週日。今日唔駛番工，八點鐘便起床，聽著Pink Floyd的《Dark side of the moon》唱片，很優美的感覺。

昨天打書釘地看了部份林森池的新書《平民資本家》，主要睇國內金融股。對於國內銀行業，林認為銀行成為調控工具，對銀行的盈利可以有很大影響。個別銀行數據咁睇，招既P/B最高，但若以PEG計則最抵。未睇到有講銀行之間管理及質素既比較。

以銀行股和保險股比較，中國政府現在偏袒保險業。保險業可以做銀行，銀行唔可以做保險；保險公司既投資渠道愈來愈多，從而可以增加盈利的多樣性及穩定性，銀行既主要收入係息差，但利息水平控制在政府手上，加息更係必然的事。

麟記雜貨為昨天的《林森池「如何在股市泡沫中求存」講座 》做了一些筆記，林在講座中說，根據歷史，保險業的增長比銀行業強很多，所以在他的千里馬行列中仲未有中資銀行。

但係，同時佢亦都承認完全低估左中資銀行盈利既增長，應該係見到招和工近日的100/50通告而有感而發。佢亦都話招既貸款質素高，所以貴得有道理。亦明言，如果煤價再升，而電費再唔加的話，便要將華電換馬至中資銀行股。

最後，佢係書既最後，再介紹多一次以長線投資匯豐而致富既方法，匯豐只係例子，換上中移動和中人壽亦可。