開著窗，坐在電腦前面，竟然有點呼吸困難的感覺。家住元朗，很接近香港空氣污染的最大源頭，珠江三角洲。平日空氣已經唔好，加上打風前夕，咩風都無，勁焗。

天氣差，咩都唔想做，快看完《水滸傳》了，初期睇既時候，想從書本內學習組織內的人際關係，扮係勁咁諗王倫之死有咩啟發，宋江點樣得人心上位，到左後期，已經變到純粹追故仔。

點都好，從此書得益不少，起碼攪清楚好多以前只係識個名既英雄好漢故事。

之後排著隊想睇既書有好多，但呢幾日好想了解多一些日本和新加坡的近代政治。

都係個句，思考快過行動，想做既野永遠多過做到既野，係咁追，人生便不會停下來。