同事L今日下午開始放假，去東京旅行。我和獎門人也打算明年三或四月去東京睇櫻花，雖然仲有幾個月，但我們已經開始計劃行程了。

旅行的目的，當然是放鬆一下心情，另外重有食好野、睇靚野和買正野。賞花當然唔小得，另外位於三鷹的官崎駿博物館也是一個很想去的地方，上次去比賽時無時間去都覺得幾可惜。上網搵地方賞花既時候，發現原來係官崎駿博物館的附近，便是其中一個賞花勝地─井之頭公園，而在井之頭公園的另一面，正是漫畫《東京部族》內主角阿海所屬幫派SARU的地頭─吉祥寺。網上流傳吉祥寺有一檔燒牛肉餅勁好味，到時真係要一試。

另外，仲有一樣野好想試，就係松屋既牛肉飯。松屋類似吉野家，但係牛肉採用本土牛隻，質素絕對有保證。家姐推荐左好耐，好多明星都話遊日必食，但係我兩次去日本，雖然曾經幫襯過松屋，但係竟然無食到牛肉飯，以此為一大憾事。