長達好幾個月，我終於睇完十二本《基地》，感覺就像完成了一個創舉。我覺得這個故事在尋找地球開始便無咁好睇，太多超能力，機械人及外世界的人都過於新奇，雖然無疑是增加了科幻性，但卻減少了早期有趣的歷史性。

其實《基地》尚有前傳和後傳，但我短時間內都唔會睇了，連續睇左咁耐科幻小說，都需要吸收一下其他類型既書籍。

在去日本之前借的《解讀巴菲特》，經過呢幾日既全力閱讀，都已經看了超過一半。這書主力分析巴菲特的投資決定，當中提到他的投資思維是如何受Graham和Fisher所影響。我都睇過Graham既《The Intelligent Investor》，明白安全界線既重要性，但好坦白，我唔識計一隻股票的內在價值，但我都覺得呢本書好有用，講左好多投資基本心理及面對波動應採取既態度。而Fisher既《Common Stocks and Uncommon Profit》我就想睇好耐，有機會就會睇，Fisher比較著重於找尋最優質的企業，然後訓身。巴菲特集兩家所長，找尋最佳企業，再等待機會以存在安全界線的價位大手買入，之後長期持有。

今晚和獎門人及mcc去太古城睇今年電影節最後一部電影《愛情回水》，有趣爆笑浪漫的一部電影，雖然部份情節極度低級趣味，但在拍攝技巧方面是用了一些心機，讓我在影評再談。今日寫了《底下》及《明明》的感想。