起身都重係頭痛和喉嚨痛，但體力總算回復過來，半死咁既狀態和康仔出荃灣，會合獎門人一齊睇戲，故仔有應該有參考《天國與地獄》，但唔係抄，因為故事發展和表達既野都完全唔同，幾好睇。

之後精神開始好轉，食了星期日整的那個藍莓芝士蛋糕，好味。

去赤柱睇龍舟，塞車塞到爆，去到見到成個沙灘滿哂人，都幾震撼。睇左兩場，哂到著火，就去左市集。去赤柱就一定要去泗記食西多士，可能因為就快收檔，差唔多所有野都賣哂，獎門人最鍾意既魚柳飽都無得食，幸好重有西多士，但好奇怪，賣哂奶茶，但竟然有鴛鴦賣，簡直算得上係另一個城市怪談。

晚上返屋企食粽。今日係我合約既最後一日，但係聽日都要返工。

林一峰 - 一支煙的時間