今日同獎門人一家去長洲睇櫻花。天氣唔係咁好，天陰間中有雨大風。

獎門人昨天學左映相點樣構圖，今日就識得學以致用，真係有慧根。東灣個邊勁大風，冷到嘔。又上山又落山，終於都去到關公忠義亭，原來收錯風，行錯左路。有三棵櫻花樹，但係d花都差唔多落哂，得番唔係好多，不過個度除左櫻花重有好多其他花都好靚。

食左紅豆餅，去左張保仔，今日張保仔洞勁多人，去咁多次都未試過咁多人。之後係長洲食海鮮，好抵好味，一人$50都食到好鬼飽。

返香港，係船上勁訓。返元朗打邊爐，今晚東京五人組第一次集會，情況良好，食到好飽。