十月廿七日。

昨晚Uncle 5殺到，今早和他早餐。

中午和獎門人去了南丫島，專登去食書蟲，食番我地舊年第一次去食那個Brunch Egg Florentine，超好味，另加一個Juicy Beanburger，勁正，加多杯Sunshie shake，超滿足。

之後行左去那個風車，原來企係風車底望住佢轉都幾恐怖，好似會俾佢打中咁。

最後當然要食Shelly Cake Express，今次我地終於試左最出名既豆腐芝士蛋糕，真係好清好好味，另加仲有一個草莓芝士蛋糕，都係好正，仲外賣左一包雙重朱古力曲奇，正。

全日係咁食，唔好俾佢停。晚上去了灣仔太原街搵呀蛇王燊，食蛇羹、龜苓湯和蛇腩炒飯。另外亦買左兩隻玩具，包括一隻HG既Z高達，聽日同獎門人玩。