今日姐夫生日, 阿哥同家姐兩 pair 人去 disney. 七點幾就醒左, 睇完報紙食埋早餐都就快九點. 諗下個 fyp, 原本想做 count min sketch, 但要改之前寫既 hash function, 太煩, 所以唔做住. 諗下 report, 計落 sketch 和 sample 真的可以省下很多記憶體, 而且個準繩度重要唔錯, 雖然個運算時間會長左好多. 咁 report 就要以節省記憶體為最大賣點, 希望夠料寫.

結果諗完一大輪, 咩都無做. 睇<黑夜之後>, 一口氣看了四章. 唔知點解, 我總是很喜歡看村上春樹的作品, 不論長短篇. 但總有點懷念他舊作內常有的都市驚喜.

回校, 今個星期任職 TA 那一科要交功課, 攪到堂堂 tutorial 都勁多人, 全部學生都係度做功課. 勁多問題, 完全失控.

上太極, 今天教仆步, 老師再三強調是仆低那個仆, 企人邊那個仆. 學到十七式了, 好多細節忘記了.

晚上去食松記, 食 summer, 正.