呢幾日新聞都緊貼報導阿嬌偷拍事件的投訴宗數，關注程度直迫恆生指數，似乎數字愈大，迴響就愈勁咁。我十分好奇係咪宗數愈多，政府做野既決心就愈大，唔通呢種係一種“以民意為先”的表現？還是另一次顯示出政府的慢動作和後知後覺？

我有一個提議，如果真係想谷大個投訴宗數，就將一張已填上詳細投訴資料的投訴信連埋信封郵票，放入Twins即將出版的唱片內，歌迷只需要簽個名就可以寄出，到時必定可以成為香港首宗雙白金投訴。反正Twins的唱片一向都很大盒，多一兩封信絕對唔成問題。