匯控2008上半年業績

匯控在剛過去的星期一公怖了業績，詳細既分析可以睇報紙及其他專業得多既blog，但我覺得呢次又係一次良好既做數示範同埋期待管理既例子，好早就揚哂會有盈利倒退，所以連盈警都唔需要發，加上有效咁將特殊收益於唔同時期入賬，令到個成績可以係大家可接受既預期內做到保留盈利給將來可能出現既更壞機會。

值得一提既係，今次業積係幾個指標性數據上都做得唔錯，例如成本收益比、核心資本和賬面值，都有所進步。

另外更剛巧在同日亦公佈了匯豐銀行重奪香港樓按市場一哥，實在值得高興。

但要注意，根據最新既盈利數字，匯控既市盈率已經高過十了，但當中要視乎你點睇那些撥備，如果唔計撥備，上半年盈利比2007年上半年是有增長的，而其實上半年的撥備已經比2007年下半年少。

雖然我認為匯控管理層唔會咁做，但如果下半年情況真係會有好轉，然後那些次按撥備可以回撥，加上賣總部及法國業務的非經常性收入，個下增長都幾得人驚。不過我覺得匯控會將那些回撥留番比當那些新興市場增長放慢既時侯才慢慢用，去支持一條靚仔既數。