十月三十一日。

原來由雲南番香港，都只不過係一個月，感覺上已經過左好耐，身心亦已經ready哂去下一次旅行。

下次去既地方，目前為止首選都係東歐，但係其他地方既誘惑都好大，向更高進發既西藏係其中一個。日本就最危險，一講起日本，就諗到勁多好野食，一蘭拉麵、吉祥寺既牛肉球、築地既海膽，仲有好多好多，最衰就係日本鬼咁方便，真係唔怪得有咁多人去到停唔到。