游水阿伯

今個星期無跑步，昨天早上去了城門谷游水，因為主池維修，只能夠去室外的細池游，細池只有25米長，最高的水深亦只有1.2米，每游一個直池便休息一次，游了大約45小時，總共游了14*25＝350米。

池水太淺的最大問題，便是休息的時侯唔可以企直，否則便大半個上身伸出水面吹風。

最值得一提既係，我落水剛游了一個池，便給一位阿伯捉著，佢好熱心咁指出我動作上的錯誤，更捉著我的手和頭去教我，佢亦親身示範了給我看。隨後他亦有“跟進“我的改動，並再作出指導。

我未夠十歲就係市政局既暑期班學自由式（到現在我也只是識自由式），從來都未試過有專人教授，自己亦唔知自己既動作有無問題，今次遇上這位阿伯真是不錯，所以我都對佢講左好多次唔該。

記低佢既重點：

• 吸氣的時侯，頭應該只水平轉動，下巴唔應該抬高
• 後手上水的時侯，全隻手都應該放鬆，手掌、前臂和上臂要成一個三角形，應只用膊頭的力向前推
• 手入水的時侯，應用手指入水先
• 呼吸的時侯，唔可以停踢水
• 踢水的時侯，兩腳要緊貼