雲南之旅第一天。

今朝四點幾就出門口，坐N269去荃灣，會合獎門人一家再坐N30去機場，會合領隊阿Yen後食早餐。

真係大濟，我一去到機場就肚痛。

坐八點鐘既香港航空去昆明，十點到達，昆明導遊叫阿雪。

因為早到達，所以今日先去石林及加遊九鄉。

石林，唔講得笑，真係勁多又大又怪既石頭，勁壯觀。係呢度要考下你既想像力，睇下那些石頭俾到咩幻想你。

九鄉，有趣既地方，又會有咁大既山洞，好靚既一個地方，離開既時候坐腳吊吊勁驚險既吊車落山。

可能因為我肚痛身子唔係咁好，我竟然係全程最低既昆明有高山反應，全日都感覺呼吸困難及頭痛。

晚上入住海逸酒店，聽朝又係勁早起身。