今日旅行日, 勁. 一早同獎門人出發, 先在東涌坐巴士去昂平, 食左餐勁飽既素食, 寶蓮寺 d 花好靚, 影左好多相, 食飽行樓梯上大佛勁辛苦, 舍利子勁細粒, 都睇唔到. 落山後再食豆腐花及小食. 之後便坐車去大澳, 勁好笑, 架車到左總站, 但係成架車既人都唔識落車. 無咩計劃咁亂行, 行到好入, 見到好多水上屋, 好多狗, 好多蝦膏, 我地都買左兩樽, 另外重食左燒尤魚, 一個甜及一個鹹既茶果, 正. 係咁行, 行到去個唔知咩碼頭, 對住個海, 今日能見度又低, 海出面咩島都睇唔到, 好像到了世界的盡頭一樣. 行到好累, 四點幾便坐車出東涌轉地鐵去尖沙咀了.

係 sogo 食日式咖哩及橋麥面, 原本想試下個雪糕, 但係太飽, 所以無食到. 路過 Fabrica, 入左去睇展覽, 原來係智海, 小克, 阿德, eric so 及應霽攪既春卷展覽, 勁開心, 睇到小克整真人咁高既中央, 心入面立即傳出一句, "中央, 點算呀?". 另外亦看到一些阿德的原稿, 有看東 touch 最後面的漫畫的人, 便知道他們兩個是誰. "點算呀, 中央?".

之後行海港城, 買左對 adidas samba 黑底白間, 有 85 折, 平靚正.

獎門人, 唔好有事呀~~~