2007金像獎已經過左幾日，我當日都有睇直播，得獎名單click入去呢度可以睇到，對於各個獎項，我有一些意見。

新晉導演，有三個提名，《四大天王》係我唯一無睇既作品，我認為吳彥祖的得獎是因為他在宣傳上的突破，搞到傳謀真假不分，但葉念琛及羅永昌均很出色，《獨家試愛》講現代愛情，《天生一對》講職業女性面對家庭、愛情、朋友及自己的身體，兩部戲都拍到結實唔造作，其實都不錯。

最佳剪接，五個提名，《父子》、《放‧逐》及《傷城》我都睇過，得獎個部無睇過。我真心認為香港電影的剪接技術是世界一流的，係我睇過那三部電影，各有特色，譚家明在《父子》的鏡頭清脆利落，所有位都無多無少，就係夠將觀眾入戲。《放‧逐》內充滿玩味的鏡頭，有快有慢，有闊有近，將那些槍戰場面拍得好有型。《傷城》不得不提那些案件重演的手法，有新意得來亦運用得宜，既講戲情亦唔會拖慢節奏。

聽日繼續。