32B. 不知道這是那位小姐的上圍杯數, 但這是我一星期也會坐數次的落山巴士. 大多數情況, 我也是從總站坐至總站, 這架巴士的班次很小, 二十至二十五分鐘才有一班, 很多時我也等到心煩氣燥, 經典場面是 a 小姐回家後洗完澡打電話給我, 但我還在她樓下等車.

在晚上的時侯, 這架落山巴士通常也是只有一位搭客, 那就是我. 聽聞如果不是有西鐵, 這條巴士線已經被取消. 既然咁少人坐又咁大架雙層熱九, 就梗係任我坐, 可以試哂所有位吧. 但好坦白, 咁鬼夜我是打死也不會一個人坐係巴士既上層, 所以已經少了一半座位可供選擇.

我想大家也很容易想到這種舊式雙層熱九的樓下設計, 從最後睇起, 一行背部熱得死人既長椅, 然後前面左右垂直兩排坐位, 之後是左右各兩行二人位, 前面便是出口及樓梯, 再前左面是一行垂直位, 右面即司機及樓梯之間是沒有坐位的. 睇完設計圖, 再講下我到底坐咩位, 最尾勁熱位我又係打死都唔會坐, 因為係落山車, 如果坐垂直位, 就等如同自己個 patpat 作對. 到最後只剩下兩行二人位, 因為好多時都係得我一個搭客, 為免司機大佬唔記得架車有人, 而被我嚇親搞到撞車, 所以我亦只會坐左面那些在他倒後鏡範圍內的坐位. 而在那兩行中, 我亦只會坐後面那行, 因為前面那行頂住隻腳, 坐得唔舒服.

原本一架這麼多座位的雙層巴士, 最後我竟然只得兩個選擇. 有時上車既時侯, 見到個位有人, 我都會唔知點算好, 混亂一輪才會求其搵個位坐.