春天的早上, 五年前的這個早上, 我起床後第一件想到的是甚麼?? 已經完全唔記得了, 日子, 便是這樣過去...
番工無野做, 快要悶死, 約了 dr. poon 5:30 在 city, 但差不多 4 點幾先知要 clone 個 lan 做 drill, 5:10 離開, 5:35 前到達 city, 快!.
決定了跟 dr. poon, 但還需在兩個有興趣的題目中選一個. 之後和天使及小強食又一城. 進入了搵 supervisor 的火熱期.
謝 vincent 給了 love psy 的歌我. 有個 mcc 和 patpat 同村既人 bid 左我隻 chemical brother. 好耐無發市.
上司的一位家人過身, 生命無常, 要珍惜生命. 不要浪費自己, 不要讓錯事繼續錯落去. 影響的, 不只一個人..
傑仔和 leo 都給了一點 fyp 的意見, 謝, 我想我已經放棄了其中一位 supervisor. 問了日文 dept 關於 late drop 既事, 有點被玩既感覺.
回家時聽了一點 20 Centery Boy 和 Baby's on fire, 很好火呢. 之後便是安靜, I love my car, Good or Bad.
如果有任何人知道我的迷幻列車 vcd 身在何處, 請通知, 謝!
找了一些 mp3, 晚上食了藥在床上, 聽著 joy division 的Atmoshere 和 pulp 的 mile end, 感到連日食藥, 好像手指尖的彈力都失去了....在床上, 感到身體內的變化, 一堆肥肉, 這便是我的生命...Life goes wrong, but life goes on, what a pity...
好濕呀, 一早起身望出街, 咩都睇唔到呀, 即刻用電話映左幾張相. 終於記得拎 ai notes 俾阿南, 有 d 感概, 原來自己對 cs 好多個 area 都幾有興趣, 好似 os, ca, ai 咁, 但係第日做野又似乎無咩機會再用到, 好似有 d 可惜咁.
番工都係無咩做, 又 clone 左部 NL5. econ school 個 proj 好混亂呀, 一個咁少錢既 proj 都搞到咁煩. jj 係 chatroom 扮係我, 自己同自己講野, 我唔係位, 一埋位睇到就勁笑, 之後 logout 埋, 最搞笑係 kalee 以為爆哂粗個個係我, 其實個個係 jj 扮緊我.
放工去了食台灣下午茶, 飲完杯熱 milk tea 後便勁想嘔和肚痛, 我都係唔適合飲台式飲品. send 了 dist compiler 的 idea 給 ckpoon, 反應一般. 重係困惑緊係兩個人之間, 今日的心情比較想要 issac, 他的題目始終是較有趣, 及日後真的很難有機會接觸 processor architecture 同 instruction set 既野...
A simple life. Hardcore for something. Happy for something, sad for something. With family, with friends
一起身, 成地水, 屋企入面四面牆天花地板都係水. 住左咁多年都未試過咁可怕. 早上一個人在南昌西鐵站 hea 行了一會, 感覺不錯. 我將會跟住 crms team 進入 CBD, 遲下將要學習使用 mainframe. 落了 7/f production server room 睇番 SD 既 log 計 network 既 bandwidth, 勁型, 好似好高科技咁, 要過幾道閘, 又要俾燈望, 間 room 重要勁冷.
放工意圖回家休息, 可惜太多水, 要吸水, 攪左成粒鐘就要去收檔. 街上天氣還不太差. 很累, 但好像放假做清潔, 身心也好了. 今天只食了兩次藥便無食了, 買了一些楊桃食. 飲多 d 水同食生果好過食西藥 la.
冷, 九點多便起身去拜山. 之後去了牛池灣飲茶. 係 sister 屋企坐左陣. 番屋企讀 cry 及整 brother 部機, 仲係未上到網. 抓了張震嶽的自由來聽, 找不到李心潔版本, 但抓了李心潔和劉若英的 Good Or Bad 來聽, 很柔的感覺, 歌詞也很有意思. 但近期最愛的, 還是 common people 的歌詞 , 真的聽到會哭了.
實在係無野做, 溫習 crypto 又不上心, 只好玩 alan 糖的 chat room, 起了 server, ng, kalee, sheep 和 _kk_ 都進了來. SD 在轉回舊的 frontend processor 後, 成功完成了只有一個 target server 的傳送.
下星期三便測驗, 發現自己根本無時間在家溫習, 只好希望下星期一至三在公司也極閒吧. 又在想 fyp, 如果跟 issac, 主要會係要 solve 一d supersclar 既 Parallel Processing Problem, 幾有趣, 但主導權會係哂佢度, 可能只係一味幫佢 implement 佢既 design. 如果跟 ck poon, 自己既參與應該會多 d, 亦都無咁緊迫, 除左學到一 d techni 多, 亦會較感受到 project mangement.
上午又做 ＳＤ，set 了 3 個 lan 的 config 做 100mb 和 full duplex. 但又失敗, 原因不明, 畢竟 SD 涉及既部門實在太多, 在溝通上十分困難, 次次都有點兒不協調. 終於 run 到 cas 了, 之前的問題是 jar 內有 java 檔案, 似乎 wsad 5.1.2 是不容許的.
晚上和 patpat 去搵 issac, 好一個完全在被動的對話, 佢話我無 background knowledge 做 motion prediction 會好危險, 做 processor design 會好 d, 被考起已經忘記得七七八八既 CA, 佢話佢有 d superscalar 既 architecture design, 可以搵我地寫 program 做 simulation. 之後就叫左我番去睇書, patpat 番去睇有關 motion prediction 既野. 跟住就叫左我地走, 叫 patpat 下星期搵佢, 我就幾時搵佢都得. 都未同佢講 software routing 既野. 雖然 processor 既野好似幾好玩, 但係 issac 似乎真係好似傳聞中咁, 視常人為機械人, 第一次見面就要我睇本咁厚既書, 重好似已經定左我地一定跟佢咁, 好驚驚呢~~~
上午又做 ＳＤ，set 了 3 個 lan 的 config 做 100mb 和 full duplex. 但又失敗, 原因不明, 畢竟 SD 涉及既部門實在太多, 在溝通上十分困難, 次次都有點兒不協調. 終於 run 到 cas 了, 之前的問題是 jar 內有 java 檔案, 似乎 wsad 5.1.2 是不容許的.
晚上和 patpat 去搵 issac, 好一個完全在被動的對話, 佢話我無 background knowledge 做 motion prediction 會好危險, 做 processor design 會好 d, 被考起已經忘記得七七八八既 CA, 佢話佢有 d superscalar 既 architecture design, 可以搵我地寫 program 做 simulation. 之後就叫左我番去睇書, patpat 番去睇有關 motion prediction 既野. 跟住就叫左我地走, 叫 patpat 下星期搵佢, 我就幾時搵佢都得. 都未同佢講 software routing 既野. 雖然 processor 既野好似幾好玩, 但係 issac 似乎真係好似傳聞中咁, 視常人為機械人, 第一次見面就要我睇本咁厚既書, 重好似已經定左我地一定跟佢咁, 好驚驚呢~~~
中午係中環蘭香園食雞排撈丁, 冷奶茶幾好飲. 之後上左山頂, 好耐無坐過纜車. 山頂好多人, 幸好今日都算好天, 有風景睇, 不過好大風. 係纜車企頭位落山, 成個人斜哂. 之後係中環行左陣, 就行左去西環, 海味街全部未開, 又去西港城, 頂樓開了一個跳x市場, 賣一些手工藝品, 畫, 書和 cd. 畫很靚, 但勁貴. 看了一點大友克洋的漫畫書, 內容令人驚訝(食人, 強姦失敗被少女戲弄, 4仔男主角在片場未能起頭...), 場內竟然有得賣 huh! 的 cd, 但幾貴, 所有無買. 最搞笑是有大量 $2 一條的性感 under, 似係裝飾多過賣.
之後係銅鑼灣 hea 至食飯, 食了笑笑, 份量很少, 但味道還不錯. 坐船去尖沙咀, 終於在 United Color of Benetion 看了 Cream 攪的 "LIFE IN A BOX" exhitbition, 很有趣呢, 展品是由 cream 雜誌寄了一堆物件給世界上不同的藝術單位, 又他們自由發揮, 再寄回香港. 最喜歡的展品是那個單位將收到的物件拎去一個賣物會和別人以物換物, 再以相片記得過程. 雖然件事好似好無謂, 但其實幾有意思呢, 就像將一個小事不斷擴大, 最後影響了很多人的生活. 個展覽 2 月 25 日就完, 有時間就去睇下 la~~
今日又攪 NCC 部機, 其實呢幾日整整下, 已經係將三部機既硬件撈埋哂用, 勁混亂. 放工前終於順利完成一次 SD. 得到可怕消息, 我有可能唔跟 CRMS team 上 CBD, 要留係 CBW, 係就慘 la, 其他 team 未必容許到我咁 hea 爆既工作態度. 就快又要 benchmark test, 準備左 d test case 同 account, 希望到時唔駛我做, 因為真係勁煩.
原本約左 prof chan 六點幾, 點知六點半佢又唔係度, 太遲我又驚無時間, 因為約左 ck poon 七點, 結果最後無搵 prof chan. 七點去搵 ck poon, mcc 同 sam 都勁遲到, 同 ck poon 吹左陣水, 佢都係講下有咩 on-going 既 project 有咩可以再發大去做, 同埋講下以前 kit 仔同阿強佢地做過 d 咩咁. 講左差唔多兩個鐘. 最後我地都係未做到決定.
之後食 m 記, 唔小心欺騙左一個芝士漢堡.
今日 clone NCC distribution server, 一波數十折, clone足一日. 放工前因為 crms 死左, 所以唔駛做 SD. 放工食豆腐花和三寶, 正!
今日 mother 生日!!! sister 回家食飯. 晚上找了一點 the smiths 的歌來聽. 小石今晚回台北了, 呢幾日都無陪妳去玩, 無盡地主之宜, 真的有點過意不去呢. 希望妳呢幾日係香港都玩得開心 la!!!
Music
番工無野做, 放工前去左做 SD, 完全係勁多問題, 攪勁耐都未做到. 今日和 william 同格, 十分之親密, 新鄰居無野講. 放工唔舒服, 勁冷. 上日文, 勁訓. 完全唔知教咩. 放學坐巴士番屋企, 晚上既青馬加汀九真係睇幾多次都咁靚.
Music
長週要返工, 做左 d 未收錢既 cas, 同埋裝機俾 jessica 玩 SD. 今日勁多節目. 放工去左灣仔食金鳳, 食完全日肚痛, 不過呢間野都真係幾鬼特別. 食飽去左賽馬博物館, 過磅. 之後去銅鑼灣 Juice 睇 Visuall 展覽, 呢個係由多個世界級 artist 以日本品牌 Devilock 為主題的世界巡迴展, 香港是第三站. 參與的單位有 Kaws, Seven Star, Eric So, Pushead, Stash, Futura, Kostas, RASS 等, 勁愛 kostas 和 kaws 的畫, Seven Star 的展品很型.
之後上左中央圖書館行左幾轉, 便坐電車去了中環, 行了很長既機梯, 終於搵到藝穗會, 原來場 show 由五點變左六點先開始, 然後係中環亂行, 巧遇中環中區警署開放日, 係入面行左陣, 呢座野好似就快要重建, 好多古蹟保護人士在場, 但係其實無咩野睇, 好多地方都唔行得. 行中環行人電梯, 上到最頂, 勁! 累! 肚痛! 之後去香港動植物公園, 途經一個好有趣既行人天橋, 今日好大霧, 係中環都睇唔到 ifc. 跟住同埋 vincent 去藝穗會睇左一場幾特別既 show.
場 SHOW 有樂隊玩場演奏, 有性感但樣衰姐姐跳舞, 有妹妹拿著身穿奇怪衣服的木偶行來行去. 我地坐得幾舒服. 總算係有得休息下. 之後食哈迪斯. 便去尖沙咀了.
台灣的小石姐姐來了香港, 我們 ACM 4 人再加 angel 和 vincent 便和她去了食 coffee berry, 心太軟比上次好食. 大家也玩得很開心. 之後行了一會海旁. 再送小石回酒店. 希望她這次玩得開心吧!!!
上午順利地同 kalee 一齊 clone 埋個幾部 workstation. 又要改 EDR, CAS actlog log 唔到 branch code 就好似沒完沒了的問題, 要試出 production 的問題, 但很煩, UAT 熄哂, dev 又同 FEI 合併左, 好多野都唔同哂...幸好最後 PDC 的 TOM 指出找到問題的起源, 我諗都唔駛再試了.
Host Formatter 在最後都係要再改 requirement. 煩爆. 在公司溫習了一點上星期 cry 的 notes.
放學返去上堂, 頭一個鐘勁訓, 今堂講 DES, 勁難, 完全唔知講咩, 今日 dept head 終於出現, 坐了一小時便走堂. tutorial 時唔識計乘數. 放學後勁肚餓, 原來係美乎地鐵至西鐵站一段小小 5 分鐘內既路程, 竟然有 3 間 7-11 和 1 間 OK.
今日和他們再次談起旅行的事情, 真好, 還以為已經忘記了. 那真的是一個很適合去的時機, 錯過了便很可惜.
Music
改左 d prototype, check 下 crms 同 cas 既 standing data, 繼續保持無野做. 執了卓面, 將上兩手 placement 的廢紙拎左去回收,可以單面再用既就整埋好, 加埋都有成幾吋厚, 用到走都應該用唔哂. 卓面即該多左好多空間.
放工食左天使的姐姐整既蛋糕, 很好食, 不過會殺x.
晚上開始寫 Last Life in the Universe 的 review, 要用文字去講一部無咩對白, 以鏡頭, 顏色, 音樂表達感覺為主的電影, 難度真的很高, 聽日繼續寫. 今晚要睇好耐無睇既 61X57
Music
今日去南丫島, 趕到死咁濟先上到船, 去到榕樹灣搵野食, 無去到青鳥食日本野, 去左南島書蟲食健康素食. 成份 menu 都係英文, 都唔知份野講咩, 亂咁叫左個 set lunch 同早餐. 份早餐係兩塊烘麥包, 都幾好食. 個 lunch 就正 law, 係兩個包, 係包上面有蘑菇, 雞蛋, 菠菜同一大堆唔知咩醬. 超勁正, d 醬似乎係有蛋黃, 芝士, 勁好食. 食食下咬爆左隻雞蛋黃亦有驚喜. 雖然比較貴, 但食完都幾飽. 間野入面有好多書, 幾有農莊氣氛. 最緊要就係個包真係好好食.
之後係榕樹灣行左好多間賣傳統民族野既鋪頭, 好多野都好想買, 但係唔想拎, 所以咩都無買. 之後行左去洪聖爺灣, 路過阿婆豆腐花同 Shelly Cake Express, 但我地都實在係食唔落 la
之後行去索罟灣, 比想像中行多好多山路, 勁累, 行左成個半鐘咁濟. 中途都見到好多人, 唔駛驚俾人老笠, 天氣不太好, 影得 d 相都唔太靚.
去到索罟灣, 好多食海鮮既鋪頭, 但係我地又唔係食晚餐, 又得咁少人, 所以當然無食. 食左南丫鮮果甜品店, 無食到得到 2004 年美食獎既棉花燉蛋, 食左朱古力薑汁撞奶同雪糕蘋果批. 個撞奶好勁薑汁味, 但質地好特別, 一層稀, 一層杰咁, 不過真係幾辣. 另外個蘋果批都幾正, 個批皮好有咬口, 幾好味, 賣相亦幾靚
之後去左睇宇宙只有我和你, 講人在異鄉個種孤獨感, 無對白咁濟, 好在無訓著, 不過間戲院好冷.
上午要番工, 放工前意外地發現睇到 jj 既 notes, 好得人驚. 之後去左灣仔搭合和電梯, 勁驚. 午餐食金鳳茶餐廳, 個侍應掛住掛住溝女唔理我地落單. d 野食都 ok. 不過坐得比較逼.
之後同 vincent 去左睇最後一次既 ifva_+, 又葛民輝主講. 超多人, 歌德戲場坐到爆哂, 我地都係企走廊位. eric 首先播左幾首佢用自己既影像作品剪埋再加 Love Psychedelico 歌既 mv, 都幾好睇, 不過睇睇下就覺得有 d 悶. 跟住就係龍火日本試播版, 同之前第一次睇龍火既感覺一樣, the me 既歌好舒服, 但係內容勁悶同埋唔知講咩. 之後再睇兩個 eric 幫 now.com 拍既短片既特別版. 第一個係何韻詩同何超儀既默劇. 第二個同 twins 拍既短片既 making of.
睇完一大輪野, eric 就開始勁講野, 講下佢點解拍野, 點樣剪片, 同點樣諗野咁 la, 超哂時, 成個 talk 由 2:30 講到六點幾都未完, 我地因為要睇 bandshow, 所以唯有早走.
雜菜煲~前傳
主題：音樂無分類
日期：2005年1月15日 (星期六)
時間：6:30 p.m.
地點：香港仔蒲窩青少年中心 (香港仔大道116道)
表演樂隊：BlackWine, DSC, Coxa, Doped, Dark Vampire, Rednoon, Nothing None
票價：$55 (walk-in only)
個 show 真係無改錯名, 超雜, 有 post rock 既 Coxa, hardcore 既 Doped 同 Nothing None, metal 既 Dark Vampire, pop rock 既 Rednoon, 超高技術玩古典中西樂既 DSC, 有超正 progresive rock 既 blackwine.
Coxa 玩左 post rock 版既 knocking on the heaven door, 係我聽過呢首歌既第四個 version, post rock 化後, 令到首歌個 mood 更慘. 重有將 let it be 同 hey jude 合體既 post rock 版, 但係就比較差 la. Doped 既主音有個牙買加式栗子頭, 好型, 除此之外, 無咩特別. Dark Vampire 好似有 d 成員唔同左, 感覺上有 d 唔同, 但係都係好悶. Rednoon 真係驚喜, 竟然有 d 咁 pop 既 band, 番玩左幾首中西流行曲, 幾咁年青, 又有甜美既笑容...之後係 dsc, 第一次睇現場 dsc, 勁到爆, rock 版中樂, 結他, bass 和鼓都超勁. blackwine, 唔駛講, 今次玩左首係將佢地隻碟既歌 mix 埋哂一齊咁玩, 勁正. 之後全場以為完 show, 我地都諗住走, 原來重有隊 nothing none, 都係幾悶, 但係引得一班妹妹仔變哂彈弓人. 之後落 cwb 食牛雜河就番屋企訓覺
今日 send 左份 resume, 好多人幫我諗點寫, thxthxthx!!!番工時間完全無野做, 五點後 jessica 先話 user 想加長 offer desc, 要 test 下 actlog 有無問題, 但係 actlog 又唔知點解死死下, 攪到五點半都唔係好得, 唯有唔理 jessica, 自己閃先.
放工去左荃灣圖書館, request 左本 Cryptographic algorithm and protocol 的 text book, 要等十五分鐘, 真係有趣. 呆等期間, 借左本卡夫卡的"變形記"和 Duke Ellington 的 "With a touch of class". 之後坐巴士睇左陣書就勁訓, 勁塞車. 係元朗圖書館再埋 audit 既 textbook, 大本同重到可以責死一隻貓.
勁眼訓, 今晚要早 d 訓覺!!! 聽緊 Duke Ellington, duke 是最早期既 jazz 樂手 (192x), 很隨意, 很有一種在 club 聽歌的感覺. 很舒服.
你的死活, 今日到了別人的話題. 你的功過, 人民和歷史也能見証. 在我的立場, 我希望你還健在. 新班子並未能受太大打擊. 現在的社會及政治狀況, 亦比 54 或 64 好很多. 雖然在開放新經濟底下, 學生活動可能不會那麼熱烈, 但亂下去, 只會給其他外國勢力乘機介入, 正是你曾說的親者痛仇者快
今日繼續勁 hea, 到下午 4 點先開會, 講下 prototype 有咩要改, 將來數月我地 team 要做 d 咩野, 同埋 crms 個 production problem 既進展. 攪到遲走.
Music
又要番工, 勁眼訓, 又一個好似完全無放過假既星期一. 原本要 check sas, 但係 eric 星期六已經 checked, 所以唔駛做. 成日只係 update 左兩個 virus update, 悶到爆.
放工去左食朱古力爆炸, 朱古力味好勁, 正! 之後番學上 English and the World of Film, 好煩, 上堂要答問題, 其他同學又好似好專心咁, 攪到我上左三個鐘堂都無訓, 破哂紀錄. 上堂時要睇一段段既戲, 之後要答 d 問題, 做下討論咁, 真係討厭. 不過有咁多戲睇都唔錯既.
之後食南山, 簡直經典, 一個炒公仔面, 等左差唔多九個字先有得食. 食完番到屋企已經十二點了~~~ 勁眼訓.
Music
番大陸, sister 的朋友阿 b 從新加坡拎左個蛋糕來, 再加 auntie 3 既西餅, 勁正, 個新加坡蛋糕很軟, 很香. 之後去左食午餐, 食新疆野, d 煎餃子超好食~~~ 之後坐深圳地鐵, 很有趣呢, 深圳地鐵每個站既椅子都唔同架, 係跟番個車站既特色架!!! 好似科學館站咁, d 椅子係 keyboard 既一粒粒制來架, 幾有誠意呀.
之後行羅湖城, 陪阿 b 造衫, 見到本毛澤東既書, 好想睇, 得閒去圖書館搵下先. 好多布料賣, 好正, 好想自己設計 d 衫去造. 之後又搭地鐵, 去左食野, 羊肉好辣, 奇味雞好好食. 跟住就閃人了.
係巴士聽不設劃位, 聽到范曉萱新碟既 Why? oh why?, 好好聽, 番屋企搵埋 vincent幫手都search 唔到, 幸好小石姐姐有~~~ thxthx~~~
今天去了赤柱, 天氣還不錯呢~~~ 食了一個很正很正的架央西多士, 糖水不是倒在西多的上面, 而是滲了在多士入面, 一啖食落去, d 甜味, 花生味, 牛油味爆哂出來, 味覺得到完全既滿足, 勁正~~~ 行左幾間賣奇怪野既鋪頭同失驚無神出現既店員. 買左 d 衫. 不過下年要再去~~~ 因為時間尚早, 又一 d 都未肚餓, 所以我地出番灣仔.
到左灣仔, 哈, 今次唔係我要求去睇玩具架, 去左太源街, 都話我係玩具界架 la, 想中咩就中咩~~~ 之後去左行新華書城, 好多書, 好鬼正~~~ 但發生了一些事~~~ 不要想了, 只有妳~~~ 之後食日本野, 到最後我都係唔記得個間野到底係神將, 將神, 定係天神, 定係咩...
一個上午, 做了 210 個 test cases, 完全係變態. 下午, 完全無野做, 悶到變態.
in the name of AMK, 14 隊香港樂隊對 AMK 的致敬唱片, 以改頭轉面形式番玩了 AMK 的舊作. 14 首歌, 大部份既原版我之前都無聽過, 未能作出比較. 之前聽過原版, 而家再聽改編版本, 音樂上算得上是完全唔同, 但保留了歌詞. 聽 amk 既歌, 係有今生無來世. 那些極簡單純真的情歌(浪漫是您的本性, 巴士奇遇結良緣, i always love the one who doesen't love me), 那些政治歌(吹波糖政治, 黑色莎莎, 納粹黨勇戰希特拉), 那些自嘲, 自毀性既歌(人間地獄), 那些很生活化的歌 (山頂公仔波板糖, 阿凡你健談又靚仔, 二十來歲的 day tripper). 正如 AMK 的隊名, 是 Adam Met Karl, 已經表示了 AMK 是由很多不同類形的東西組成.
AMK, 不只音樂, 還有 indie 的態度, 包容和堅持...
真係無記性, 今日唔記得帶早餐同提款卡番工, 買左個兩味公仔面, 一早就做肥仔. 之後 hea 到 9點半. 原來 crms 又有 production error, 有 630 個 log 要 sim, 我分左頭 210 個...結果就由 9 點半做到五點先 sim 哂, 當然, 完全 sim 唔到 error. 之後, 原來聽日重有第二 round, 要係 十二點前做多一次, 真係想打爆個 mon.
放工行左陣尖沙咀, 買左 "in the name of AMK". 坐車返屋企途中先發現個盒有 d 問題, 不過受到碟內一些文字所感動. 關勁松講得無錯...真係有 d 十幾歲既細路, 係網上搵 amk 既歌...而且, 那些細路都會受到影響而改變...thx...
一早起身, 頸痛, 近呢幾年, 我條頸同腰都成日痛, 係朋友團中, 我係最細, 但係身體上就好似老人家...真係要休息多d. 上午番工爆 hea, 因為 user 加長哂 cas 入面 d branch 既名, 所以要將 print form d 位執執, eric 要我試左幾款效果, 但最後都無叫未叫改哂所有 retention.
中午去左圖書館, gelgel 以阿 gill 介紹過為賣點咁介紹左本書俾我, 係王文華既 "61X57", 睇左兩節, 都幾好睇. 我同 william 講, 睇完阿 gill 介紹既書, 如果第日同阿 gill 一齊搭 lift, 又壞 lift 既話, 都可以有話題, 如果唔係我又唔係好識 twins d 歌, 都唔知講咩好. 不過 william 就話如果真係同阿 gill 單獨困 lift, 佢一定會....咩 wor....點知我同佢放工搭個架 lift 真係壞左, 停左無哂反應.
放工返屋企訓覺, 因為頸痛, 所以無收檔. 出了 SS 成積, 比預期中好了很多.
今日我地 cas 出左事, 唔知咩機 log 左野去 production 既 activity log, 我只係 check 下 d 機既 config 無問題就得, david, eric 同 malcolm 都好似好煩忙咁. 係 cas r1 angus 都做過同樣既問題. 當時我地重俾人點名話做得好 tim, 估唔到今次風水輪流轉. 全日都爆 hea, 面部左邊神經痛, 成個都呆哂. 番工時間, 上網重看銀河英雄傳說, 呢個故仔真係超正, 三國演義銀河版, d 人物性格同打太空戰都好正, 第一次睇好似係中四(阿雞, 你有無印像我係咪中四坐你隔離既時侯睇?), 呢排番工咁 hea, 睇 e-book 一流.
放工去左食練奶西多士, d 奶搞到無咁好食. 之後行宜家. 飲左一整支雞骨草, 當堂醒哂~~~
Happy New Year~~~
2005 年, 第一日, 十一點幾先起身...係屋企食完飯, 就去左跑馬地, 係跑馬地一間細細間, 但有好多野睇既餐廳食野. gelgel 食左馳名魚蛋, 好可惜間野星期六無得食同樣馳名既魚皮, 去到咁遠, 我都係食出前一丁, 只有呢d基本野食, 先試到間餐廳既功力. 係 cwb 行一輪, 條街好冷...之後去旺角睇功夫. 之前 jj 話過唔係咁好睇, 因為唔好笑, 不過, 好似從來無人話過會好笑喎...想睇我對部戲既感想, 就睇Darth Mike Movie Record. 希望以後都可以對睇完既戲寫一段仔感想 la...哈哈
係睇戲之前, 行朗豪坊, 原來今日係鐵人兄弟最後一日展覽, 為左振災籌錢, 鐵人兄弟即場賣 My Dear Bear!, $78 隻, 全數捐給南亞救災, 重有鐵人兄弟即場幫你畫公仔, 勁正. 我地買左兩隻, 一隻畫消防員, 一隻畫警察, 型爆. 鐵人兄弟重幫我地簽名 tim~~~元旦就做善事, yeah~~~
之後返荃灣食 m 記, 特登食夠 $40 拎月歷, 點知最後都係唔記得拎...真係 lowb...
返到屋企睇叱o宅, 無非都係想睇林海峰對白鞋, 近年呢個都係我唯一接收中文歌既地方, 感覺上 d 歌好似無舊年咁好, 唔知點解, 無梁漢文唱歌(LH, where are u?). 一如以住既唔知真定假既感動. 差唔多兩點先訓...
2004 年, 看了 23 部戲, 今年比住年差, 並沒有看南美洲及英國的電影, 但亦都看了香港, 日本, 韓國, 俄羅斯, 法國, 美國的電影, 在那小小的電影院, 精神橫越了整個世界. 看了一些殿堂級大師既成名之作 (四百擊) , 亦看了一些本地導演成名之前既小本作品 (青梅竹馬 ). 雖然話過唔睇美國大片, 但係始終都係睇左幾部, 不過都係失望而回. 反日情緒依然高漲, 但亦受到一些日本小品式電影既感動(花與愛麗絲), 真的是越簡單, 越感人. 看了一些平淡地傷感既戲(Nobody know, 爸不得愛你), 平靜的感情, 原來才是最傷心. 看了九部港產片, 雖然今年港產片既產量少了, 睇戲既人亦都少了. 但係我始終都覺得香港人拍既電影係好睇既, 係創意同玩法上都見到有新意. 誠意推介A-1頭條, 公主復仇記, 大佬愛美麗, 2046.
2004 年, 我和電影走過的日子
今年, 又有甚麼電影令你一看難忘??
昨晚十一點便睡, 今日精神充足. 但係番工無野做, 只係寫左個 api 俾 cas d program 去 db 拎野. 其他時間超 hea. 為左要知道自己今年睇左 d 咩戲, 所以由 3 月開始睇一次自己個日記...
今年好似經歷左好多野, 唔開心過好多次, 亦都開心過好多次, 對身邊既人既認識都多左, 又開始番工, 去兩次台灣一次四川都好開心, 發過好多夢, 幸好最後都知道邊個係最好, 亦知道自己應該對邊個最好~~~
呢一兩日都係咁聽 Steady & co, 呢種唔太勁既 hip hop 真係唔錯, 有一種活在城市既感覺...令人想起東京暴族退呢本漫畫...話時話...我都好似重未睇最新個期...有無人可以借俾我睇...
復工第一天, 忘記帶職員証...成日都好得閒, 只係 fix 左 d cas 既 log, 勁眼訓...個肚都重係有 d 痛...d 藥都無用既...今日係公司原本想做 acm, 但係無咩心機睇題目, 一用力就覺得個肚入面好似有 d 野拉住好痛咁...
今日無搭西鐵, 坐左巴士番屋企, 勁好訓, 夢見自己趺左落山, 希望無嚇親坐隔離個位哥仔 la...番到元朗, 收埋檔, 係圖書館關門前既最後 5 分鐘成功還書. 但係咩都借唔到...
一連四個以灣仔為主題的藝術工作坊將在年初舉行, 分別為空間, 攝影, 漫晝和寫作. 費用為 $150 一個, 出席達九成者可取回 $100. 十分吸引.
今晚聽 d 比較 trip hop 既歌, Portishead, Spooks, Massive Attack, DJ Shadow 等, d bass drum 攪到個肚又痛痛地...真係抵死...
下午去了冬季購物展, 勁多人. 逼死. $10 買左隻都幾大隻既 R2-D2, 型爆. 之後去了 art center 睇 Pal 的展覽 Peace and Love, d 公仔好多都好型, 有隻 12" 女仔著住件 n3b 坐係張 ball chair, 真係好靚. 見到 d pre order 既 figure 仔, 都幾型, 第日睇下幾錢再諗買唔買 la~~~ 係 1999 年既時侯, 係同樣既地方, micheal lau 展出左 99 隻 gardener, 成為香港玩具界既一個傳說, 當時都有和幾個中同去睇, 很可惜我咩都無買. 之後在 art center 睇左 4w 既展覽(算係睇左掛...).
係睇戲同睇書之間, 我真係唔識講我比較喜歡邊樣. 很喜歡睇書, 總覺得睇了一些東西, 得到一些知識, 雖然可能得到的只是十分皮毛, 在日常或工作都根本完全無用, 但是, 很喜歡那個閱讀的過程, 靜靜的看, 靜靜的想...
在亞洲一個島國發生四十年來全球最強烈的地震, 鄰近多個國家亦受到海嘯等由地震所引發的災難所影響, 一日內已造成數千人的死亡, 死亡人數正在不繼增加, 傷者數目亦以百萬計. 南亞及東南亞多個海島亦被海水淹沒, 多國已經表示願意提供經濟緩助...
以上文字並不是取自衛斯理或宇無名的作品, 而是真真實實在2004 年 12 月 26 日所發生的. 天災, 總令人更珍惜生命, 沒有人知道明天世界會變成怎樣, 大自然總能夠在很短的時間, 令人失去所有...珍惜所有, 愛你所有既朋友和家人, 不要戰爭. Peace and love...
今日係平安晚, 希望大家都有個快樂既聖誕節, 希望大家都珍惜自己擁有既快樂~~~
繼續昨天既多野做, 但好多野都有出人意表既發展...係多得 Evan 既幫助下, 發現左 Host Comm 既 Numeric Format Handller 係要 define align 呢個 attribute, 咁就可以成功將個 field 變做 Integer, 但真係可惜, 因為係呢度我地要將個 field 放入 ciss, 而 ciss 係公家野, 唔可以改咁多, 而家只可以放 string or date 入去...所以到最後, 都係用唔著呢個 handler...
而昨日亦浪費左一段時間去試 UI Tag 既 Pattern, 都係唔用住...最搞笑既就係 CRMS 既 production problem, 就真係只有係 production 試到, 就 UAT 同 DEV 都試唔番, 全世界都試唔到, 點 fix...所以又係可以唔埋住
新 UI Tag 有個新功能, 就係會自動將 d special char 好似 > 呢 d convert, 令到佢地可以正常咁顯示, 但係咁就大濟, 因為我地放左唔少 html tag 係 d tag 度做 d 特別效果, 經過佢地既 convert, 我地 d tag 變哂正常 html 咁出, 係煩緊點樣 solve 既時侯, Evan 應我地要求話將會提供一個 option 俾我地可以 off 左佢地個 convert....所以我又要等...又係做唔到野...不過 ui tag 今次 upgrade 真係煩, 完全無好野, 反而要我地改好多原有既野...
個幾星期前有個 user 話我地 retention 係 actlog log 唔到, 佢地而家 check 番 host 話當時真係有做過 transaction, 但係 actlog 個 database 又真係無, 我同阿南都試過, 不過試唔出個問題, 而家連個 user 都試唔番...所以...又係無野可以做到...
放工後同 gelgel 去左睇北極快車, 都幾開心, d 人樣似乎係想做到好真, 不過反而有 d 恐怖. 之後返上 hsbc 行左轉, 原來 10/f 都重係好多人...不過, 原來連 mcc 都係 8 點幾先放工...真係時勢逼人...之後係奧海城食 d 好肥好飽既野...跟住返荃灣飲野, 飲左一大杯藥水, 我諗我都係唔好飲咁多台式飲品比較好...
Music
番工超多野做, 想一把火燒左 hsbc. cas 要搞到 host formator 同 ui tags d 野, 真係煩爆. crms 有 production problem, 成日都唔得閒試...
今晚聽左一隻 cd, The Clash 既 London Calling, Clash 係一隊7幾年既 punk band, 比起 Sex Pistols, 佢地既知名度低好多, 畢竟 Sex Pistols 係造型上 (Sex Pistols 同 Vivienne Westwood 既關係, 可以用一本書去講, 無 Sex Pistols, 唔會有 Vivienne Westwood. 無 Vivienne Westwood, 亦唔會有 Sex Pistols) 同新聞上 (Bass 手 Sid Vicious 殺死女友 Nancy, 保釋後因吸毒過多而死, 真係有人拍左部戲講呢件事) 都係異常咁出位. 而一講起 punk 歌, 好多人都會諗起佢地既 God Save The Queen 同 Anarchy in The U.K. 但係如果真係講到音樂既多樣性及流暢度, The Clash 真係比 Sex Pistols 好好多, 只要聽下 Revolution Rock, London Calling, The Guns of Brixton 就會覺得佢地係編曲同樂器既演奏上都唔係一味亂來. 講咁耐, 可能都係無人知 Clash 係咩, 可能睇埋下面張相, 就會覺得有 d 熟口面. PUNK NOT DEAD!!!
唔知昨晚係咪張開眼晴訓覺, 全日隻左眼都有 d 痛. cas d user 真係好鐘意改 pulldown value, 其實如果只係改 program 係一 d 都唔緊要, 幾分鐘可以改完, 慘在佢地改一個英文字, 除左改 program, 仲要改 EDR, prototype, printform. 全部單件做都好快, 但加埋做就好煩, 最慘就係今日仲要上下午都改一次. 另外亦打了一篇野去解釋 crms sales form 既野. 希望有人睇 la. 朝早末到九點又做左一題 acm, 多得 joe jay 搵到咁多咁簡單既題目, 10260 Soundex, 不過都提升左我地兩個食 input 同出 output 既能力既~~~JJ, 努力呀!!
K 小姐今日忽然想聽 Radiohead 既 No Surprises, 可惜我當時無個首歌既 mp3, 而佢亦都話只係個一刻想聽, 過左就無左個種感覺...我都試過呢種忽然想聽甚至想唱一首歌既感覺, 不過多數都係行緊街或者係屋企, 番緊工就未試過. 我好少會係日頭聽 radiohead, 多數都係晚上聽, 我甚至覺得 ok computer 呢隻碟既最佳聆聽環境就係夏天的晚上, 看著天空, 聽著 thom yorke 弱小既聲音, 仲記得當年會考同中六中七晚上讀書必聽既 cd 就係 ok computer, 而家聽番, 都會令我諗起 d pure maths. 無睇過 Romeo & Juliet, 但係聽到 Exit Music(for a film) 都完全感受到個種死別既慘. 連續地聽 Let Down, Karma Police, Climbing Up The Walls, No Surprises, Lucky, The Tourist 完全係可以神奇地令全個人由內到外放鬆, 思想變得清晰, 成個人都精神哂. 另外幾年前亦都係電視睇過一個 radiohead 既 live, 睇見 thom yorke 係度彈緊一個好舊好殘既直身琴, 另外仲有 jonny greenwood 個一堆奇怪 effect, 就覺得係個個時侯, 佢地用左好多好奇怪既樂器, 做左好多聽落好簡單, 又好好聽既歌(雖然之後都做左好多好奇怪既歌...)
今朝用開 windows, 上 aims 睇下, 原來聽日 add 科. 下個 sem 會讀一科 cs 既科 (Cryptographic Algorithms and Protocols), 希望到時番工唔好咁多野做, 平時可以有心機讀書 la. 另外重會 take 多過 ood, 哈哈, 連我都有第四個 ood, 真係有邊個會估到...
次次去泛后甜品食芒果班戟都有 d 咁爆笑既事發生...真係差 d 笑死...原來我屋企附近都係步行街, 真係住左廿年都唔知...
去左 tst, leelok 先搵我食飯, 唯有叫佢地 delay 幾個鐘 la~~~. 返到元朗, 同 leelok, cwk, 陳探長及其女友 fanny 一齊打邊爐, 由九點半食到十一點半, 飽到半死...
好眼訓...下次先洗鞋 la...
昨晚睡得很少, 今個星期第二晚做了一些有鬼既夢, 勁驚. 遲左起身, 但係又早左出門口. 係 UG 食左半個飽.
勁大濟, CRMS 有幾個 log 要我做, 有個係 apply to all sales form, 即係又要一次改 13 個 java, 最煩係要試 send email, 又要試, 又要等. cas 之前個幾日 fix 左既 log, 到今日 jessica 先肯去睇, 因為佢星期一放假, 而 crms 星期二開始 uat c2, 所以要係今日出 EAR 上 UAT, CAS 既情況亦類似, 所以今日要 fix 哂所有 log, 另外重要 update cas 既 EDR, 又係一改就四份 (HPPVA, INS, ILS, CARDS), 煩爆.
十二點前做唔哂, 同 gelgel lunch 完我就唯有番去做埋, 2 點半先走得. 再搵番 gelgel.
連續兩晚坐同一班全程只有我一個乘客既巴士. 司機應該多謝我陪佢.
一個長達 6 年以上的假設, 現在, 終於得到証實. 我沒有後悔, 曾經作過這樣的一個假設...因為...Pulp, 真的是很正...在這幅砌圖, 並不能小了這一塊...Do you remember the first time, i can't remember a worse time...
有細心及詳細地閱讀這個日記的人, 可能會注意到, 每一次的提到自己最鐘意既 brit pop 樂隊, 除了 radiohead, suede, verve 外, 必定會提到 pulp. 而係早幾日, 我亦提到, 我其實只係聽過幾首 pulp 既歌, 當中亦只係記得一首歌同一隻碟既名 (就係 This is hardcore). 如果無記錯, 第一次聽 pulp, 應該係當年 cable 黃志淙既音樂節目 (sorry, 真係唔記得叫咩名). 當時佢成日都播 brit pop, 所以都聽過幾首 pulp 既歌, 但係都唔記得歌名, 但係就係當時睇過佢地呢幾個mv, 我就一直相信, pulp 既音樂係好正既. (而家估計我當時聽過既有 Common People, Disco 2000, Help The Aged, Do you remember the first time).
其實對佢地有咁深刻既印像, 都同佢地既 mv 及音樂有好大關係...先講音樂, 係 pulp 既歌, 有好多 keyboard 既聲同特別既音效, 加埋 guitar, 個音樂好 grand, 加埋個把姣到爆既聲, 簡直係 90 年代版既 glam rock. 係比 suede 更 glam. 再講 mv, 係當時, 好多 band 既 mv 都係唔多見樣, 有樣睇都係出少少或係現場演出 cut 出來既. 但係 pulp 既 mv 就真係姣到爆, 大頭特多, 重要係個種假到爆既好似真係係個 mv 度唱一次成首歌咁, 最難頂既就係個主音個樣, 真係....過目難忘...
當年都有諗過買 pulp 既 cd, 本來想買 This is hardcore, 因為當時較新及 This is hardcore 呢首歌真係幾正, 但係呢首歌, 好坦白講, 係正, 成首歌既氣氛好有電影感, 首歌幾長, 但係結構係十分之好, 可以同 radiohead 既 Paranoid Android 有得比...但係最大既問題係. 呢首歌真係唔多似 pulp 既歌, 就係少左個種姣既感覺...咁唯有搵再以前既碟, 但係睇左好多 review 同試聽過幾首, 都覺得之前既 His 'n' Hers 同 Different Class 都係好正, 所以都唔知買邊隻好, 係諗唔到買邊隻好既時侯, 最好既解決方法就係唔買, 而一隔就係 5,6 年都無再諗過買佢地既碟, 而佢地既新歌亦都好似無咁好聽...
早幾日, 神推鬼擁下, 就係天水圍既圖書館, 借左隻 pulp 係 2002 年出既精選碟, Hits, 一向都唔多鐘意精選碟既我, 就係因為佢係 pulp, 所以借左番屋企. 一聽之下, 真係不得了, d review 係無錯既, His 'n' Hers 同 Different Class 入面既歌真係好正, This is hardcore 入面除左 This is hardcore 呢首歌之外, 都有姣歌, 都係好正. 而我亦可以第一之擁有 pulp 既 cd (兩個星期). 對於自己曾經係無足夠証據下, 同人講 pulp 係好正呢番說話, 係完全無後悔既.
在 Brit-pop 盛世的這幅砌圖, 並不能小了 Pulp, 並不能小了 Jarvis Cocker...Do you remember the first time? I can't remember a worse time.
今日遲左 10 分鐘起身, 但係比平時早左 15 分鐘出門口, 到底平時朝早我係點樣係屋企浪費時間既呢?? 食左個正正 m 記早餐, 肥左過肥仔既早上...
朝早 fix 左 d CAS INS 既 log, 都係同 actlog 有關, 都話 pdc 唔可信架 la...UI Tag 出左新 version, 被指派去睇有咩新功能...其實我好少落手寫 ui tag, 我多數都係叫 pdc 寫 layout...阿宏終於返來 la~~~ 同學仔們一齊去飲茶~~~
下午同 jessica 講左好耐鐘 ui tag 加廢話. 佢發現左 william 既才能, 亦講出左我係最衰既 student. joe jay 終於肯做 acm, 同佢速度競賽, 兩個都係做唔到 0s, 始終都係 0.002s...不過呢題 acm 真係難得一見咁簡單...272 - TeX Quotes
tune 番好支結他 d 聲, 亂玩都開心 d. 隻眼好累, 但係好想睇書...Pulp 真係好好聽, pop 得來好姣...
Music
今日收到消息, 調位要 delay, 真係好, 我諗無咩人想調位. 成日都好得閒, 只係寫左少少 program 做新既 user requirement. jessica 話佢鐘意"use money to earn money", 我話"i just like use money"...
Do-Re-Mi-Fa-So-La-Ti-Do...要連音...好好玩.
好鐘意 nirvana, 真係好鐘意...可能因為我地都係咁唔自愛同有精神分裂...
Music
今日又早左番工...勁!!! 昨天唔記得寫自己做左兩題 acm, 10700 - Camel Trading 同 10703 - Free Spots, 今日番工再做多一條 10706 - Number Sequence. 呢 d 咁得閒既日子, 真係要好好把握. 唔用腦, 真係會訓著. 收到消息, 可能要將半個 MC (MIKE CHOW) 借俾另一 team, 但係原本做開既野要繼續...即係並唔係將我分半, 而係x2...希望 boss 們取消呢個決定吧...
放工行左陣荃灣就番屋企訓覺, 始終都係有 d 唔舒服, 要休息下. 真係想去南丫島, d 野食好似好正!!!
胃痛持續...食親野都有 d 唔舒服...我真係不適合工作.
係公司整左兩隻碟既 mp3, velvet underground 真係越聽越正, 好多好奇怪既聲音(Venus in Furs, The Black Angel's Death Song...), 令到個感覺好特別, d 歌詞又正 ( I'll Be Your Mirror, All Tomorrow's Parties, Heroin...).
放左工同 gelgel 去左東涌行, 唔通個太陽走左???
Music
訓到差唔多十一點, 訓到背部有 d 痛...老了...下午去了元朗的圖書館, 因為查到有隻碟係天水圍有得借, 所以再去埋天水圍, 但係去到搵極都搵唔到, 一怒之下, 怒借六隻碟, 加埋之前係元朗借既三本書加一隻碟, 而家屋企有十樣野係圖書館既, (一張圖書証最多只可以借六樣野) 借左以下既項目:
個胃始終都係有 d 唔舒服...點解會咁架~~~
睇埋本現代史, 但係其實重有下集. 同左 mother 和 sister in law 去飲茶, 個肚成日都有 d 唔舒服...之後搵埋 gelgel 就同 kalee 和 jj 去睇 5*2, 除左主角兩人既關係, 其實主角身邊的人既感情關係都幾值得去諗, 好似男主角阿哥同一個細自己好多既男人攪基, 但係佢要接受個男仔會有外遇...重有女主角既父母都好奇怪, 已經唔係好愛對方, 但係唔會分開, 係個女既婚禮, 可能因為開心得濟, 兩個又會表現出恩愛既一面, 到個女生仔, 甚至之後個女離婚(以上內容係戲入面都係倒轉咁出), 佢地既關係都係好差, 正如個女所講, 佢地已經唔再講野, 但係唔會分開...當然 la, 男女主角既關係絕對係更奇情...自己去睇 la...
之後同 gelgel 去左 cwb, 睇 micheal x nike 係 sixs 既展覽, 行左陣街街, 食野既時侯, 個胃勁痛, 都無咩點食...重攪到 gelgel 好擔心 tim~~~ 之後行左去砲台山先搭車走...
今日係第一日拎 mp3 去街, 急急腳入左廿首歌, 係西鐵度開 random咁聽, 連續幾首都出 guns and roses, 係較近代既 band, guns and roses 都絕對算得上係我既最愛之一 (當然重有 nirvana).
sas 真係煩爆, 成個上午都係覆 notes 同聽電話. 勁驚, d notes cc 俾好多人, 連 SM 級既都有, 真係無咩呢 d 機會, 同 SM notes. 終於有時間 set 好哂 MKS for crms, 對呢 d tools, 我真係無咩特別好感. cas 都係 fix log.
放左工, 行左陣荃灣圖書館, 兩個人都無借到書. 有 d 想睇 Plato 既 "The Republic", 但係真係有 d 驚睇唔明...都係睇埋本中史書先 la~~~
昨日行 hmv, 原來又有特價, 見到幾隻 $69 既碟都好想買, 特別想買 suede 既 dog man star 同 the velvet underground & nico 既同名碟...結果都係買左 the velvet underground & nico, d 歌好奇怪, 1967 年已經玩到 d 聲咁實驗, 真係勁~~~ 買呢隻碟, 除左有歌聽, 重可以叫做買左樣藝術品, 封面個隻蕉是由 pop art 大師 andy warhol 畫既, 佢亦都係呢隻碟既 producer.
雞, 生日快樂!!!!!!! 希望你鐘意我送俾你份禮物 la, 記得拆個 package wor, 唔係隻野會好慘咁困係個盒度.
改左 d sales form. cas uat cycle 2 比 cycle 1 少好多 log, 重要係 enhancement 為主, 有 d 悶. sas 等到今日都未有 code 到我手. 聽日兩個 supervisor 見面, 好似見家長咁, jessica 話 eric 好緊張, 可能佢都未見過自己 d 女既老師.
放左工就番屋企訓覺, 俾妳話我真係一隻豬. 妳就好 la, 係公司有個咁好人既同事. 我今日睇左第日個 seating plan la, 真係大濟, 坐前面同隔離個 d 都係 d 個樣好木獨既人...今次實悶死...
出左本新書, 星期二出, 但係個書名叫 friday...訪問左好多香港人(Micheal Lau, DJ Tommy, 彭浩翔, 仁, brian, prodip, wallace, 祥, 袁智聰..), 講得上係咩人都有, 講下咩係佢地既 mania. 我既 mania 會係 d 咩?? 音樂, 電影, 食野, 睇書定係電腦科學??? 對一d 野存在 mania 係一件好事. 我想要的是 hardcore 級數的 mania, 咁先夠勁. 只有這樣, 才能成功.
呢幾日成日都想起 kurt cobian, 而家又聽緊 nirvana, 有 d 想買佢成日著個對黑色 converse. 不過都係唔好用咁多錢買野 la...上個月已經儲少左錢...
14 隊 band 出左隻碟向 amk 致敬, 係我開始聽獨立野既時侯, amk 已經散左, 只能夠聽番 mp3 同 amk 成員散 band 後既歌 (e.g. 四方果, 關勁松). 唔講唔知, 原來 amk 全名叫 Adam Met Karl, adam 係資本主義之父 Adam Smith, karl 係共產主義之父 Karl Marx. amk 真係好鬼死有文化, 連個名都咁勁...
Music
昨日的因, 是今日的果. 我不會否認曾經做過既事. 多謝妳. 多謝妳相信我.
不要傷心了, 就當睇清楚一個人吧. 妳還有很多好朋友.
做哂 crms 既 sales form, 好似 notes 得越多, 做野越順利. 執左 overview d 無用既 code, 做左 d enhancement. 等足一日, 都係未有 sas 既 source, 唯有自己係舊版寫住先, 聽日有新 code 再 copy 番.
放工後, 遊左陣地鐵河. 之後係元朗同 matt, matt 女友, leelok, cwk, 萬宜打邊爐, 勁飽.
繼 m65, 下一個目標係 n3b, 不過係香港真係著唔到. 會熱死. 不過可能係好似 m65 咁, 講左幾年先買.
十點正被 jj 條友叫醒, 不過今次我算 la~~~ 佢同 ka lee 今日去南山圍, 可惜我要拜山, 做唔到導遊 (電燈膽).
同屋企人拜完山, 行左陣香港公園同中上環, 好想去中環總行睇下 tim~~~ 同屋企人食埋飯就番元朗了.
番到元朗, 佢地兩個重未走, 同佢地去左食泛后甜品, 食左芒果同榴槤 pancake, 正!!! 手感同口感都一流, 難得佢兩個都鐘意今日係元朗食既野 (佢地另外食左石崗咖喱屋, JJ, 有無見過咁有性格既面店先??), 都話識飲識食識元朗架la~~~ 之後同左佢地去坐西鐵. 我再係條街行多陣就番屋企了~~~
Music
做了 4 張 crms sales form 既 email, 重差三張. 而家雖然工作量不及之前寫 card retention 和 overview 多, 但係因為同一時間要做 crms, cas, sas 既野, 三種 system, 三個完全唔同既做法. 要精神分裂咁做.
下午同 ka lee, jj 同 vincent 係旺角食面, 又係食茄蛋牛肉面, 正. 食食下, 有個食客問點解炸醬面無醬...差 d 笑死我地四個...之後係 chic 之保門口見到有韓國 drumwork 表演, 好勁. 之後同左 ka lee 和 jj 行去電影中心, 佢地兩個去睇戲. vincent 就番工. 我就去左 kurbrick 睇書, 睇左歐陽應霽既"回家真好", 同埋少少邱禮濤既"大搖大擺". 其實個度真係一個很好的地方, 有電影中心, 有坐係度打足一個鐘書釘都得既 kurbrick. 如果你唔鐘意睇戲或睇書, 重可以去前一條街既 45 分鐘任 x.
昨晚睇了 monday, 有 undercover 既高橋盾訪問, 成名後尚可以這麼低調和愛家人. d design 又真係次次都睇到呆, 雖然我唔覺得佢會著自己牌子既衫(太揚 la), 真的十分 lofi, 引得我連續聽了兩晚 nirvana 既 "nevermind". 我始終相信, 緊持和有信念是最重要的. 低調是十分重要的.
睇完書, 去左行尖沙咀, window shopping, 行到腳仔都無力, 食 cafe 173, 都幾 ok, 點解我地想食既野會完全一樣架~~~ 唔係食左好多, 已經飽到想嘔. 個甜品都幾好食. 之後再行左陣, 都買左 d 野, 跟住就番屋企 la~~~
我既記憶力, 將會變好...
好坦白講, 真係唔多鐘意 i.t 既開鋪方針, 之前將幾間自己既鋪頭開埋一齊, 我算, 而家過分到, 一個代埋既牌子一間鋪, 又係連埋哂一齊咁開, 新港已經出哂事, 而家 cwb 同朗豪坊都要係咁, 俾你係半個鐘內行哂 x-large, obey, freshjive, zoo york, carhart, recon 等, 咁又點丫!!! 最憎呢 d 無哂性格既野!!!
今日要係唔記得六定七張 crms 既 sales form 既 email 度加野, 完全無咩心機做. 一早就連食多兩個 WA, 係試到咩情況會錯後就開始做 crms. 勁耐無寫過 crms 既野, d file 放邊都唔係好記得, email testing acc 既 password 都唔記得, 真係超無記性.
原來 hsbc 有份俾 supervisor 寫 student 既 feedback form, 係秘密途徑得知, 其中一條問題係 "do you wish to terminate this student NOW?"...另外, 下星期學校既 supervisor 會去 hsbc見公司既 supervisor, 好似見家長咁, 好攪笑. 極大可能係下星期三, 即係 12 月 8 日見.
哈哈, 終於 accept 了 10701 Pre, in and post, 係呢一刻, 我重係全世界排 11 tim, 不過其實我都未識 prove 自己個 program 既 correctness, 不過online judge 話 accept 就得 la~~~
唔會忘記, 和妳一起過那條馬路...
上午因為 sas 既 uat 死左, 所以 d user 做唔到 cas uat, 勁得閒, 睇左 Mathematics I 同埋 Mathematics II. 另外亦睇左 d fyp 既野, 咩都唔知, 又無人搵我呢 d cheap 人.
下午 uat 開始番, 都係無 log, 不過係 overview 度加左 d code 同埋加個 application tips, 就係咁. 其他時間都係睇小x 學園, 諗下 acm, 唔知係太耐無用腦定係對 tree 既能力真係咁低, 咁簡單既轉下 postfix 都諗唔到點做...真係無用.
真係好, 今晚算係咁, 玩左陣結他, 又睇"中國現代史", 睇到西安事變, 張學良真係勁!!! 好耐無聽黃秋生, 今晚聽左佢第一隻碟, 地x搖滾, 原來個班底超勁, 有huh!, 黑鳥, 彼得小話, anodize, 郭達年(咪又係黑鳥), 劉以達官立小學, blackbox, virus 既式...當年香港既獨立音樂界都真係幾勁...
