今朝好鬼忙，一早就去左天水圍幫father拎身份証。天水圍同元朗雖然好似好近，但係多得輕鐵呢樣咁偉大既交通工具，順利咁令我等車既時間再次多過我搭車既時間。一來一回攪左成粒鐘。

之後去左尖沙咀，買三鷹美術館既入場券，香港買要$130，日本買只需要一千YEN，都貴左差唔多一倍，好處係無左到時唔識買既風險和無入場時間限制。買完飛，係尖沙咀行左陣，就去左油麻地二德惠，中途亂咁行。二德惠既蛋糕盒唔係咁靚，所以無買到。落旺角。

睇左陣踢波，係兆萬買左兩隻22CM高既馬利奧公仔，勁靚。會合獎門人，去左CPK食下午茶。行多陣街就返荃灣上攝影堂，個攝影老師真係吹水王，個半鐘絕無冷場。