今日一早食完早餐，就和表哥去探七姥。我都好耐無去搵七姥了，早前七"爸"過身，我都無出現。去到坐左陣，佢地兩個老人家以前都好照顧我阿媽一家，又好錫我，所以基本上年年新年我地都必去佢地度拜年。同七姥傾傾下，佢諗起七"爸"時都好傷心，搞到我都勁想喊。其實係人都有生老病死，七"爸"都有差唔多一百歲命，但係我諗起佢都好傷心，更何況係對左幾十年既老伴。所以真係要珍惜身邊既人，給多一些時間屋企人，關心多些朋友，陪下老人家。

之後和獎門人會合，再搵埋其他人，我地終於去報名。報左 23 號去上海加日本團。係銀行中心見到 eric 等人，佢地去澳洲，有米，但係原來佢地連去邊都未諗。

勁感動，獎門人睇完我個故仔後，覺得我寫個學生既心情寫得幾好，勁感動，我最想表達既就係個學生既心理變化，增添左我既自信。

星期四見工。今次是 Yahoo!。