2008 書展

上星期四和獎門人去了一年一度的書展，收穫豐富。我喜歡睇書，亦意圖及企圖去追求文化。但到底書展係咪真係一個宣傳文化既問題，我無意見，對於我而言，書展提供一個可以最高八折最低無底線既機會俾我去買書。又可以咁睇，呢一個就係香港既文化，一大班人，咩年齡都有，愛書既有，買書唔睇書既有，睇書唔買書既有，搵偶像作家簽名既有，睇明星既有。

有人話一大班人，平時唔多覺真係咁鍾意睇書，特別係另幾日，為左去趁熱鬧而去迫聲死，好傻。但你睇西班牙掟蕃茄節，咪又係咁傻。我覺得任何一種主要由大眾市民造成既習俗，都有該地方既文化色彩，都能夠代表該地方既人和事。