十點都唔夠就起身支持姚明, 點知成隊火箭除左姚明同 T-Mac 識入波外, 全部人都唔識入波, 加埋球證又好似偏幫小牛, 打到第三節, 感覺成隊火箭都已經放棄左, 就無睇了. 反而看了亞視 nba 播放早幾年熱火和紐約之間的火爆對戰, 印像最深刻的不是球員那些好像摔角手般的身手, 而是紐約教練雲根迪抱著熱火中鋒莫寧的小腿, 意圖制止打交的場面, 他是真心為了球隊和球員的.

下午便努力讀書了, 睇了 tutorial 和昨天未睇的筆記, 看見那些 Oblivious Transfer 的應用, 真的感到有點好笑. 結果還是沒有溫習 Micropayment 那課, 因為真的不明這個題目想怎樣, 好像在說一些萬無目的的東西.

約六點多便看顧長衛的孔雀, 但係隻碟好花, 斷下斷下, 換左兩部機, 從頭睇左幾次, 戰鬥了一小時後宣怖放棄. 小睡片刻後, 便睇有線播我的父親母親. 好像完全變了大陸片的支持者.

晚上看 ac 對祖雲達斯, 很高水準呢, 攻守都很強. 再看星戰前傅第一隻既後半部份. 之後家人便回來了.

今日聽了一次 Jimi Hendrix 的 Electric Ladyland, 一次 Saturday night live, 和三次 The Velvet Underground & Nico. 首先是 Blowfish, RC5, RC4 到 AES 的 cipher, 再到 Public key 的 RSA, Diffie-Hellman, 然後是和 message authentication 有關的 MAC, Hash, MD5, SHA-1, RIPEMD-160, HMAC, 最後一堆 digital signature 和 certificates 的 protocols, 好多好多個名, 勁亂, 感覺上全部也是差不多, 真是白混.

下午睇左一個鐘檔, 條街好暗, 人和空氣也不是很好. 繼蕩女 blog 後, 再發現一個台灣人的 blog, 作者寫了對很多唱片的感覺和對他自己的影響. 能夠以完全自發性及無薪形式, 做這些對心力時間需求都不少的事, 寫的目的純為興趣, 個人認為是一個很正面的活動, 我也有寫一些電影的感想, 只是對於音樂的感想, 真的信心不大. 最大原因不是資料不足, 反而是語言所限, 以非技術純感覺層面去評論音樂, 會出現一個問題就是形容詞過度重覆, 總不能所有唱片也說"動聽", "悽美", "耐聽" 等完全主觀的形容詞吧.

讀書的速度慢了. 是因為 crypto 教既野太多, 還是只是危機感不足, 以致未有盡力?? 我想兩個也是對的, crypto 的東西實在很多及很深, 只是之前的測驗難度太低. 期待考試的難度增加, 我比較喜歡很難的考試, 這樣才能做到比一般人好, 而自己其實也不太會, 但成積卻又很好的情況.

兩點半都仲未訓, 明天早上還要起身支持姚明的火箭隊在第七場打低小牛出線!!!

今日返工, 俾 eric 簽多次修改後的 placement report. 上午做了 rcf 的 actlog, 在 acct combo 下了一些手腳, 之後試了另一個做法. 飯後打足球機, william 就 happy la, 認識了貓眼姐姐. 下午收到報稅用的糧單, jessica 和 malcolm 的反應一致, 都是驚訝自己收入之多.

回家收檔後陪 brother 買了部 mp3 機. 之後便攪了成晚, 結果連續兩日都係無溫書. 呢次真係大濟.

上網 bid 了 pulp 的 different class, 聽一隻完整的唱片, 感覺是十分好的. 正!!

返工, 真係時日無多了. 完全唔係做野, 將"等"呢一門功夫發揮到極至. RCF 等偉大既 Host 開功做野, Mortgage 等更偉大既 user 出 UR. wish list 就等決定要唔要. 而家就等悶到爆, 一個星期後就變成人地吹交貨, 真係搞笑. 其實而家未有 UR, 已經有人要我寫 EDR.

中午飯後和宏再去 10/F 遺址參觀, 就快可以成為景點. 放工回家. 看了 ac 對 psv 的比賽, 兩條人參真係好勁, 不過好可惜都係出唔到線, 決賽係 av 對利物浦, 今年利物浦真係夠哂出人意表.

一如放工後的預計, 十一點我還是未開始溫書的.

You scored as Aussie. You are Aussie! Aussie 90% Japanese 85% American 75% Chinese 70% German 65% French 60% British 45% HongKonger 45% Taiwanese 35% Singaporean 30% What will you be after reborn? created with QuizFarm.com

一起身, 口腔附近位置滿佈血跡, 牙齒形成了一塊血膜, 真係可怕, 幸好已經無再流血. 今日無昨天那麼腫了.

上午無咩點做野, 只是跟宏及william 談讀書, 看書, 善用時間的方法. 交了 placement report 和 biweekly log 給 eric, 唔知佢會唔會簽哂呢?? 中午食海南雞飯, 之後與 william 失散, 跟了阿南等人去了 12/f cbw 新址. 下午索性溫書, 我也快要考試了.

晚上回校, 天使考試, 實驗室無開, 去了圖書館溫書, 溫了差不多兩小時, 在這環境我也能專心讀書, 真的很佩服自己的定力及對學習的專注.

原本計劃考完試個星期一請假去玩, william 今朝講起先知原來個日係公眾假期, 真好. 不過我都真係夠衰, 人地試前請假溫書, 我試後請假遊玩.

這一兩天也是在聽 Japan 及 David Bowie 的歌. Japan 的 Ghost 很正, David Bowie 一首 Space Oddity, 差點以為在聽 Placebo. 聽到 The man who sold the world 的原版, 有點驚喜, 之前只是聽過 Nirvana 的番唱版本, 竟然有兩種完全無同的感覺.

番工. 整左少少 teampage, 完全唔想做野, 好多同學仔都請左假, 得番 wang, william 同我. 全日都和 william 睇一個蕩女既日記, 像極電影內的人物, 到底甚麼人才會過這種生活? 同類的問題, 遠至木子美的遺情記, 近至 AV, 我都問過.

除左東隧, hsbc canteen 都加了價, 今日和 william 二人世界食了兩餐. 回家再看牙醫, 被佢攪到勁痛, 飯都無食, 成口血, 醫生話呢一兩會不停咁流. fight club 入面好似話過飲多過一個份量既血會死, 唔知我幾時會死.

睇 nba 睇到三點幾, 韋伯最後個球三分真係無腦, 簡直係倒自己米. 訓到九點就醒左. 成日都係迷幻狀態. 溫 crypto, 成十幾課, 都唔知點溫, 放假去街, 返工又累到嘔. 係屋企迷幻到三點幾行去朗屏搭西鐵.

係南葵涌圖書館借左本 audit 書, 同埋 Japan 及 David Bowie 的唱片. 之後想去數碼港, 但去到香港站搵唔到車去, 轉去尖沙咀. 成個下午都拎住本 audit 書, 勁重.

回家聽緊 Japan 的現場唱片 Oil on canvas. 其實自好多年前已經喜歡David Sylvian的聲音, 好男人, 好滄桑

八點幾就起身...睇左陣 nba 就同屋企人去大球場睇出會, 成三十隊人, 十條龍, 勁多獅. 睇到三點鐘. 返屋企訓左陣, 讀左少少書, 之後去左接機, auntie 5 全家回港放假, 表弟唔認得我, 真傷心, 但係佢想我幫佢剪頭髮.

提早慶祝母親節, 食意大利野, 正!!! 今晚等睇 nba~

Your Birthdate: December 8

Born on the 8th day of the month, you have a special gift for business, as you can conceive and plan on a grand scale. You have good executive skills and you're a good judge of values. You should try to own your own business, because you have such a strong desire to be in control. You are generally reliable when it comes to handling money; you can be trusted in this regard. Idealistic by nature, you are never too busy to spend some time on worthwhile causes, especially if managerial support are needed. There is much potential for material success associated with this number.

What Does Your Birth Date Mean?

番工係西鐵見到阿爺, 真好. 一齊搭 k16. 係公司寫左 placement report, 再一口氣寫半年 bi-weekly log. 放工後和 patpat 在新世紀睇女, 之後和 jj, kalee 一齊食飯. 在美乎交收了早幾日 bid 的 mook 雜誌, 係等賣家既時侯勁肚痛. 之後重回新世紀食雪糕, 無厘頭地在太子入站和出站, 變了搭貴車. 看了一會婚紗展, 模特兒離哂罩. 經荃灣搭巴士返元朗, 勁訓.

睇醫生, 話我應該係牙肉發炎, 過一排就會無事. 去左搵 leelok, matt 及雞, 一齊食台灣野, 之後睇打機, 再食糖水便返家了.

連放兩日半假, 完全唔想讀書, 聽朝八點有 nba 睇, 希望起身睇到下半場 la...

無咁痛了, 但還是有點不自在. 早上寫了 RCF 的 EDR, 中午和 kalee, william 及宏在 UG 重逢, 真好. 之後重遊 10樓, 這兒有很多回憶呢, 就快要離開了. 開始做 teampage, 還是用 xoops, 不知老細們喜不喜歡. 完成了 cas 2.2 的開發, 只需數十分鐘, 但 jessica syn 了一日, 搞到佢同 malcolm 好似就快打交, 搞到我勁想笑又勁驚.

放工後和 william 去了旺角, 睇左陣電話, 用了 $33 買線插那個 4gb 的 harddisk, 都幾貴. 回家, sister 回家食飯, 飯後和 mother 買影碟. 今晚阿哥阿嫂返來.

在 google search free av movie, 可以搵到我的 movie blog. 好像經常和這些東西連上關係.

痛. 今日隊友們都很遲才回來, jessica 講左陣野就去開會, 今日佢生日, 又收花, 不過佢唔係位, 成日都收花, 唔知會唔會收到悶. 上午將 cas 連上 MKS, 因為有個 enhancement 收到錢做, 咁就要用 mks turn 野. 午飯重回 UG, 但係都係得兩個人食. 飯後不事生產, 又痛, 只好發下呆, 等放工.

放工後去了圖書館, 睡了一會, 睇了一會書. 含冰令痛楚減輕. 回家在西鐵聽著公爵的爵士樂, 還是牙痛. 有甚麼音樂可以減輕痛楚嗎? 回家想看 nba, 但有線無重播今朝個場, 亞視重播歐冠車路士對利物浦, 重正. 而家等緊睇 nba 重播陳年比賽, 公牛對爵士, 正, 重點觀看馬龍對洛文.

看來我已經忘記了考試將近.

又無返工. 食了勁大份量早餐後去看醫生. 痛足一日. 止痛藥都無效, 呢次真係The drugs don't work. 好痛, 讀書無心機, 訓覺訓唔到, 今日又無 nba 睇, 連電影台都無野好睇, 成日都係屋企呆痛.

睇左部份舊日記, 發現原來我有一樣野無變, 就係 placement 前同 placement 就快完都係咁唔想返工既. 重有係 placement 早段日子, 都會放工去街玩到 2,3 點先返屋企, 而家 8 點返屋企食飯都覺得好累, 真係老人家.

雨很大呢, 早上也淋了一點雨. 真係痛足一日. 希望聽日無事吧, 真的很無奈.

原來 linux 的核心已經快將去到 2.6.12. 我還是在用 2.4.19 呢, 真是老土, 雖然我還是不太用得著那些新的功能, 而且太強大的核心, 會令我感到很不潔, 就像 windows 一樣, 盡是一些大部人都唔會用得上既功能, 浪費資源. 近日想轉換 Window Manger, 但未有心水, 現在的 Fluxbox已經用了接近一年, 之前的 Window Maker也用了一段很長的時間, 有無人有新推介?

今日勁做 mortgage 既 summary page, 在高度隻中情況下, 一日已經差不多做完. 下午 jessica 去開會時, 收到一個 user (把聲勁似查小欣) 用 TD 的 log, 代為解決了, 很高興, 一向都好少直接聯絡 user, 這個 user 竟然 send 個 notes 來唔該我, 真係估唔到. 好似真係幫到人咁, 很高興. 可惜未能見到 cas 的 user, 因為做左成年, 最主要都係做 cas 的 retention 同 overview. 由 R2 的 card 和 nonpersonal overview, 到 R3 的 RCF, Mortgage 都可以算係由我製造 (當然有其他人幫手 la), 竟然唔捨得自己寫既 system, 真係多情.

放工買了兩件星戰 T, 很低能, 但好鐘意, $39 件. 星戰未上, 已買了不少星戰產品. 重未諗到個幾支可樂放係邊, 我而家已經轉用方法二去放水.

很多朋友們近日都不約而同地對身邊及社會的一些標準及條列表示不滿. 我相信是沒有人喜歡被規則所限制的吧. 但不得承認, 規則限制事物的同時, 亦都保護事物. 正如捉棋, 好的棋士, 最必要的條伴就是清楚規則, 清楚怎樣去利用規則. 規則如果是能夠執行公正的, 那麼, 便可以將之使用, 以令自己得益及限制敵人. 當然, 如果規則是對人不對事, 那麼便無法順從了.

標準的定立, 在自由發展市場特別重要, 要做到百花齊放及自由創作, 概念上, 標準要將限制減到最低, 但要確保產品不會傷害到顧客. 認証是標準的朋友, 某人制造了一些產物, 並通過了某團體的標準, 便可算得到該公司的認證. 得到認證, 並不代表得到該團體的推介, 感覺上很多人有這誤解, 而事實上亦很多人以這些認證作為賣點. 標準(認証)和規則的最大分別, 就是你可以不跟從標準, 但不能不守規則, 你的網頁可以不通過 w3c 的標準, 但是不能有非法內容. 坦白說, 亦沒有人會認為通過 w3c 的網頁比較好, 通過 w3c 亦似乎不能成為一個網頁的賣點. w3c 是對制成品的認証, Open Source Initiative 或 GNU 等便是對製造及發行過程的認証.

為 RCF 加入了 validation 的 logic, 開始將 RCF 的開發交給 victor, 自己專注 mortgage. 自從開始做 cas 3 後便開始無咁眼訓. 但是 teampage 還是未開始做的.

因為一首 starman, 愛上了 Ziggy Stardust時代的 David Bowie, 很動聽. 找了數首同期的歌聽. 有兩個版本的 Moonage Daydream, alternative 那個版本比較好聽.

十點幾起身, 都唔係好記得自己做過 d 咩...同時間睇左兩場 nba playoff, 塞爾特人對溜馬和帝王對超音速, 帝王的 Bibby 射極都唔入, 勁慘. 塞爾特人比以住好看, 但還是不喜歡 Walker! 支持 Miller.

食雞飯, 正. 之後睇了一課 crypto, 都唔知講咩. 上網找幫可樂放水的方法, 攪了數小時, 最後都是開左飲哂佢, 即係方法一. 睇了一些賣桔者言, 其實都重係唔係好明佢講咩.

睇了可可西里, 可惜未能專心地看, 畫面很壯觀, 人在那些環境更能表現比大自然的細小, 故事內的巡隊都很偉大. 大自然和人都是很危險.

十時起床, 打了一個電話, 真討厭. 和 father 食完午餐便去了睇檔. 一點多回家, 看了一會電視便睡了. 三點起身, 再睇檔. 順利地以一排八罐裝汽水得到四個款式的罐, 尚欠 yoda 及 darth vader. 在家嘗試以一針在罐底開一小孔, 點知在拔針時, 汽水就好像雷射鎗一樣噴出, 弄得天花板及成個頭都濕哂. 之後一路飲一路睇銀牌賽決賽.

晚上填 form 報 hall, 才發現大家的填法都唔同, 都唔知邊個錯. 真搞笑. 寫了戀愛地圖的 movie record, 次次都寫咁鬼耐. 結果今日係完全無讀過書. 賣桔者言睇左幾章都其實唔係好明. 真係浪費人生.

搞左陣 mortgage, 就去左做 rcf, 除左做 program, 重要做 prototype. 做到一半俾左 victor 做. 走火警, 勁熱. 等完走火警就等走人.

去了荃灣睇戀愛地圖. 都 ok, 李小璐好鬼靚. 靚過伊東, 中國人好野!!! 尚未找到好看的劇照, 要睇自己搵.

星戰可樂罐好型. 必入.

在網上看到 7-zip, 很 7 的名字, 聲稱比 zip 壓多 30-50%.

繼續做 mortgage 的開發. mortgage 一版有六個區域, 亦要做到動態顯示. crms uat 要加 48 個 sas acct, 決定用人手遂隻加, 比用 script 直接加入 db 可靠.

回家收檔, 新開的冷肉店, 很大, 很光. 晚上看了 magic 對 heat, 無咩睇今年 nba, 原來已經係常規賽既最後一場, 而 magic 今年是無法進入季後賽的, 真可惜, 季初 grant hill 打得那麼好.

睡前, 看了 98 年 nba 公牛對溜馬, 正, 有 佐敦, 柏賓, 米拿...重有 洛文. 一直都很欣賞洛文的打法, 很聰明, 手法怎樣不是問題, 勝利是最重要.

一早番去整 TD, 繼續開發 mortgage, 但係 user 重係有好多 requirement 未俾我地. 午飯後去了還碟. 放工後去了借張五常的賣桔者言和 03/04 地中海遊.

走堂. 回家在椅子上睡了, 沒有收檔. 晚上聽著 Frank Zappa 的 Happy Together, David Bowie 的 Starman, Leonard Cohen 的 The land of plenty, 還有 Joy Division 及 Travis 的歌.

pXtpXt 和 mXX 兩人在火車上看到好東西. 他們站在身穿低X衣服的美女前面看她心跳.

第一天在十五樓工作. 上午很專心地做 mortgage 既開發, 以這這種專心程度, 很快便可完成. 飯後做了一個搜尋頁.

下午開始 hea 下 hea 下咁做, 二點幾有一大班人在 jessica 個位學 TD, 咁多人係附近, 驚驚.

放工後去了尖沙咀學聯問國際學生証及歐洲火車証事宜. 選擇真多, 比兩難還要難. 之後回家.

在輕鐵上聽著莫札特的 k545 鋼琴獨奏, 想起有線 18 台, 魚樂無窮, 天氣報告和王精甫...人的聯想是一件很奇妙的事, 竟然由莫札特連接到王精甫. 曾經用 knowledge representation 的 semantic net 去解釋自己點解成日諗衰野, 因為衰野係腦入面形成的結點 (node) 佔有既位置太多和地位高, 所以面對大部份事情, 最快聯想到的都是衰野.

Darth Mike Movie Record在安裝 counter 後的不足兩星期, 觀看次數已經超過 400次, 令日更有高達 115 人次, yeah~ 更開心的是, 終於有人俾 comment, 有人睇已經好開心, 有人肯回應, 真係訓唔著!!! 一口氣寫埋珈琲時光, 聽著王羚柔的當我們同在一起唱片~

今日無返工. 一早去睇醫生, 該死. 在家溫日文, 寫收條, 睇獨臂刀, 睇新聞, 睇人搭掤, 睡覺.

回校測日文, 勁難, 測完, 又讀完一科, 好似咩都唔識咁, 讀左等如無讀.

在荃灣行街街, 真開心. 回家勁食.

把 lisa ono 入了機數天, 今晚終於可以聽, 隨機都差不多首首中. 好聽好聽.

睡到十一點. 寫了AV 的 movie record. 電影節網上筆記登了我的電影節 review, 即刻多左人去睇. 在家看了少林搭掤大師, 不得不佩服香港的功夫片, 可以將舊式長木椅及竹掤當兵器咁用, 重玩得得好.

還了長征, 借了 5 本旅行書. 有空便可以看了.

一邊看反日, 一邊溫日文.

點解會發生咁既事, 討厭討厭討厭討厭討厭討厭討厭討厭討厭討厭討厭討厭討厭討厭討厭討厭討厭討厭討厭討厭討厭討厭討厭討厭討厭. 討厭自己.

晚上天使幫我溫日文, 唔該哂!!!

今日搬位去 15/f, 新位好可憐, 連地下 lan port 同電線插頭都無. 之前決定左 malcolm 坐我右面, jessica 坐我後面. 但今日 jessica 發現我左面個位闊些, 所以強行交換. 我搬完自己野重要幫佢搬埋. 第日一齊坐, 一定煩死我, 睇下幾時打爆部機.

放工後找了 patpat 和 eric 在旺角食韓國野. 之後返 city 睇 fyp present, 但係我最後都係無睇, 係 lab hea 左陣, 等埋天使一齊食 tea 就去打羽毛球, 打足一粒鐘, 勁累. 之後返 lab 和 kalee 及 jj 討論歐遊. 食 kfc, 回家在巴士勁訓.

還未決定住唔住 hall 好...如果住, 就好難係 grad 左之後去多次旅行. 同埋少左時間同屋企人一齊, 又無得收檔. 做左野之後就好難陪屋企人.

返工做 TD, 成日都度同 jessica 推來推去, 浪費哂 d 時間, 都叫做開左個頭做 Mortgage 既開發. 執左陣野, 其實無咩野執, 個位有好多野都唔知係邊個既.

放工後第一時間去了茘枝角談 xdea 新生意, 第一次見客, 勁想笑, 希望下次可以表現得好一點, 我想在 hsbc 最想學到既野就係對事情可以睇得長遠些, 及想多一些可能會發生的問題, 及對時間可以掌握得好一點. 轉位後無得再向某女高層偷師了, 她的講數技巧真的是一流.

之後在旺角開了 xdea 成立以來最齊人既一次. 希望我地可以做得開心, 搵多 d la.

之後係旺角無太旺的地方食 deli-f

上午完成安裝及設定 drill 機. 中午食 pizza, 勁正!!!! 下午去了 cbd 參觀新位, 位置很差, 而家個位實在太好, 唔想走. 設定了 jet form, 而家我部機終於可以 crms 同 cas 一齊出 print form, 而我亦係飯後加裝了 was 5 server, 救回我的 crms. 執左陣野, 星期六要自己搬位. 之後 set TD 俾 CRMS 做 UAT, 再上 CBD, 要用個度 D 機先可以加 user, 一條友坐係 host team 個 aip 個位做野, 勁緊張.

晚上有線播放 94 年 playoff 公牛對紐約人, 公牛第一年無左 MJ, Phil Jackson 話個年係三角戰術 (Triangle offense)發揮得最好既一年. Ewing 好勁, 動作快, 身位勁, 有中距離, 一開波就連取十分.

PHP核心開發人員Zeev Suraski將於本週六在香港開一個名為Driving PHP to the Enterprise既講座. 好似幾唔錯咁.

今日成日都係整一部機俾 malcolm 做 drill 用. 超多野要裝, 部機係 p4 3.0ghz, 但係得 256 mb ram, 慢到震, 裝完 db2, wsad 同 mks 後, 做任何動作都要等起碼幾秒. 最慘既係要 setup 個 crms dev env, 我自己部機根本都未 set 好. 遇到很多問題, 唯有向 malcolm 求助. 結果今日完全無做 cas r3 既開發.

因為遲放, 所以自己一個人返 city 食, 見到 jj 和 kalee. 遲到半小時, 訓左個半鐘, 連落堂都唔知. 上 tutor 難得地認真, 做咩咁多題問題.

今日繼續做 RCF, 差不多完工了, 只欠 host msg 和 print form. 明天開始做 mortgage 吧. 今日想到將 RCF 放入 ILS 的 package 內, 果然方便了開發.

今日要交拍賣網和簡體網的同意書, xdea 內起了很大爭論, 幸好最後也能平息風波, 我也不應常常也這麼好火氣.

放工後去圖書館借了原復生的原氏物語, 排了三條隊才借到書, 最後都係信人手借書好過用機借書. 呢本書係我睇的第二本財經書, 第一本係張五常既科學談需求, 今次這本看似無咁理論, 希望睇得明, 我係呢方面既知識簡直係零.

晚上溫了一點點日文及 crypto. 在型男索女區發現勁似公司樓下姐姐的相片.

特別介紹 yagoohoogle

又到左勁眼訓既星期一. 今日返工, 好落力咁開發 RCF, 不過自從 cas link 左 mks 後就攪到個 wsad 勁慢. 自從無得係公司 check email 後, 為左滿足 login 同 logout. 一日入 blog 同 statcounter 幾萬次, 重係 blog 度加左 d logo link 去其他網頁.

中午食完海南雞飯, 就開始肚痛. 成個下午都感到不適.

晚上日文, 勁訓.

在西鐵站和輕鐵站交界, 發呆期間想起, 還是多做一些事情吧. 很多事情也是可以做得更好. 時間不要過得太快呀, 訓少一點吧.

五點多被叫醒轉床, 返回自己張床後既第一個感覺係...屎急.

訓到九點幾, 搵左 brother 幫手剪頭髮, 個頭兩邊勁短, 中間一行同後面較長, 好似隻雞咁. 心目中理想既一行係再闊少少, 不過而家都唔錯, 勁驚返工俾人話.

之後去左深圳, 同 brother 兩個人食我最愛既蘭洲拉面, 一個牛肉拉面, 一個土豆絲炒飯, 一個大餅, 誠惠 14 元. 拉面保持一向咁正, 面條同湯都係一流, 睇住師傅當街路邊拉面, 正! 土豆絲炒飯唔係一般既炒飯, 土豆其實即係薯仔, 個炒飯其實係飯同土豆絲分開, 要自己混來食, 土豆絲很幻, 炒得很香, 比較酸, 混著飯一起食, 十分可口, 可惜比較多油. 大餅好像是從鄰店拿來的, 很大個, 分了很多小塊, 很脆, 有些胡椒味, 記得要熱食, 冷左會變硬.

之後去東門, 國內公安對今次反日可算準備十足, 雖然我們全程沒有遇見示威人士, 但街上公安明顯地比平日多很多很多, 東門附近街道, 條條都有十數個公安, 回程時在公車上更在松下電器的樓下看到起碼數十個公安及大量公安車守著.

深圳有線電線播放的香港亞洲電視, 在六點至六點廿十分, 連續播放了廿分鐘廣告.

買了兩部中國電影的碟, 分別是顧長衛的孔雀及陸川的可可西里. 都係唔知幾時會睇.

• Mozart - Piano Sonatas K333, K545, K475, K457

昨晚終於睇完長征. 不得不認同毛主席的能力之極高, 只是有些手段是比較可怕, 雖然可以相信很多事情是完全在他掌握之內. 十點幾起身, hea 了一會, 便和 mother 去了食海皇. 飯後便去街了. 看見電視內提及國內的反日行動, 令人想到很多問題.

反日的最新原因之一, 是日本修改國內教科書的歷史, 意圖美化二戰期間日本的暴行, 國內同胞及韓國人對此都極度不滿. 較令人失望, 台灣人及香港人都沒有太大反應, 台灣民進黨和日本關係好像還不錯, 國民黨會否借此反日機會, 再加強與中共的第三次合作? 個人相信中共對此次反日行動, 只會採保守方針, 完全不打壓示威已能顯示中共支持反日, 但應不會採任何強硬手段.

說到修改歷史去欺騙人民, 這可以中共的絕技, 新一代連六四是甚麼也不知道, 趙紫楊死去並沒有造成任何事件, 已可証明, 中共在國內對六四事件的作法, 只能忍著錯說是成功了.

去了 juice 睇 Eric so 的 SOLOGY-Eric So Exhibition -Stand By Me Figure Exhibition, 還是 eric so 一向的面形風格. 之後去了美華氐, 很多平 T, 但無任何入手. 之後過海, 在尖沙咀食健康晚餐, 之後再食正正雪糕. 今晚 aunt 3 來了, 我要睡 sofa.

香港國際電影節網上筆記連線的人, 希望我可以分享在 Darth Mike Movie Record 內一些電影節節目的影評, 我當然答應, 難得有人睇我寫既野.

今日寫左好多 RCF, 上午攪左好耐 mks, 但係我個 crms 都係未 run 到. 中午 malcolm 請食飯, 正!

放工後, 係 lib 借左 d cd 聽.

• Mozart - K545 - I Allegro

係 yahoo Search darthmikemovie, 竟然和 sex movie 拉上了關係. 除左操口, 仲可以講咩野.

今日係公司整了 apache, 正諗住開始整 team page 既時侯, 又俾人叫做左 crms May release 同埋 CAS R3 - RCF 和 Mortgage 先.

• Nirvana - Where did you sleep last night

"世上本無事,庸人自擾之"

差少少...差少少就可以完完全全無做過任何公司既野. 係 DarthMike Movie Record 加左個 counter 做 stat, 希望我 d review 有人睇 la. 今日試左 w3c 個  Makeup language Validator, 攪左一陣, 先順利地令這一版通過測試, 可以好似好勁咁放個 w3c logo 係度.

上 crypto, 教番之前跳左無教既 Chinese Remainder Theorem 亦即是孫子定理, 完全唔明. 訓左兩個鐘. 發放測驗卷, 比預期高了一分, tutorial 繼續唔知發生咩事. 一場朋友, 我覺得自己好應該幫 patpat 搬屋.

今日繼續聽 nirvana, 這次是 unplugged. 27 歲時, 我會在做甚麼? Jimi Hendrix, Joplin Janis, Jim Morrison 到 Kurt Cobian. 也是 27歲

"Hope I die before I get old."

昨晚睡前想了一些關於有性無愛的睇法, 但起身後唔記得哂. 今日睇電影節最後一部戲 - 珈琲時光, 點知出門口唔記得拎戲票, 要坐回頭輕鐵番屋企, 之後索性坐巴士出去尖沙咀, 坐巴士係好訓好多.

部戲基本上無故事, 只係講一個人既日常生活, 同屋企人, 朋友食下野, 飲下野, 坐下火車, 對話都唔無咩...因為坐文化中文高座, 要向下望, 更易訓著, 部野又咁悶, 所以中途都訓著左好多次.

之後係一間好似幾靚既餐廳食下午茶, 估唔到公仔面可以煮得咁難食. 原本諗住去 sta, 點知間間都係假期休息, 真係好景, 可以唔駛做. 同 jj 和 kalee 兩人商議了一些行程的事, kalee 提出了去西班牙的可能性, 真好, 西班牙和英法一樣, 都是曾經擁有很多殖民地, 但英法喜歡改變其他國家, 而西班牙感覺上則喜歡引入其他國家的特色, 所以西班牙有很濃烈的中南美洲國家的特色, 總算稍稍地同時滿足了去南美的希望.

晚上去重慶食加喱, 再次受到人堆攻擊, 幸好並未做成傷亡, 但已經夠恐佈. 食得好飽, 飲左好多野, 頂住個肚好辛苦. 勁去廁所.

今日係 kurt cobian 死忌, 全日都只是在聽 Nirvana 的 Bleach.

返工, 早上很有心機地準備了一些唔知有無用既野, 俾旅行計劃用. 又做 prototype. 攪到成個下午都好唔得聞, 都唔明點解 d 人要用 excel 整 html, 攪到 appl tips d code 咁恐怖. 在和 ng, jj, kalee 討論中, 我提出女性在經前和經期間, 性需要特別強. 得到 ng 認同. kalee 反問男仔幾時想要, jj 話 all time, 我話 365*24*60*60. 事後醒起, 經前是最危險期 (未經證實, 如有心人知道, 請告知), 和 ng 一起驚歎人體的奧妙, 在最危險的時間, 卻最想要. 對於單純的性需要, 人還只是一個為了生育的生物.

晚上進行一個關於第三者的調查, 目前只問了四人, 發現奇怪現像, 唔通我真係咁無厘頭?

01:00-02:00 寫了美蓮達與美蓮達的 review, 產行了一番對人生的感想, 請看這個.

十點起身, 一心諗住清潔下電腦房, 點知 hea 下 hea 下, 用左差唔多兩個鐘先將 d cd, vcd, 玩具, 書, 大量唔知有咩用既野搬離房間. 十二點先開始沬. 因為想快 d 沬完食飯, 所以一個鐘都唔駛就沬完. 飯後爆 hea, 三個幾鐘先將 d 野放回原位. 一個長達 6 小時的行動, 基本上是睇唔出有任何成效. 但總算做左 d 野.

由提出開始, 長達半年, 今日, 我們終於去了出機票. 尚算順利. 希望所有野都好似今日咁順利 la, 雖然我今日心情極度混亂. 不過諗起要搭飛機就覺得好痛苦.

晚上回家, 我真的很想將工作的地方搬回睡房, 我真的十分喜歡這個街影. 還有星星. 原來, 我真的十分之討厭長大.

• Joy Divison - Disorder

一早食 m 記熱香餅, 正爆. 開工第一件事就係搬番部 team server 去 jessica 個位, set 好哂佢就番到來, 真係好. 之後要做 prototype, 一個上午剛剛好做完, 星期六返工反而係最充實.

放工前一刻 kalee 找了一個好像不錯的 BA, 未 detail 睇就閃左人. 之後買左飯番屋企食, 食埋個橙, 身體感到好了很多. 在家看了頭半段的獨臂刀, 很想睇哂, 但係要出街.

去了赤柱, 食勁正西多士, 呢間野 d 西多真係正到爆, 法蘭西人未食過左都唔知呢個世界有咁正既野食. 飲左杯楊桃雪梨汁, 靚聲番哂來. 原本想去正灘, 卻去了聖士提反灣, 順道去了軍人墳場參觀, 環境真的不錯, 亦有很多人在此拍照. 之後行左陣市集, 但係今次咩都無買. 臨走等車先發現原來正灘係勁近, 不過兩個灘都係無咩人, 可能因為時侯不早和天氣不好 la...

係利舞臺睇左 av, 成部戲最唔好都係唔知點解係要提 city 同 bu 個名, 明明成部戲都無一秒鐘係 city 拍. 除此之外, 其他地方都好正, 我覺得都幾寫實既, d 人都無想像中咁衰, 好多人都成日諗 d 更衰既野, 只係會唔會實行 ja. 最唔真實都係班友仔 d friend 入面有咁多靚女, 又唔見我識到 d 咁既 friend. 個人最愛推介係扮壞人追龍 (糖版) 去引女仔注意力.

直至五月, 都唔會有得做 fei 既 stress test. 即係唔駛再做. 將 team server 機由 nt 升級到 2k, 出奇地順利, 不過之後要落好多 patch.

因為咳得太勁, 所以無法和拍賣網有關人等見面. 放工後便回家休息了. 晚上有線竟然播 1991 nba 總決賽公牛對湖人第五場, 勁正, 勁快既 Jordon, Magic Johnson, 超勁既 Pippen, Horace Grant, 仲有尚年青的 divic, ac green, 金保 等人, 但太累, 睇了半場便睡了, 勁可惜.

準備了一些 offline msg 去做 offline stress test. 但最後結果是做唔成. 加左野入去 cas r2.1 既 EDR. boss 有意圖做一個 team hp, 可能搵 pdc 做, 唔駛我做. 係就好 la.

晚上係 lab 睇了很多電影的預告片, hea. 之後去 ssp 食糖水, 中途行左去石硤尾人民館睇野, 見到一個巨型保安.

數天前 apt-get upgrade 了一些 gnome 的 package, firefox 字體變得很樣衰. 睇見都唔想用. 這個是盲目 update package 的其中一個壞處, 常常不知道自己幹了甚麼.

在元朗西鐵站買 4 月份月票, 無奈地行了 1.5 個月台.

Music

• Joy Divison - Love will tear us apart
• Travis - The beautiful occupation
• My dying bride - The sexuality of bereavement

病. 討厭自己的工作. 不知自己在做甚麼.

晚上找了一點 joy divison 的歌, 及一些迷失天使城內的歌.

係咁咳...無哂氣. 返工都係唔想做野, 又改 stress test script 同埋 prototype. 早上因為一舊 2g 既 S, 而展開了關於 RS 既 best practice 討論. 食飯期間繼續進行.

假期後返工第一日就俾病魔打敗...

八點就起身同 mother 食早餐, 食完番屋企都係 hea 下 hea 下咁. 訓多一個鐘後就寫左迷失天使城既 movie record. 仲一路同 raymond 講希特拉 tim.

之後去左沙田, 係 hmv 買左黃士地及七俠四義.

上午去了拜山, 在灣仔食飯後, 便去了尖沙咀行街. 晚上食了一些健康食物. 回家後看了金像獎, pancake 拿了最佳歌曲, 勁! 真的很想看柔道龍虎榜及旺角黑夜, 有無好心人可以借俾我? 原本寫了一個關於近日台海兩岸的感想, 但最後 delete 了, 因為覺得根本不值得去記下一些不漂亮的手段.

九點多便醒了, 寫了兩個 movie record, 睇了很多電視, 食了很多瓜子. 係屋企自由自在無野做, 就好像水母一樣, 感覺十分好. 和 mother 午餐後便出街了.

去了尖沙咀睇 obey 的展覽, d 畫好型, 好靚. 之後看電影節第三部戲, woody allen 的美蓮達與美蓮達. 完全無失望, 超級好睇, 勁爆笑, 內容及手法都出人意表. 第日正式上畫一定要推介俾所有人, 實在係太正. 之後食新加坡餐廳, 好食, 遇見一藝術界人士, 但實在想不起他的名字.

天使覺得美蓮達與美蓮達太好看, 即日買左 woody allen 幾十年前既名作 Annie Hall

訓到十一點, 開心爆. 無厘頭睇左成個鐘鋪, 好耐無看檔了, 還是很喜歡看客人的反應. 下午去了觀塘行街, APM 咩都未開, 無野行. 係工廠區亂行, 最後先搵到 d 倉係邊, 行左成十層樓, 係 adidas outlet 買左個靚袋, 自己係 d 盒度搵新貨, 真好玩. 見到 d vans 都幾靚. 之後係觀塘食上海野, 唔好食.

今晚係文化中心睇電影節既第二部戲, Wim Wenders 的迷失天使城. 部戲既意義都是利用戰爭後對人既影響表示反戰及展示一些美國國內的低層人士. Wim Wenders 一直被稱為公路電影的大師, 都唔知咩係公路電影, 不過呢部戲有好多都係車內和公路上進行, 而且拍得那些無咩人既公路及小鎮很有味道.

呢排睇咁多戲, 都唔知幾時會寫 movie record...

番工, 有野做, 但唔想做. Mortgage 既 UR, 實在係難明. xdea 一干人等造了一個勁多色彩既 notes. 放工後開了一個鐘會.

晚上看電影節的錫錫又如何, 很好呢. 導演還是有雙失 16 歲那種真實感, 但節奏明快得多. 故事有點像我愛碧咸, 都是種族, 家庭和愛情, 再加上宗教及音樂, 但終局沒有那麼完美. 愛情線 (絕對是主線)還很感動呢, 性愛場面也不少. 第一次看電影節的電影, 感覺很好呢, 大會堂全院滿座, 完場時還會拍手呢. 離場時有人說看見張曼玉, 但我只看見黃志淙.

一早番去就等睇昨晚 load runner 的 result, 睇完好似無咩事. 完全無心情做野, 成日都係 hea 下 hea 下咁. 再改下份 edr 就俾左 jessica. prototype 又改! 公司傳出 "Stop! Where is my dick"-mania, 當中以一吳姓男子病情最為嚴重.

回校測驗, 先吹一個鐘水. 七點半, 測驗開始, 頭三題和 sample quiz 一樣, 只是數字唔同了, 三題同估 90% 分數. 第四題和 sample quiz 的第四題都是証明題, 俾 mcc 估中出邊題, 但我都係唔識做. 第三題在最後收卷前發現一個令我痛苦了很長時間的錯誤, 停筆後改正. 八點半, 完, 預測全班分數 90分或以上.

晚上勁食瓜子, 正!

我垂死的新娘, 柔軟的地下組織及涅槃正在嘗試把我拉回來.

叫 pdc 做 prototype, 來來回回講好多次先做到. 要寫 account conversion 既 EDR, 完全唔知寫咩好, 唯有亂寫. 又因為 stress test 而遲走, 經常性都唔知自己做緊咩同等緊咩既一個 testing.

不太累, 但都係無咩心機去溫書, 明天便測驗了.

唔想番工呀~ 成個上午都無野做, 交左 fyp proposal, 個 topic 名好長. 下午做 stress test, 死哂. crypto d 數都唔知點計, send 左個問題俾 tutor 姐姐, 佢話係佢錯, 有 revised version, 但係死 link. 無奈.

放學上日文, 唔記得拎日文書, 測驗勁低分, 好耐都未試過咁低分, 重要係抄人既. 上堂勁訓.

呢幾日經常想起 richard ashcroft 既 alone with everybody 入面既歌, 一隻買左 5 年幾既碟, 幾年無聽過, 星期日早上重聽.

• Richard Ashcroft - I get my beat

九點幾竟起身溫 crypto, 睇埋 digital signature 份 notes, 覺得好似呢幾課講既野都係差唔多, 好混亂, 睇左 tutorial, 最無信心都係 number theory. 而呢樣野係 crypto 係十分之重要. 食了死仔面便去街了.

原本計劃今日上青衣 d 山睇青馬大橋, 但係昨晚 lee hang 提議去馬灣重正, 有高人指點, 梗係照跟. 係青衣地鐵站有巴士去馬灣, 十分鐘車程都唔駛. 馬灣是一個很細既島, 以前以漁民為主, 而家因為起左珀麗灣, 所以多左好多人. 島上大致上分為兩面, 一面是很新的珀麗灣, 另一面是傳統的漁村, 成個島都有好多個靚角度望青馬和汲水門橋. 見到那些漁排及漁船, 還有那些寫著"進入後, 後果自負"的村, 感覺很不錯. 在海邊的民居走過, 真的有點像流浮山, 都是以漁業為主吧.

經過一些沙灘, 便返回珀麗灣, 行左陣便返回青衣城了. 在玩具反嘔城抽了三隻叮噹, 在三聯以 $13.5 買了孫中山先生的著作, 三民主義. 在荃灣想再買電影節的票, 但已經買唔到了, 反應真熱烈.

回家後睡了一會又讀 crypto 了, 很難呢!

十點多起身, 溫了一些 crypto, 又測驗了, 好像測驗是不會停的, 只是兩科已經這樣. 在家食了面後 (不是死仔面), 便去了電影中心和 vincent, lee hang 睇希特拉的最後12夜, 感覺很沉重呢, 從未看過一部戲有這麼多人自殺, 整部戲也充滿著死前的神經過度, 有人說這部戲意圖令人淡忘德國人曾經做過既大屠殺, 但我想也是不會的, 戲內只是講一班戰敗者, 並沒有任何支持他們的意圖. 太多人自殺, 三條友睇完都無野講, 太沉重了.

之後去了食澳洲牛奶公司, 很有性格及速度感呢, 會俾伙記呼喝, 要用急口令落單...但 d 野食都穴係唔差, 塊多士勁厚, 煎雙蛋都唔錯. 之後番屋企都無咩心機讀書, 結果十二點九先開始讀, 讀到二點訓覺.

唔知醒, 遲左 3 個字起身. 番到工, 今日 jessica 無番, 變左 eric 追收 prototype, 我再追 pdc. 下午終於放左上 PDC server. 偉大既 malcolm, 將 disposal 個堆 setgroupstate 既 javascript 改威良到由 11s 變左 4s, 勁! 唔知點解我個 digester 同 formattor 好似有 d 問題, 讀唔到 attribute, 都唔知係咪新 program 攪死左.

放工去旺角, 終於買了 crypto 正版書, 又無左兩舊. 係波鞋街見唔到心水黑底白間 adidas.

在西鐵上, 身邊的人竟然在聽同一首歌. 地球是圓的, 向左走向右走, 都總會遇見. 火車的兩條路軌卻永遠不會相遇.

近日很想重看村上的1973年的彈珠玩具, 尋羊冒險記和那些短篇集...另外亦很想看原氐物語...但是長征其實還是未看完的...如果可以在休息的時侯靜靜的看書便好了...真的甚麼也不想做.< /p>

晚上讀 crypto 直至一時, 有了書, 對一些細節明白也是多了. 陪伴我的是 Tribute to AMK

今日 lovely mother 幫手去買電影節戲飛, 佢咁醒, 當然係順利完成. 今日將呢幾日做既 wish list turn 哂出去, 以防我失憶唔記得. 但係個 formatter 好似有 d 問題. 叫了 pdc 們幫手做 disposal 的加速. 今日要係 eric 前面個位度 cert 機, 勁驚.

放工, audit 今晚 quiz, 大家也好像完全唔識, 測驗結束後全部人一齊爆粗, 之後去左 SSP 食糖水佬, 食完勁眼訓.

只係睇左一課 crypto, 都唔係好明. 要努力.

聽著 last smile, 好像所有人和事都有身邊流過, 就像在行駛中的列車上.

我的正常工作終於回來了, 還是最喜歡做開發的日子, 之前是 R2, 現在是 R3. 今天完成了大部份未收到錢的 wish list 項目. 亦開始睇新 screen: one number conversion, RCF 及 MCS 的 UR 和睇 pdc 們做的 prototype, 他們的效率真的很快.

番學食 canteen 車仔面, 好耐無食過了. 上堂同以往一樣, 第一個鐘訓, 第二, 三個鐘吹水. 完全唔知教咩. 又繼續搭車睇 paper. 希望可以訓少 d, 溫下書 la.

老鼠愛大米

成個上午都在攪 disposal, 個幾百個 field 真係好煩. cas r3 既開發開始了, pdc 們已經在做 one number conversion 及 rcf 既 prototype, 要 QA 佢地, 但係我都未睇過個 UR.

重未開始寫 R3 既新 program, 但係已經做既 user 既 wish list, 全部都未 quote 到錢, 所以可能最後做左唔出街. 根據現時既 schedule, 七月我地 placement 走既時侯就係 R3 uat cycle 1 既時侯了, 一年其實很快. 時間原來真的可以很快, 二零零五年三月十五日, 我發現, 原來, 時間就是這樣...

下午勁開心, 係咁睇電影節有咩戲睇, 好多好多好多戲都想睇, 選左幾部, 可能要連續幾日睇幾部戲, 一日一部, 係就好 la, 都未試過咁開心.

Love Psy. 的 Last Smiles, 聽得很感動, 有一種人生就是不斷失去和擁有的感覺, 雖然我完全唔知佢唱咩. 近日看到一個 bra 廣告 - 這就是妳的第二個面孔, 到底甚麼時候才可以懂得甚麼是尊重...聽著 portishead 的 glory box 和看見這個廣告, 竟然令我想起 fight club 的反社會主義, 破壞一切, 反到你的頭上.

晚上的測驗一如所料, 完全唔識, 但分數應該唔低, 真的想死.

八點半就起身, 幫阿哥整好部機, 再教埋佢用, 十點半先開始溫日文. 溫極都係好快就唔記得 d 生字. 同 mcc 討論一些 elective 既野, 諗法都幾相近, 好多科都想讀, 好多想讀既科最後都唔開. 阿 king 話自己好黑, 我話黑完就會好.

四點幾就去了尖沙咀, 係山林道大盛食日本野, 真係幾好食. 之後行去 poly 諗住偷偷地入場睇 bandshow, 點知圍哂場, 重勁多保安, 睇唔成...真係可惜, 今日有 dj tommy, mc yan, king ly chee, fama....因為太失望, 所以之後變左無面人. 之後行番去尖沙咀食雪糕, 正

長週, 番工完全無做過公司既野, 做左 d econexp 既野, 溫日文. 重係第一課. cs dept 攪左個 survey 選下年既 elective, 好多科都想讀, 多左好多 security 既科, 有個新 stream information security, 好多人都對 security 有興趣, 但係唔知點解今個 sem 又咁難搵人一齊讀 crypto...不過 crypto 都唔係 IS stream 既科.

放工拎野俾 uncle and auntie, 之後係 cwb 食澳門茶餐廳, 食到想嘔. 勁冷, 番屋企, 但係都係無溫日文. 寫左份 doc 教 brother 用電腦. 聽日佢就拎走部機.

近日 mp3 機內的是 portishead, eels 和 g3. 正!

一早番工, 就係九點前攪好 uat sas, 今次做既 amendment 係最大既. 要改 jsp, java 同 db, 勁驚攪死 uat 場. 前幾日做 benchmark, disposal 勁慢, eric 下令追查, 和 malcolm 發現原來是長達二千多個字咁長既 onload javascript 出事, 呢一版有成百幾個 field, 要做到最多 4 層既 dynamic enable, 慢係絕對正常. 之後 eric 建議將 user 既等待推遲, 要開長版 disposal 先做野, 放工前大致完成. 但無人得閒睇. 所以準時閃. william san 請食三保, 正!!

在家為 brother 部機裝左 d 野, wallpaper 都是求其地搵左張陳年 twins 相. 天氣又潮濕了...今日完全無搵日文...必炒...

一起身就肚痛...今日終於可以行到 cas stress test 既 script, 順利地係上午準備好, 但係唔知幾時先到我地 team 用 load runner. 中午和家姐食午餐, 當然係有大食大. 下午又做 benchmark test, 今次係 non fei 既 cas, 尚算順利.

晚上 sit audit, 無咩心機溫日文, 訓左個幾鐘. 之後而家等緊陣間開 xdea 會....好累呀~~~

呢幾日食早餐都食到好飽, 成朝都好精神, 不過下午就勁累. 一早就寫左 sas 既 db conversion script, 不過要等 sas uat 完左先可以放上去. stress test 既 script 成日都無得試, 寫左都唔知 run 唔 run 到. 下午講左好耐都未係好清楚新 proj 要做既野.

放工食金家樂下午茶. 重以為可以食番一次正常既西多, 原來都有 d 唔正常, 不過個樣好靚. 番學上 crypto, 又勁訓. 上常和 mcc 計算我們的一個鐘有幾多錢人工...

今日天氣終於無咁冷 la~~~ 上午都重好有精神架, 不過下午就頂唔順了. 上午前攪了一些 econ school, 但 upload 唔到 file, 唯有停工. 中午前終於收到 sas 個 jar, 原來重要改 db 架, 要寫 db script 改 production 呀. 下午開始攪 load runner 既 script, 好煩呀, 都唔知自己做咩, 多得 kalee 幫手, 不過最後都係未攪好一個.

fyp 可能同 mcc 一齊玩 sketching, 不過唔同 topic, 但係我地都唔知咩係 1_1 同 0_1...轉了 beach 的 ost 入 mp3 機.

非常順利地完成了 benchmark, thx kalee 的幫忙. sas 被我發現了一個 production problem. 呆等 pchan 的 jar 才能完成. 玩緊 load runner 既 script, 幾好玩. malcolm 升左, crms team 而家有一個 aip, 兩個 sio, 兩個 pdc 和一個 student.

放學上日文, 無咩點訓. 上完落 lab 和 xdea 人講 econ school server 既 setup 同新接既 project.

希望, 可以開心一點. 謝!

起身後便使用了昨天買的 lcd mon, 很靚靚. 中午食了盅頭滑雞飯, 正. 食飽就溫了日文, 要很努力才可以追上呀. 之後去了 ssp 拎現金卷和交保用証. 晚上看金紫荊, 彭浩翔有最佳編劇呀, 功夫做埋最佳電影呀!!!

朝早 hello kitty 俾番 vincent 本 acct 書我, 好似好耐無見了. 還好吧.

下午在中環及灣仔閒走. 之後和 brother 在黃金買了 lcd, mouse 和 keyboard. 二個人好豪氣咁食左百幾 $ 打冷.

今日好似好多野要做, benchmark, stress test, sas, 但最後無一樣可以順利進行. 放工後和大同打邊爐, 慶祝 abby 同 eric 生日, 點知 abby 一開始打就眼痛, 走左. 間打邊爐唔係好得, 都係元朗打最好. 之後 eric 請食意大行番茄, 豪氣!

近期好像對所有事情都失去了興趣.

終於攪好哂部 drill 機, 勁玩野, 第一次落 monthly data, 落左五個鐘都未完, reboot 之後再試, 半個鐘落完. 高層們完成了 crms team 的 handover, 原來我地 team 下年唔會請 student, 所以我係最後一個. 同埋第日轉左 dept, 我係唔會有 mainframe 既 account, 即刻我轉完 dept 之後就等走. 灰.

晚上 xdea 集會, 商討了那些新 proj, 得個講字.

MP3 機內的是 love psy, 范曉萱和 my dying bride, 太唔一致, 訓唔著.

番工都係攪部 drill server, 部 backup os2 死亡, 轉左去另一個 lan 之後再轉番轉頭又無事. 攪到無時間上堂前食野. 番學上 crypto, 今堂係 prof. yao 教, d 英文比 prof. deng 好好多, 勁快, 但我勁訓. 派番上星期的測驗卷, 除左粗口, 都唔知講咩好. 林晨係上堂期間唔知點解出現.

春天的早上, 五年前的這個早上, 我起床後第一件想到的是甚麼?? 已經完全唔記得了, 日子, 便是這樣過去...

番工無野做, 快要悶死, 約了 dr. poon 5:30 在 city, 但差不多 4 點幾先知要 clone 個 lan 做 drill, 5:10 離開, 5:35 前到達 city, 快!.

決定了跟 dr. poon, 但還需在兩個有興趣的題目中選一個. 之後和天使及小強食又一城. 進入了搵 supervisor 的火熱期.

謝 vincent 給了 love psy 的歌我. 有個 mcc 和 patpat 同村既人 bid 左我隻 chemical brother. 好耐無發市.

上司的一位家人過身, 生命無常, 要珍惜生命. 不要浪費自己, 不要讓錯事繼續錯落去. 影響的, 不只一個人..

傑仔和 leo 都給了一點 fyp 的意見, 謝, 我想我已經放棄了其中一位 supervisor. 問了日文 dept 關於 late drop 既事, 有點被玩既感覺.

回家時聽了一點 20 Centery Boy 和 Baby's on fire, 很好火呢. 之後便是安靜, I love my car, Good or Bad.

如果有任何人知道我的迷幻列車 vcd 身在何處, 請通知, 謝!

找了一些 mp3, 晚上食了藥在床上, 聽著 joy division 的Atmoshere 和 pulp 的 mile end, 感到連日食藥, 好像手指尖的彈力都失去了....在床上, 感到身體內的變化, 一堆肥肉, 這便是我的生命...Life goes wrong, but life goes on, what a pity...

九點幾便醒了, 睇左勁少 superscalar, 睇了新不了情, office有鬼. 食完飯便出了尖沙咀, 係無印買了件外套, 好抵呢. 行了好耐, 食左唯一面, 食埋 jj 整既 muffin, 很不錯呢. 之後去左睇畫展. 很型呢.

起身番工, 好唔舒服, 係咁咳. 成個上午完全無人搵我做野, 只係 sent file 去燒. 中午去左油 ma 地間美都餐室食, 好多戲同電視係度取過影架, 大傷風, 食咩都無味. 食完去電影中心拎左電影節本書, 之後肚痛搵廁所, 只能講說, 形勢比人強, 重慘過迷幻列車.

去完之後, 更加不適, 決定番屋企訓覺. 訓到七點. 好似死左咁. 晚上係阿哥部機度換左個火牛, 開得番, 真係火牛燒左.

好濕呀, 一早起身望出街, 咩都睇唔到呀, 即刻用電話映左幾張相. 終於記得拎 ai notes 俾阿南, 有 d 感概, 原來自己對 cs 好多個 area 都幾有興趣, 好似 os, ca, ai 咁, 但係第日做野又似乎無咩機會再用到, 好似有 d 可惜咁.

番工都係無咩做, 又 clone 左部 NL5. econ school 個 proj 好混亂呀, 一個咁少錢既 proj 都搞到咁煩. jj 係 chatroom 扮係我, 自己同自己講野, 我唔係位, 一埋位睇到就勁笑, 之後 logout 埋, 最搞笑係 kalee 以為爆哂粗個個係我, 其實個個係 jj 扮緊我.

放工去了食台灣下午茶, 飲完杯熱 milk tea 後便勁想嘔和肚痛, 我都係唔適合飲台式飲品. send 了 dist compiler 的 idea 給 ckpoon, 反應一般. 重係困惑緊係兩個人之間, 今日的心情比較想要 issac, 他的題目始終是較有趣, 及日後真的很難有機會接觸 processor architecture 同 instruction set 既野...

A simple life. Hardcore for something. Happy for something, sad for something. With family, with friends

一起身, 成地水, 屋企入面四面牆天花地板都係水. 住左咁多年都未試過咁可怕. 早上一個人在南昌西鐵站 hea 行了一會, 感覺不錯. 我將會跟住 crms team 進入 CBD, 遲下將要學習使用 mainframe. 落了 7/f production server room 睇番 SD 既 log 計 network 既 bandwidth, 勁型, 好似好高科技咁, 要過幾道閘, 又要俾燈望, 間 room 重要勁冷.

放工意圖回家休息, 可惜太多水, 要吸水, 攪左成粒鐘就要去收檔. 街上天氣還不太差. 很累, 但好像放假做清潔, 身心也好了. 今天只食了兩次藥便無食了, 買了一些楊桃食. 飲多 d 水同食生果好過食西藥 la.

呀, 又病 la, 係咁咳, 頭暈暈腳軟軟咁呀...下午請了假回家訓覺. 晚上番 city 睇醫生和測驗. 有病在身, 測驗時個頭勁痛, 但好在大部份都算識做, 真係要唔該哂 alan 糖幫我搵左個計 mod 的 function 咋, 好有用呢!!! 之後上 tutorial, 同 mcc 吹足一個水.

番到屋企, 好濕呀, 塊牆濕到滴水呀, 好得人驚呀, 好似住係水底咁!!!

番工寫左份 cas 既 contingency test cases, 係咁俾人話寫得求其. 又做左一次 SD 同 clone 左一部老爺機. 六點先走.

番屋企溫 cryptography, 都係係屋企溫最好, 聽住 metallica 黑碟, 好過係公司溫.

很冷呢, 番工都係做 SD 和試下 CAS. 諗了一個 FYP 的題目, 好像很有趣, 但自己對 dist-system 和 compiler 都不懂, 有點危機. 不知 ck 有無興趣做我這個題目的 supervisor. 只是溫了一點 cry, 星期三便測驗了. 晚上上日文, 原來我抄功課連人地個名都抄埋.

Music

• Sex Pistols - Nevermind the Bollocks (album)

冷, 九點多便起身去拜山. 之後去了牛池灣飲茶. 係 sister 屋企坐左陣. 番屋企讀 cry 及整 brother 部機, 仲係未上到網. 抓了張震嶽的自由來聽, 找不到李心潔版本, 但抓了李心潔和劉若英的 Good Or Bad 來聽, 很柔的感覺, 歌詞也很有意思. 但近期最愛的, 還是 common people 的歌詞 , 真的聽到會哭了.

一起身已經差唔多十一點, 想溫書都無咩時間, 重裝了 brother 部機既 windows, 食飯係屋企睇了一部港產片 "Office 有鬼", 都幾好睇.

係 GH MK 睇在世界中心呼喚愛, 影色令人想起岩井俊二的電影, 畢竟也是同一個攝影指導篠田昇. 反而故事老實是有點失望, 在一些傷心位反而傷心不來, 較深刻是男主角在中前段重回一個個舊地的回憶. 片未的土人更是格格不入, 有點攪笑...

實在係無野做, 溫習 crypto 又不上心, 只好玩 alan 糖的 chat room, 起了 server, ng, kalee, sheep 和 _kk_ 都進了來. SD 在轉回舊的 frontend processor 後, 成功完成了只有一個 target server 的傳送.

下星期三便測驗, 發現自己根本無時間在家溫習, 只好希望下星期一至三在公司也極閒吧. 又在想 fyp, 如果跟 issac, 主要會係要 solve 一d supersclar 既 Parallel Processing Problem, 幾有趣, 但主導權會係哂佢度, 可能只係一味幫佢 implement 佢既 design. 如果跟 ck poon, 自己既參與應該會多 d, 亦都無咁緊迫, 除左學到一 d techni 多, 亦會較感受到 project mangement.

上午又做 ＳＤ，set 了 3 個 lan 的 config 做 100mb 和 full duplex. 但又失敗, 原因不明, 畢竟 SD 涉及既部門實在太多, 在溝通上十分困難, 次次都有點兒不協調. 終於 run 到 cas 了, 之前的問題是 jar 內有 java 檔案, 似乎 wsad 5.1.2 是不容許的.

晚上和 patpat 去搵 issac, 好一個完全在被動的對話, 佢話我無 background knowledge 做 motion prediction 會好危險, 做 processor design 會好 d, 被考起已經忘記得七七八八既 CA, 佢話佢有 d superscalar 既 architecture design, 可以搵我地寫 program 做 simulation. 之後就叫左我番去睇書, patpat 番去睇有關 motion prediction 既野. 跟住就叫左我地走, 叫 patpat 下星期搵佢, 我就幾時搵佢都得. 都未同佢講 software routing 既野. 雖然 processor 既野好似幾好玩, 但係 issac 似乎真係好似傳聞中咁, 視常人為機械人, 第一次見面就要我睇本咁厚既書, 重好似已經定左我地一定跟佢咁, 好驚驚呢~~~

上午又做 ＳＤ，set 了 3 個 lan 的 config 做 100mb 和 full duplex. 但又失敗, 原因不明, 畢竟 SD 涉及既部門實在太多, 在溝通上十分困難, 次次都有點兒不協調. 終於 run 到 cas 了, 之前的問題是 jar 內有 java 檔案, 似乎 wsad 5.1.2 是不容許的.

晚上和 patpat 去搵 issac, 好一個完全在被動的對話, 佢話我無 background knowledge 做 motion prediction 會好危險, 做 processor design 會好 d, 被考起已經忘記得七七八八既 CA, 佢話佢有 d superscalar 既 architecture design, 可以搵我地寫 program 做 simulation. 之後就叫左我番去睇書, patpat 番去睇有關 motion prediction 既野. 跟住就叫左我地走, 叫 patpat 下星期搵佢, 我就幾時搵佢都得. 都未同佢講 software routing 既野. 雖然 processor 既野好似幾好玩, 但係 issac 似乎真係好似傳聞中咁, 視常人為機械人, 第一次見面就要我睇本咁厚既書, 重好似已經定左我地一定跟佢咁, 好驚驚呢~~~

終於 set 番好過 wsad, locate 到個 db 了, 但係 MQ 死左. 中午在街上看見很可怕的場面, 兩隻狗在進行中時不能分開, 真係好似mcc 成日講, 蛋蛋都縮起來. 另外重落了 NOS 做怖影板.

上哭堂, 教 number theory, 完全唔識, 大濟到爆, 下星期三測驗.

Music

• Pulp - Common People (在知道這首歌講咩後, 更加喜歡)
• Radiohead - Exit Music(For A Film)

又多四封利是, 成日無野做. 4:58 SD production 死左, 要過 NWS 搶救, reboot 後回復正常. 5:45 放工. 想搵 Love Psy 同 Verve 第二隻碟既歌, 但失敗.

晚上在另一部機裝了 win98, 但唔知點解上唔到網.

一早番工, 逗利是, 增派 12 封, 公司總數有 22 封, 真係正到爆, 重上埋 12/f 逗, 氣勢超勁.攪左輪 cas, 都係未 locate 到 db. 之後落 NOS set TD. 下午都係. 之後 ghost image.

上日文, 勁訓. 原來, 我真的很幻稚.

中午係中環蘭香園食雞排撈丁, 冷奶茶幾好飲. 之後上左山頂, 好耐無坐過纜車. 山頂好多人, 幸好今日都算好天, 有風景睇, 不過好大風. 係纜車企頭位落山, 成個人斜哂. 之後係中環行左陣, 就行左去西環, 海味街全部未開, 又去西港城, 頂樓開了一個跳x市場, 賣一些手工藝品, 畫, 書和 cd. 畫很靚, 但勁貴. 看了一點大友克洋的漫畫書, 內容令人驚訝(食人, 強姦失敗被少女戲弄, 4仔男主角在片場未能起頭...), 場內竟然有得賣 huh! 的 cd, 但幾貴, 所有無買. 最搞笑是有大量 $2 一條的性感 under, 似係裝飾多過賣.

之後係銅鑼灣 hea 至食飯, 食了笑笑, 份量很少, 但味道還不錯. 坐船去尖沙咀, 終於在 United Color of Benetion 看了 Cream 攪的 "LIFE IN A BOX" exhitbition, 很有趣呢, 展品是由 cream 雜誌寄了一堆物件給世界上不同的藝術單位, 又他們自由發揮, 再寄回香港. 最喜歡的展品是那個單位將收到的物件拎去一個賣物會和別人以物換物, 再以相片記得過程. 雖然件事好似好無謂, 但其實幾有意思呢, 就像將一個小事不斷擴大, 最後影響了很多人的生活. 個展覽 2 月 25 日就完, 有時間就去睇下 la~~

一早番工, angel 唔舒服, 要小心身體呢! 第一次番工收利是, 很有趣, 排隊豆利是, 收了七封, 加埋上星期的, 在公司現在總共收了十封~~~

放工食飯後, angel 回家休息, 和 vincent 在旺角爆 hea, 在球場睇人踢波, 之後打了兩場籃球, 個波超彈. 之後會合 eric 和 angel 行去九龍城, 搵埋 ka lee, kaho 和 william 食打冷慶祝 william 生日, 之後 william 請食糖水, 正.

Music

• Nirvana - Bleach

在家 hea, 早上和家人看了天下無賊, 不錯呢. mother 中午整蘇角, 好好好食! 下午去了尖沙咀買了點東西. 回家後看了講意大利北部的 lonely planet (其實現在好像改了節目名, 但無所謂 la, 反正大家都知道), 之後連續兩星期看了一個新節目, 是講一個美國家庭式公司, 專改一些美式大形電單車, 幾有意思, 組合一部奇形怪狀的電單車及父子間經常出現的火爆對話和日常生活.

今天看了很多長征, 還是沒有溫習日文及哭(CRYptography).

Music

• Eels - Daisies of the galaxy

今天北上陪阿哥睇電腦, 早上起床後在家寫了 movie record 才北上. 過關超順暢. 中午食蘭洲拉面, 正, 落單後, 小師父即場將面粉係咁又拉又打, 最後將一大團面粉變成一條條面, 便落水煮熟, 好味. 另外亦食了肉加模, 是一種有羊肉粹的飽, 飽很軟, 很香. 很可惜, 新年繼續大哂, 華強路所有電腦零件店都休息, 只有一些大形的店, 只賣廠機, 很貴呢. 之後行了一會萬佳(比百佳勁 100 倍) 便返港. 買了天下無賊和 closer 的 dvd. 過關比今朝更快, 香港關完全無人.

恭喜發財!!! 身體健康!!! 世界和平!!! 以巴和平有新進展, 希望世界真的有和平, 所有人都咁開心.

跟了 auntie 3 和 uncle 7 去拜年, 香港一日遊. 九點的銅鑼灣已經有很多店鋪關了門, 新年大哂.

香港一比七巴西, 香港隊好野!!!

年三十了, 天氣很好呢, 很愛這種天氣的晚上六七點, 很舒服, 很清楚, 很懶~~ 早上打了給 prof chan, 說話很快呢. 又攪 SD, 煩. 那些 flash 故事明天便到期了, 辛苦哂所有組員了!!!

今年元朗的花市轉了位置, 當年和中同們玩煙花的地方, 現在成了花市. 屋企附近即刻無咁多人.

在初春的晚上, 在山上看到, 滿天也是星星, 聽著小王子, 晚節不保...要想清楚自己的去向, 要了解自己要到達的位置, 要珍惜身邊的人, 要開心.

今天 cas release 2 食飯, 去了尖沙咀美麗華樓下食自助餐, 好多野食, 甜品同雪糕都好多, 但其實味道一般.

放工前被叫去 NOS test cas+fei 的 uat enviroment, 六點閃人. 在旺角食飯, 行了一會尖沙咀. 眼睛有點痛, 可能看得太多妹妹了.

年廿八, 大掃除. 天氣很好, 很好太陽, 很大風. 把污穢和混亂都吹走. 找了一些 Belle and Sebastian 來聽, 很清新呢~~~今天看了很多"長征"呢, 但還是沒有溫習日文, 哈哈哈.

下午去左跑馬地食祥興咖啡室, 有好多明星簽名, 但食物非常之一般. 下次去試下新祥興先. 之後去左大一睇鐵人兄弟 12" 展覽 - "活動人形", 見唔到阿雞, 但係見到鐵人既 william, 今次無搵佢簽名.

行維園花市, 都幾多人. 之後去灣仔同埋 jj 和 kl 食面, 之後去金鐘睇"小飛俠前傳之魔幻童心", 講幻想和不會長大的人, 都幾好睇, 可能因為我也是好像不會長大吧. 之後去西環西港城食滿記, 間野 d 餐具好可怕.

又係 SD...好似已經攪左幾星期...都未見過 d 咁煩既野. 我係 hsbc 既去向都重係一個迷. 好累呢, 勁潮濕, happy friday 都頂唔順. issac 叫我打俾佢, 都唔知點算好.

今日又攪 NCC 部機, 其實呢幾日整整下, 已經係將三部機既硬件撈埋哂用, 勁混亂. 放工前終於順利完成一次 SD. 得到可怕消息, 我有可能唔跟 CRMS team 上 CBD, 要留係 CBW, 係就慘 la, 其他 team 未必容許到我咁 hea 爆既工作態度. 就快又要 benchmark test, 準備左 d test case 同 account, 希望到時唔駛我做, 因為真係勁煩.

原本約左 prof chan 六點幾, 點知六點半佢又唔係度, 太遲我又驚無時間, 因為約左 ck poon 七點, 結果最後無搵 prof chan. 七點去搵 ck poon, mcc 同 sam 都勁遲到, 同 ck poon 吹左陣水, 佢都係講下有咩 on-going 既 project 有咩可以再發大去做, 同埋講下以前 kit 仔同阿強佢地做過 d 咩咁. 講左差唔多兩個鐘. 最後我地都係未做到決定.

之後食 m 記, 唔小心欺騙左一個芝士漢堡.

成日都係攪 NCC 部機, 煩爆, 部機勁多問題, cdrom 壞, lan 卡又壞. 原本諗住 cert 部新 server, 點知下午唔見左部機, 真係搞笑. 放工五點正俾人叫去開會,crms 連續兩星期初都有 production problem, 因為 user 太多, 所以部機頂唔順, 估唔到 crms 一個鐘竟然有接近 5000 個 hit. 開到六點半先走得.

原本諗住同 mcc 六點去搵 ck poon, 咁遲走, 所以無去, 而 ckpoon 亦唔係度, 搵佢唔到. 因為太遲放工, 所以同 gelgel 食埋飯先番去上 tutorial. 訓左陣.

今日 clone NCC distribution server, 一波數十折, clone足一日. 放工前因為 crms 死左, 所以唔駛做 SD. 放工食豆腐花和三寶, 正!

今日 mother 生日!!! sister 回家食飯. 晚上找了一點 the smiths 的歌來聽. 小石今晚回台北了, 呢幾日都無陪妳去玩, 無盡地主之宜, 真的有點過意不去呢. 希望妳呢幾日係香港都玩得開心 la!!!

Music

• The Smiths - I know it's over
• The Smiths - There is a light that never goes out
• The Smiths - Queen is dead