好味烏冬 - 自家烏冬

元旦日那一晚，在過海看叱吒前夕，和獎門人在尖沙咀重慶大廈地庫食了這間自家烏冬，稱得上係好食又抵食，值得一讚。

獎門人一向鍾情烏冬，我們之前也試過銅鑼灣一間號稱烏冬專門店的餐廳，但感覺欠佳，主要係烏冬無特別，加上份量過少，已列入黑名單。

這晚我們坐bar擡，點了海鮮湯烏冬、牛肉湯烏冬和冷烏冬。海鮮和牛肉的份量都唔少，味道亦唔錯，烏冬確實係一流，夠哂彈牙，偏粗的麵身亦合我意，冷熱兩種食法各有不同，烏冬的份量亦都唔細，堆單唔駛一舊水，確係唔錯。