今日 iad present, 尚算順利, Eric and Vincent, Thank You!!!

晚上 6:30-7:30 都在檔口看小新和行來行去睇女仔...我最喜歡這種在唔太得閒的時侯做這些事.......不過連身在澳洲的阿瓊都叫我要快些溫書了...陣間溫一些 AI 吧...

Every Little Thing

我還會因為她的一些小事而很傷心...成長是由很多痛苦和快樂合成的吧, 真好玩

pkau send 了這個給我...內容是:

---

1. 遇到你真的愛的人時 要努力爭取和他相伴一生的會 因為當他離去時一切都來不及了....

2. 遇到可相信的朋友時 要好好和他相處下去 因為在人的一生中.可遇到知己真的不易

3. 遇到人生中的貴人時 要記得好好感激 因為他是你人生的轉折點

4. 遇到曾經愛過的人時 記得微笑向他感激 因為他是讓你更懂愛的人

5. 遇到曾經恨過的人時 要微笑向他打招呼 因為他讓你更加堅強

6. 遇到曾經背叛你的人時 要跟他好好聊一聊 因為若不是他今天你不會懂這世界

7. 遇到曾經偷偷喜歡的人時 要祝他幸福唷！

因為你喜歡他時.不是希望他幸福快樂嗎？

8. 遇到匆匆離開你人生的人時 要謝謝他走過你的人生

因為他是你精采回憶的一部分

9. 遇到曾經和你有誤會的人時 要趁現在解清誤會

因為你可能只有這一次機會解釋清楚

10.遇到現在和相伴一生的人 要百分百感謝他愛你 因為你們現在都得到幸福和真愛

.....最後送給大家

請把它送給你的好朋友仔~~ 鼓勵佢地, 令佢地越來越開心.

---

咁我就在此送給所有睇(偷睇)我日記的朋友 la

現在是晚上 12:48, 明天便是 iad 的 present. Eric 果然勁, 一個人搞掂用 rmi 去 update rate. 勁! 希望明天順利. 在 eric 做做下的時候, 同我和 vincent 講話佢要冷靜下, 咁我地唯有去同 "Lee Ka Yan" 和 bonnie 吹水...結果給 bonnie 攪到我前半身係糖, 後半身係水...成世都給她一下子玩哂...最後可憐的我仲要給 eric 話我幫其他組做都唔幫佢.

偉大的神 (ERIC) 解救無知的 VINCENT, 告訴他甚麼是厚黑, 神說要厚如城牆, 黑如煤炭......我只知道厚黑是劉備的厚面皮及曹操的黑心.

在 annie 姐的 info 有以下發現
/*.............. 某某同某某.........唔該自制下............
唔好成日都咁情不自禁.......我想嘔啦 ...............*/
講得真好

 今日上午 8 點幾便起身了, 之後讀了一些 database 及看了一會 NBA 便再睡覺了...食飯後便坐西鐵返學了, 今日來回兩程也搭是西鐵. 西鐵應該是九廣鐵路咁多條線中最多靚女的.

今天 IAD, 我們做了 plot graph, transaction search by date 及試了一些 rmi...有一個重大發現, 就是原來 applet 是不能使用 jdbc 的..Lee Hang 說這是保安問題, 可憐我們攪了很久.

無知的 Vincent 連 厚黑學 也未聽過......枉為一個讀書人...離開學校時去 M 記買唔到雪糕食...但遇見 Chan Hei.

昨晚再次難以入睡, 全日也很倦

今早家中無水, 9 點幾起身後等了一小時依然無水便返學了. 回到 lab 只有少人, 只得 annie 姐一個坐正係門口第一個位, 坐在她隔離後發現某人次次行過都會跟她說話, 她真的很受人歡迎...Vincent 一點前便回來了, 今天和他將大部份的 client page 都轉做 MVC Model...其他時間也是和 eric 討論 RMI 及 Plot Graph. 希望明天可以完成部份新功能

今晚直至這一刻都只是讀了 database 的 normalization, 寫完日記後要再讀多些, 否則不夠時間讀 AI...

William 在 9 點幾打給我問一些 jsp 的野, 期間談及考試後去邊度玩, 可惜無結論...我們要快些決定了, 時日無多...話咁快又要返工了

多謝妳, 昨晚睡得很好

今天 8 點幾便起身, 9點半便返學了, 約了 11 點返 cs dept. 簽約. 回校時在車上遇見儀姐姐. 返去簽的只是接受工作的約, 並不是正式和 hsbc 的約. 和我一起簽的人有 Chris, J, KK, Nam, Kiki, Joe J, Judy, Gary Hung. o棄人居多...

今日係 lab, 我, KK, J, Nam 等人使用 12345678 的名義在蠅的論壇攪了 CS Year 2 型男, 索女, o棄人大選...不幸地, 我在o棄人大選中領先...

今日的 iad assignment 4 進展比早幾日好了少少...將 login 及 user edit info 都轉成 MVC model...一早回校做的成果不錯, 在家做十分煩

今晚溫了 sql, 希望這一兩天內可以溫哂 database...之後要溫 AI, 星期六日要溫 IAD 了.

我發現自己已經開始有 "Fight Club" 入面, Edward Norton 的問題...那就是難以入睡, 唔夠訓, 訓醒發覺自己係架車(or 地鐵)度, 頭痛, 難以隻中精神...

今日番去做 iad....再次完全無進展......當其他組已經開始使用 rmi 的時侯, 我才開始試 java bean...今日用了很長去時間整 java 的 package 及 set classpath....

今晚再次自製腸仔雞蛋炒飯...唔記得落鹽...幸好腸仔本身有味...個炒飯先無咁淡...食飯後用了一小時溫 database 的 ER...遲下全力做 IAD 時, 就無咁多精神去溫書了...

我是唔識寫 program 的...一個 OSP 的 memory.c 竟用了三日...自信心全失...

今日番去開始討論 iad 的做法, 利用搭車的時侯, 重溫了 java bean, jsp, mvc...對於 rmi 的做法尚未清楚...eric 叫我盡快起左個頭, 之後等佢做...

計劃在 summer break 的時侯, 在家中的電腦起一個放相的 server...準備使用Gallery, debain 有 package...到時可能將日記也於在自己的機上...

在 cs lab 見到 chan hei, 問他一些 fyp 的事, 他的 topic 是 junk mail...又係跟 ck poon...這是 acm 人的唯一道路嗎?

今期天下, 無名及慕應雄都死了......

Vincent 剪左頭髮, 我同 annie 姐講只夠能用一個數字去形容, 佢一估就中, 真係勁

今日一早回校做 gym.....一心諗住搭西鐵番學會快 d...點知西鐵真係夠哂快...唔駛半個鐘就去到南昌...點知架由南昌去又一城的小巴...短短的車程...用了接近半小時...結果和平日搭 68m + 地鐵的時間差不多...但車費貴很多呢...

上 database lecture 的時侯, 用了頭一小時自學上星期教的 transaction 那課...之後上 tutorial 的時侯, 我終於有一次係專心上堂的...

和 vincent, eric 等人開始計劃 summer 去旅行, 地點未定...人數未定, 如果你想去, 請同我講

今天是 SEP present 大日子, 我們 SEP L01 全組西服...型爆. 因為完成 SEP 和搵到工, 今天食了很多餐, 我好快變成一名大肥仔.

MT 使用了 seminar 的時間來 test. 我覺得 test 的內容...很o棄呢...OS 的 Notes 我都未齊...就快考試了...

今個 sem 是我最無心向學的一個 sem...無一堂我係全程專心的...無一份 assignment 我係有心機做的...現在真的要努力了...要快 d 做好 os, 再做 iad, 仲要溫書.

祝世界和平, 所有人也生活愉快, 身體健康

近幾期的 milk 都幾好睇, 不過講玩具的版數少了, 但係文化野多了...今期介絡了一本講 kurt cobain 生平的漫晝...其實他的生平, 我幾年前已經知道, 現在再看那一幅幅的漫畫, 心埋有一種不知怎樣的感覺...我會走上那條路嗎? kurt cobain 影響了我很多, 我只是喜歡做自已喜歡的低能野, 請不要埋我.

我是喜歡平淡的, 現在很好, 有很多好朋友, 單身的我重未玩夠

Vincent 今日做了一件他很後悔的事, 就是教了我一樣野...
凸=.=凸

他和 annie 姐都決定做 housing, 我們都是一見就請, 可惜不能成為同事, 一個在山邊, 一個在海邊

以下是今日收到的 email:

---

Dear students,

Now we have the following details:

Battlefield - Baptist U
Date - June 12

If you've guts, please send me an email.

Dr. C.K. Poon

---

這是我的回覆

---

Dear Dr. Poon,

Yes. I have.

Mike

---

今天一早, vincent 來電話 housing 已經請了他和 annie 姐, 但他們都唔想做...

臨出門口番學時, 收到數碼通的電話, 原來抽中我有一個月免費的來電鈴聲, 這一個月內打給我的人都有音樂聽

今日上 sep 的 lab 時, 我們要互相評分.真低能.

以下是今天我們上 SEP 時的座位

pkau	mike
j	nam
joe jay	kiki

當上到一半的時侯, 我, 阿南, kiki 順次序地收到 mandy 的電話, HSBC 的 CBW 請了我們三個...

不過我地三個都有 ibm 的 allocation, 9k 同 7K...不過其實 hsbc 都已經好好, 是我的 first choice...做的部門(CBW)又幾好.

今晚是 AI 的最後一堂, Horace Ip 重溫一次所有教過的野...我和兩個 patrick 好頭好尾, 由第一堂至最後一堂都係上堂睡覺.

NBA 的 PLAYOFF 總是有點令人傷心的...第一圈就是帝王對小牛和金塊對木狼...金塊的 MELO 很勁, 但係今年木狼真係仲勁...今日睇了帝王對小牛, 基斯迪上哂身...安東獲加超廢, 連徐家樂都話佢唔掂. 我是支持 kings 的

今晚很得閒地裝了 firefox 及將 window manager 由 window maker 換成 fluxbox. 第日再加多個睇 newsgroup 的 software 就可以將 mozilla 完全取代.

今天很可憐啊, 給人放飛機. 完全顯示了誰人較重要.

今日的 iad tutorial 只有很少人上, 變成小組教育, 我在 tutor wilson 講了五分鐘後就開始發夢了, 可惜我坐係最前, 想走都走唔到.

得知有些人得到 ibm 的 allocation 後, 餅姐, william 和我就去了搵 mt 理論. 點知 mt 一聽我個名就話我已經有好多 allocation, 而他本身亦準備 send 我去 ibm...搞到我都唔知講咩好.

回家時, 收到信通知下星期 ITSD Interview...其實我不太想做這間野. 除此之外, 我的 CV 亦已經 send 了去證監會, joe jay 問我點解唔識金融野都選擇證監會...這真的是一個迷

現在是下午三點, 因為太好天, 所以忍唔住要寫日記記下.

已經聽了幾小時王菲的歌, 是"愛與痛的邊緣", 還是"執迷不悔" , 定係 "你快樂所以我快樂" ...其實都是因為 "只因喜歡Faye".

ELC Current Issue 的功課進度良好.  希望做完之後有心機溫習.

---

今晚親自下廚, 腸仔片雞蛋炒飯.  幾好食...煮之前得到儀姐姐的教路.  以致一切順利.

今日只是溫習了小小 OS 和 AI...不過執了電腦房...工作的環境是很重要的...

下星期是今個學期最後一個要上課的星期...又有好多功課要交了...都無咩時間溫習.

不久的將來, 阿瓊將會變成一個詳和的老婆婆...

今日陪了儀姐姐去修埋 router, 結果修埋不成, 在黃金買了一個新 router.

食完午餐後, 我的右腳腳跟開始勁痛...之後去了買新鞋 - 灰綠色底白邊的 Puma Suede

在尖沙咀行了一陣, 很大雨, 便回家了.

晚上 download 了幾首歌:
Frank Zappa - Happy Together
王菲 - 執迷不悔
Happy End - Kaze Wo Atsumete

昨晚和阿瓊的對話令我想起執迷不悔...唔知係因為以前的她還是現在的我.

昨晚睡覺前睇了 Milk 介紹 <<台灣春天吶喊>>音樂節, 好似很正, 地點是在台南的墾丁, 肥侯子極力話正的地方...睇完 d 相, 真係好似好正.  香港都有一個玩足一日的音樂節 --- Hong Kong's first PUNK/HARDCORE/METAL festival

今早發現在學校借的 AI 書和 OS 書都到期了, 唯有極痛苦地將它們拿回學校...好重呀...

HSBC 同 CS Office 都未打電話給我...幸好阿南和 kiki 都未有...都無咁驚...

上 database tutorial 時, tutor 姐姐話佢自己都唔係好明自己講咩, 而我地又好似唔係好埋佢講野咁......佢到左 week 12 先發現這個事實...是否太遲 ?

路經 pkau 上 elc 的課室時, 發現多了很多女, Vincent 更睇中其中一個.

原來 ACM 的 World final 已經有結果了. 其實入到 Final 都已經好利害.

今日十一點起身, 食了一個小形午餐之後就返學了. 回校第一件事係去 career center 提取做 a-level 中化改卷員的表格. 上 OS lecture 放 break 時去了拿免費的雞精, 和 vincent 係上堂時一起飲了, 真係好難飲.

全日都在等候電話....對電話鈴聲很敏感....

明天是 database 功課的 deadline, 我現在尚未開始做...家中仲有兩本雜誌等緊我睇...最重要是 icq 上多了一個人...一個在我學生時期中最無聊的中六中七期間, 最爆笑, 現在身在澳洲的瓊小姐...

放學和儀姐姐抽了 8 隻公仔, 尚欠她 10 隻...

今天一早便坐西鐵去 HSBC 見工, 我比原定時間 10:00 早了一小時到達, 在附近的商場行了一會. 在 9:30 便上去了

這個 dept 叫 Call center and banking workstations. 我的 interviewer 在上個 sem 時曾經在 city 開 seminar, 但係我唔記得佢叫咩名, 所以無同佢相認. 在 interview 的時候, 他問了我一些詳情關於 ACM, 問我有幾認識 C/C++, 識唔識 servlet, jsp, rational roses......基本上都係確認番我份 CV 上的資料.

最後佢話如果佢個 dept 唔要我, 可能會有其他 dept 考慮我...真令人擔心.

希望這個 dept 請我吧, 它做的工作好似唔錯, 主要寫 c, jsp, servlet 好似唔錯

Interview 之後去了睇 <<大佬愛美麗>>, 勁搞笑

跟往就很低能地由奧運去元朗換衣服, 再出去旺角睇了陣玩具, 之後去樂富買野去獅子山郊野公園燒野食.

今日儀姐姐做了我的妹仔

明天見工, 準備中.

今日休息了一天

現在是 10:20pm....我尚在 cs lab....還未食飯

---

3 小時後,  我食完飯, 返到屋企, 洗埋澡...

今日是 Joint coding day....SEP L01 Development team 接近總動員出場, 今次個 release 加入的 function 產生了很多 bug, 現在看似最無問題的是阿南做的 undo/redo 和阿 kit 做的 mutil-paste...但在 save/load 及 rotate 時依然係有 bug...

大家也很累了, 連阿 chris 今日都做到係度打機...

仲有兩日便要 interview 了...完全無準備過...只係同阿南及 kiki 交換了一些消息...kiki 說 mcc 的 interview 經驗對我地完全無幫助.

晚餐時, 五個人食了四碟飯, 之後再去了 ok 買了五支野飲...目的是將 mcc 的 錢用哂.

何寶榮 ：「 讓我們重新開始 」.........生命是不是一個 loop.....just happy together....

身體的情況不是很好, 經常都頭痛, 肚痛及無精神....我只是要求一些時間給我讀下書, 睇下電視.....

起身後和家人去了觀塘食午餐, 之後他們去了行 outlet....而我就要返 city 做 SEP...真係慘到爆....我最喜歡行 outlet....

今日的工作是在 pkau 昨晚寫的將 point list 轉做 xml 的 code 加上引用 TA 寫的 recognition 再結合昨天寫的將 XML 轉做 graphic object 的 code......在使用 TA 的 code 時再次出現問題, 因為我們的 code 是沒有分 namespace 的, 導致我們的名和 TA 的 CODE 內的名撞了....最後的解決方法是在 TA 的 CODE 內出現同名的 TYPE 寫明係那個 namespace 的 (即係將全部 Point 轉做 Primitive::Point.)...在 4 點多時基本上我已經將 recognition 的結果show 出來...不過唔知點解都係 move 唔到.....之後我完全無任何進展....等到 7 點便走了...

Kiki 話我地星期三去面試那個部門可能係寫 RPG 的...極大打擊

"在觀塘某個未到過的地方, 想起了她"

回家途中在地鐵站多手 check 下...先發現原來我已經連續 7 日返 city 做野了. 明日將會是第 8 日.