星期日

其實我正在放緊一個連續六日既假期，今日係第三日，如果早幾日行街踢到金既話，可能我而家已經同獎門人係築地既大和壽司門口排緊隊或者去台北睇下改左名既中正紀念堂，視乎踢到幾大舊la。可惜，踢到鞋穿腳破，都係踢唔到。

結果，我係呢個星期日既早上，八點幾就起身，上網睇報紙。係《明報》既〈聽齣好戲〉專欄，睇到介紹一部好多年前，好令人懷念既戲，就係梁朝偉做劉民醫生、劉青雲做臥底、許志安做見習醫生和梁詠琪做學生妹既《流氓醫生》。

《流氓醫生》係1995聖誕上畫，戲入面將中上環拍得勁有人情味，亦好似《明報》既專欄所講，呢部戲入面既音樂真係幾正。《流氓醫生》呢部戲講上流事業同時亦好有人情味，唔賣弄色情，唔賣弄暴力，其實香港都重有好電影。

本片導演李志毅同年亦拍了另一有心之作《救世神棍》，主角係陳小春和梁朝偉。