昨晚終於睇完長征. 不得不認同毛主席的能力之極高, 只是有些手段是比較可怕, 雖然可以相信很多事情是完全在他掌握之內. 十點幾起身, hea 了一會, 便和 mother 去了食海皇. 飯後便去街了. 看見電視內提及國內的反日行動, 令人想到很多問題.

反日的最新原因之一, 是日本修改國內教科書的歷史, 意圖美化二戰期間日本的暴行, 國內同胞及韓國人對此都極度不滿. 較令人失望, 台灣人及香港人都沒有太大反應, 台灣民進黨和日本關係好像還不錯, 國民黨會否借此反日機會, 再加強與中共的第三次合作? 個人相信中共對此次反日行動, 只會採保守方針, 完全不打壓示威已能顯示中共支持反日, 但應不會採任何強硬手段.

說到修改歷史去欺騙人民, 這可以中共的絕技, 新一代連六四是甚麼也不知道, 趙紫楊死去並沒有造成任何事件, 已可証明, 中共在國內對六四事件的作法, 只能忍著錯說是成功了.

去了 juice 睇 Eric so 的 SOLOGY-Eric So Exhibition -Stand By Me Figure Exhibition, 還是 eric so 一向的面形風格. 之後去了美華氐, 很多平 T, 但無任何入手. 之後過海, 在尖沙咀食健康晚餐, 之後再食正正雪糕. 今晚 aunt 3 來了, 我要睡 sofa.

香港國際電影節網上筆記連線的人, 希望我可以分享在 Darth Mike Movie Record 內一些電影節節目的影評, 我當然答應, 難得有人睇我寫既野.

今日寫左好多 RCF, 上午攪左好耐 mks, 但係我個 crms 都係未 run 到. 中午 malcolm 請食飯, 正!

放工後, 係 lib 借左 d cd 聽.

• Mozart - K545 - I Allegro

係 yahoo Search darthmikemovie, 竟然和 sex movie 拉上了關係. 除左操口, 仲可以講咩野.

今日係公司整了 apache, 正諗住開始整 team page 既時侯, 又俾人叫做左 crms May release 同埋 CAS R3 - RCF 和 Mortgage 先.

• Nirvana - Where did you sleep last night

"世上本無事,庸人自擾之"

差少少...差少少就可以完完全全無做過任何公司既野. 係 DarthMike Movie Record 加左個 counter 做 stat, 希望我 d review 有人睇 la. 今日試左 w3c 個  Makeup language Validator, 攪左一陣, 先順利地令這一版通過測試, 可以好似好勁咁放個 w3c logo 係度.

上 crypto, 教番之前跳左無教既 Chinese Remainder Theorem 亦即是孫子定理, 完全唔明. 訓左兩個鐘. 發放測驗卷, 比預期高了一分, tutorial 繼續唔知發生咩事. 一場朋友, 我覺得自己好應該幫 patpat 搬屋.

今日繼續聽 nirvana, 這次是 unplugged. 27 歲時, 我會在做甚麼? Jimi Hendrix, Joplin Janis, Jim Morrison 到 Kurt Cobian. 也是 27歲

"Hope I die before I get old."

昨晚睡前想了一些關於有性無愛的睇法, 但起身後唔記得哂. 今日睇電影節最後一部戲 - 珈琲時光, 點知出門口唔記得拎戲票, 要坐回頭輕鐵番屋企, 之後索性坐巴士出去尖沙咀, 坐巴士係好訓好多.

部戲基本上無故事, 只係講一個人既日常生活, 同屋企人, 朋友食下野, 飲下野, 坐下火車, 對話都唔無咩...因為坐文化中文高座, 要向下望, 更易訓著, 部野又咁悶, 所以中途都訓著左好多次.

之後係一間好似幾靚既餐廳食下午茶, 估唔到公仔面可以煮得咁難食. 原本諗住去 sta, 點知間間都係假期休息, 真係好景, 可以唔駛做. 同 jj 和 kalee 兩人商議了一些行程的事, kalee 提出了去西班牙的可能性, 真好, 西班牙和英法一樣, 都是曾經擁有很多殖民地, 但英法喜歡改變其他國家, 而西班牙感覺上則喜歡引入其他國家的特色, 所以西班牙有很濃烈的中南美洲國家的特色, 總算稍稍地同時滿足了去南美的希望.

晚上去重慶食加喱, 再次受到人堆攻擊, 幸好並未做成傷亡, 但已經夠恐佈. 食得好飽, 飲左好多野, 頂住個肚好辛苦. 勁去廁所.

今日係 kurt cobian 死忌, 全日都只是在聽 Nirvana 的 Bleach.

返工, 早上很有心機地準備了一些唔知有無用既野, 俾旅行計劃用. 又做 prototype. 攪到成個下午都好唔得聞, 都唔明點解 d 人要用 excel 整 html, 攪到 appl tips d code 咁恐怖. 在和 ng, jj, kalee 討論中, 我提出女性在經前和經期間, 性需要特別強. 得到 ng 認同. kalee 反問男仔幾時想要, jj 話 all time, 我話 365*24*60*60. 事後醒起, 經前是最危險期 (未經證實, 如有心人知道, 請告知), 和 ng 一起驚歎人體的奧妙, 在最危險的時間, 卻最想要. 對於單純的性需要, 人還只是一個為了生育的生物.

晚上進行一個關於第三者的調查, 目前只問了四人, 發現奇怪現像, 唔通我真係咁無厘頭?

01:00-02:00 寫了美蓮達與美蓮達的 review, 產行了一番對人生的感想, 請看這個.

十點起身, 一心諗住清潔下電腦房, 點知 hea 下 hea 下, 用左差唔多兩個鐘先將 d cd, vcd, 玩具, 書, 大量唔知有咩用既野搬離房間. 十二點先開始沬. 因為想快 d 沬完食飯, 所以一個鐘都唔駛就沬完. 飯後爆 hea, 三個幾鐘先將 d 野放回原位. 一個長達 6 小時的行動, 基本上是睇唔出有任何成效. 但總算做左 d 野.

由提出開始, 長達半年, 今日, 我們終於去了出機票. 尚算順利. 希望所有野都好似今日咁順利 la, 雖然我今日心情極度混亂. 不過諗起要搭飛機就覺得好痛苦.

晚上回家, 我真的很想將工作的地方搬回睡房, 我真的十分喜歡這個街影. 還有星星. 原來, 我真的十分之討厭長大.

• Joy Divison - Disorder

一早食 m 記熱香餅, 正爆. 開工第一件事就係搬番部 team server 去 jessica 個位, set 好哂佢就番到來, 真係好. 之後要做 prototype, 一個上午剛剛好做完, 星期六返工反而係最充實.

放工前一刻 kalee 找了一個好像不錯的 BA, 未 detail 睇就閃左人. 之後買左飯番屋企食, 食埋個橙, 身體感到好了很多. 在家看了頭半段的獨臂刀, 很想睇哂, 但係要出街.

去了赤柱, 食勁正西多士, 呢間野 d 西多真係正到爆, 法蘭西人未食過左都唔知呢個世界有咁正既野食. 飲左杯楊桃雪梨汁, 靚聲番哂來. 原本想去正灘, 卻去了聖士提反灣, 順道去了軍人墳場參觀, 環境真的不錯, 亦有很多人在此拍照. 之後行左陣市集, 但係今次咩都無買. 臨走等車先發現原來正灘係勁近, 不過兩個灘都係無咩人, 可能因為時侯不早和天氣不好 la...

係利舞臺睇左 av, 成部戲最唔好都係唔知點解係要提 city 同 bu 個名, 明明成部戲都無一秒鐘係 city 拍. 除此之外, 其他地方都好正, 我覺得都幾寫實既, d 人都無想像中咁衰, 好多人都成日諗 d 更衰既野, 只係會唔會實行 ja. 最唔真實都係班友仔 d friend 入面有咁多靚女, 又唔見我識到 d 咁既 friend. 個人最愛推介係扮壞人追龍 (糖版) 去引女仔注意力.

直至五月, 都唔會有得做 fei 既 stress test. 即係唔駛再做. 將 team server 機由 nt 升級到 2k, 出奇地順利, 不過之後要落好多 patch.

因為咳得太勁, 所以無法和拍賣網有關人等見面. 放工後便回家休息了. 晚上有線竟然播 1991 nba 總決賽公牛對湖人第五場, 勁正, 勁快既 Jordon, Magic Johnson, 超勁既 Pippen, Horace Grant, 仲有尚年青的 divic, ac green, 金保 等人, 但太累, 睇了半場便睡了, 勁可惜.

準備了一些 offline msg 去做 offline stress test. 但最後結果是做唔成. 加左野入去 cas r2.1 既 EDR. boss 有意圖做一個 team hp, 可能搵 pdc 做, 唔駛我做. 係就好 la.

晚上係 lab 睇了很多電影的預告片, hea. 之後去 ssp 食糖水, 中途行左去石硤尾人民館睇野, 見到一個巨型保安.

數天前 apt-get upgrade 了一些 gnome 的 package, firefox 字體變得很樣衰. 睇見都唔想用. 這個是盲目 update package 的其中一個壞處, 常常不知道自己幹了甚麼.

在元朗西鐵站買 4 月份月票, 無奈地行了 1.5 個月台.

Music

• Joy Divison - Love will tear us apart
• Travis - The beautiful occupation
• My dying bride - The sexuality of bereavement

病. 討厭自己的工作. 不知自己在做甚麼.

晚上找了一點 joy divison 的歌, 及一些迷失天使城內的歌.

係咁咳...無哂氣. 返工都係唔想做野, 又改 stress test script 同埋 prototype. 早上因為一舊 2g 既 S, 而展開了關於 RS 既 best practice 討論. 食飯期間繼續進行.

假期後返工第一日就俾病魔打敗...

八點就起身同 mother 食早餐, 食完番屋企都係 hea 下 hea 下咁. 訓多一個鐘後就寫左迷失天使城既 movie record. 仲一路同 raymond 講希特拉 tim.

之後去左沙田, 係 hmv 買左黃士地及七俠四義.

上午去了拜山, 在灣仔食飯後, 便去了尖沙咀行街. 晚上食了一些健康食物. 回家後看了金像獎, pancake 拿了最佳歌曲, 勁! 真的很想看柔道龍虎榜及旺角黑夜, 有無好心人可以借俾我? 原本寫了一個關於近日台海兩岸的感想, 但最後 delete 了, 因為覺得根本不值得去記下一些不漂亮的手段.

九點多便醒了, 寫了兩個 movie record, 睇了很多電視, 食了很多瓜子. 係屋企自由自在無野做, 就好像水母一樣, 感覺十分好. 和 mother 午餐後便出街了.

去了尖沙咀睇 obey 的展覽, d 畫好型, 好靚. 之後看電影節第三部戲, woody allen 的美蓮達與美蓮達. 完全無失望, 超級好睇, 勁爆笑, 內容及手法都出人意表. 第日正式上畫一定要推介俾所有人, 實在係太正. 之後食新加坡餐廳, 好食, 遇見一藝術界人士, 但實在想不起他的名字.

天使覺得美蓮達與美蓮達太好看, 即日買左 woody allen 幾十年前既名作 Annie Hall

訓到十一點, 開心爆. 無厘頭睇左成個鐘鋪, 好耐無看檔了, 還是很喜歡看客人的反應. 下午去了觀塘行街, APM 咩都未開, 無野行. 係工廠區亂行, 最後先搵到 d 倉係邊, 行左成十層樓, 係 adidas outlet 買左個靚袋, 自己係 d 盒度搵新貨, 真好玩. 見到 d vans 都幾靚. 之後係觀塘食上海野, 唔好食.

今晚係文化中心睇電影節既第二部戲, Wim Wenders 的迷失天使城. 部戲既意義都是利用戰爭後對人既影響表示反戰及展示一些美國國內的低層人士. Wim Wenders 一直被稱為公路電影的大師, 都唔知咩係公路電影, 不過呢部戲有好多都係車內和公路上進行, 而且拍得那些無咩人既公路及小鎮很有味道.

呢排睇咁多戲, 都唔知幾時會寫 movie record...

番工, 有野做, 但唔想做. Mortgage 既 UR, 實在係難明. xdea 一干人等造了一個勁多色彩既 notes. 放工後開了一個鐘會.

晚上看電影節的錫錫又如何, 很好呢. 導演還是有雙失 16 歲那種真實感, 但節奏明快得多. 故事有點像我愛碧咸, 都是種族, 家庭和愛情, 再加上宗教及音樂, 但終局沒有那麼完美. 愛情線 (絕對是主線)還很感動呢, 性愛場面也不少. 第一次看電影節的電影, 感覺很好呢, 大會堂全院滿座, 完場時還會拍手呢. 離場時有人說看見張曼玉, 但我只看見黃志淙.

一早番去就等睇昨晚 load runner 的 result, 睇完好似無咩事. 完全無心情做野, 成日都係 hea 下 hea 下咁. 再改下份 edr 就俾左 jessica. prototype 又改! 公司傳出 "Stop! Where is my dick"-mania, 當中以一吳姓男子病情最為嚴重.

回校測驗, 先吹一個鐘水. 七點半, 測驗開始, 頭三題和 sample quiz 一樣, 只是數字唔同了, 三題同估 90% 分數. 第四題和 sample quiz 的第四題都是証明題, 俾 mcc 估中出邊題, 但我都係唔識做. 第三題在最後收卷前發現一個令我痛苦了很長時間的錯誤, 停筆後改正. 八點半, 完, 預測全班分數 90分或以上.

晚上勁食瓜子, 正!

我垂死的新娘, 柔軟的地下組織及涅槃正在嘗試把我拉回來.

叫 pdc 做 prototype, 來來回回講好多次先做到. 要寫 account conversion 既 EDR, 完全唔知寫咩好, 唯有亂寫. 又因為 stress test 而遲走, 經常性都唔知自己做緊咩同等緊咩既一個 testing.

不太累, 但都係無咩心機去溫書, 明天便測驗了.

唔想番工呀~ 成個上午都無野做, 交左 fyp proposal, 個 topic 名好長. 下午做 stress test, 死哂. crypto d 數都唔知點計, send 左個問題俾 tutor 姐姐, 佢話係佢錯, 有 revised version, 但係死 link. 無奈.

放學上日文, 唔記得拎日文書, 測驗勁低分, 好耐都未試過咁低分, 重要係抄人既. 上堂勁訓.

呢幾日經常想起 richard ashcroft 既 alone with everybody 入面既歌, 一隻買左 5 年幾既碟, 幾年無聽過, 星期日早上重聽.

• Richard Ashcroft - I get my beat

九點幾竟起身溫 crypto, 睇埋 digital signature 份 notes, 覺得好似呢幾課講既野都係差唔多, 好混亂, 睇左 tutorial, 最無信心都係 number theory. 而呢樣野係 crypto 係十分之重要. 食了死仔面便去街了.

原本計劃今日上青衣 d 山睇青馬大橋, 但係昨晚 lee hang 提議去馬灣重正, 有高人指點, 梗係照跟. 係青衣地鐵站有巴士去馬灣, 十分鐘車程都唔駛. 馬灣是一個很細既島, 以前以漁民為主, 而家因為起左珀麗灣, 所以多左好多人. 島上大致上分為兩面, 一面是很新的珀麗灣, 另一面是傳統的漁村, 成個島都有好多個靚角度望青馬和汲水門橋. 見到那些漁排及漁船, 還有那些寫著"進入後, 後果自負"的村, 感覺很不錯. 在海邊的民居走過, 真的有點像流浮山, 都是以漁業為主吧.

經過一些沙灘, 便返回珀麗灣, 行左陣便返回青衣城了. 在玩具反嘔城抽了三隻叮噹, 在三聯以 $13.5 買了孫中山先生的著作, 三民主義. 在荃灣想再買電影節的票, 但已經買唔到了, 反應真熱烈.

回家後睡了一會又讀 crypto 了, 很難呢!

十點多起身, 溫了一些 crypto, 又測驗了, 好像測驗是不會停的, 只是兩科已經這樣. 在家食了面後 (不是死仔面), 便去了電影中心和 vincent, lee hang 睇希特拉的最後12夜, 感覺很沉重呢, 從未看過一部戲有這麼多人自殺, 整部戲也充滿著死前的神經過度, 有人說這部戲意圖令人淡忘德國人曾經做過既大屠殺, 但我想也是不會的, 戲內只是講一班戰敗者, 並沒有任何支持他們的意圖. 太多人自殺, 三條友睇完都無野講, 太沉重了.

之後去了食澳洲牛奶公司, 很有性格及速度感呢, 會俾伙記呼喝, 要用急口令落單...但 d 野食都穴係唔差, 塊多士勁厚, 煎雙蛋都唔錯. 之後番屋企都無咩心機讀書, 結果十二點九先開始讀, 讀到二點訓覺.

唔知醒, 遲左 3 個字起身. 番到工, 今日 jessica 無番, 變左 eric 追收 prototype, 我再追 pdc. 下午終於放左上 PDC server. 偉大既 malcolm, 將 disposal 個堆 setgroupstate 既 javascript 改威良到由 11s 變左 4s, 勁! 唔知點解我個 digester 同 formattor 好似有 d 問題, 讀唔到 attribute, 都唔知係咪新 program 攪死左.

放工去旺角, 終於買了 crypto 正版書, 又無左兩舊. 係波鞋街見唔到心水黑底白間 adidas.

在西鐵上, 身邊的人竟然在聽同一首歌. 地球是圓的, 向左走向右走, 都總會遇見. 火車的兩條路軌卻永遠不會相遇.

近日很想重看村上的1973年的彈珠玩具, 尋羊冒險記和那些短篇集...另外亦很想看原氐物語...但是長征其實還是未看完的...如果可以在休息的時侯靜靜的看書便好了...真的甚麼也不想做.< /p>

晚上讀 crypto 直至一時, 有了書, 對一些細節明白也是多了. 陪伴我的是 Tribute to AMK

今日 lovely mother 幫手去買電影節戲飛, 佢咁醒, 當然係順利完成. 今日將呢幾日做既 wish list turn 哂出去, 以防我失憶唔記得. 但係個 formatter 好似有 d 問題. 叫了 pdc 們幫手做 disposal 的加速. 今日要係 eric 前面個位度 cert 機, 勁驚.

放工, audit 今晚 quiz, 大家也好像完全唔識, 測驗結束後全部人一齊爆粗, 之後去左 SSP 食糖水佬, 食完勁眼訓.

只係睇左一課 crypto, 都唔係好明. 要努力.

聽著 last smile, 好像所有人和事都有身邊流過, 就像在行駛中的列車上.

我的正常工作終於回來了, 還是最喜歡做開發的日子, 之前是 R2, 現在是 R3. 今天完成了大部份未收到錢的 wish list 項目. 亦開始睇新 screen: one number conversion, RCF 及 MCS 的 UR 和睇 pdc 們做的 prototype, 他們的效率真的很快.

番學食 canteen 車仔面, 好耐無食過了. 上堂同以往一樣, 第一個鐘訓, 第二, 三個鐘吹水. 完全唔知教咩. 又繼續搭車睇 paper. 希望可以訓少 d, 溫下書 la.

老鼠愛大米

成個上午都在攪 disposal, 個幾百個 field 真係好煩. cas r3 既開發開始了, pdc 們已經在做 one number conversion 及 rcf 既 prototype, 要 QA 佢地, 但係我都未睇過個 UR.

重未開始寫 R3 既新 program, 但係已經做既 user 既 wish list, 全部都未 quote 到錢, 所以可能最後做左唔出街. 根據現時既 schedule, 七月我地 placement 走既時侯就係 R3 uat cycle 1 既時侯了, 一年其實很快. 時間原來真的可以很快, 二零零五年三月十五日, 我發現, 原來, 時間就是這樣...

下午勁開心, 係咁睇電影節有咩戲睇, 好多好多好多戲都想睇, 選左幾部, 可能要連續幾日睇幾部戲, 一日一部, 係就好 la, 都未試過咁開心.

Love Psy. 的 Last Smiles, 聽得很感動, 有一種人生就是不斷失去和擁有的感覺, 雖然我完全唔知佢唱咩. 近日看到一個 bra 廣告 - 這就是妳的第二個面孔, 到底甚麼時候才可以懂得甚麼是尊重...聽著 portishead 的 glory box 和看見這個廣告, 竟然令我想起 fight club 的反社會主義, 破壞一切, 反到你的頭上.

晚上的測驗一如所料, 完全唔識, 但分數應該唔低, 真的想死.

八點半就起身, 幫阿哥整好部機, 再教埋佢用, 十點半先開始溫日文. 溫極都係好快就唔記得 d 生字. 同 mcc 討論一些 elective 既野, 諗法都幾相近, 好多科都想讀, 好多想讀既科最後都唔開. 阿 king 話自己好黑, 我話黑完就會好.

四點幾就去了尖沙咀, 係山林道大盛食日本野, 真係幾好食. 之後行去 poly 諗住偷偷地入場睇 bandshow, 點知圍哂場, 重勁多保安, 睇唔成...真係可惜, 今日有 dj tommy, mc yan, king ly chee, fama....因為太失望, 所以之後變左無面人. 之後行番去尖沙咀食雪糕, 正

長週, 番工完全無做過公司既野, 做左 d econexp 既野, 溫日文. 重係第一課. cs dept 攪左個 survey 選下年既 elective, 好多科都想讀, 多左好多 security 既科, 有個新 stream information security, 好多人都對 security 有興趣, 但係唔知點解今個 sem 又咁難搵人一齊讀 crypto...不過 crypto 都唔係 IS stream 既科.

放工拎野俾 uncle and auntie, 之後係 cwb 食澳門茶餐廳, 食到想嘔. 勁冷, 番屋企, 但係都係無溫日文. 寫左份 doc 教 brother 用電腦. 聽日佢就拎走部機.

近日 mp3 機內的是 portishead, eels 和 g3. 正!

一早番工, 就係九點前攪好 uat sas, 今次做既 amendment 係最大既. 要改 jsp, java 同 db, 勁驚攪死 uat 場. 前幾日做 benchmark, disposal 勁慢, eric 下令追查, 和 malcolm 發現原來是長達二千多個字咁長既 onload javascript 出事, 呢一版有成百幾個 field, 要做到最多 4 層既 dynamic enable, 慢係絕對正常. 之後 eric 建議將 user 既等待推遲, 要開長版 disposal 先做野, 放工前大致完成. 但無人得閒睇. 所以準時閃. william san 請食三保, 正!!

在家為 brother 部機裝左 d 野, wallpaper 都是求其地搵左張陳年 twins 相. 天氣又潮濕了...今日完全無搵日文...必炒...

一起身就肚痛...今日終於可以行到 cas stress test 既 script, 順利地係上午準備好, 但係唔知幾時先到我地 team 用 load runner. 中午和家姐食午餐, 當然係有大食大. 下午又做 benchmark test, 今次係 non fei 既 cas, 尚算順利.

晚上 sit audit, 無咩心機溫日文, 訓左個幾鐘. 之後而家等緊陣間開 xdea 會....好累呀~~~

呢幾日食早餐都食到好飽, 成朝都好精神, 不過下午就勁累. 一早就寫左 sas 既 db conversion script, 不過要等 sas uat 完左先可以放上去. stress test 既 script 成日都無得試, 寫左都唔知 run 唔 run 到. 下午講左好耐都未係好清楚新 proj 要做既野.

放工食金家樂下午茶. 重以為可以食番一次正常既西多, 原來都有 d 唔正常, 不過個樣好靚. 番學上 crypto, 又勁訓. 上常和 mcc 計算我們的一個鐘有幾多錢人工...

今日天氣終於無咁冷 la~~~ 上午都重好有精神架, 不過下午就頂唔順了. 上午前攪了一些 econ school, 但 upload 唔到 file, 唯有停工. 中午前終於收到 sas 個 jar, 原來重要改 db 架, 要寫 db script 改 production 呀. 下午開始攪 load runner 既 script, 好煩呀, 都唔知自己做咩, 多得 kalee 幫手, 不過最後都係未攪好一個.

fyp 可能同 mcc 一齊玩 sketching, 不過唔同 topic, 但係我地都唔知咩係 1_1 同 0_1...轉了 beach 的 ost 入 mp3 機.

非常順利地完成了 benchmark, thx kalee 的幫忙. sas 被我發現了一個 production problem. 呆等 pchan 的 jar 才能完成. 玩緊 load runner 既 script, 幾好玩. malcolm 升左, crms team 而家有一個 aip, 兩個 sio, 兩個 pdc 和一個 student.

放學上日文, 無咩點訓. 上完落 lab 和 xdea 人講 econ school server 既 setup 同新接既 project.

希望, 可以開心一點. 謝!

起身後便使用了昨天買的 lcd mon, 很靚靚. 中午食了盅頭滑雞飯, 正. 食飽就溫了日文, 要很努力才可以追上呀. 之後去了 ssp 拎現金卷和交保用証. 晚上看金紫荊, 彭浩翔有最佳編劇呀, 功夫做埋最佳電影呀!!!

朝早 hello kitty 俾番 vincent 本 acct 書我, 好似好耐無見了. 還好吧.

下午在中環及灣仔閒走. 之後和 brother 在黃金買了 lcd, mouse 和 keyboard. 二個人好豪氣咁食左百幾 $ 打冷.

今日好似好多野要做, benchmark, stress test, sas, 但最後無一樣可以順利進行. 放工後和大同打邊爐, 慶祝 abby 同 eric 生日, 點知 abby 一開始打就眼痛, 走左. 間打邊爐唔係好得, 都係元朗打最好. 之後 eric 請食意大行番茄, 豪氣!

近期好像對所有事情都失去了興趣.

終於攪好哂部 drill 機, 勁玩野, 第一次落 monthly data, 落左五個鐘都未完, reboot 之後再試, 半個鐘落完. 高層們完成了 crms team 的 handover, 原來我地 team 下年唔會請 student, 所以我係最後一個. 同埋第日轉左 dept, 我係唔會有 mainframe 既 account, 即刻我轉完 dept 之後就等走. 灰.

晚上 xdea 集會, 商討了那些新 proj, 得個講字.

MP3 機內的是 love psy, 范曉萱和 my dying bride, 太唔一致, 訓唔著.

番工都係攪部 drill server, 部 backup os2 死亡, 轉左去另一個 lan 之後再轉番轉頭又無事. 攪到無時間上堂前食野. 番學上 crypto, 今堂係 prof. yao 教, d 英文比 prof. deng 好好多, 勁快, 但我勁訓. 派番上星期的測驗卷, 除左粗口, 都唔知講咩好. 林晨係上堂期間唔知點解出現.

春天的早上, 五年前的這個早上, 我起床後第一件想到的是甚麼?? 已經完全唔記得了, 日子, 便是這樣過去...

番工無野做, 快要悶死, 約了 dr. poon 5:30 在 city, 但差不多 4 點幾先知要 clone 個 lan 做 drill, 5:10 離開, 5:35 前到達 city, 快!.

決定了跟 dr. poon, 但還需在兩個有興趣的題目中選一個. 之後和天使及小強食又一城. 進入了搵 supervisor 的火熱期.

謝 vincent 給了 love psy 的歌我. 有個 mcc 和 patpat 同村既人 bid 左我隻 chemical brother. 好耐無發市.

上司的一位家人過身, 生命無常, 要珍惜生命. 不要浪費自己, 不要讓錯事繼續錯落去. 影響的, 不只一個人..

傑仔和 leo 都給了一點 fyp 的意見, 謝, 我想我已經放棄了其中一位 supervisor. 問了日文 dept 關於 late drop 既事, 有點被玩既感覺.

回家時聽了一點 20 Centery Boy 和 Baby's on fire, 很好火呢. 之後便是安靜, I love my car, Good or Bad.

如果有任何人知道我的迷幻列車 vcd 身在何處, 請通知, 謝!

找了一些 mp3, 晚上食了藥在床上, 聽著 joy division 的Atmoshere 和 pulp 的 mile end, 感到連日食藥, 好像手指尖的彈力都失去了....在床上, 感到身體內的變化, 一堆肥肉, 這便是我的生命...Life goes wrong, but life goes on, what a pity...

九點幾便醒了, 睇左勁少 superscalar, 睇了新不了情, office有鬼. 食完飯便出了尖沙咀, 係無印買了件外套, 好抵呢. 行了好耐, 食左唯一面, 食埋 jj 整既 muffin, 很不錯呢. 之後去左睇畫展. 很型呢.

起身番工, 好唔舒服, 係咁咳. 成個上午完全無人搵我做野, 只係 sent file 去燒. 中午去左油 ma 地間美都餐室食, 好多戲同電視係度取過影架, 大傷風, 食咩都無味. 食完去電影中心拎左電影節本書, 之後肚痛搵廁所, 只能講說, 形勢比人強, 重慘過迷幻列車.

去完之後, 更加不適, 決定番屋企訓覺. 訓到七點. 好似死左咁. 晚上係阿哥部機度換左個火牛, 開得番, 真係火牛燒左.

好濕呀, 一早起身望出街, 咩都睇唔到呀, 即刻用電話映左幾張相. 終於記得拎 ai notes 俾阿南, 有 d 感概, 原來自己對 cs 好多個 area 都幾有興趣, 好似 os, ca, ai 咁, 但係第日做野又似乎無咩機會再用到, 好似有 d 可惜咁.

番工都係無咩做, 又 clone 左部 NL5. econ school 個 proj 好混亂呀, 一個咁少錢既 proj 都搞到咁煩. jj 係 chatroom 扮係我, 自己同自己講野, 我唔係位, 一埋位睇到就勁笑, 之後 logout 埋, 最搞笑係 kalee 以為爆哂粗個個係我, 其實個個係 jj 扮緊我.

放工去了食台灣下午茶, 飲完杯熱 milk tea 後便勁想嘔和肚痛, 我都係唔適合飲台式飲品. send 了 dist compiler 的 idea 給 ckpoon, 反應一般. 重係困惑緊係兩個人之間, 今日的心情比較想要 issac, 他的題目始終是較有趣, 及日後真的很難有機會接觸 processor architecture 同 instruction set 既野...

A simple life. Hardcore for something. Happy for something, sad for something. With family, with friends

一起身, 成地水, 屋企入面四面牆天花地板都係水. 住左咁多年都未試過咁可怕. 早上一個人在南昌西鐵站 hea 行了一會, 感覺不錯. 我將會跟住 crms team 進入 CBD, 遲下將要學習使用 mainframe. 落了 7/f production server room 睇番 SD 既 log 計 network 既 bandwidth, 勁型, 好似好高科技咁, 要過幾道閘, 又要俾燈望, 間 room 重要勁冷.

放工意圖回家休息, 可惜太多水, 要吸水, 攪左成粒鐘就要去收檔. 街上天氣還不太差. 很累, 但好像放假做清潔, 身心也好了. 今天只食了兩次藥便無食了, 買了一些楊桃食. 飲多 d 水同食生果好過食西藥 la.

呀, 又病 la, 係咁咳, 頭暈暈腳軟軟咁呀...下午請了假回家訓覺. 晚上番 city 睇醫生和測驗. 有病在身, 測驗時個頭勁痛, 但好在大部份都算識做, 真係要唔該哂 alan 糖幫我搵左個計 mod 的 function 咋, 好有用呢!!! 之後上 tutorial, 同 mcc 吹足一個水.

番到屋企, 好濕呀, 塊牆濕到滴水呀, 好得人驚呀, 好似住係水底咁!!!

番工寫左份 cas 既 contingency test cases, 係咁俾人話寫得求其. 又做左一次 SD 同 clone 左一部老爺機. 六點先走.

番屋企溫 cryptography, 都係係屋企溫最好, 聽住 metallica 黑碟, 好過係公司溫.

很冷呢, 番工都係做 SD 和試下 CAS. 諗了一個 FYP 的題目, 好像很有趣, 但自己對 dist-system 和 compiler 都不懂, 有點危機. 不知 ck 有無興趣做我這個題目的 supervisor. 只是溫了一點 cry, 星期三便測驗了. 晚上上日文, 原來我抄功課連人地個名都抄埋.

Music

• Sex Pistols - Nevermind the Bollocks (album)

冷, 九點多便起身去拜山. 之後去了牛池灣飲茶. 係 sister 屋企坐左陣. 番屋企讀 cry 及整 brother 部機, 仲係未上到網. 抓了張震嶽的自由來聽, 找不到李心潔版本, 但抓了李心潔和劉若英的 Good Or Bad 來聽, 很柔的感覺, 歌詞也很有意思. 但近期最愛的, 還是 common people 的歌詞 , 真的聽到會哭了.

一起身已經差唔多十一點, 想溫書都無咩時間, 重裝了 brother 部機既 windows, 食飯係屋企睇了一部港產片 "Office 有鬼", 都幾好睇.

係 GH MK 睇在世界中心呼喚愛, 影色令人想起岩井俊二的電影, 畢竟也是同一個攝影指導篠田昇. 反而故事老實是有點失望, 在一些傷心位反而傷心不來, 較深刻是男主角在中前段重回一個個舊地的回憶. 片未的土人更是格格不入, 有點攪笑...

實在係無野做, 溫習 crypto 又不上心, 只好玩 alan 糖的 chat room, 起了 server, ng, kalee, sheep 和 _kk_ 都進了來. SD 在轉回舊的 frontend processor 後, 成功完成了只有一個 target server 的傳送.

下星期三便測驗, 發現自己根本無時間在家溫習, 只好希望下星期一至三在公司也極閒吧. 又在想 fyp, 如果跟 issac, 主要會係要 solve 一d supersclar 既 Parallel Processing Problem, 幾有趣, 但主導權會係哂佢度, 可能只係一味幫佢 implement 佢既 design. 如果跟 ck poon, 自己既參與應該會多 d, 亦都無咁緊迫, 除左學到一 d techni 多, 亦會較感受到 project mangement.

上午又做 ＳＤ，set 了 3 個 lan 的 config 做 100mb 和 full duplex. 但又失敗, 原因不明, 畢竟 SD 涉及既部門實在太多, 在溝通上十分困難, 次次都有點兒不協調. 終於 run 到 cas 了, 之前的問題是 jar 內有 java 檔案, 似乎 wsad 5.1.2 是不容許的.

晚上和 patpat 去搵 issac, 好一個完全在被動的對話, 佢話我無 background knowledge 做 motion prediction 會好危險, 做 processor design 會好 d, 被考起已經忘記得七七八八既 CA, 佢話佢有 d superscalar 既 architecture design, 可以搵我地寫 program 做 simulation. 之後就叫左我番去睇書, patpat 番去睇有關 motion prediction 既野. 跟住就叫左我地走, 叫 patpat 下星期搵佢, 我就幾時搵佢都得. 都未同佢講 software routing 既野. 雖然 processor 既野好似幾好玩, 但係 issac 似乎真係好似傳聞中咁, 視常人為機械人, 第一次見面就要我睇本咁厚既書, 重好似已經定左我地一定跟佢咁, 好驚驚呢~~~

上午又做 ＳＤ，set 了 3 個 lan 的 config 做 100mb 和 full duplex. 但又失敗, 原因不明, 畢竟 SD 涉及既部門實在太多, 在溝通上十分困難, 次次都有點兒不協調. 終於 run 到 cas 了, 之前的問題是 jar 內有 java 檔案, 似乎 wsad 5.1.2 是不容許的.

晚上和 patpat 去搵 issac, 好一個完全在被動的對話, 佢話我無 background knowledge 做 motion prediction 會好危險, 做 processor design 會好 d, 被考起已經忘記得七七八八既 CA, 佢話佢有 d superscalar 既 architecture design, 可以搵我地寫 program 做 simulation. 之後就叫左我番去睇書, patpat 番去睇有關 motion prediction 既野. 跟住就叫左我地走, 叫 patpat 下星期搵佢, 我就幾時搵佢都得. 都未同佢講 software routing 既野. 雖然 processor 既野好似幾好玩, 但係 issac 似乎真係好似傳聞中咁, 視常人為機械人, 第一次見面就要我睇本咁厚既書, 重好似已經定左我地一定跟佢咁, 好驚驚呢~~~

終於 set 番好過 wsad, locate 到個 db 了, 但係 MQ 死左. 中午在街上看見很可怕的場面, 兩隻狗在進行中時不能分開, 真係好似mcc 成日講, 蛋蛋都縮起來. 另外重落了 NOS 做怖影板.

上哭堂, 教 number theory, 完全唔識, 大濟到爆, 下星期三測驗.

Music

• Pulp - Common People (在知道這首歌講咩後, 更加喜歡)
• Radiohead - Exit Music(For A Film)

又多四封利是, 成日無野做. 4:58 SD production 死左, 要過 NWS 搶救, reboot 後回復正常. 5:45 放工. 想搵 Love Psy 同 Verve 第二隻碟既歌, 但失敗.

晚上在另一部機裝了 win98, 但唔知點解上唔到網.

一早番工, 逗利是, 增派 12 封, 公司總數有 22 封, 真係正到爆, 重上埋 12/f 逗, 氣勢超勁.攪左輪 cas, 都係未 locate 到 db. 之後落 NOS set TD. 下午都係. 之後 ghost image.

上日文, 勁訓. 原來, 我真的很幻稚.

中午係中環蘭香園食雞排撈丁, 冷奶茶幾好飲. 之後上左山頂, 好耐無坐過纜車. 山頂好多人, 幸好今日都算好天, 有風景睇, 不過好大風. 係纜車企頭位落山, 成個人斜哂. 之後係中環行左陣, 就行左去西環, 海味街全部未開, 又去西港城, 頂樓開了一個跳x市場, 賣一些手工藝品, 畫, 書和 cd. 畫很靚, 但勁貴. 看了一點大友克洋的漫畫書, 內容令人驚訝(食人, 強姦失敗被少女戲弄, 4仔男主角在片場未能起頭...), 場內竟然有得賣 huh! 的 cd, 但幾貴, 所有無買. 最搞笑是有大量 $2 一條的性感 under, 似係裝飾多過賣.

之後係銅鑼灣 hea 至食飯, 食了笑笑, 份量很少, 但味道還不錯. 坐船去尖沙咀, 終於在 United Color of Benetion 看了 Cream 攪的 "LIFE IN A BOX" exhitbition, 很有趣呢, 展品是由 cream 雜誌寄了一堆物件給世界上不同的藝術單位, 又他們自由發揮, 再寄回香港. 最喜歡的展品是那個單位將收到的物件拎去一個賣物會和別人以物換物, 再以相片記得過程. 雖然件事好似好無謂, 但其實幾有意思呢, 就像將一個小事不斷擴大, 最後影響了很多人的生活. 個展覽 2 月 25 日就完, 有時間就去睇下 la~~

一早番工, angel 唔舒服, 要小心身體呢! 第一次番工收利是, 很有趣, 排隊豆利是, 收了七封, 加埋上星期的, 在公司現在總共收了十封~~~

放工食飯後, angel 回家休息, 和 vincent 在旺角爆 hea, 在球場睇人踢波, 之後打了兩場籃球, 個波超彈. 之後會合 eric 和 angel 行去九龍城, 搵埋 ka lee, kaho 和 william 食打冷慶祝 william 生日, 之後 william 請食糖水, 正.

Music

• Nirvana - Bleach

在家 hea, 早上和家人看了天下無賊, 不錯呢. mother 中午整蘇角, 好好好食! 下午去了尖沙咀買了點東西. 回家後看了講意大利北部的 lonely planet (其實現在好像改了節目名, 但無所謂 la, 反正大家都知道), 之後連續兩星期看了一個新節目, 是講一個美國家庭式公司, 專改一些美式大形電單車, 幾有意思, 組合一部奇形怪狀的電單車及父子間經常出現的火爆對話和日常生活.

今天看了很多長征, 還是沒有溫習日文及哭(CRYptography).

Music

• Eels - Daisies of the galaxy

今天北上陪阿哥睇電腦, 早上起床後在家寫了 movie record 才北上. 過關超順暢. 中午食蘭洲拉面, 正, 落單後, 小師父即場將面粉係咁又拉又打, 最後將一大團面粉變成一條條面, 便落水煮熟, 好味. 另外亦食了肉加模, 是一種有羊肉粹的飽, 飽很軟, 很香. 很可惜, 新年繼續大哂, 華強路所有電腦零件店都休息, 只有一些大形的店, 只賣廠機, 很貴呢. 之後行了一會萬佳(比百佳勁 100 倍) 便返港. 買了天下無賊和 closer 的 dvd. 過關比今朝更快, 香港關完全無人.

恭喜發財!!! 身體健康!!! 世界和平!!! 以巴和平有新進展, 希望世界真的有和平, 所有人都咁開心.

跟了 auntie 3 和 uncle 7 去拜年, 香港一日遊. 九點的銅鑼灣已經有很多店鋪關了門, 新年大哂.

香港一比七巴西, 香港隊好野!!!

年三十了, 天氣很好呢, 很愛這種天氣的晚上六七點, 很舒服, 很清楚, 很懶~~ 早上打了給 prof chan, 說話很快呢. 又攪 SD, 煩. 那些 flash 故事明天便到期了, 辛苦哂所有組員了!!!

今年元朗的花市轉了位置, 當年和中同們玩煙花的地方, 現在成了花市. 屋企附近即刻無咁多人.

在初春的晚上, 在山上看到, 滿天也是星星, 聽著小王子, 晚節不保...要想清楚自己的去向, 要了解自己要到達的位置, 要珍惜身邊的人, 要開心.

今天 cas release 2 食飯, 去了尖沙咀美麗華樓下食自助餐, 好多野食, 甜品同雪糕都好多, 但其實味道一般.

放工前被叫去 NOS test cas+fei 的 uat enviroment, 六點閃人. 在旺角食飯, 行了一會尖沙咀. 眼睛有點痛, 可能看得太多妹妹了.

年廿八, 大掃除. 天氣很好, 很好太陽, 很大風. 把污穢和混亂都吹走. 找了一些 Belle and Sebastian 來聽, 很清新呢~~~今天看了很多"長征"呢, 但還是沒有溫習日文, 哈哈哈.

下午去左跑馬地食祥興咖啡室, 有好多明星簽名, 但食物非常之一般. 下次去試下新祥興先. 之後去左大一睇鐵人兄弟 12" 展覽 - "活動人形", 見唔到阿雞, 但係見到鐵人既 william, 今次無搵佢簽名.

行維園花市, 都幾多人. 之後去灣仔同埋 jj 和 kl 食面, 之後去金鐘睇"小飛俠前傳之魔幻童心", 講幻想和不會長大的人, 都幾好睇, 可能因為我也是好像不會長大吧. 之後去西環西港城食滿記, 間野 d 餐具好可怕.

又係 SD...好似已經攪左幾星期...都未見過 d 咁煩既野. 我係 hsbc 既去向都重係一個迷. 好累呢, 勁潮濕, happy friday 都頂唔順. issac 叫我打俾佢, 都唔知點算好.

今日又攪 NCC 部機, 其實呢幾日整整下, 已經係將三部機既硬件撈埋哂用, 勁混亂. 放工前終於順利完成一次 SD. 得到可怕消息, 我有可能唔跟 CRMS team 上 CBD, 要留係 CBW, 係就慘 la, 其他 team 未必容許到我咁 hea 爆既工作態度. 就快又要 benchmark test, 準備左 d test case 同 account, 希望到時唔駛我做, 因為真係勁煩.

原本約左 prof chan 六點幾, 點知六點半佢又唔係度, 太遲我又驚無時間, 因為約左 ck poon 七點, 結果最後無搵 prof chan. 七點去搵 ck poon, mcc 同 sam 都勁遲到, 同 ck poon 吹左陣水, 佢都係講下有咩 on-going 既 project 有咩可以再發大去做, 同埋講下以前 kit 仔同阿強佢地做過 d 咩咁. 講左差唔多兩個鐘. 最後我地都係未做到決定.

之後食 m 記, 唔小心欺騙左一個芝士漢堡.

成日都係攪 NCC 部機, 煩爆, 部機勁多問題, cdrom 壞, lan 卡又壞. 原本諗住 cert 部新 server, 點知下午唔見左部機, 真係搞笑. 放工五點正俾人叫去開會,crms 連續兩星期初都有 production problem, 因為 user 太多, 所以部機頂唔順, 估唔到 crms 一個鐘竟然有接近 5000 個 hit. 開到六點半先走得.

原本諗住同 mcc 六點去搵 ck poon, 咁遲走, 所以無去, 而 ckpoon 亦唔係度, 搵佢唔到. 因為太遲放工, 所以同 gelgel 食埋飯先番去上 tutorial. 訓左陣.

今日 clone NCC distribution server, 一波數十折, clone足一日. 放工前因為 crms 死左, 所以唔駛做 SD. 放工食豆腐花和三寶, 正!

今日 mother 生日!!! sister 回家食飯. 晚上找了一點 the smiths 的歌來聽. 小石今晚回台北了, 呢幾日都無陪妳去玩, 無盡地主之宜, 真的有點過意不去呢. 希望妳呢幾日係香港都玩得開心 la!!!

Music

• The Smiths - I know it's over
• The Smiths - There is a light that never goes out
• The Smiths - Queen is dead

番工無野做, 放工前去左做 SD, 完全係勁多問題, 攪勁耐都未做到. 今日和 william 同格, 十分之親密, 新鄰居無野講. 放工唔舒服, 勁冷. 上日文, 勁訓. 完全唔知教咩. 放學坐巴士番屋企, 晚上既青馬加汀九真係睇幾多次都咁靚.

Music

• Sex Pistols - Anarchy In The UK
• Sex Pistols - God Save The Queen
• Deep Purple - Highway Star
• Guns N Roses - You're Crazy
• Led Zeppelin - Stairway To Heaven
• The Velvet Underground - Sunday Morning
• 戴佩妮 - Loving You

同左屋企人去灣仔惠記食燒鴨, 裝修完無咁好食. 之後拜山. 冷. 晚飯前行美華士, 見到件超長超大軍褸特價, $100, 件野好薄, 但係個衫袋好厚. 因為太大, 所以無買. 超冷. 食 club 35, hea 食. 食完返屋企, 超勁冷.

長週要返工, 做左 d 未收錢既 cas, 同埋裝機俾 jessica 玩 SD. 今日勁多節目. 放工去左灣仔食金鳳, 食完全日肚痛, 不過呢間野都真係幾鬼特別. 食飽去左賽馬博物館, 過磅. 之後去銅鑼灣 Juice 睇 Visuall 展覽, 呢個係由多個世界級 artist 以日本品牌 Devilock 為主題的世界巡迴展, 香港是第三站. 參與的單位有 Kaws, Seven Star, Eric So, Pushead, Stash, Futura, Kostas, RASS 等, 勁愛 kostas 和 kaws 的畫, Seven Star 的展品很型.

之後上左中央圖書館行左幾轉, 便坐電車去了中環, 行了很長既機梯, 終於搵到藝穗會, 原來場 show 由五點變左六點先開始, 然後係中環亂行, 巧遇中環中區警署開放日, 係入面行左陣, 呢座野好似就快要重建, 好多古蹟保護人士在場, 但係其實無咩野睇, 好多地方都唔行得. 行中環行人電梯, 上到最頂, 勁! 累! 肚痛! 之後去香港動植物公園, 途經一個好有趣既行人天橋, 今日好大霧, 係中環都睇唔到 ifc. 跟住同埋 vincent 去藝穗會睇左一場幾特別既 show.

場 SHOW 有樂隊玩場演奏, 有性感但樣衰姐姐跳舞, 有妹妹拿著身穿奇怪衣服的木偶行來行去. 我地坐得幾舒服. 總算係有得休息下. 之後食哈迪斯. 便去尖沙咀了.

台灣的小石姐姐來了香港, 我們 ACM 4 人再加 angel 和 vincent 便和她去了食 coffee berry, 心太軟比上次好食. 大家也玩得很開心. 之後行了一會海旁. 再送小石回酒店. 希望她這次玩得開心吧!!!

今日又搬機, 要俾 jessica 做 SD, 重係 upgrade 緊 crms 去 WAS5, 寫埋個 review, 要加多個 command 去 retention, 半個鐘做完. 超 hea

放工行 MK, 都係見唔到個款 PANDA-Z, 之後番元朗同中同打邊爐, LWY 從美國回來, 塊面都重係咁大, 始終如一. 食到勁飽. 西門一個人跟團去韓國, 型! 阿爺兩父子病左, 全程呆坐.

FYP 還是沒有任何打算.

一早番工, 用 17" LCD 睇二十世紀少年, 勁正!!! 上午 Jessica 無番, 我無野做, 搵番昨晚 CRY 教既 DES, 好似明多左咁. 下午都係無野做, upgrade 左 CAS 上 2.1, CRMS update 途中放棄, 太煩了. 因為要俾位人清潔 testing room, 所以五點後要搬機, 人地五點半先開始搬, 我五點半已經搬完, 呢 d 叫做偷步.

之後食 M 記, 今期 D 公仔唔靚, 所以無換. 招財雞飽好 spice. 跟著行去 MK 再返學, 訓! 之後寫左部份 movie review.

Music

• Nirvana - Nevermind

上午順利地同 kalee 一齊 clone 埋個幾部 workstation. 又要改 EDR, CAS actlog log 唔到 branch code 就好似沒完沒了的問題, 要試出 production 的問題, 但很煩, UAT 熄哂, dev 又同 FEI 合併左, 好多野都唔同哂...幸好最後 PDC 的 TOM 指出找到問題的起源, 我諗都唔駛再試了.

Host Formatter 在最後都係要再改 requirement. 煩爆. 在公司溫習了一點上星期 cry 的 notes.

放學返去上堂, 頭一個鐘勁訓, 今堂講 DES, 勁難, 完全唔知講咩, 今日 dept head 終於出現, 坐了一小時便走堂. tutorial 時唔識計乘數. 放學後勁肚餓, 原來係美乎地鐵至西鐵站一段小小 5 分鐘內既路程, 竟然有 3 間 7-11 和 1 間 OK.

今日和他們再次談起旅行的事情, 真好, 還以為已經忘記了. 那真的是一個很適合去的時機, 錯過了便很可惜.

Music

• Beethoven - 2nd Symphony

今日一早九點都未夠, DMI 同 IFD 加埋我地 CBW 齊集開大會, 我地三個 DEPT 將要重新組合, 真係估唔到. 上午 clone 埋部 os2 server, cas actlog 又有問題, 解釋左一輪. 下午寫 cas EDR, 同 ka lee 一齊 clone workstation, d image 成日都有問題, 勁無奈.

放工行街街.

一早返去, 上午做埋個 formatter, 下午無野做. 點知臨放工, 要去 clone 部 os2 server 做 SD, 煩到爆, 幸好有 franz 幫忙. 聽日繼續.

之後上日文, 似乎我係有讀寫障礙.

好早起身, 寫埋鴨仔故仔. 睇下電視, 去左圖書館, 借左本講二萬五千里長征的"長征", 剪左頭髮, 好短呢~~~ 洗左鞋, 諗埋 bug fact 既故仔, 食緊死仔面下午茶屋企人就返來, 呢個月又變番 4 個人住.

很 hea 的一天, 真好.

唔駛番工, 九點都未夠就起身, 下午去左又一城睇神經俠侶, 未上畫之前已經好想睇, 因為覺得會幾好睇, 現實亦比想像中更好睇. 吳鎮宇既演出, 簡直睇到呆左, 由爆裂刑警, 朱麗葉與梁山伯, 鎗火, 無間道2, 佢近幾年都試過好多唔同既戲路, 仲要大部份都做得好好. 但最正都係部戲既計算, 所有野都計得好準, 唔會太多, 時間亦捉得很準. 詳情係 movie review 再講.

之後去左尖沙咀, 食 XTC 雪糕, 真係好好味. 跟著去左重慶最深入既 C 座食新德里咖哩, 咖哩角同烤餅都好好食, 奶茶好好飲, 好香~~~

今日繼續做 formatter, 煩爆, 豪無進展. 要 update 183 部機, 但係 testing room 執個位, 搵好耐先搵到, thx william 幫手!!! 另外要 check 番 PDC 做既 prototype.

下午完全係 hea, 大圍係度等開會, 今日 4:30 有個會講下新既制度, 所有人都要聽, 不過唔關 student 事. 放工後落旺角爆 hea

昨晚終於睇哂本 61x57, 靜惠的故事, 很感動. 送上雷諾亙 (Pierre Auguste Renoir)的 Mlle Irene Cahen dAnvers.

結果今日都係未開始做 SD, 31 號開始 CAS+FEI 既 UAT, 所有 CAS team 都要派一個人去 clone lan, 但係到今日都係完全未有任舉動. 要改 cas 既 formator, 勁煩. 攪勁耐都唔知想點.

放工番學, 食 m 記, 換左隻不良牛, 係營養不良牛. 上堂畫左個低能 story board. 之後係 lib 睇 61X57. 就快睇哂 la.

Music

• Belle and Sebastian - Lazy Line Painter Jane
• Happy End - Kaze wo Atsumete

今日原本要接手做 SD, 但因為 jessica 唔得閒, 所以都係無野做. 寫埋個 film review, 和 william 兩個人努力背日文. 找到一些 flash 的工作, 很大量, 看來我也要下海. 繼續玩 xoops.

放工去左旺角食晚餐, 間野好難食, 可以列入黑名單. 番學上 cry, 第一個鐘訓左, 今堂講既野好難, 都唔知佢講咩. 101-102=1 的問題, 除了我之外, 只有 mcc 答到. 似乎只有真正的 sucker 才會懂.

改左 d prototype, check 下 crms 同 cas 既 standing data, 繼續保持無野做. 執了卓面, 將上兩手 placement 的廢紙拎左去回收,可以單面再用既就整埋好, 加埋都有成幾吋厚, 用到走都應該用唔哂. 卓面即該多左好多空間.

放工食左天使的姐姐整既蛋糕, 很好食, 不過會殺x.

晚上開始寫 Last Life in the Universe 的 review, 要用文字去講一部無咩對白, 以鏡頭, 顏色, 音樂表達感覺為主的電影, 難度真的很高, 聽日繼續寫. 今晚要睇好耐無睇既 61X57

Music

• Duke Ellington - With a touch of class
• V.A. - In the name of AMK

番工, 無野做. 悶死. 勁眼訓. william 就快要調位, 我地真係有緣無份, 點解個天要將我地分開~~~ 放棄左 English and the World in Film, 讀日文. 今晚就即刻要上堂, 完全唔知做咩, 一味跟住讀, 讀讀下都訓得著, 呢科實死梗....

今日去南丫島, 趕到死咁濟先上到船, 去到榕樹灣搵野食, 無去到青鳥食日本野, 去左南島書蟲食健康素食. 成份 menu 都係英文, 都唔知份野講咩, 亂咁叫左個 set lunch 同早餐. 份早餐係兩塊烘麥包, 都幾好食. 個 lunch 就正 law, 係兩個包, 係包上面有蘑菇, 雞蛋, 菠菜同一大堆唔知咩醬. 超勁正, d 醬似乎係有蛋黃, 芝士, 勁好食. 食食下咬爆左隻雞蛋黃亦有驚喜. 雖然比較貴, 但食完都幾飽. 間野入面有好多書, 幾有農莊氣氛. 最緊要就係個包真係好好食.

之後係榕樹灣行左好多間賣傳統民族野既鋪頭, 好多野都好想買, 但係唔想拎, 所以咩都無買. 之後行左去洪聖爺灣, 路過阿婆豆腐花同 Shelly Cake Express, 但我地都實在係食唔落 la

之後行去索罟灣, 比想像中行多好多山路, 勁累, 行左成個半鐘咁濟. 中途都見到好多人, 唔駛驚俾人老笠, 天氣不太好, 影得 d 相都唔太靚.

去到索罟灣, 好多食海鮮既鋪頭, 但係我地又唔係食晚餐, 又得咁少人, 所以當然無食. 食左南丫鮮果甜品店, 無食到得到 2004 年美食獎既棉花燉蛋, 食左朱古力薑汁撞奶同雪糕蘋果批. 個撞奶好勁薑汁味, 但質地好特別, 一層稀, 一層杰咁, 不過真係幾辣. 另外個蘋果批都幾正, 個批皮好有咬口, 幾好味, 賣相亦幾靚

之後去左睇宇宙只有我和你, 講人在異鄉個種孤獨感, 無對白咁濟, 好在無訓著, 不過間戲院好冷.

上午要番工, 放工前意外地發現睇到 jj 既 notes, 好得人驚. 之後去左灣仔搭合和電梯, 勁驚. 午餐食金鳳茶餐廳, 個侍應掛住掛住溝女唔理我地落單. d 野食都 ok. 不過坐得比較逼.

之後同 vincent 去左睇最後一次既 ifva_+, 又葛民輝主講. 超多人, 歌德戲場坐到爆哂, 我地都係企走廊位. eric 首先播左幾首佢用自己既影像作品剪埋再加 Love Psychedelico 歌既 mv, 都幾好睇, 不過睇睇下就覺得有 d 悶. 跟住就係龍火日本試播版, 同之前第一次睇龍火既感覺一樣, the me 既歌好舒服, 但係內容勁悶同埋唔知講咩. 之後再睇兩個 eric 幫 now.com 拍既短片既特別版. 第一個係何韻詩同何超儀既默劇. 第二個同 twins 拍既短片既 making of.

睇完一大輪野, eric 就開始勁講野, 講下佢點解拍野, 點樣剪片, 同點樣諗野咁 la, 超哂時, 成個 talk 由 2:30 講到六點幾都未完, 我地因為要睇 bandshow, 所以唯有早走.

雜菜煲~前傳
主題：音樂無分類
日期：2005年1月15日 (星期六)
時間：6:30 p.m.
地點：香港仔蒲窩青少年中心 (香港仔大道116道)
表演樂隊：BlackWine, DSC, Coxa, Doped, Dark Vampire, Rednoon, Nothing None
票價：$55 (walk-in only)

個 show 真係無改錯名, 超雜, 有 post rock 既 Coxa, hardcore 既 Doped 同 Nothing None, metal 既 Dark Vampire, pop rock 既 Rednoon, 超高技術玩古典中西樂既 DSC, 有超正 progresive rock 既 blackwine.

Coxa 玩左 post rock 版既 knocking on the heaven door, 係我聽過呢首歌既第四個 version, post rock 化後, 令到首歌個 mood 更慘. 重有將 let it be 同 hey jude 合體既 post rock 版, 但係就比較差 la. Doped 既主音有個牙買加式栗子頭, 好型, 除此之外, 無咩特別. Dark Vampire 好似有 d 成員唔同左, 感覺上有 d 唔同, 但係都係好悶. Rednoon 真係驚喜, 竟然有 d 咁 pop 既 band, 番玩左幾首中西流行曲, 幾咁年青, 又有甜美既笑容...之後係 dsc, 第一次睇現場 dsc, 勁到爆, rock 版中樂, 結他, bass 和鼓都超勁. blackwine, 唔駛講, 今次玩左首係將佢地隻碟既歌 mix 埋哂一齊咁玩, 勁正. 之後全場以為完 show, 我地都諗住走, 原來重有隊 nothing none, 都係幾悶, 但係引得一班妹妹仔變哂彈弓人. 之後落 cwb 食牛雜河就番屋企訓覺

今日 send 左份 resume, 好多人幫我諗點寫, thxthxthx!!!番工時間完全無野做, 五點後 jessica 先話 user 想加長 offer desc, 要 test 下 actlog 有無問題, 但係 actlog 又唔知點解死死下, 攪到五點半都唔係好得, 唯有唔理 jessica, 自己閃先.

放工去左荃灣圖書館, request 左本 Cryptographic algorithm and protocol 的 text book, 要等十五分鐘, 真係有趣. 呆等期間, 借左本卡夫卡的"變形記"和 Duke Ellington 的 "With a touch of class". 之後坐巴士睇左陣書就勁訓, 勁塞車. 係元朗圖書館再埋 audit 既 textbook, 大本同重到可以責死一隻貓.

勁眼訓, 今晚要早 d 訓覺!!! 聽緊 Duke Ellington, duke 是最早期既 jazz 樂手 (192x), 很隨意, 很有一種在 club 聽歌的感覺. 很舒服.

因為想應徵一份雜誌寫稿員的工作, 整個上午都在計劃份 resume 點寫好. 下午便開始寫, 另外亦在日記找了兩篇舊文作為樣本. 希望可以得到呢份同自己興趣有關既工作 la.

放工後去了食旺角茄蛋面. 之後番 city sit 堂上 audit. 跟住係圖書館睇了小小卡夫卡既文章. 然後就打日記.

全日都在準備 cas r2 的 training prototype. 煩到爆. 頭頂偏右方向又成日都好痛, 又勁眼訓, 超無奈.

放工後去左上 Cryptographic Algorithms and Protocols, 成班得40 個人左右, 但全部都好似好勁. prof. deng 既英文絕對係難以明白, 我好順利地訓左頭一個鐘. 起身之後即刻精神哂. 之後自己睇左一個鐘 notes. 跟住就上 tutorial, tutor 係個姐姐, 成堂 tutorial 都係同 mcc 和 patpat 吹水.

你的死活, 今日到了別人的話題. 你的功過, 人民和歷史也能見証. 在我的立場, 我希望你還健在. 新班子並未能受太大打擊. 現在的社會及政治狀況, 亦比 54 或 64 好很多. 雖然在開放新經濟底下, 學生活動可能不會那麼熱烈, 但亂下去, 只會給其他外國勢力乘機介入, 正是你曾說的親者痛仇者快

今日繼續勁 hea, 到下午 4 點先開會, 講下 prototype 有咩要改, 將來數月我地 team 要做 d 咩野, 同埋 crms 個 production problem 既進展. 攪到遲走.

Music

• Velvet Underground and Nico - Velvet Underground and Nico
• 四方果 - 四方果

又要番工, 勁眼訓, 又一個好似完全無放過假既星期一. 原本要 check sas, 但係 eric 星期六已經 checked, 所以唔駛做. 成日只係 update 左兩個 virus update, 悶到爆.

放工去左食朱古力爆炸, 朱古力味好勁, 正! 之後番學上 English and the World of Film, 好煩, 上堂要答問題, 其他同學又好似好專心咁, 攪到我上左三個鐘堂都無訓, 破哂紀錄. 上堂時要睇一段段既戲, 之後要答 d 問題, 做下討論咁, 真係討厭. 不過有咁多戲睇都唔錯既.

之後食南山, 簡直經典, 一個炒公仔面, 等左差唔多九個字先有得食. 食完番到屋企已經十二點了~~~ 勁眼訓.

Music

• 范曉萱 - 還有別的辦法嗎

番大陸, sister 的朋友阿 b 從新加坡拎左個蛋糕來, 再加 auntie 3 既西餅, 勁正, 個新加坡蛋糕很軟, 很香. 之後去左食午餐, 食新疆野, d 煎餃子超好食~~~ 之後坐深圳地鐵, 很有趣呢, 深圳地鐵每個站既椅子都唔同架, 係跟番個車站既特色架!!! 好似科學館站咁, d 椅子係 keyboard 既一粒粒制來架, 幾有誠意呀.

之後行羅湖城, 陪阿 b 造衫, 見到本毛澤東既書, 好想睇, 得閒去圖書館搵下先. 好多布料賣, 好正, 好想自己設計 d 衫去造. 之後又搭地鐵, 去左食野, 羊肉好辣, 奇味雞好好食. 跟住就閃人了.

係巴士聽不設劃位, 聽到范曉萱新碟既 Why? oh why?, 好好聽, 番屋企搵埋 vincent幫手都search 唔到, 幸好小石姐姐有~~~ thxthx~~~

今天去了赤柱, 天氣還不錯呢~~~ 食了一個很正很正的架央西多士, 糖水不是倒在西多的上面, 而是滲了在多士入面, 一啖食落去, d 甜味, 花生味, 牛油味爆哂出來, 味覺得到完全既滿足, 勁正~~~ 行左幾間賣奇怪野既鋪頭同失驚無神出現既店員. 買左 d 衫. 不過下年要再去~~~ 因為時間尚早, 又一 d 都未肚餓, 所以我地出番灣仔.

到左灣仔, 哈, 今次唔係我要求去睇玩具架, 去左太源街, 都話我係玩具界架 la, 想中咩就中咩~~~ 之後去左行新華書城, 好多書, 好鬼正~~~ 但發生了一些事~~~ 不要想了, 只有妳~~~ 之後食日本野, 到最後我都係唔記得個間野到底係神將, 將神, 定係天神, 定係咩...

一個上午, 做了 210 個 test cases, 完全係變態. 下午, 完全無野做, 悶到變態.

in the name of AMK, 14 隊香港樂隊對 AMK 的致敬唱片, 以改頭轉面形式番玩了 AMK 的舊作. 14 首歌, 大部份既原版我之前都無聽過, 未能作出比較. 之前聽過原版, 而家再聽改編版本, 音樂上算得上是完全唔同, 但保留了歌詞. 聽 amk 既歌, 係有今生無來世. 那些極簡單純真的情歌(浪漫是您的本性, 巴士奇遇結良緣, i always love the one who doesen't love me), 那些政治歌(吹波糖政治, 黑色莎莎, 納粹黨勇戰希特拉), 那些自嘲, 自毀性既歌(人間地獄), 那些很生活化的歌 (山頂公仔波板糖, 阿凡你健談又靚仔, 二十來歲的 day tripper). 正如 AMK 的隊名, 是 Adam Met Karl, 已經表示了 AMK 是由很多不同類形的東西組成.

AMK, 不只音樂, 還有 indie 的態度, 包容和堅持...

真係無記性, 今日唔記得帶早餐同提款卡番工, 買左個兩味公仔面, 一早就做肥仔. 之後 hea 到 9點半. 原來 crms 又有 production error, 有 630 個 log 要 sim, 我分左頭 210 個...結果就由 9 點半做到五點先 sim 哂, 當然, 完全 sim 唔到 error. 之後, 原來聽日重有第二 round, 要係 十二點前做多一次, 真係想打爆個 mon.

放工行左陣尖沙咀, 買左 "in the name of AMK". 坐車返屋企途中先發現個盒有 d 問題, 不過受到碟內一些文字所感動. 關勁松講得無錯...真係有 d 十幾歲既細路, 係網上搵 amk 既歌...而且, 那些細路都會受到影響而改變...thx...

user 決定左要改 print form, 第一次做 print form, 尚算順利. 之後就開始寫計 hon 既 gpa excel, 次次都係 send 哂出去俾人玩先發現有問題, 攪左好耐, 出到 release 4 先好似無問題. 唔該所有幫我 uat 及教我用 excel 既人.

今日食左兩份 tea, 正!!! 放工又去圖書館. 係巴士度, 一打開本書想睇就訓到落車...真係好命...

一早起身, 頸痛, 近呢幾年, 我條頸同腰都成日痛, 係朋友團中, 我係最細, 但係身體上就好似老人家...真係要休息多d. 上午番工爆 hea, 因為 user 加長哂 cas 入面 d branch 既名, 所以要將 print form d 位執執, eric 要我試左幾款效果, 但最後都無叫未叫改哂所有 retention.

中午去左圖書館, gelgel 以阿 gill 介紹過為賣點咁介紹左本書俾我, 係王文華既 "61X57", 睇左兩節, 都幾好睇. 我同 william 講, 睇完阿 gill 介紹既書, 如果第日同阿 gill 一齊搭 lift, 又壞 lift 既話, 都可以有話題, 如果唔係我又唔係好識 twins d 歌, 都唔知講咩好. 不過 william 就話如果真係同阿 gill 單獨困 lift, 佢一定會....咩 wor....點知我同佢放工搭個架 lift 真係壞左, 停左無哂反應.

放工返屋企訓覺, 因為頸痛, 所以無收檔. 出了 SS 成積, 比預期中好了很多.

今日我地 cas 出左事, 唔知咩機 log 左野去 production 既 activity log, 我只係 check 下 d 機既 config 無問題就得, david, eric 同 malcolm 都好似好煩忙咁. 係 cas r1 angus 都做過同樣既問題. 當時我地重俾人點名話做得好 tim, 估唔到今次風水輪流轉. 全日都爆 hea, 面部左邊神經痛, 成個都呆哂. 番工時間, 上網重看銀河英雄傳說, 呢個故仔真係超正, 三國演義銀河版, d 人物性格同打太空戰都好正, 第一次睇好似係中四(阿雞, 你有無印像我係咪中四坐你隔離既時侯睇?), 呢排番工咁 hea, 睇 e-book 一流.

放工去左食練奶西多士, d 奶搞到無咁好食. 之後行宜家. 飲左一整支雞骨草, 當堂醒哂~~~

今日爆 hea, 十一點幾先起身, 係屋企食通心粉. 都唔記得自己做過 d 咩, 寫左戲評, 睇左半場省港杯, 香港隊勝 2:0, 但我一個香港既攻門都睇唔到. 之後去左九龍城同屋企人食牛肉餅, 爆好食. 因為太 hea, 準備訓覺關埋機先記起未寫日記, 攪到要又開機寫過.

Happy New Year~~~

2005 年, 第一日, 十一點幾先起身...係屋企食完飯, 就去左跑馬地, 係跑馬地一間細細間, 但有好多野睇既餐廳食野. gelgel 食左馳名魚蛋, 好可惜間野星期六無得食同樣馳名既魚皮, 去到咁遠, 我都係食出前一丁, 只有呢d基本野食, 先試到間餐廳既功力. 係 cwb 行一輪, 條街好冷...之後去旺角睇功夫. 之前 jj 話過唔係咁好睇, 因為唔好笑, 不過, 好似從來無人話過會好笑喎...想睇我對部戲既感想, 就睇Darth Mike Movie Record. 希望以後都可以對睇完既戲寫一段仔感想 la...哈哈

係睇戲之前, 行朗豪坊, 原來今日係鐵人兄弟最後一日展覽, 為左振災籌錢, 鐵人兄弟即場賣 My Dear Bear!, $78 隻, 全數捐給南亞救災, 重有鐵人兄弟即場幫你畫公仔, 勁正. 我地買左兩隻, 一隻畫消防員, 一隻畫警察, 型爆. 鐵人兄弟重幫我地簽名 tim~~~元旦就做善事, yeah~~~

之後返荃灣食 m 記, 特登食夠 $40 拎月歷, 點知最後都係唔記得拎...真係 lowb...

返到屋企睇叱o宅, 無非都係想睇林海峰對白鞋, 近年呢個都係我唯一接收中文歌既地方, 感覺上 d 歌好似無舊年咁好, 唔知點解, 無梁漢文唱歌(LH, where are u?). 一如以住既唔知真定假既感動. 差唔多兩點先訓...