今朝起身睇完報紙後再勁訓，十二點先起身。和獎門人屋企人飲茶慶祝獎門人媽媽生日。之後上了獎門人屋企，食蛋糕，正。晚上回家食飯。

明天便去雅虎見工。真好奇他們的工作方式是怎麼樣，好像總喜歡在下午和晚上工作。之前 JJ 見過，佢話他們全是便服，顯得他很奇怪。所以我問人事部那小姐應該點著，一問左出口佢都未答，其實我已經感到出事，點知佢真係答 smart causal。呢款 dress code，玩足幾年我都仲係未掌握到，太 causal 又好似唔係咁好，太正式又唔夠 smart，左右做人難。真係早知唔問，而家都唔知聽日點著好。問左唔跟又好似好唔俾面咁。

唔講可能好多年青人都唔知，我們自小學習和使用的繁體字，已經危在旦夕。連聯合國也打算以簡體字為正式中文書寫文字。繁體字為正式中文文字，有數千年歷史，唐詩宋詞都是用繁體寫的。簡體字是毛伯伯其中一件傑作，為求簡筆，將中文字本身的形意完全破壞。其實有關繁簡的討論，在華人文化界常有討論。從使用者的數目著眼，使用簡體的有國內十三億人，使用繁體的只有香港、台灣和一些華僑，不足五千萬人。聯合國或其他外國人將簡體定為正式語言，也不為過。但若果有一日，繁體正式沒落，那對中華民族數千年的文化，到底有多大影響？請支持繁體普及，除了不要讓日本人改變歷史外，亦不要讓華人改變歷史。