今朝早換左人民幣，銀行真係無哂錢，得番三位數字。同獎門人交換番那些昨天被我分錯的相片，兩人在地鐵企係度執相，難度真係甚高，幸好有默契。

下午和大同們 happy hour 唱 k，七條友唱左差唔多五個鐘。之後去左食芝士公仔面，正。再之後去左黃埔睇《海神號》，好一部逃亡戲，中段逃亡部分真係好迫真，可惜災難前及脫險後的劇情有點奇怪幼稚。

和獎門人由黃埔坐巴士番荃灣，路經一條獲嘉路，我地兩個都覺得呢條街個名幾好，就係咁，我地就幫我地既仔女諗左個名。

周獲家~~周獲晴~~