今日同獎門人做導遊, 和家人去食咖哩, 抵食. 上城門水塘, 超多猴子, 天氣和風景都好靚, 呼吸下新鮮空氣, 心境都變得比較平和, 哈.

之後去尖沙咀食俄羅斯餐, 貴, 氣氛幾好, 有現場唱歌, 重唱生日歌俾 mother, 雖然佢未到生日, 但係野食無咩特別. 個次獎門人同我係同址樓下個間 thailand 野正好多.

食飽行下 uniqlo, 睇一輪, 全家都無收穫. 送完佢地上車, 就同獎門人去食 XTC, 正, 辣朱古力真係唔講得少, 辣到喉嚨都痛.

好累好累~~ 但係好開心, 因為送獎門人回家時, 獎門人支持我!!!