耐無用腦定係對 tree 既能力真係咁低, 咁簡單既轉下 postfix 都諗唔到點做...真係無用.

真係好, 今晚算係咁, 玩左陣結他, 又睇"中國現代史", 睇到西安事變, 張學良真係勁!!! 好耐無聽黃秋生, 今晚聽左佢第一隻碟, 地x搖滾, 原來個班底超勁, 有huh!, 黑鳥, 彼得小話, anodize, 郭達年(咪又係黑鳥), 劉以達官立小學, blackbox, virus 既式...當年香港既獨立音樂界都真係幾勁...

聽日又開始 uat, 而家變番 malcolm syn source, 真係太好, 我 d fix 一個鐘內就可以上 DEV 同 UAT, 唔駛等一個星期. 中午食左 gelgel 個家姐整既朱古力蛋糕, 好好食, 果然係高手.

係返工時間, 睇左 Getting Started with Java Message Service (JMS), 都叫做學左 d 野, joe jay 講左 d it 人既無奈, 又真係幾有 point, 果然係老左, 講 d 野都勁左. 另外亦試玩 MKS, 我地 team 遲 d 要用, ka lee 話佢個 team 都要用, william 話唔知詳係 MKS, 真係唔掂, 連 MK "S" 都唔知, 咪就係旺角寫住 45 分鐘任 x 個 d law...你真係北上得太多 la~~~

thx thomas 借左本東 touch 俾我睇~~~ 其實我都真係幾想晚上可以睇多 d 書同玩下結他, 但係成日都唔知對住部電腦做咩...浪費哂 d 時間. 原來今朝阿南同我講係朗豪坊既 exhitbition 係鐵人兄弟, 真係唔去唔得!!!

Music

• Mayhem - De Mysteriis Dom Sathanas

聽日又開始 uat, 而家變番 malcolm syn source, 真係太好, 我 d fix 一個鐘內就可以上 DEV 同 UAT, 唔駛等一個星期. 中午食左 gelgel 個家姐整既朱古力蛋糕, 好好食, 果然係高手.

係返工時間, 睇左 Getting Started with Java Message Service (JMS), 都叫做學左 d 野, joe jay 講左 d it 人既無奈, 又真係幾有 point, 果然係老左, 講 d 野都勁左. 另外亦試玩 MKS, 我地 team 遲 d 要用, ka lee 話佢個 team 都要用, william 話唔知詳係 MKS, 真係唔掂, 連 MK "S" 都唔知, 咪就係旺角寫住 45 分鐘任 x 個 d law...你真係北上得太多 la~~~

thx thomas 借左本東 touch 俾我睇~~~ 其實我都真係幾想晚上可以睇多 d 書同玩下結他, 但係成日都唔知對住部電腦做咩...浪費哂 d 時間. 原來今朝阿南同我講係朗豪坊既 exhitbition 係鐵人兄弟, 真係唔去唔得!!!

Music

• Mayhem - De Mysteriis Dom Sathanas

今日番工超眼訓, 番到去 test 左陣 sas 就 hea 左一個上午, 中午去左食日本野, 連續三日食日本野. 之後食左昨日另外整既簡易版提拉米蘇. 下午就寫 d retention 同 actlog 既野. 之後 syn 左勁耐 source.

放工同左 william 去 mk 搵 betina拎番件衫, 再同 vincent 去左 trinity record 睇碟, 有七折, 但係想買既都無. 之後我買左一隻, 佢買左兩隻 panda-z, 超勁, 我地都中左彩版, 真係好, 我地都中左想要個勁型!!! 我中左中間個隻 "Fly! High!!", Vincent 中左右邊既黑色野同 "hello~!!"

十一點幾 gelgel 就上左我屋企整提拉米蘇, 星期日都要我地咁早起身, 有份食個 d 真係要俾 500 億個多謝我地兩個 la. 因為之前個晚係屋企搵到支 coffee liqueur, 咁個餅就有酒 la!!! 因為今次個份量都幾大, 所以要九隻蛋, 要將 d 蛋白同蛋黃分開, 好攪笑呀...之後要將九隻蛋白打到起泡...我地兩個人都打到無哂力. 之後仲要攪蛋黃, 糖同芝士, 真係少 d 手力都唔得, 但係我地兩個都係無力架~~~ 點算好呀~~~ 係排手指餅既時侯, 為左要排得好 d, 我地唯有係咁食手指... d 咖啡同酒既混合物陣味都幾勁, 係落 d 野入個盒既時侯, 我整到勁混亂, 好在有 gelgel 善後, 哈哈~~~之後放左 d野去雪我地就落左街食 lunch

行左一輪, 同 gelgel去左間會令到人以後唔敢食日本野既鋪頭, 唔係因為 d野難食, 而係因為d 野食實在係太大份 la...之後同 gelgel 行元朗, 今次真係手又無力, 腳又無力...四點幾我地就拎埋兩盒提拉米蘇去燒野食.

今次燒野食係為左我同 patpat 既生日, patpat 生日快樂呀~~~ mcc, 你唔好亂講丫, 我唔係要呃多餐呀. 去到先食個餅, 已經有 d 溶溶地, 有勇氣食既人都話 gelgel 個個比我個個好, 呢個絕對係明星效應, 明明 d 料全部都一樣. 點會差咁多 wor!!! 結果兩盒心血結晶, 就係半盒都食唔哂既情形下被放棄, 勁傷心...唔知點解, 今次燒野食 d 野, 全部都好似有 d 怪味...燒完我地去左食糖水, 佢地見完我個冷"查查"後, 都唔敢叫冷野...之後就番屋企了, 好耐無試過搭 68 m la~~~ 好令人懷念呀~~~ 不過我係巴士站踩針, 好在我無野厚, 就係鞋底夠厚!!! 死唔去!!!

訓到十一點~~~ 勁正!!! 同左 mother 去食元"六", 之後出左街, 同 gelgel 係香港站影叮噹, 之後係 cwb 既 city super 買料準備聽日整提拉米蘇, 好多野要買, 得 d 勁大支既酒, 所以都係無買到, 跟住交收埋個幾隻 playmobil, 之後係百佳再買 d 料同係 wisekid 睇公仔, 全部都好得意.

晚上開始執玩具, 次次都係 sem 尾就執, 我 d 公仔實在係太得意 la~~~ 你地都好有型呀!!! 由 10 點開始執, 執到一點幾有 d 肚餓, 食左 edo, 死仔面, 橙. 食飽就要執埋電腦房, d 野散播係兩間房, 要執耐 d. 希望將來有多 d 位放書, cd 同玩具.

Music

• 同日都係聽一隻 cd, 四方果, 成隻碟都好很正!!!

"me against the world" @ medium rare, 1127-1210. 日本攝影師 Hatate Hiroshi (旗手浩) 巴西攝影展. 唔駛錢, 必去

"wilddayout grand show 2004" @ 西九龍直升機場, 伍佰 & china blue, 張震嶽 & free 9, 五月天, 信樂團, 粱靜茹, 徐若瑄, 范曉萱, 恭碩良 x 何超儀, 中田和夫 x danny summer, at 17 x pixel toy, lennon, mojo, monkey insane..., 1211, 14:00-19:00, $220, 勁想去, 因為有好多都好想聽.

張曼玉既 "clean", 香港終於上 la, 1202

Lomo 90+10

vans 遲 d 出對黑白色既 Mountain Edition, 好想要呀~~~

今晚上網 bid 左四隻 playmobil, 有三隻係 gelgel 同 bonnie 既. 實在係太驚心 la, d 人最後個一分鐘先出價, 幸好力保不失!!!

今日 UAT 休息一天, 簡直係天助我也, 係 8:30-5:00 既正常番工既時間, 除左食飯同發呆, 有 95% 以上都係做 ss term paper, 一日寫左 1200 字. 算係咁, 聽日再執下同埋加相. 5:00 之後, 要試番 sas d amendment 有無問題, 不過都係未夠六點就走人了.

我簡直係西鐵既經典之最, 繼遲落車同早落車之後, 我前日已經試過用地鐵十送一車票去入西鐵入站機...今日重勁, 唔覺意用左張八達通, 西鐵 d 機又鬼咁醒, 唔可以即刻出番站, 唯有搵 d 西鐵姐姐幫手 cancel 番個入站 record, 再用月票入過站...真係勁樣衰...

我真係慒下慒下, 原來小石已經俾左王羚柔隻碟 d 歌我, 真係多謝哂妳 la!!! 好好聽呀!!!

Music

• 王羚柔-當我們同在一起 (album)

公司 1 月要執位, 到時無得一個人有三張 table, 真係可惜. 放學返 city 測 cct, 無野好講. 之後同左 gelgel 去買 playmobil, 我買左隻紅色步兵, 頭頂條毛超可愛. gelgel 買左隻單車警察. 之後同埋 ka lee 和 jj 係朗豪坊食野, 重同兩隻公仔影左好多相 tim.

呢排晚上都係訓得唔係咁好, 日頭返工都係半死狀態. 一日遲過一日. 今日都係 fix uat log 和做一些唔知邊度來既新 requirement.

順利咁係番工既時間溫左三份 cct 既 notes. 放工後,西鐵溫第四份既時侯訓左. 訓醒架車就開門, 見到個月台 d 顏色, 以為又過左元朗去左唔知邊度, 即刻跳落車. 跟住發現只係到左錦上路...我因為覺得如果上返車會好樣衰...所以我決定左等下一班車先再搭多一個站...真係超級經典低能.

聽日 quiz 完又去買 playmobil!!! 正!!!

Malcolm 返來 la, 太好 la, 我地 crms team 既 programming standard 即刻可以提升番. 上午都係 fix uat log, 重成功係一個上午完成 ss 既 acm 功課. 下午要做一 d overview 既新 requirement, 做唔到 term paper, 真係可惜

放工返左 city 見 supervisor philp, 講左陣就散. 之後食左野, 都係無上 ss, 同 gelgel 和 bonnie 係又一城 hea 左差唔多兩個鐘. 仲一人買左一隻 playmobil, 忍左幾年, 我都係忍唔到. 隻十字軍好有型同靚仔呀!!! 三個買完都係覺得自己會忍唔到係咁買.

昨晚做 cct 做到差唔多兩點先訓, 之後重要訓廳...今朝十點都未夠就起身, 訓八個鐘已經非常足夠, 但係起身之後都無做功課...午餐一路睇巴塞對皇馬既重播, 一路食死仔面. 之後睇左少少 acm 份 "code of ethics and professional conduct", 呢份野真係勁, 絕對係廢話中既廢話, 我呢個吹水王都要講個"服"字

之後都係無做功課, 去左 city 打籃球, 好耐無打過波 la, 真係開心. 跟住去左家姐屋企食飯, 食到勁飽. 就快十二點, 都係未開始做 ss.

一些可以令到我我坐唔定既中文歌!

• 剎那天地
• 友情歲月
• 喂喂喂
• 你快樂所以我快樂
• 彭小姐
• 小王子
• lmf vs gardener
• 兩名男子街頭相遇
• 十個救火的少年
• 孤兒仔

回公司後, 都無咩點做野, 夠鐘便走人.

世界著名死仔面

1. 煲水
2. 落公仔面
3. 落味精 (想死快 d 就落多 d)
4. 落雞蛋
5. 呆等
6. 連湯帶料倒落碗

開心既時侯, 食一碗. 唔開心既時侯, 食一碗. 死仔最愛食品, 死仔面

下午勁訓, 之後開始做 critical sucking 既功課, 愈做愈覺得自己係度寫廢話, 真係無奈, 希望今晚可以做完

睇新聞見到, nba pacer 對 piston 打大交, artest 真係出事, 早一兩個星期已經見到 j o'neil 和其他隊員話佢今年太過自我, 型過籠. pacer 可能今年就咁玩完.

原來, 我還會為了妳這麼傷心. 夠了, 以後也不想再這樣, 我再不會這樣...

好耐無試過可以慢慢咁睇雜誌, adidas 出左件 Expedition Parka Jacket, d 毛毛真係型到爆!!! suede 同 sk-8 可唔可唔好再出個 d 奇怪色, 真係好樣衰. Evius 出左對女裝鞋, 好靚.台灣組合清新捲, 好像不錯, 要搵 d 歌聽下先得, C'EST LA VIE! Walter Van Beirendonck (完全唔知咩水) 同 Eastpak 出左個怪獸袋, 好 cute 呀. 我呢排都想買個手抽袋. HOT TOYS 出左隻 U.S.M.C (美國海軍陸戰隊) 既 12", 好型呀, 不過我係唔會買打仗 figure 既, 我反戰. 新一款 Brockmann 好得意呀, 隻隻都著哂動物衫, 隻熊貓勁正!!! 原來上次係 cwb 睇到 d 人當街唱歌既, 叫做鐵騎打醮隊. 實在係太多戲想睇 la, 又多一部, 意大利戲 - "激情. 別動". 聽日係 ifva_+ 呀, 今次有麥婉欣呀, 講配樂呀, 好想去呀, 但下星期三份功課一個測驗都係完全未有任何進展呀~~~ 日本有本書叫 "Paper Sky", 講旅行架, 好想睇 tim.

對住本書打日記真係好, 起碼唔會有 d 字因為唔識寫而打唔出. 不過, 有 d 野, 好似又失去左, 又變番做觀眾. 唔通又要吸收過, 要做第十七次發育?

看了一些小石的日記, 真的有點喜歡她們的生活, 唔開心可以到一個無人既沙灘大叫, 可以和別人講... 我們都只是相距一小時的機程, 妳們卻好像較會享受生活, 假日到郊外走走真的不錯!

Music

• 王羚柔 - 當我們同在一起
• Aiko - One more time, one more chance
• 梁靜茹 - 寧夏
• 梁靜茹 - 給從前的愛
• 梁靜茹 - 接受
• 陳奕迅 - 綿綿
• At 17 - 金魚歌

今朝番到去知道, 原來 HSBC it party 抽獎, stupid 係完全無份架!!! 我頂! 諗住俾個位 jj 去, 點知 bubu 話個 sec 會睇有咩人去, 再頂!!! 去到食, 無樣野好食, 再再頂!!!! 攪到十一點半先番到屋企, 無得頂 la, 已經頂爆左.

係呢度, 真係完全無野值得我再係度做了.

第一次用 test director, 很好用呢, 但要 fix log, 我負責既有 personal and non personal overview, card retention, ins retention, 點解會有咁多...有 d 都唔係我寫既...card 既 dynamic combo box, 就好似沒完沒了咁, 如果一路都用我個 java script 咪咩事都無 law, 而家真係煩到爆. 另外又要加野入 ciss.

放工返在去上 critical sucking, 又係一科好頭好尾既科目, 除左走堂, 就係上堂訓覺. 之後去了 SSP 食糖水, 返到屋企再飲湯, 今次真係肥爆!!!

今日番工都係做左 d cas 既野, 加左 d 野入 ciss, 做左 d non personal 既野...其他時間都係睇下 mks, 很閒. 下次做野都係等人地 firm 哂先做, 唔好係未 firm 就做完, 如果唔係會好悶. 太快做完唔係咁好.

開始做 critical sucking 既功課, 完全係一開始就唔知做咩好. 死得 la, 下星期三份功課, 我都係完全無進度架!!!

五點多便走了, 去了砲台山, 終於係美華氏買左件 M65~~~ 實在係太好 la~~~ 我終於有一件可以頂到好冷好冷既外套 la, 雖然香港冷既日子好少. 遲 d 買多件長身既先, 扮自閉一流.

之後去左買楊桃汁飲, 同個阿姐講要一杯, 跟住見佢拎左四大個楊桃去榨, 我心諗唔係咁大濟呀, 唔通係台北 1000cc 第二回之砲台山版, 雖然咳食楊桃好, 同埋只係 $10 杯, 但係一次四個, 真係會爆肚而亡 wor...後尾發現, 另外仲有一對男女一人一杯, 即係四個楊桃分三杯, 咁都無咁驚...

坐西鐵番屋企, 係車訓到死左一樣, 訓訓下聽到 canon in d, 重以為自己發夢, 原來係電話響, 真係有 d 思覺失調. 不過唔好講笑, 原來真係好多阿伯用 canon in d 做電話鈴聲, 唔通個個都睇過"我的野蠻女友"?

Music

• Bach - Menuett
• Pachabel - Canon in D
• Chopin - Piano Concerto No21
• Chopin - Minute Waltz
• Chopin - Nocturne for violin and piano
  

CAS R2 UAT 開始, 並無大事發生, 十分好. 上午去了 tower 1 聽 vyonne 講甚麼是 mks, 立即勁眼訓...

今日係公司好似重咳得勁左, 一定係空氣唔好...晚上 ss 測驗, 正如 lee hang 所講, 幸好無咩點溫, 都是浪費光陰的. 之後去了德福看了彭浩翔的戲"公主復仇記", 呢條友, 真係有 d 料到, 總係捉到 d 位, 講到 d 野. 仲要野野都好似係身邊發生咁. 根本就沒有公主和王子. 幸好不是太多阿 gill 的大特寫, 如果唔係都幾難專心去睇個故仔. 之後去了食糖水, 飲了一個半黑半白, 芝麻糊+豆付花! 正!!!

十一點多才起床, 看了一會 nba, 整理了一下 ss 的筆記, 原來我只有幾份, 完全唔齊, 連教過甚麼都不知道. 只好盡溫. 病了幾日, 想通了一些事, 那些急不來, 就算吧...我現在最重要的事, 還是努力吧, 愛別人, 要先愛自己呢. 先做好那些一個人的事吧!!!

發現了大師兄的網頁, 原來做 placement 係可以咁勁既...那些 year 1 的 acm 新人也好像不錯, 我地呢一代都係最唔掂架 la...

今天還是在看"中國近代史", 清帝快要退位了, 有點可惜, 中國近百年的歷史, 可能會有中國人版, 台灣人版, 日本人版. 有點身世不清的感覺.

呀~~~ 很多想睇既電影都還沒看呀, 唔好咁快落畫呀~~~

今天還向 eric 請教了一些投資心得, 真的獲益良多呢!!!

Music

• The Doors - The Doors (album)
• The Doors - L.A. Woman (album)
• 梁靜茹 - 燕尾蝶下定愛的決心 (album)
• 王羚柔 - 當我們同在一起

短週, 唔駛返工, 正!!! 未到九點就醒了, 看了一會電視和報紙, 就去了派報紙, 之後還去了剪髮. 回家後和 cwk 玩了一會 yahoo 橋牌, 都唔知自己玩緊咩, 之後看了一回昨天在圖書館借的 "中國現代史"便訓了.

一點幾再次起身, 上左陣網, cwk 便叫了我去睇佢地打 snooker, 我就買埋粥去搵佢地, 重還番 d 陳年 vcd 俾 matt, 重有 d 鳳梨酥 tim.

今晚去 bbq, 同了 king, matt, 楊x芷, 班長去買野食. 之後搵埋 hello kitty 便去了. 今次 bbq 比平時食少左野, 都只是不斷在玩牌...之後玩了 low b game, 阿爺一家三口真的是 low b 的...

cwk 星期日便生日了, 廿一歲仔 la, 你一年唔係好多日大得過我架咋, 努力 d la, 希望你快 d 搵到新工, 好好地咁做 la!!! 希望你做到你想做既野 la, 雖然我都唔知你想要 d 咩~~~

Music

• Chet Baker - The definitive CHET BAKER

昨晚上唔到網, 但訓得不好, 今天一起身便感到喉龍很痛, 有點咳, 鼻水長流...很不想上班, 但下星期便 uat 了, malcolm 又唔係度, 只有 jessica 和那些 pdc 是不行的, 唯有冒死返去. 返到去, 十一點前都無咩野做, 點知之後真係出事, 原來 ciss 那邊並沒有將 non personal 的 data 放去 customer porfile, 殘忍的 jessica 竟然叫我攪掂先好走...幸好, 我以極快完成...因為拎左飯, 所以我食埋飯先走.

返左 city 睇醫生, city 勁多人呀, 好得人驚呀~~~ 之後搭地鐵, 竟然訓著左, 坐過左站呀...好 low b 呀~~~

返到屋企勁訓, sorry ar lee hang, 同唔到你去睇戲呀~~~

Music (謝小石介絡的歌)

• 王羚柔 - 當我們同在一起
• 梁靜茹 - 燕尾蝶下定愛的決心 (album)

喉嚨好痛呀~~~ 隻眼都好痛呀~~~ 好眼訓呀!!!

今日都係做番少少 actlog, common transaction, database import 既野, 全部都好快搞掂. 放左 chan hei, cow 同 patpat d 相上 jallery, 得閒去睇去 la. 仲加左 d 相去之前幾日既日記, 期待緊 similar 既相.

其他時間都係睇報紙, 很耐未試過好似呢幾日咁得閒了!!! 晚上返 city 上堂, 訓左大半堂, 之後去左和 mcc, vincent, joe j, patpat 去樹記食飯.

返到屋企, 沖完涼有線竟然上唔到網, 無得上網, 我終於可以係十二點前訓覺了!!!

遲了起身, 西鐵勁多人. 今日簡直係幾個月都未試過咁得閒, 差不多完全沒有寫 code, 只是加了幾個 sas account, 做了一些 testing, 我太愛沒有工作的日子了!!! 某高層就快要結婚, 在我和 william 的位後面攪了個 tea party, 我當然係勁食 la, 之後我都沒有食晚餐了~~~

晚上在 chan hei 的 server 拿了很多相放上 hkwalker, 我的 linux partation, 現在用了 92% 記憶體...

復工第一天, 勁多野做, 幸好大致順利, card retention 和 np overview 都已接近完工.

放工後, 返元朗和 king 食飯. 之後在書店看了幾米的新書 - "遺失了一隻貓". 很有意思, 要愛自己.

台北 ACM 第四日

又到最後一日了, 又要跟台灣講 byebye 了... 離別總是傷心的.

九點幾起身, 十點便出發去淡水, 哈哈, 又是最後一天便流浪到淡水. 到達時, 十一點還未到, 很多店鋪都還未開, 行了一會, 買了一些鳳梨酥, 還看見很大隊車隊, 原先以為是甚麼節日, 後來才知道原來是有人過身了, 真係大陣仗. 之後食埋野就去了西門丁, 因為已經時間無多, 我地只用了不到半個鐘去行.

然後我地便坐捷運返去青年中心, 真的十分十分好人的 serene, 竟然來了送我地車呢, 還給了我們兩盒鳳梨酥, 真係多謝哂妳呀!!!

坐八點半的機, 在機上勁熱, 睇他們玩了一會橋牌, 便返到香港了~~~ 未夠十二點便返到屋企了~~~ 都無時間執手信, 睇番呢幾日既漫畫, 已經一點幾了!!!

台北 ACM 第三日

勁早起身, 7 點幾就食早餐坐車去師大, 8:30 開始比賽. Sam + PatPat + Mike = Blue Zone!!! 今次比賽有十題題目, 一開始, patpat 發現了一題很簡單但很煩的題目, 就像 show hand 最後睇大小那樣, 找出五張牌最大的組合. 呢 d 唔駛用腦既題目, 當然俾我搶左去做. 我就俾左題 dp sam 去諗, 而 patpat 亦搵到一題佢聲稱勁簡單的數學題, patpat 真係保持上次 local 的強勢, 一次 submit 便 yes 了, 超勁!!! 我那條 pair 牌題, 真的很無腦和煩, 在第三次 submit 後都 yes 了. patpat 在做完第一題後, 諗左好耐一題勁難做的題目, 而我亦睇左幾題都無咩心水邊題比較有把握, 開始發夢. 不久後, sam 亦在第五次 submit yes 了那題 dp, 我和他也真的太不小心了, 經常因為不小心而 wrong answer, 硬食 penalty time, 真的有點對不起神勇既 patpat. 之後, patpat 和 sam 便一人諗一題, 我就幫佢地打 code 食 input, 今次所有題目既 code 既上半部, 都係我打...真係偉大既工作. 在我地開始無咩心機做和開始食野後, mcc 那隊都完成了三題, mcc 都算係咁 la~~~ 在比賽的最後一分鐘, 我地 submit 了一個完全未 compile 過的 code 去博一博...結果當然係唔掂 la~~~

原本被視為 city 希望的 solver, 在失準下, 完成了兩題. 在今次 5x 隊中, 我們 blue zone 大約是 2x 名 la, 如果唔係咁多 penalty time, 可能有獎架...不過今次我地既準備真的太小, 我在比賽前只做了一題 acm, 上到場, 我地只是靠默契, 我地三個都真係夾左好多次了~~~ 希望下次還是這組合 la!!!

比賽後, 和靚靚的工作人員姐姐們拍照, 真想轉校, 這間大學電腦科竟然有咁多女仔. 之後, 去了賽後 party, 要坐成個鐘車去桃園, 我和 mcc 完全感受到人世間其中人種生埋上的痛苦...賽後 party 其實是食 buffet, 加 low b game, 再俾張積分片去打機. d 野都幾好食, 甜品有提拉米蘇, 正!!! chan hei, cow 和 tempo 都被捉去玩 low b game...打機玩左幾鋪鎗 game 和賽車 game, 真難得, 我竟然打機~~~ 之後玩夾公仔機, 仲夾左隻阿牛話個樣同勁似我既公仔 tim.

party 之後, 我地去再行多次士林, 買了一些手信, 返青年中心後, 很好人的 serene 打電話和我們道別 la, 重聲稱自己憑聲音猜到我是誰 tim, 多謝哂妳呢幾日睇住我地呢!!! 之後他們便教我玩橋牌, 都幾好玩, 玩到差不多三點幾...之後再看了一會電視便訓了, 台灣晚上的電視...真的令人很想打爆部電視...

台北 ACM 第二日

一早起身, 係青年中心食左個早餐. d 厚多士都幾好食. 之後便坐師大安排的車去師大, 我地重差 d 上唔到車 tim. 去到師大都無野做, 我地自己行左去中正紀念堂, 之後去左一間很細間的餐廳食意大利粉, 我地十個人就坐滿了整間店舖.

然後約 2 點便返去報到, 拿了 t-shirt, cert 和狗牌. 之後要呆等到三點才開始試機, 我地又玩 pair 牌, 呢幾日學了很多種牌的玩法, 可能是今次最大的收穫. 我, sam 和 patpat 真的是試機王, 用作試機的兩條題目, 在我還未知題目的內容是甚麼, 便由我被他們控制下完成. 我今次真的只是負責打 code, 我的腦已經懶得用了~~~ 試機後, 再食埋飯, 便是開幕禮. 條友所有內容都用普通話和英文講一次, 悶到爆...

之後便坐車返青年中心, 因為明天便比賽, 所以無再去街. 但 sam 竟然一個人去了買名信片.....你係勁既!!! 有勇氣!!!

台北 ACM 第一日

今次是第四次去台北, 亦是我的第四次 acm 比賽. 要坐早上八點半的機, 所以五點幾就要離開屋企, 很早呢...重早起身過番工...去到台北桃園機場只是十點多, 因為國立台灣師範大學的工作人員搞錯了日期, 所以白白等了一小時後, 我們自己坐巴士去住宿的地方 - 劍潭青年活動中心.

今次的住宿比上次高雄的國x英雄館好很多, 我, patpat, mcc 和 sam 同房. 之後, 我地去了中山路食野, 一人叫了一杯 1000cc 的飲品, 飲完絕對會爆肚而亡.

然後, 行了中山博物館, 再行埋 101. 之後便去了食小籠包. 之後再去土林夜市就玩完第一日了...

聽日唔駛番工 la~~~ 要係今日盡做呀!!! crazy 架!!! PDC jacky 真係好煩, 勁多 actlog 既野問我...點都好 la, 今日都死左份 cards 既 EDR 俾 jessica, 仲將 card retention 整到叫做 stable 咁 turn 左出去. non personal 仲整到基本上要有既野, 都差唔多有齊, 其實如果唔係呢幾日 d UR 係咁轉, NP 一早就已經完工. 差唔多七點先走.

放左工, 同了幾個 friend 係元朗食野, 有 king, 楊芷x, mak x 其, 許x恩, x鳳x. d 名太難寫, 唯有以 x 表示. 第一次係元朗既 cafe 食野, 都唔錯.

cwk, 希望你快 d 搵到新工 la!!!

肥妹仔, 希望妳可以真心咁笑 la!!!

次次搭飛機前, 我都會諗起一本書既書名...人類不宜飛行...

做左成個上午, 終於攪掂我地 retention 專用 actlog api, 食飯前仲極快地令到之前寫既 EDR 睇落 pro d...早幾日做既 SAS amendment, 原來 eric 收錯料, 要重做, 之後, sas 既負責人 p chan 再發現, 俾錯 production 既 source 我地, 又重做. 下午又攪番 card 同 NP, 成日都係呢度做 d 個度做 d, 都真係唔係咁好, 但無計, user requirement 就好似地球咁, 係不斷咁轉...仲要做 crms d 野...

今日 send 了個 notes 俾一位 ipm, 表明我唔想同 xxxx 再有任何關係, 唔通, placement 會成為我唯一一科要 retake 既科目...

今晚得我同 gelgel 上堂, 訓到隻手好痛. 之後搵唔到 sister 拎 dc, 去 tw 無相機用了~~~

晚上, 一路聽 g3, 一路執行李. 第四次去 tw.

有好多甜品 receipe 呀!!!

如果我有命係 tw 番來既, 會去睇 哲古華拉少年日記, 人間狗鎮, 阿孖有難, 公主復仇記.

番工做到就快死, 就快忍唔住, 做第一個係 hsbc 玩 mosh pit 既人, 打到爆肺.

non personal 既 blank table, 勁煩, actlog 既 ack detail, 爆煩. 六點幾 syn 完 victor 俾我既 code 後, 竟然有 page error...出來行...講個信字, 係唔可以 apply 落 pdc 度既...七點十五分先走

很開心, 屋企人唔知係邊度拎左本講 pop art 既書俾我, 很精美. 普普藝術是短暫的, 便宜的, 大量生產的, 性感的, 耍花招的, 有魅力的...

晚上落左街一陣, 番到屋企, father mother 都話有個靚女打來搵我~~~ 原來 king 已經返左香港~~~ 佢地真係勁, 聽把聲都知係靚女... 唔知佢地係覺得把聲好聽定係唔好聽...昨日我先講完世界係公平...要快 d 搵日睇下係咪真係靚左至得!!!

11 月了...今年...好似被早幾年冷得早...要小心身體.

今日勁多電話打俾我, 係咁問 non personal, card, act log d 野...好煩...如果我個位無電話就好 la. non personal 無故地多了很多 requirement, 重要係不停轉動中...煩爆...下午俾一個 map 和 vector 玩到七點先放工. 較好既消息係由 CBD 既靚聲姐姐話 card 既 interface testing 大致上無任何問題. 其實都唔知係咪好消息, 因為少左個把聲最好聽既人打來. 不過我對佢個樣真係無咩期望, 世界係公平既, 好聲既, 都唔會好樣.

當然 la, 我今晚又走堂, 番到屋企都七點半了, 係 sofa 訓左一個字, 訓完重唔掂, 好似失去平衡咁...

最後關頭, 有線都係有得播 nbc 既, 真係好, 不過今年 atv 都播多左架 la...係 don't touch 睇了今年各隊既陣容, 原來好多隊變動都好大, nash 去左 sun, christie 因傷停賽一年, 帝王對小牛就無咁好睇了. 好多隊都好想睇, o'neil 加 wade, eddit jones 既熱火, 復活既 grant hill 加 francis, mobley 同埋新人 howard 既魔術, 加入 nash 既太陽, 少左 o'neil, 多左 odom, brain grant 既湖人, 無左 nash, 多左 dampier 既小牛, 重有多左馬田既金塊.

今年總決賽...唔駛亂估...一定係魔術對金塊...係第七場, 由 melo 射入決定性一球, 跟住由 camby 同 kenyon martin 得到雙 mvp!!! 絕對係最樣衰既總冠軍隊伍!!!

很早就起身, 要從新做人. hea! 要 hea 得夠型!!! 同阿哥去了荃灣 ikea 買椅子, 一個人係屋企既最佳午餐, 當然係死仔面.

係甜品導師 gelgel 既遙距悉心教導下, 整了平生第一個芒果芝士蛋糕, 頭先試左一啖, 似乎係淡左 d...今日見到我既...都可能有得試食架~~~哈哈~~~睇下你/妳敢唔敢 la~~~

去買芒果既時侯, 竟然成個街市 d 芒果都唔係好熟, 個個都青青地, 下次都係早一日買定, 行左幾轉先搵到間係熟 d, 但似乎唔係好甜, 不過唔酸已經是萬幸.

因為屋企只有人力打蛋器, 打完 d cream chesse 同 cream, 事隔三個鐘, 都重痛緊, 無哂力...但似乎我係打得唔係咁好, 因為同 gelgel 所形容既都有 d 唔同~~~哈哈哈...真係唔知有無人敢食!!!

出門口前, 終於做了一題 acm...

經過十多人既試食, 真係令人傷心...v 同 b 兩公婆...一個話酸, 一個話難食...幸好其他人都很有義氣地食哂!!! 真係多謝支持!!! 不過, 最傷心既係, 返到屋企, 問 mother 有無食我整既蛋糕, 佢竟然話蛋糕就無食, 芒果布丁就有...好...我下次...一定會整得更好食!!! 同埋希望下次可以俾多 d 人試下 la!!!

曾經以為, 美好既事情, 係唔會發生係自己身上. 但在那一段時間, 我以為, 原來以前只是時機未到, 而在那一刻, 終於到了, 找到了...可惜...就只是在那一刻...好像那輪, 從東住西走的火車, 及從西住東走的火車, 越來越近, 就在相遇那一刻後, 越來越遠...

我是不是...已經隱形了嗎??

暗湧 - 曲 : 陳輝陽 詞 : 林夕

害怕悲劇重演 我的命中命中
越美麗的東西我越不可碰
歷史在重演 這麼煩囂城中
沒理由相戀可以沒有暗湧
其實我再去愛惜你又有何用
難道這次我抱緊你未必落空

仍靜候著你說我別錯用神
什麼我都有預感

就算天空再深看不出裂痕
眉頭仍聚滿密雲 就算一屋暗燈
照不穿我身 仍可反映你心
讓這口煙跳升我身軀下沉
曾多麼想多麼想貼近
你的心和眼口和耳亦沒緣份
我都捉不緊

然後睜不開兩眼看命運光臨
然後天空又再湧起密雲

然後天空又再湧起密雲

頭很痛, 有待補寫

同 CBD 做既 inteface test, 進展良好. 好似就快要做 ack details 既 actlog, 超煩, jessica 問我要做幾耐, 我答一年, eric 問我有幾煩, 我答勁煩. 唔知佢地幾時先會抄我.

中午去了九龍酒店食 buffet, d 野都唔好食既, 甜品尚算可以, 食了三款 cake, 香蕉朱古力餅值得一試. icecream 都食左兩杯.

講 actlog 講到六點先走. 都唔知而家番工為咩...

睇書見到, 尖沙咀既 Chemical Suzy 要結業了. 可以正式咁講, 香港人, 已經捨棄了英國. 無錯, 繼 1997, 我地今次從文化上, 和英國, 再說一聲 byebye

係 90 年代中後期, 英國既文化對我地影響實在太大了, 由 New Order, Stone Rose, Oasis 到 Radiohead, The Verve, Blur, Suede, Portishead, Pulp, Fat Boy Slim, Mo'Wax, 再番去老人家 David Bowie, Iggy Pop 等, 彷彿, 所以英國出既碟, 就係好聽.

這段時間最重要既, 我覺得應該係 "Trainspotting" (迷幻列車), 真係將成個英國年青 hea 人既生活俾大家睇哂, 影像至音樂, 足球和吸毒. 絕對係咁大個仔, 睇過最怪雞既戲, 之後既 "Lock, Stock And Two Smoking Barrels" (夠薑4小強), 其實都唔錯, 只係個衝擊已經無咁大了.

其實近年既英國野, 已經唔係好得, brit pop 在 Travis, Coldplay 之後已經唔出得大場面, 之前既又散得七七八八, radiohead 又走火入魔. 電影更加唔知點, 諗左十秒都未醒起近一兩年有咩英國戲係好既, 最近睇既, 無記錯的話, 應該係 "Sweet Sixteen" (雙失十六歲), 呢排重比我發現, 原來個 ending 係勁似"The 400 Blows" 四百擊既.

Chemical Suzy 就是在那個 Trainspotting, Radiohead, Blur, Suede 的年代, 由一些極愛英國既香港人所開, 唔知講咩既人都唔駛驚, 其實那段時期就是盧巧音唔再玩 band, 玩個人既時期, 佢個陣既歌都幾英倫架!!!

可能, 係 d 英國野既太型 la, 睇下 suede 既 brett 既樣, 真係要唔食飯先可以咁型架...重有...唔通個個都可以行路行到 Richard Ashcroft 咁揚咩...

今晚, 聽了 Radiohead 的 OK Computer, 好正...

唔想講番工.

去了睇 nobody know, 將情感表現得很平靜, 不是用表情 or 對白去表現, 用了很多空鏡...部份場景令我想起花與愛麗絲, 都是那些小屋. 除左做了康城影帝既大哥, 其他三姊弟也很好, 家姐的失望和無奈, 另類地可愛既細路, 令我諗起自己...仲有勁得意既細妹...個隻眼仔真係好靚.

而家係早上八點四十八分, 我都重係食緊紙包蛋糕

病了...

CAS R2 終於有得試 online 了...又要同 CBD host 既人接觸. 幸好 crms uat 無咩野...

下午走火警, 令原本已經唔多妥既我, 再殘多 d...

原本今晚係要 acm training, 但實在係太累了...最後都係無返到...我都想可以落力 d...就快要比賽了...今日重收到台北 acm 既邀請信...估唔到今次咁有誠意...再睇下比賽個網, 有一餐係一間叫 Le dome 度食, 期待左幾秒後發現, 間野既位置係係學校入面, 即係 canteen, 所有幻想即刻無哂.

番屋企訓左兩個幾鐘, 無幫手收檔, 檔口個錢袋唔見左, 真係慘. 睇書有介紹係法國既野食, 真係有一間叫 Le dome, 好 grand 咁, 去到都一定唔會食...反而 d 麵包好令我期待, 好正, Poilane 既木火爐焗出來既包, 睇個樣已經覺得好香, 好鬆軟. 重有好似好甜既蘋果批. 另外仲有 Laurent Duchene 既牛角包, 看似很脆和酥, 內層亦很堅廷...

我咩都做唔到...好想幫妳...陪下妳...

抱歉...我咩都做唔到...唔好咁傷心了...妳不是一個人的...

原來...我真的很幼稚...誤會左一 d 野, 為左一 d 野而失望, 可能...只係自己誤會自己誤會左一 d 野...我真的很幼稚...抱歉...我真係好唔掂...

CAS release 2 既野...全日都被人追, 全日都被人玩...做到好無心機呀...原本要出灣仔分行 set 野, 幸好最後都唔駛...

咩人話食零食會開心 d 架...由放工到而家, 我食左一盒朱古力餅, 一件蛋糕, 一個蘋果批, 一隻蕉....都重係唔開心...而家又有 d 肚餓 tim...

未來, 無論係點...我都只想妳快樂

訓到十二點, 個樣都重係咁呆...食在死仔面, 食得多真係會死. 玩左陣結他, 諗左陣 acm...出了銅鑼灣, 搵做 part time 既 william 吹吹水, 之後行了 hmv, cwb 購物中心睇碟, page one 原來 12 月先重開, 真可惜. 更住去左人民書店睇書, 因為間野除左係書店, 亦都係一間 cafe, 所以睇咁耐書, 都感到那很勁的 coffee 味, 看了一些旅行書和中國近代歷史既書...之後, 再轉戰紅葉書店, 由幾年前第一次去, 到今日去, 我都覺得...紅葉係有陣怪味既...睇了接近半本關於張叔平既書, 只係一般...原來紅葉係有免費野飲...不過因為個度本身有陣味...唔駛錢...都唔敢飲.

因為約了家人食飯, 又未夠鐘, 所以我決定繼續行街, 由銅鑼灣行左入去跑馬地, 見到幾間野都好似幾好食咁樣...不過香港島...真係好多斜路......我發現...我真係好鐘意行街...係真係條街度亂行...

明天便是 25 號了, 30 年前的 25 號, father mother 結婚了. 1 個月前的 25 號, , 因為一個早上, 過了很快樂的一個月. 今次, 我唔想完.

根本沒有夢...因為成晚都訓唔到...起身個陣重好想嘔 tim...

番工係西鐵見到 cwk, 我真係好眼力~~~

好多野做呀, CAS release 2 既野呀...可能因為無咩心機...所以做野出奇地快...但係我唔想咁樣...

恭喜哂 wor~~~ 唔好意思呀!!! 我有 d 野亂諗緊...不過我都好開心你地可以係埋一齊既!!! Wish you "two" love 呀!!!

今日下午原本最想做個樣野, 去唔到. 之後連 "Nobody knows" 都睇唔到...一定係因為唔夠訓...所以咩都唔掂...

Music

• 楊千嬅 - 傻仔
• 陳奕迅 - 失戀太少
• 鄭融 - 終生學習
• 陳奕迅 - 綿綿

根本沒有夢...我不會放棄...我知道...我只有一樣野...甚麼也沒有...

九點幾就俾電話整醒...起身上陣網, 睇下電視又訓過, 約左個人 1:00 係元朗賣 cd, 勁正, 車錢都唔駛. 不過我 12:45 先起身, 極速完成交收. 之後買左死仔面番屋企自煮自食.

係屋企 hea 到差唔多四點, 去了圖書館續借, 曾經諗過去 TST 行下, 最後都係決定係屋企休息....好似老人家咁...成日都要休息!!! 哈哈...

番到屋企一開電視, 又做我的野蠻女友, 又睇, 睇極都覺得咁好睇, 咁感動!!!

結果, 到晚上 11 點, 我都係完全無做 acm 既, 連題目都未睇哂!!! 唔知邊條友講過, 係要求人地之前, 要諗下自己做過 d 咩, 下次我都係唔好講咁多野 la.

夢...要醒了嗎???

Music

• Travis - Turn
• Travis - Writing To Reach You
• Travis - Why Does It Alwasy Rain On Me?

只不過係傻仔用傻瓜機影既相

今日好煩呀!!! 所有野都好煩呀!!! 今日係全球黑仔日呀!!! card retention, 因為個兩個 reason for cancelation, 已經搞到我改左好多次 la, 由最初既 uphost, 變左 dynamic combo, 之後要話要 readonly 個 combo box, 更住又話要 blur 個 combo box...我最怕就係寫 javascript...唔好再叫我做 d 咁 xx 既野 la...

又被人追交 overview, 原來個條神秘既 host msg 已經 firm 左係咩, 等我重自己整左條 AAAA 出來玩 tim. 真係浪費光陰.

肥妹仔好慘呀...d 人又會 cheap 成咁既...真係係度做多陣都驚...祝妳好運 la!!!

介紹我聽呢首歌, 及那位聲稱會同我討論音樂既朋友, 我就送呢首歌比你地兩個 la. 呢個係我聽過, 最種意既版本.

Music

• Chet Baker - I wish you love

繼續都係 UAT fix log, 好煩. 因為我只係做過好少 crms 既野, 所以所有 screen 就算只係執少少野, 我都要睇佢地既 program, host message format 同 jsp. card retention 又有新野, 無時間做, 便決定唔做了. overview 始終都係唔理 d applet.

放工後同左肥妹仔去阿貓地攤, 絕對係勇氣既表現, 食左兩件都算 ok 既餅, hea 左差唔多兩個鐘, 我仲飲左杯味道都幾奇怪既薑汁檸樂. 大家放心, d 貓都重係安全, 並無任何死傷.

原來某人, 已經努力建造他和她的橋. 機會不是經常有, 想做便做吧. 唔驚得咁多既. 兩個人係埋一齊, 唔係要所有野都一模一樣既.

我諗如果有機會, 我真係要買番隻  Dream Theater 既碟. Music

• Dream Theater - Take the time
• Dream Theater - The Silent Man
• Dream Theater - Under a Glass Moon
• Dream Theater - Voices
• Dream Theater - Erotomania

ACM 搞到我好唔開心呀!!! 點解可以咁樣架!!! 有無搞錯呀!!! 搞到人地無哂心機呀!!!

係南昌等地鐵時, 見到肥妹仔, 大家都係咁眼訓, 這就是好員工應有的模樣. 寫了個 java script 做 card 的 dynamic pulldown, 之後發現原來 malcolm 之前已經做左...終於順利地 cert 完個三部機, 真係浪費時間.

CRMS 的 UAT cycle 1 於昨天開始了, 源源不絕既 log, 我似乎係避無可避的. 食 lunch 時, UG 個 canteen 係度播 d 爆笑電視, 主要係關於職業安全的, 其中竟然有教點樣應付炸彈, 真係勁...不過卻令我聯想到一個 revoke 左既炸彈...真係 cert 得太多機了...

差唔多六點先走, 很累, 我真係不是一個適合固定番工時間既人...

好多野都好煩, 都係聽 d 唔煩既歌好, 有請朋克之神

• Sex Pistols - Anarchy In The UK
• Sex Pistols - God Save The Queen
• Ramones - California Sun
• Rambo - All The Assholes Are Her
• Rambo - Circle That A Motherfucker
• Rambo - No Circle Pits In Heaven
• Rambo - You Lock Justice

今朝番工, 見到肥妹仔, 今個星期真係有一個美好既開始!!!

個三部機, cert 足一日都未掂, 真係煩爆. malcolm 問侯我, 連佢都覺得我多野做, 很感動...不過今日 cert 機實在太煩, 搞到咩都做唔到.

今晚 SS quiz, 唔放時間去溫, 絕對係無錯, 廿題 mc, 有理由相信全班平均係有十七題以上. 之後去了長沙灣松記, 食了一個雪糕冰燕, 幾正.

今晚都無咩食野, quiz 之前食了一份燒雞芝士飛碟, 之後再食過糖水, 番屋企再飲個鮮奶湯, 而家剛剛食了一塊方飽.

九份有香港旅行團既交通意外呢...R.I.P. 仲記得上次去台北, 我最鐘意既地方就係九份, 那種悲傷既感覺, 真係好難形容.

今日訓到十一點, 真係正...mother 今日身體不適, 希望佢快 d 無哂事 la!!! 亂彈了一陣 guitar, 個 mic 唔知係咪壞左, 用唔到電腦 tune, 唯有靠隻耳仔自己 tune, 條粗 E tune 極都係怪怪的, 不過唔緊要, 我都係亂彈既 ja...哈哈...

對於聽日 SS 既 quiz, 我只可以引用大時代入面既股壇必勝法, "及早離場"去做我既溫書方針, 無謂浪費時間. 下午又訓左幾個鐘, 逄星期日, 我就現哂 d 豬既原形出來.

而家係星期日既十一點半, 九個鐘頭後, 我又已經坐左係 hsbc 個位度了, 好多野等住我做呀!!!

九點未夠, 便給樓下鑽地整醒, 慘到嘔. 下午和 joe jay 去聽 ifva_+, 今次既講者係洪強, 佢講既野唔悶, 但係佢既作品太悶, 我睇到訓著. 可能因為佢係 poly 的老師, 有很多佢既學生來聽, 比上次黃精甫多人好多.

之後去了沙田 join 埋 vincent 去睇 bandshow, joe jay 差 d 悶死, 但我覺得作為一個香港年青人, 一定要見識下既...講番場 show, 雖然有插水意外發生, 以致其中一隊 band 無左 vocal, 但係全場所有彈弓人和插水界人士依然落足力玩足全場. 不過 d 人太鐘意玩 mosh pit la, 搞到個場變左羅馬鬥獸場, 到玩 circle k 既時侯, 又變左迷你亡命 400M...都唔怪得 joe jay 話以後唔去...

終於肯講 d band, Milk Shake 7 幾正呀, 個 vocal 都幾搞笑, 幾歌有 d punk, 有 d hardcore 咁 la, 就係佢地玩緊既時侯, 有條友插水無人接, 頭落地, 要入院, 真係唔小心, 不過最後 d 人都話佢無事, 不過佢隊野就無左個 vocal 了. 另外五嶽劍派同 Hardpack 都唔錯, 聽到 d 人勁 high, 有個鬼佬既 fing 頭方法, 簡直係咩人見到都會想笑. 最後 king ly chee, 唔駛講, 都知正架 la, 我同 vincent 始終都係無去記佢地 d 歌詞, 今日佢地玩左六首, 有幾首係新既, 完全係喜出感外, high 爆, 我係咁推前面個兩條靚仔去班彈弓人度, 真係好玩...

之後去了禾輋食野, 都成十一點了, 食完便快快腳由兩位沙田區既型男送我去搭車.

就像漫畫入面的主角, 我是在發夢嗎?

俾 malcolm 吹交 sales form, 其實我幾日前已經做完, 但 host 個面完全死亡, 都試唔到 online, 我先未 turn 俾佢, 結果佢俾我係 UAT 既 host 度試, 當然係無問題 la.

對於 disposal 既 dynamic disable, 一睇見就覺得好多 field, 好多 checkbox, 好多 radio button, 完全唔想做.

偉大既大帥兄下午打俾我, 似乎已經係完全無機會去 Seoul 了, 日本又過左報名日期, 真係 cheap 死. 今次都係又去台灣既多架 la...又去搞事...得閒...就做下 acm 題目 la...

gel gel 整了芒果 cheese cake, 我和 william share 一個, 真係幾好食, 之後佢重教左我點整 tim, 不過我屋企真係唔覺有打蛋器 wor...

Music

• Aiko - One more time, one more chance (給不斷嘗試的人.)
• 王菲 - 暗湧
• 黃耀明 - 暗湧
• X-Japan - Tears

番工後感到很失落. 過左陣便忘記了. victor send 了佢去旅行的相俾我睇, victor 對我都算係咁, 雖然我地相隔兩地, 我又成日俾野佢做.

disposal 既 dynamic disable 好煩呀, 終於要加 sas 既 link la, 看似勁簡單既 jsp, 因為我 copy 少一行, 浪費了偉大既 AIP eric 一個鐘. 勁呀!!! 都唔知 UAT 同 production 會唔會有事, 似乎大家都終於明白, 我係無論如果都係唔係 OT 架 la, 就算幾多野要做都好.

晚上上 SS tut, 訓左大半堂. 又一科好頭好尾既科目, 由第一堂訓到最後一堂, 希望個 grade 最後都好似其他好頭好尾既科咁 la. 之後既 AI, OS 同 CA 我都係訓足咁多堂.

番工有做唔完既工作, Endless work, X-Japan, Endless Rain. 再加多首 Tears, 成為 Endless Tears.

耳仔好似好耐無痛了, 係時侯係車度聽番歌了, 都係聽住 metal 碟最好訓. Suffucation 同 Mayhem 都係唔錯既選擇. 如果你/妳平時成日訓唔到又唔驚耳膜被震爆既, 可以問我借碟.

sales form 既 host 全日死亡, 咩都試唔到, 玩野. 做了點 card, 好想用埋 overview 既新 applet, 但無時間做. 又要做 disposal 既 dynamic enable field, 真係煩爆. 放工前和 kiki cert 機, 浪費光陰的工作. 害得 gel gel 等了我咁耐, 真係罪該萬死.

唔駛驚, 今日 CCT 係唔駛 quiz 既, 上左一個鐘, 我地就去了食飯.

ACM 終於有 d 聲氣 la, 不過都唔知個新 coach想點, 我勁想去漢城比賽 ar, 起碼唔駛錢有個 visa 呀...不過比賽日期係星期三同四, 如果去, 就要請四日假...玩咩...日本既愛媛同台北就係星期六同日, 請多前後兩日假就得, 不過個新 coach 提都無提過其他地方, 只係話"It's time to travel"...我只可以回應..." It's time to suck"...不過如果又去台北都幾搞笑...一年去三次台灣...真係比人以為我係原住民...

Miu King 返來 la!!!! CBW 既女皇!!! 所有大小員工即該俾足二百分做野, 唔做野唔緊要, 但係唔可以扮白痴!!! 八點二十分便番左去, 破哂自己既最早番工紀錄, 一番到去就加 account 入 SAS 既 UAT, 真係大濟, 加 112 隻 account, 竟然有 109 隻同本身既撞左, 煩到爆, 要係個 db2 度 export 哂 d account 出來對. 九點幾先食早餐. 開工時間又唔可以改 UAT d 野, 要等放食飯先改得, 結果十二點二十分先去食飯.

一心以為搞掂哂, 點知 CBD 個面竟然俾錯 account data 我地, 又要改過, 不過今次唔直接改 db, 就咁用 admin 改左就算. 沒完沒了既 sales form 真係煩爆, 今日又有新 requirement, 重俾人趕住要快 d 搞好做 testing...4 點幾既時侯, 跟了 kiki 落 NOS cert 機, 因為得一個 account, 所以有 d 野做唔到, 要聽日再 cert, cert 完機, 再做多陣 sales form, 大約五點半便閃了. 今日既工作, 真係只可以用個煩字來形容.

番左屋企訓到七點半便去了收檔, 有點涼意. 而家少左幫手收檔, 辛苦了 fa ma. 真係對唔住.

有三部戲都想睇, 三部個中文名都唔好唔掂, 所以我用原名. Nobody Knows, Egoshooter 同埋 The Motorcycle Diaries. 到底有幾多戲係我想睇然後又無睇既呢....今晚睇雜誌, 原來哲古華拉個哲字, 即係 CHE, 係西班牙文, 意思係大佬咁上下, 所以應該叫佢做古華拉哥. 又或者第日見到阿南哥, 要叫佢做哲南. 型.

重係聽緊傻仔, 開始覺得唔係人地當自己係傻仔, 係自己種意做自己種意既人既傻仔. 同場重有安靜, 今朝搭車既時侯不斷諗起呢首歌.

今日 victor 正式復工, 我當然唔會錯失呢 d 機會, 立即勁俾野佢做 la!!! 講左好耐, 終於要開始做 SAS 既野 la, 上午整了百多個 account, 聽朝仲要一早番去 restart UAT 個 server. 希望平安無事 la. 遲下仲要真係落手改 SAS CRMS 個 part, 希望第日 CAS 個 d 唔駛我做. SAS 實在係一個太煩既 system, 勁多人用.

另外亦改左 d overview 同 retention 既 code, 同埋寫下 EDR 咁, 其他時間都係睇下 SAS 個份 doc. jessica 今日勁爆笑, 同我講話有野想我做...咁我問佢做咩, 佢竟然話想第日結婚搵我做花仔, 因為我實在係太得意...無言...放工前, 幾好人的 Patrick chan 教了我點樣 import user 入 SAS, 教完我便快閃了, 好多人等緊我.

番 city 上 SS, 今日有個失明人士示範佢點用電腦上網同打機, 我都係訓, 呢科今次真係必死, 呢個世界真係可以有 d 科係完全唔知做緊咩架!!!

我既三知 notes 之友, gelgel, 做細路女咪幾好, 駛咩驚人地點諗, 我地勇得起. 肥妹仔, 多謝妳 d lok tin hung chi 餅呀, 原味真係正 d 架!!! joe jay, 睇多兩次我的野蠻女友 la, 要為愛人建造一條機會之橋呀!!!

傻仔, 楊千嬅既傻仔, 唔知有無人當左我係佢既傻仔呢...

訓到十一點幾, 勁 happy, 上左陣網, 聽下歌, 差唔多一點半先煮野食, 食左死仔面一個, mother 唔知幾時整既酒雞翼, 再加一枝朱古力雪條. 正爆. 之後再 hea 多陣就去了 TST 和 joe jay 睇衫.

係 tst 行左好多間野, 新港既一堆 shop, 利時既一堆 shop, 結果我咩都無買到, 陪我行既 joe jay 反而係 x-game 買左件 T. 重要即著, 而家 d 年青人真係無咩定力. 之後係 hmv 睇左陣碟, 我真係 window shopping 界既代表, 其實我有諗過晚上一點行中環, 如果有人都有同樣興趣, 記得搵埋我.

番工繼續寫 EDR, 很閒. 放工後和 vincent 及 joe jay 食味千, 個口損左都食咖喱, 勁. 之後坐火車去大埔, 中途 joe jay 去了沙田拿眼鏡, 我地兩個就成個阿伯咁樣坐係火車站入面 d 長椅度, 悶到差 d 訓著.

今日去大尾督燒野食, 買完野食入到去分頭搵位, william 佢地三條友又話好多位, 又話有條女成個阿 gill 咁既樣, 等我, vincent 同 lee hang 拎住勁多野咁以極速行入去, 點知....極度失望, 佢地三個既誠信係 0.

無幾耐, 其他人都到埋, gel gel~~~ 我真係無玩野架!!!! 今次我地特登買少 d 野, 唔夠食, 都好過浪費. 燒完後. 我地行了去船灣淡水湖主壩, 條壩勁長, 又黑, 一來一回, 行了個半鐘...行到勁累.

之後去番大埔食糖水, 我食完就走了, 唔該哂 annie 呀!!! 今次終於係妳教我 la, 大個女 la!!! 哈哈哈~~~

在那一個刻, 我成為了全大埔最無腦既人, 在那一刻, 我成為了全世界最無腦既人........不想再這樣了.....很累.............

看似很自由, 做咩都無人阻到, 輕得就像空氣一樣. 沒有壓力, 甚麼也沒有, 原來真的甚麼也沒有, 沒有了生存的重力, 輕得漂上半空, 生命中不能承受之輕, 太輕的結果...原來....真的是甚麼也沒有...

annie, 對唔住 la, 我諗我係完完全全行錯路的, 在大埔行了半個鐘, 才發現已經無小巴去元朗. 之後搭左小巴去上水, 再搭小巴去元朗, 尚算好彩, 搭到最後一班小巴...在此提醒元朗及天水圍人士, 下次深夜在新界北區, 可以搭 N 車去落馬洲, 再搭 N 車番屋企, 方便安全, 又唔駛坐亡命小巴. 上水去到元朗, 連埋上落客加 police 查車, 13 分鐘...都咪話唔驚.

一直在打圈, 一個又一個, 一段又一段, 一次又一次. 以後, 我只想要一個便夠了, 我想要的不是很長, 我想要的是永遠.

未夠 8:30 就番到公司, hea 左陣就去 11/f 搵肥妹仔拎野食, 似乎佢既減肥計劃係要建基於我既增肥計劃, 今日仲被佢委任為試食專員...

寫 EDR d 時間都算易過, 但係 CBD 個邊今日竟然話我早個輪整既 sales form 有問題......跟住 malcolm 叫我同佢地對質, 一問之下, 原來個邊條友仔都唔係好清楚....唔知....就唔好話我錯 la~~~

放工去左睇 2046, 比想像中好, 亦比想像中和其他王家衛既戲有關係. 而家番緊工, 詳細遲 d 再講, 不過, joe jay 講得無錯, 2046 就係回憶. 無人知道, 要幾耐先可以離開 2046.

Jessica 放完假, 竟然話我係佢放假期間無咩點做野...真係有無搞錯...早知真係咩都唔做. 今日做了一點 card 的 program, 開始寫 card 的 EDR.

食唔到大大肥妹仔的 "lok tin hung chi" 餅, 不過佢話第日整 "paper bread cake" 俾我食 wor, 希望今次唔係"可能性近乎零 "la~~~

天氣好唔掂, 唔冷唔熱, 好焗, 成個人都好似好重好無力.

早幾星期同屋企人去長沙 d 相哂了出來, scan 左放了上網, 真係唔錯既相片.

我既 copy and paste 能力實在太高, 一個鐘, 為五張 sales form 加入新功能, 改了廿五個 jsp. 其他時間, 完全無做過任何公司野, 全程 notes, 真係要好好珍惜呢 d 美好既時光.

大大肥妹仔可能俾我 d notes 煩到頭痛, 似乎佢 d 同事真係唔係好得. 之後佢竟然叫我去整 -ve, 重話一定好得意......

晚上上堂時要睇 video, 訓到不醒人事, 上左半堂就齊齊走堂, 去左 SSP, 天使請食糖水, 食野期間, kiki 幫 angel 睇掌, 佢話只可以話勁字來形容, 無野阻到佢. 之後 kiki 話我係太公命, 因為十隻手指加埋有十個圈, 即係點?

Music

• 陳奕迅 - 黑暗中漫舞
• At 17 - 他和她的事情
• At17 - 你有自己一套
• 王菲 - 回憶是紅色天空

一心諗住上午執下 cas d code, 點知 crms 全部 sales form 都有新 requirement, 有野要改, 總共 13 張的 sales form, 我負責 5 張, 每張 sales form 有 5 版 jsp, 5*5 = 25, 我真係想講而家市價一張 jsp 要幾錢...

原本都知今日要做 benchmark testing, 只係做廿幾個 test case, 比上星期四的四十幾個少, 以為可以個半鐘內完成, 今次比上次多既只係多左個人負責 trace 住 d packet, frame. 點知就出哂事, 個個 network 人超忙, 做五分鐘就要等佢十幾分鐘, 另外再加埋 cas 傳統的不幸, 經常出現問題. 結果我就由二點做到六點三. 完全係浪費光陰, 最慘既係係 testing room 呆等個位老兄既時侯, 我係完全無野可以做, 悶到變化石. 離自己個位又遠, 想飲啖水都懶.

天氣影響心情, 有點涼意, 只想呆呆的看風景, 看人. 天氣影響身體, 有點涼意, 冷親了, 鼻水長流, 只想訓覺.

Music

• 周杰倫 - 安靜
• Rhapsody - Symphony Of Enchanted Lands II (album)

今朝約左人賣 cd, 係南昌等左陣. 呆企令到原本已經勁眼訓既我更加眼訓. 番到公司, 覺得又冷又眼訓又無力, 放完幾日假, 令到我想再放多幾日假, 真係一隻豬...大大肥妹仔見我咁可憐, 係同我解釋完咩係感冒後, 就俾左 d 餅我食, 正爆!!! 食完, 身體覺得好好多, 但係...食飽更加眼訓...

原本今日都要做 benchmark testing, 但係又係要搞到五點幾先開始, 因為實在唔想做野, 所以五點鐘就走了. 實在唔想去諗 jessica 番來後既日子, 而家實在係太自由了.

之後就同 angel 兩個青 bb 咁番 city, 時下既大學生實在太慘, 六個男人食一個 kfc 筒餐. 食完全部人都唔夠飽...要靠 angel 同小強救助

而家係晚上十二點幾, 我剛剛食完 1/4 個月餅, 聽緊 janis joplin. 聽朝...番工...都係勁眼訓架 la...

正進行緊一項男性在愛情某方面的調查, 由昨晚到現在, 對十一名壯男作出提問. 在此多謝咁多位受訪者陪我搞 d 咁 low b 既野. 都係唔出你地個名 la, 因為有 d 答案實在係好易估出係咩人答.

問題只有兩條
1. 你最想同女朋友做既事
2. 你最怕同前度做既事

第一題既答案有
• 坐巴士
• 行街
• 行沙灘
• 行山
• 開房
• 旅行
  
• 係埋一齊
• 一齊過世
• 做咩都得
• 二人世界一個week
• 唔知

大部份人既要求都好簡單, 咁係咪代表越普通既野, 就越開心, 越難忘記, 越想做? 可能因為平時既生活都好麻煩又經常俾其他人煩住, 所以我地最想和自己喜歡既人做既, 都係一 d 很簡單又唔會被其他人影響既事. 點都好, 請珍惜自己喜歡的人.

第二條既答案有
• 同佢現任男朋友一齊見面
• 見面無野講
• 約會
• 講電話
• 唔開房
• 復合
• 無野怕
• 唔知 X 4

呢條問題其實問得唔係太好, 搞到大家都唔係好識點答, 係我既錯, 唔好意思. 有一個答無野怕, 絕對係君子坦盪盪. 部份人都驚和舊情人再有接觸, 更有人講明最怕復合, 唔通驚大家有 d 野唔同左, 就係唔同左? 定係有 d 野, 唔想再有人提, 唔想有人知? 約會其實都唔算太差, 起碼早有準備, 無論重係咪對呢個人有意思都好, 見面無野講同埋同佢現任男朋友一齊見面都係十級無奈, 好似有d 野, 又好似無野咁.

問左咁多人, 都要講下自己. 第一題, 我最想同女朋友做既就係冬天既晚上等巴士, 通常巴士站都係勁大風, 勁冷. 如果可以用件褸包住哂成個女仔, 兩個人靠在一起, 即刻暖哂, 過一世都制. 我認, 我係受某電影所影響. 估到就估吧.

第二題, 我最怕同前度做既就係搭巴士, 太過意亂情迷 la, 兩個人坐埋一齊, 坐係一齊坐過既位, 行番一條以前成日行既路, 勁容易諗番起以前一齊既野. 個環境好容易會想係番埋一齊, 好想可以好似以前咁, 絕對有一種要錯, 就俾我錯多次吧的感覺. 架車越近總站, 就越危險, 就好似機會即將一步一步咁消失, 忍耐力和判斷力就越低...總知, 就意亂情迷 la...

在此再多謝所有有份參與既人士, 希望你地都快樂. 做到最想做既事. 因為無 ex 而唔知點答第二題既朋友, 希望你以後都唔識答, 如果可以, 一生人只愛一個人已是一種福氣.

Music

• Sanatna - Europa

同 mcc, vincent, eric, joe j 去左打 golf. 個度 d 員工既服務好唔掂, 整衰哂香港. 我簡直係打 golf 既低能, 打成個鐘都打唔過 60 碼, 仲打到隻手勁痛

係屯門 hea 左一大輪, 睇左陣褸, 見到件 zoo york 都唔錯, 不過唔知著番工會點. 之後原本諗住去荃灣搵埋 angel 睇戲, 點知佢竟然唔睇得, 咁我地唯有第日再睇過. 四條男人行左陣 ikea 就散水了

去了赤臘角 HARCO 對出釣魚, 我釣左唔夠一個鐘已經完全放棄, 連餵魚都懶, 只係影相同埋四團行. sam 同 lee hang 都好勁, 釣左好多條, joe jay 都釣到條好大條有粒黑點既魚, pkau 釣到條重細個釣魚個粒鉛既魚毛, 可能因為個度間 HARCO 唔旺 eric, 所以佢一條魚都釣唔到.

釣完就去了灣仔會展睇煙花, 加埋 mcc, 六條男人睇煙花. 在黑色的天, 藍色既煙花係最靚, 睇得最舒服, 但今次得好少. 以前覺得金色既煙花好假, 好扮野, 今次睇又有另一番感覺, 有一種成功/光榮背後所失去了的東西, 仲令我諗起狄龍係英雄本色講既"我無做大佬好耐"...白色既都好靚. 今次睇煙花個位勁好, 睇哂四隻船既高空位, 係睇唔清楚到低空, 不過 pkau 話都係"低空"好 d wor.

睇完之後, 六個 sucker 去了 city sucker 食. 食左個燒牛肉粉絲飯, 非常一般. 真係 suck. 之後行左去天后食糖水, 叫左個天山雪蓮, 味道非常清淡, d 蓮子都算 ok.

而家有 d 清風, 勁舒服, 唔通秋天既天氣終於來到!!! 係就正 la, 無咁熱!!!

聽緊 Rhapsody 新碟既歌, thx vincent, d 歌都重係咁正!!! 好有氣勢!!!

Happy week~~~ 手頭上既野, 完全係唔可以有進展, card retention 同 overview 都要等 host...我呢幾日都係靠 notes 過活...

今日又要做 CAS benchmark, 原本一早已經話要做, 但唔知攪咩鬼, 5:30 先開始做, 我和細 chris 就唯有做到 7:30 先走得...勁慘, 無得上堂訓覺, 變左番屋企訓.

今個月...用少左錢...儲多左錢...yeah!!!! 星期四成為繼星期一後另一日勁多書睇既日子, 星期一有 don't touch, exam, 新假期, 電腦狗場. 星期四有 milk, monday, ezone. 真係睇到兩點都未睇完...

Music

• Placebo - Black Market Music (album)
• aiko - One more time, one more chance

中秋節後休息一天, 大大肥妺仔, 生日快樂!!!

十一點幾就俾樓下籃球場 d 人吵醒, 勁慘, 成日都係度嘈住哂.....今日將 d 野放埋上 ebay 賣, 又放左 d lomo 4 格相上 hkwalker 的 Jallery. 係屋企睇電影度日, 逃學威龍. 賭聖, 我愛碧咸. 聽了 Mayham 隻碟兩次, 真係正爆. 仲有 william 隻碟. 好型wor~~~

今晚和 cwk, leelok, matt 打邊爐, 佢地係咁抽豆付頭, cwk 一隻就中特別版, 勁. 食完飯, 去了睇佢地打機, 有兩個靚女一左一右咁夾住 leelok 打機...之後就散水返家.

中秋節快樂!!! yeah!!! 完全係放假心情番工, 做野既進度極慢, overview 都做得唔錯, crms 既 print form 就完全無做過. bubu 請食下午茶, 勁正!!! 係十八樓坐左半個鐘都有. 今日早放一粒鐘, 食完野都差唔多走得, 勁 happy~~~

放工後, 與天使及 william 行了去旺角 hea, 搵埋 joe j 和 kk, 睇了陣玩具, 勁正, 今日全日總共買了 4 隻 tofu 頭, 3 隻 panda-z !!! 之後去了食面就番左屋企.

係屋企訓左陣, 收埋檔, 食完飯, 沖個涼...就又出番去 cwb, 係維園 hea, 人地中秋食月餅, 我地中秋食蛋撻...之後遇見 kk 及 歌利!!! kk 更受到 bonnie 既攻擊...跟住就散水了, 番到屋企 3 點幾, 睇多陣波就訓了~~~

上午做 non personal 既 overview都十分順利, 都幾得閒, 都係用 notes 吹水為主. 因為天使唔同我地食, 所以我地係十樓食就算. 食完飯又要 cert 機, 都唔知點解呢排咁多新機要 cert, 真係有錢.

要 cert 個部機就無事, 但係俾我發現 crms 既 print form 一個 bug, 會令到成張 form既 format 錯哂, 同 malcolm 講完, 佢叫我自己試下攪番好...我最怕就係 print form, 之前 retention 已經 set 左幾日先 set 好, 今次又要 set 過哂...真係煩爆.

今晚上 SS lecture 有個 guest 講 talk, 今日我除左訓, 重睇左本 don't touch, 算係有 d 收穫. 而家正在 cslab 無聊地等人.

十一點幾先起身, 游左陣水, 燒埋未食完既野食, 落左沙灘行. d 沙真係勁幼, 個灘無咩人, 主要都係鬼佬, 日本人, 香港人反而係少數, 真係奇怪. 用 mother 部相機影左 d 相, 要哂先有得睇. 一個人由沙灘行番去間屋, 行到成身汗...

返到去再食 d 野 (今次大濟, 肥到隻豬咁), 就執野閃人. 係車訓到好似死左咁. 專登拎去諗住得閒睇既書都無咩睇過. 我 d 書, 都係要靠西鐵坐架 la...

我感覺到...返來了...做左先算...我就是要這樣...做咩都係...

Music

• Chopin - Nocturne, Etude, Preludes, Waltz
• 陳綺貞 - 旅行的意義

其實我都重未識分 chopin 個幾首邊首打邊首, 只係聽住既時侯, 真係幾舒服.

今日心情勁好, 早了出門口, 太早去到南昌, 唔坐地鐵, 坐 k16. 無發生任何特別野, 亦見唔到任何特別既人.

因為 jessica AL, 我支 team 得我一個返工, 超 free, 如果日日都係咁就好 la. 無厘頭地 send 了個 notes 俾 avis 多謝佢早幾日包熊仔餅, 其實包野係佢請 angel 既. 我同佢講原味好食 d, 佢話下次會 improve, 真係搞笑.

放工後拎了 kiki 個幾隻 gloomy 去交收, 之後原本約左 hello kitty lunch, 但結果同左阿媽去食 tea. 飲左啖變左味既豆漿, 食左過好難食既沙爹牛肉公仔面, 呢間野, 打死都唔會再去.

收檔後就去了大嶼山. 因為家姐要轉工了, 所以今次係最後一次有得去佢公司係長沙間度假屋, 原本重諗住今個星期六無同 friend 去街, 可以早 d 訓, 點知完全唔係呢回事....

我地差不多 11 點先開始 bbq, 燒完都一點幾, 之後又打下牌, 三點先有得訓...

未見到, 就好想見到. 到真係見到, 又唔想發生. 總是在發白日夢, 根本無人理自己.

終於可以做 overview 了, 真好. prototype 實在係太痛苦了. overview 比 retention 簡單得多, 因為只有一個 screen, 又無野要 update 上 host, 只要做 enquiry 就得.

William 今日請食 $40 煎樣三保, 真係正!!!

放工在美乎陪了 hello kitty 一陣, 要小心身體呀...

今日用了很多時間去做 prototype, 又要執 html, 又要 capture d 假 screen, 又要整假 print form, 真係煩煩煩煩煩到爆呀!!!!!!!!!!

五點十分左右便走了, 和 william 及天使去了食煎樣三保, 返屋企訓左個幾鐘後去了圖書館, 借了一隻 Chopin 既碟和一本西歐自由行既書, 好詳細, 就好似中文版既 lonely planet. 如果可以早一個月去就好 la, 未到旺季, 好多野都平好多.

今晚聽了 Mayham 和 Chopin, black metal 和 classical.

CK Poon 唔做 acm coach 了, 新 coach 係 duncan wong. Dr. Poon 教了我地很多野, 雖然佢係 ACM 對我地比係上 cs2331 時惡好多. 次次比賽完, 就算我地幾差, 佢都唔會點話我地. 亦都因為佢既經常唔得閒, 我地先可以唔駛成日 training...而佢間唔事彈幾下完全無人明既野, 亦係一個經典場面. 希望 acm 後人有好成積 la, 我負責玩架 ja...

又要做 training 既 prototype, 好煩呀!!! 我想做 non personal 既 overview 呀!!! 俾 malcolm 問我做成點 la.........

放工後要返學, 我地四個第一次齊人上堂, 訓到不醒人事. 課後活動係行去深水保食糖水.

上午做 card retention 的新 requirement, 做到了 offer 是跟 card type 和 reason for cancellation 而 uphost 轉的. 無拎飯. 又要食自己. 下午做了將 crms 的 product code 分開 personal 和 non personal. 離開前 turn 了 code, 但似乎有問題, 唔理了, 聽日先算.

五點幾天使來了 10/f, 趕了我, william, kiki 走, 跟住同埋 joe jay 係奧海城 hea 等今晚食飯. 之後 lee hang 和 eric 都來了, 我地去左食 kfc 雞亦. 等埋 vincent, annie, bonnie 就去了食 One One Nam, 之後 mcc 都到埋. d 野食都 ok 既. 食完, 我, 天使和 joe jay 上番 hsbc 拎天使整既蛋糕仔. 之後食完再係 food court hea 左一輪, mcc 幫 annie 補習 web app, 希望幫到 annie la.

之後去左間叫糖心既食糖水, 完全唔掂, 唔好食, 服務又差. 之後同天使睇住 annie, vincent, bonnie 搭車走, 先搭地鐵走. 我搭左一個站地鐵後, 和西鐵訓足全程. 精神好了很多.

無左 victor, 好慘呀!!! 原本個 d project 又要自己做埋 jsp, 又要做 training 既 cas prototype, 又要寫 crms 既 test plan, 最慘就係 cas 既 infra 又 update 左, 要 syn 番幾個 jar, end point 又轉左, 真係煩到爆.

都是一個人好.

有很多地方都好想去, 呢排睇既聽既都太多了, 有點消化不來的感覺. 數天前既事已經無咩印像.

家姐今日生日, 但係今日見唔到佢.

一家人, 好多人. 食好多野. 勁飽. 屋企好多人.

下午先開始活動, 係元朗見到 leelok 和 cwk, 如果唔係要睇 bandshow, 今晚都會同佢地 bbq. 三點在灣仔約了 vincent 和 joe j 去 art center 睇 ifva_+ 短片講座, 今次講者係黃精甫. 一開始就睇黃精甫幾年前的一部短片, "青梅竹馬", 十分可怕, 要親身先可以感受到個種得人驚, 我同 vincent 睇完都覺得勁驚. 之後佢就講下野, d 人又問下問題, 我同 vincent 完全係忍唔住笑. 跟住又睇下一 d 佢介紹既短片, 一個係 sigus ros 既 mv, 一個係 spike jones 既短片, spike jones 真係好鬼死正~~~

之後去了香港仔睇香港的Bereavement和 澳洲的 The Eternal, 今次我地有我, vincent, kiki, kk, 歌利. 場 show 比上次多好多人, 起碼我地都多左兩個靚女. Bereavement d 歌好正, 好有 feel, 個鼓手都係上次 HS 個個. 不過個 vocal 個樣真係唔係太得, 成個 william hung 咁

The Eternal 玩 live d 歌比之前試聽既 mp3 勁, 都無咁驚. 個結他手勁高, 係個台上面好似巨人咁. 呢隊野都幾多 guitar 和 keyboard solo, 不過無咩驚喜, 有 d 位重悶悶地. 全場都好 high, 下次睇 metal 我要搵個長毛假髮向個幾條友仔反擊...

睇完 show, 去返 cwb 搵番 joe j 一齊去 kk 和歌利推介的 cafe shop 食和玩. 間野都幾好, 有好多野玩, d 野食都ok, 重有隻白雪雪既狗仔玩...不過都幾貴, 我又一次玩到無哂錢再加上欠人錢...之後搵 leelok, 佢用住中國聯通咁同我佢地都就快返屋企, 咁我都返屋企了. 係 n968, 係我訓緊覺既時侯, 發現有個小小小妹妹訓左我係度, 我都唔知點算, 唯有繼續訓, 無幾耐佢就縮番開個頭......都好耐無人靠著我來訓了....

下星期開始 jessica和 victor 都會放長假, 即是少了一個叫我做野和一個幫我做野既人. 今日無咩心機做野, 都係盡量叫 victor 做野和聽 jessica講有咩要做. 晚上六點跟了 eric 去和負責 training 的人開會, 悶死.

之後和 kiki 行去 MK 搵埋 lee hang, joe j 食飯. 食完行了陣街, 便去了睇"四百擊", d 音樂好正, 有幾場個感覺都幾好, d 鏡頭都好到位.主角做得很好, 幾個男仔 d 衫既 cutting 同 pattern 都好靚.

mcc 生日快樂~~~ 45mins 任砌~~~ fat boy chan 生日快樂~~~

搞了勁耐, 個 sales form 終於識 send email, 亦成為我三個 project入面最遲知道要做, 亦係最快做完既一個. 希望就算俾人打回頭都唔駛大改 la...聽日真係要開始做 non personal 既 overview 了...

放工後要返 ss tutorial, 睇左陣 joe j 本歐遊書, 訓左陣, 自閉左一陣. 放學後同 vincent, joe j 和 mcc 去了南山食飯~~~

一早打比 CBD 的同事, 原來 host 已經可以試 sales form的 online mode. 已經 sales form 只係差 email 未得. 今日午餐有美味甜品, 天使整了芒果 cheese cake, 很好味~~~

下午開會, 都係全程眼訓. 星期五晚上六點重要跟 eric 去同 user 開會, 勢必眼訓死. jessica 真係夠哂關望, 又要我學 AIX 的 script, 又要我睇住人地做 testing.

晚上聽了林憶蓮的寂寞流星群和陳奕迅的綿綿

一早打比 CBD 的同事, 原來 host 已經可以試 sales form的 online mode. 已經 sales form 只係差 email 未得. 今日午餐有美味甜品, 天使整了芒果 cheese cake, 很好味~~~

下午開會, 都係全程眼訓. 星期五晚上六點重要跟 eric 去同 user 開會, 勢必眼訓死. jessica 真係夠哂關望, 又要我學 AIX 的 script, 又要我睇住人地做 testing.

晚上聽了林憶蓮的寂寞流星群和陳奕迅的綿綿

其實, 我並不專於電腦. 我是玩具, 音樂, 電影界的.

sales form 今日進展良好, card retention 又有新 requirement. overview 重未開始做. 今日 jessica 請我和阿南食雪糕. 正, 我連食兩杯. 遲下連 AIX 都要識埋.

今晚聽了一隻幾年前買, 得兩首歌既 cd, lmf 都係未紅個陣好火氣d...你咪當我流 !!! 另外亦聽了 Anodize 的 "A", 正!!!

crms 的 sales form 真的很煩, 都係 ES 好 d , 分工清楚好多. card 已經無咩可以做, 只有等 user 轉 requirement. overview 重係完全未開始做.

午餐食了三文冶, 都唔錯. 放工後要返學, 讀到第三年大學, 都係上堂訓覺, 玩和睇書. 放學後去了石峽尾搵投注站買六合彩.

呢排成日借 cd 俾人, 香港九龍新界都有我既 cd.

今日做既野十分有意義.

• 沬鞋 (白鞋, 靚靚)
• 還書 (巴金都未睇完, 我已經有其他書想睇...)
• 投票 (全日去了兩次票站)
• 取雜誌 (無一本係我睇既...)
• 食飯 (原本投完票想食永年車仔面, 但太多人, 買了大歡喜的燒鴨瀨番屋企食, 水準差了, 早知買東江的鹽焗雞飯.)
• 洗衫
• 取回書單
• 清潔公仔 (靚仔哂!!!)
• 哂衫 (洗完 d 衫好香, 即刻開隻普普樂團 cd 聽)
• 聽六隻 cd (真 happy)
• 放五隻公仔上 yahoo (點解今日我上網咁慢架!!!)
• 睇兩本雜誌 (新假期介紹的新彊南部真的很靚, 那座白沙山和那個唔知咩湖, 真的一流. 澳門 d 野食真係好似好正, 一定要澳門音樂人介紹下先得. 佢介紹野食俾我好過介紹女仔俾我.)
• 計回書單
  

今日好乾淨, 做既野, 都係想做既. 無野要對任何人負責.

今朝食左兩份早餐, 勁飽. syn 了 cas prototype 的 source. 又試了 host reject 俾 jessica 睇. 昨天搞了勁耐都唔掂的問題, 在 delete cache 後便沒有了...真係玩死.

放工後旺角食野, 之後去了睇貨. 然後去了鑽石山睇"A-1頭條", 都幾好睇, 這部戲很適合用作宣傳香港人, 因為所有人都很盡力去做自己的職業. 之後上了慈雲山食野.

成朝都唔知咩事, retention 個版有個 field 的 value 搞極都係唔知去左邊...玩死...手頭上三個 system 都有唔同既 host message, 真係睇見都驚. 下午繼續做 sales form, crms 用既 framework 係唔同 cas 既, cas 用既係 ES, crms 用既係 wsbcc, 完全唔明 wsbcc 做緊咩.

細細粒, 甜甜的...點忍...

今日係 alex last day, 有野飲, 正!!! 飲完放工 william 請食三寶, 真係正!!! 番到屋企又係勁訓...而家聽緊 lmf 的屋村仔, 很正, 根本諗唔到呢隻碟有咩可以話唔好, 音樂, 歌詞, 火氣, 內容, 故事性, 設計...Micheal Lau 那張漫畫 cover 簡直係型爆...點都要講下, 我呢隻係真正既第一版, 係紙盒, 並唔係後期重出既膠盒...重要有 LMF 貼紙一張...至於 lmf 之後出既碟...就唔好提 la...哈哈哈

又要做多樣野, 今個月我要做起既有 Card Retention, Non-Personal Overview, CRMS Sales Form. Sales Form 重要一個人做哂...同一時間開兩個 wsad, 做三個 project...

成朝都上唔到 cas, 都唔知係 cisa 定係 mq 既問題, 下午就無事了, 應該係 server 熄左機. 終於出到真 print form 了, 重得到我地 L01 偉大既 test leader 天使小姐出手測試我的 card retention, 真係三生有幸. 之後都在寫 sales form 的 jsp. 肚痛了一日, 五點半便走了, 返屋企就訓到收檔了.

一個人獨估兩間房的日子...就快過去了....無左自己間房了...我最愛既街影.... 仲有訓係床度會睇見既那一粒星同月光...

真的很支力, 身體有點不適

今日原本想 set 番個 jet form printing, 點知之前我地 team 做那個 hp/pva retention 的 confirm 太慢, 要將 confirm 入面整 jet form 的部份抽去 print 那個 command, 這個咁痛苦的任務, 就要我去完成...好多野要改...

下午都係未有得做自己做開既野, 之前 activity log 的 host reject message 和 wsid 都 log 錯野, 用了很長時間去解決. 另外亦做了一點 card retention 的野. 做到累死, 在車都沒有訓覺, 巴金很好看, 很有意思, 雖然書內的 "的" 字變哂做 "底" 字...這可能是世上最多"底"字的書.

晚上都是在聽 kiki 還給我的 cd. Janis Joplin 把聲真的很好聽

今日都係搞下 valiation d code 同加埋 victor d jsp, 原本要做一個 crms 的新 validation checking, 但後來因為 requirement 未齊唔駛做. 中午和阿南食生日, 食左好多野, 超飽.

今日亦都係阿 ray 的 last day, 所以我地 team 搞左個 tea party, 由我負責, 不過我真係好唔種意負責叫外賣, 五點時和阿 ray 落了奧海買西餅, 返去時正好遇見送許x山外賣的阿姐. 但係之後都要等 david, eric 和 jessica 開完會先有得食, 呆等一小時. 食野時, 身為學生的 ray 和我都再一次成為談論的話題, 食完已經六點九, 但我要上六點半的堂, 因為返學的路程一直都唔駛等車, 所以我無走堂, 返到去七點三亦無俾人話, 傳說中比我早到的人都有俾人話...但我上堂基本上都係訓覺.

放學後和他們去了 lib hea 左陣, 有 d 電腦書都想睇, 但實在已經借得太多無睇過既書了...

十點左右便起身了, 成日都好懶, 睇埋本書, 去左圖書館, 借左本巴金既文選, 仲有一本講 jazz 既書. 之後便在家狂找 jazz 歌聽. 其他時間都係睇電影台同埋 discovery 旅行台, 真係 hea 爆.

一早和 joe j 說今日要做一件 stupid thing, 但最後都無做到.

唔駛返工, 但係十一點幾就返左 city 整學生八達通. 之後我同 joe jay, kiki 睇住 eric 同 vincent 去左好多銀行, 食完野, 玩左陣足球機, 就搵左間課室借 dvd 睇, 睇左"無主之城", 正, 係睇緊 led zepplien live 既時侯俾人趕走, 去左食 tea.

之後去尖沙咀慶祝 annie 生日, 搞了一輪, 齊集了很多人, 係 pizza hut 等左勁耐位, 食完去左海旁做 marketing 和吹水. annie 重請返我地飲野 tim.

都係做 retention 的 valiation, 好多 requirement 都未定, 點做...

今日超黑仔, 搭咩車都要等第二架先上到...做野又無咩進展...又週身唔舒服...

放工同小威威去左旺角搵小溫溫食面, 我同小溫溫又買左 panda-z...真係好得意~~~

Nat King Cole 的聲音真的很溫暖, 就像在身邊唱著.

番工都係做下 card retention 和 crms, 原本要 cert 部機, 點知個 image 有問題, 唔駛做. card retention 有 d user requirement 都未係好 firm, 勁煩.

放工後要番學, 上 SS 的 tutorial, 很多好朋友在同一班, 真好. 放學後同 jj 和 kk 趕去鑽石山睇"六壯士", 個故仔好散, 不過有 d 位都幾好. 全場我最種意同埋最完整都係杜文澤個條線.

晚上, 因為 kiki send 左個網俾我, 令我想起 janis joplin, 一把很乾, 很特別的女聲. 我諗我係比較喜歡六七十年代既音樂. The Doors, Janis Joplin, Jimi Hendrix, Beaties, Led Zepplien, Deep Purple. 舊 d , 音樂都好似真實 d.

今日做埋 card list 的 filtering 和 name mapping, 出左 d code 比 victor 試. 希望同佢合作得好, 做好 card retention. 下午要做一個 crms 的新 user requirement, 第一次做 crms 的 program, malcolm 很好人地講一次 crms 的運作. 真好彩, 佢同 jessica 都很好人, 雖然比好多野我做...之後仲去左 cert 機, 第一次幫自己 team cert 機.

放學後和 angel 返 city, 食完飯後會合有重病的 joe jay 一齊去上 ood, 好搞笑, 我地好似新生咁搵左勁耐課室. 上堂好好訓, 原本三個鐘的堂, 一個鐘就走得. 去左南山陪 joe jay 食野.

等西鐵時, 想到了. 希望有完成之日.